يەركەندىكى بىر كەنت يەسلىسىدە ئوقۇۋاتقان 30 بالىدىن 25 نەپىرىنىڭ تۇتقۇنلار پەرزەنتى ئىكەنلىكى ئاشكارىلاندى

يوللانغان ۋاقتى:2021-08-18| سەھىپە: ئۇيغۇر خەۋەرلىرى خالىغانچە تۇتقۇن قىلىش خەۋەرلەر شەرقىي تۈركىستان خەۋىرى نۆۋەتتە دۇچ كېلىۋاتقان مەسىلىلەر

خەۋەر مەنبەسى: ئەركىن ئاسىيا

يۇرتىغا قايتسا لاگېرغا ئېلىپ كېتىلىشتىن قورقۇپ، تۈركىيەدە تۇرۇپ قالغان مەرىپەت خانىم، يۇرتىدا قالغان 4 بالىسىنىڭ رەسىمىنى مۇخبىرغا كۆرسەتكەن كۆرۈنۈش. 2018-يىلى 21-ئاۋغۇست، ئىستانبۇل.

مۇھاجىرەتتىكى ئۇيغۇلارنىڭ يۇرتىدا قېلىپ قالغان غايىب پەرزەنتلىرى ھەققىدە ئېلىپ بارغان ئېنىقلاشلىرىمىز داۋامىدا، يەركەن چاھارباغ يېزىسىدىكى بىر كەنت يەسلىسىدە ئوقۇۋاتقان 30 بالىدىن 25نەپىرىنىڭ ئانىسى ياكى دادىسى تۇتقۇندا ئىكەنلىكى ئاشكارىلاندى. ماتېرىياللاردا كۆرسىتىلىشىچە، چاھارباغ يېزىسى 15 كەنتتىن تەركىب تاپقان بولۇپ، بىر كەنتتە 150 چە ئائىلە نوپۇسلۇق ئىكەن. يەنە ئېنىقلاشلىرىمىز داۋامىدا ئالاقىدار خادىملاردىن بىرى ئاتا-ئانىسىدىن ھەر ئىككىسى تۇتۇپ كېتىلگەن بالىلارنىڭ پاراۋانلىق مەركىزىدە ئايرىم تەربىيەلىنىۋاتقانلىقىنى مەلۇم قىلدى.

ھۆرمەتلىك رادىيو ئاڭلىغۇچىلار، بىز مۇھاجىرەتتىكى ئۇيغۇرلارنىڭ ئىز-دېرىكى بولمايۋاتقان پەرزەنتلىرى ئۈستىدىن ئېلىپ بارغان ئېنىقلاشلىرىمىز داۋامىدا، ئاتا-ئانىسى تۇتقۇن قىلىنىپ كەتكەن بالىلارنىڭ ئايرىم مەكتەپلەردە ئوقۇۋاتقانلىقى، بۇ مەكتەپلەرنىڭ ساقچى ۋە ئامانلىق خادىملىرىنىڭ 24 سائەت نازارىتىدا باشقۇرۇلىۋاتقانلىقى مەلۇم بولدى.

كۇچانىڭ ئىشخالا يېزىسىدا قۇرۇلغان بىر پاراۋانلىق يەسلىسىدە 40 نەپەرچە ئوقۇغۇچى بار بولۇپ، بۇ يەسلىنىڭ ئامانلىق خادىمى كېچە-كۈندۈز نۆۋەتچىلىكتىن باشقا ئۆزلىرىنىڭ ئۈزلۈكسىز ھالدا سىياسىي ئۆگىنىشلەرگە قاتنىشىدىغانلىقىنى بايان قىلدى. مەلۇم بولۇشىچە، بالىلارنى ئاتا-ئانىلىرى بىلەن ئىېكراندا كۆرۈشتۈرۈش ۋە ئۇلارنى بەزلەش، بۇ ئامانلىق خادىملىرىنىڭ مۇھىم ۋەزىپىلىرىدىن بىرى ئىكەن.

چولپانلار ئۇستازى قېيۇم مۇھەممەدنىڭ 3 يىلدىن بېرى تۇتقۇندا ئىكەنلىكى دەلىللەندى

يوللانغان ۋاقتى:2021-08-04| سەھىپە: ئۇيغۇر خەۋەرلىرى خالىغانچە تۇتقۇن قىلىش خەۋەرلەر شەرقىي تۈركىستان خەۋىرى نۆۋەتتە دۇچ كېلىۋاتقان مەسىلىلەر

خەۋەر مەنبەسى: ئەركىن ئاسىيا

نورۋېگىيەدىكى ئۇيغۇريار فوندى تۇرغۇزغان تۇتقۇندىكى زىيالىيلار تىزىملىكىدە شىنجاڭ سەنئەت ئىنستىتۇتىنىڭ دوتسېنتى، چولپانلار ئۇستازى، ئاكتىيور قېيۇم مۇھەممەدنىڭمۇ ئىسمى ئورۇن ئالغان. مۇخبىرىمىزنىڭ ئۇزۇنغا سوزۇلغان ئېنىقلاشلىرى داۋامىدا، ئۇنىڭ 3 يىلدىن بۇيان تۇتقۇندا ئىكەنلىكى دەلىللەندى.

ئۇيغۇر جەمئىيىتىدە «چولپانلار ئۇستازى» دەپ تونۇلغان، كۆپ قىرلىق سەنئەتكار قېيۇم مۇھەممەد 2017-يىلى ئۇشتۇمتۇت سەھنە، مۇنبەر ۋە سورۇنلاردىن تەڭلا غايىب بولغاندىن كېيىن، بۇ بوشلۇق رايون ۋەزىيىتىنى يېقىندىن كۆزىتىپ كېلىۋاتقان نورۋېگىيەدىكى ئۇيغۇريار فوندىنىڭ دىققىتىنى تارتقان. مەزكۇر فوندنىڭ يېتەكچىسى ئابدۇۋەلى ئايۇپ، قېيۇم مۇھەممەدنىڭ خىزمەت ئورنى بولغان شىنجاڭ سەنئەت ئىنستىتۇتىنىڭ تور بېتىدىن، ئۇنىڭغا دەرس ئورۇنلاشتۇرۇلمىغانلىقى ۋە تور بەتتىن، ئۇنىڭغا ئائىت بارلىق ئۇچۇرلارنىڭ ئۆچۈرۈلگەنلىكىنى بايقىغان. نەتىجىدە، ئابدۇۋەلى مۇناسىۋەتلىك قاناللىرى ئارقىلىق قېيۇم مۇھەممەدنىڭ بىرقانچە مەشھۇر سەنئەتكار بىلەن بىرلىكتە، 2017-يىلنىڭ بېشىدا تۇتقۇن قىلىنغانلىقىدىن خەۋەر تاپقان.

غۇلجا «خىتاي بازىرى» دىكى تاختىيۇن مەسچىتىنىڭ ئىمام، خاتىپ ۋە مەزىنى بولۇپ 7 ھەيئىتىنىڭ قاماقتا ئىكەنلىكى ئاشكارىلاندى

يوللانغان ۋاقتى:2021-07-14| سەھىپە: ئۇيغۇر خەۋەرلىرى جازا لاگېرلىرى خالىغانچە تۇتقۇن قىلىش خەۋەرلەر شەرقىي تۈركىستان خەۋىرى نۆۋەتتە دۇچ كېلىۋاتقان مەسىلىلەر

خەۋەر مەنبەسى: ئەركىن ئاسىيا

غۇلجا ۋەزىيىتىدىن خەۋەردار كىشىلەردىن بىرى غۇلجا شەھىرىدە دىنىي زاتلارنىڭ ئاساسەن دېگۈدەك كېسىلىپ كەتكەنلىكى، جەمئىيەتتە دىنىي مۇراسىملارغا يېتەكچىلىك قىلغۇدەك كىشى قالمىغانلىقىنى بايان قىلىپ، بۇنىڭ بىر پاكىتى سۈپىتىدە غۇلجا «خىتاي بازىرى» دىكى تاختىيۇن مەسچىتىنىڭ ئىمام، خاتىپ ۋە مەزىنى بولۇپ 7 ھەيئىتىنىڭ ھەممىسىنىڭلا كېسىۋېتىلگەنلىكىنى مەلۇم قىلدى. مۇخبىرىمىزنىڭ غۇلجىغا قارىتا ئېلىپ بارغان تېلېفون زىيارەتلىرى داۋامىدا، تاختىيون مەسچىتىگە مەسئۇل بولغان بىر ساقچى خادىمى، مەزكۇر مەسچىتتىكى ھەيئەتلەردىن قۇدرەت قارىم قاتارلىق 7 كىشىدىن ھەممىسىنىڭلا قاماقتا ئىكەنلىكىنى دەلىللىدى.

پېنسيونېر ئوقۇتقۇچى قېييۇم مەشرەپ جۈمە نامىزىدا «قانۇنسىز تەبلىغ» ئاڭلاپ قالغانلىقى ئۈچۈن 14 يىللىق كېسىلگەن

يوللانغان ۋاقتى:2021-07-07| سەھىپە: ئۇيغۇر خەۋەرلىرى جازا لاگېرلىرى خالىغانچە تۇتقۇن قىلىش خەۋەرلەر د ئۇ ق غا ئالاقىدار خەۋەرلەر نۆۋەتتە دۇچ كېلىۋاتقان مەسىلىلەر

خەۋەر مەنبەسى: ئەركىن ئاسىيا

قاراقاشلىق مۇھاجىرلاردىن بىرى رادىيومىزغا ئۇچۇر يوللاپ، يۇرتى قاراقاشنىڭ ياۋا يېزىسىدىكى باشلانغۇچ مەكتەپ ئوقۇتقۇچىسى، پېنسىيونېر قېييۇم مەشرەپنىڭ 70 ياشقا يېقىنلاشقان ۋاقتىدا 14 يىللىق كېسىۋېتىلگەنلىك ئۇچۇرىنى مەلۇم قىلدى. مۇخبىرىمىزنىڭ قاراقاشقا قارىتا ئېلىپ بارغان تېلېفون زىيارەتلىرى داۋامىدا، قېييۇم مەشرەپنىڭ بىر جۈمە نامىزىدا «قانۇنسىز تەبلىغ» ئاڭلاپ قالغانلىقى ئۈچۈن 14 يىللىق كېسىلگەنلىىكى، قىزى پاتىگۈل قېييۇمنىڭ بولسا نامەلۇم سەۋەپ بىلەن 10 يىللىق كېسىۋېتىلگەنلىكى دەلىللەندى

قاراقاشلىق بىر مۇھاجىرنىڭ ئىنكاس قىلىشىچە، ئۇنىڭ ياۋا يېزا مەركىزىي باشلانغۇچ مەكتىپىدىكى سابىق ئوقۇتقۇچىسى قېييۇم مەشرەپ 2018-يىلنىڭ ئاخىرى يېشى 70 كە يېقىنلاشقاندا 14 يىللىق كېسىۋېتىلگەن. قاراقاش ناھىيە ياۋا يېزىلىق بىر ساقچى خادىمى بۇ يېزىدا كېسىۋېتىلگەن ياشانغانلار ئارىسىدا قېييۇم مەشرەپ ئىسىملىك بىرسىنىڭ بار-يوقلۇقى ھەققىدىكى سوئالىمىزغا جاۋاپ بەرمىدى. ئىنكاستا دېيىلىشىچە، 40 يىلغا يېقىن باشلانغۇچ مەكتەپ ئوقۇتقۇچىسى بولۇپ خىزمەت قىلغان قېييۇم مەشرەپ 2010-يىلى پېنسىيەگە چىققان. ئۇ پېنسىيونېرلىق ھاياتنىڭ تەبىئىي بىر پارچىسى سۈپىتىدە مەھەللىنىڭ جامائەت پائالىيەتلىرىگە تولۇق قاتناشقان، توي-تۆكۈن، نەزىر-چىراقلاردىن قالمىغان. 2014-يىلى ئۇيغۇر رايونىدا ئاتالمىش «دىنىي ئەسەبىيلىك» كە قارشى دولقۇن باشلانغاندا، قاراقاشنىڭ ياۋا يېزىسىدىمۇ ئەڭ دەسلەپتە دىنىي زاتلار، ئۇنىڭدىن كېيىن ئۇلارنىڭ شاگىرتلىرى تۇتقۇن قىلىنغان بولسا، 2017-يىلى ئەنە شۇ دىنىي زاتلارنىڭ ئارقىسىدا سەپ تۇتۇپ ناماز ئوقۇغانلىكى ئاھالىلەر تۇتۇپ كېتىلگەن، 2018-يىلىغا كەلگەندە قېييۇم مەشرەپكە ئوخشاش جامائەتچىلىك يۈزىسدىن دىنىي زاتلار بىلەن بىللە ئولتۇرۇپ-قوپۇپ قالغان دۆلەت كادىرلىرىمۇ تۇتقۇن قىلىنغان.

پروفېسسور راھىلە داۋۇتنىڭ كېسىلىپ كەتكەنلىكى ۋە تۈرمىدە جازا مۇددىتىنى ئۆتەۋاتقانلىقى ئاشكارىلاندى

يوللانغان ۋاقتى:2021-06-30| سەھىپە: ئۇيغۇر خەۋەرلىرى خالىغانچە تۇتقۇن قىلىش خەۋەرلەر شەرقىي تۈركىستان خەۋىرى نۆۋەتتە دۇچ كېلىۋاتقان مەسىلىلەر

خەۋەر مەنبەسى: ئەركىن ئاسىيا

ئۇيغۇر فولكلورى تەتقىقاتى ساھەسىدە خەلقئارالىق شان-شەرەپكە ئىگە بولغان ۋە 2017‏-يىلىنىڭ ئاخىرى ئىز-دېرىكى غايىب بولغاندىن كېيىن خەلقئارا جامائەتنىڭ تېخىمۇ دىققەت-ئېتىبارىنى قوزغىغان پروفېسسور راھىلە داۋۇت ھەققىدە 4 يىلدىن بۇيان خىتاي دائىرىلىرى تەرىپىدىن ھېچقانداق ئۇچۇر بېرىلمەي كەلگەن ئىدى. مۇخبىرىمىزنىڭ ئۆتكەن ھەپتە شىنجاڭ ئۇنىۋېرسىتېتىغا قارىتا ئېلىپ بارغان تېلېفون زىيارەتلىرى داۋامىدا ئۇنىڭ كېسىلىپ بولغانلىقى ۋە نۆۋەتتە تۈرمىدە جازا مۇددىتىنى ئۆتەۋاتقانلىقى، شۇنداقلا بۇ توغرىلىق شىنجاڭ ئۇنىۋېرسىتېتىدا مەخسۇس ئۇقتۇرۇش قىلىنغانلىقى ئاشكارىلاندى.

مەلۇم بولۇشىچە، يالغۇز ئوقۇتۇش ۋە تەتقىقات ساھەسىدىكى نەتىجىلىرى بىلەنلا ئەمەس، بەلكى يەنە كۈچلۈك ھەققانىيەت تۇيغۇسى بىلەنمۇ دوستلىرى ۋە خىزمەتداشلىرى ئارىسىدا يۈكسەك ئىناۋەت تاپقان پروفېسسور، دوكتور راھىلە داۋۇت، 2017-يىلىغا كەلگەندە خىتاي دائىرىلىرى تەرىپىدىن ئاۋازى ئۆچۈرۈلۈشكە، قەلىمى سۇندۇرۇلۇش باشلىغان، شۇنداقلا زەربە بېرىلىدىغان ئۇيغۇر زىيالىيلار قارا تىزىملىكىگە كىرگۈزۈلگەن. ئۇ 2017-يىلىنىڭ ئاخىرى شىنجاڭ ئۇنىۋېرسىتېتىدىكى پروفېسسور تاشپولات تېيىپ، ئارسلان ئابدۇللا ۋە باشقا داڭلىق ئوقۇتقۇچىلار قاتارىدا ئۇشتۇمتۇت مۇنبەردىن غايىب بولغان.

ئىلى پېداگوگىكا ئالىي تېخنىكومىنىڭ ئوقۇتقۇچىسى شاۋكەت ئابدۇللاغا 4 خىل «جىنايەت» ئارتىلىپ، 25 يىللىق كېسىلگەنلىكى دەلىلەندى

يوللانغان ۋاقتى:2021-06-28| سەھىپە: ئۇيغۇر خەۋەرلىرى جازا لاگېرلىرى خالىغانچە تۇتقۇن قىلىش خەۋەرلەر شەرقىي تۈركىستان خەۋىرى نۆۋەتتە دۇچ كېلىۋاتقان مەسىلىلەر

خەۋەر مەنبەسى: ئەركىن ئاسىيا

ئىلى پېداگوگىكا ئالىي تېخنىكومىنىڭ بىئولوگىيە ئوقۇتقۇچىسى شاۋكەت ئابدۇللانىڭ 25 يىللىق كېسىۋېتىلگەنلىكى بۇنىڭدىن ئىككى يىلچە بۇرۇن ئۇنىڭ نورۋېگيەدىكى ئىنىسى پەرھات ئابدۇللا ئارقىلىق خەلقئاراغا ئاشكارىلانغان ۋە بۇ ئۇچۇر نورۋېگەيەدىكى «ئۇيغۇر ئەدلىيە ئارخىپى» دىن ئورۇن ئالغان ئىدى. مۇخبىرىمىزنىڭ ئىككى يىلغا يېقىن ئېلىپ بارغان ئېنىقلاشلىرى داۋامىدا، مەزكۇر ئۇچۇرنىڭ توغرىلىقى غۇلجا شەھىرىدىكى ئالاقىدار خادىملار تەرىپىدىن دەلىللەندى. مەلۇم بولۇشىچە، شاۋكەت ئابدۇللاغا 4 خىل ئاتالمىش «جىنايەت» ئارتىلىپ، 25 يىللىق كېسىۋېتىلگەن

ئالتاي شەھىرىدىكى بىردىنبىر ئۇيغۇر مەكتەپ – 5-ئوتتۇرانىڭ مۇدىرى رەيھان ئەمەت لاگېردا جان ئۈزگەن

يوللانغان ۋاقتى:2021-06-21| سەھىپە: ئۇيغۇر خەۋەرلىرى جازا لاگېرلىرى خالىغانچە تۇتقۇن قىلىش خەۋەرلەر شەرقىي تۈركىستان خەۋىرى نۆۋەتتە دۇچ كېلىۋاتقان مەسىلىلەر

خەۋەر مەنبەسى: ئەركىن ئاسىيا

مەلۇم بولۇشىچە، 5‏-ئوتتۇرا مەكتەپ ئالتاي شەھىرىدىكى بىردىن-بىر ئۇيغۇر مەكتىپى بولۇپ، بۇ مەكتەپ 2017‏-يىلىنىڭ ئالدىنقى يېرىمىدا ئالتايدىكى لاگېر تۇتقۇنىنىڭ باشلانغۇچ نۇقتىسى بولۇپ قالغان. 3 ئايغا يەتمىگەن ۋاقىت ئىچىدە يەتتە نەپەر ئوقۇتقۇچى بېشىغا قارا خالتا كىيدۈرۈلۈپ بۇ مەكتەپتىن تۇتۇپ كېتىلگەن. بۇلاردىن مەزكۇر مەكتەپنىڭ مۇدىرى رەيھان ئەمەت لاگېردا سوراق ئۈستىدە ھاياتىدىن ئايرىلغان.

ئالتاي ۋەزىيىتىدىن خەۋەردار كىشىلەردىن بىرىنىڭ ئىنكاس قىلىشىچە، 2017-‏يىلىنىڭ دەسلەپكى يېرىمىدا، ئالتاي شەھەرلىك 5‏-ئوتتۇرا مەكتەپنىڭ 7 نەپەر ئوقۇتقۇچىسى ئارقا-ئارقىدىن مەكتەپتىن غايىب بولغان. بۇلار مەكتەپ مۇدىرى رەيھان ئەمەت، جۇغراپىيە ئوقۇتقۇچىسى رەيھان مۇسا، رۇس تىلى ئوقۇتقۇچىسى ئەكبەر، كومپيۇتېر ئوقۇتقۇچىسى ئالىم قاتارلىقلار ئىكەن. بۇ 7 نەپەر ئوقۇتقۇچىنىڭ ئالتاي شەھەرلىك دۆلەت خەۋپسىزلىكى ساقچىلىرى تەرىپىدىن بېشىغا قارا خالتا كىيدۈرلۈپ ئېلىپ مېڭىلىشى، مەكتەپتىكى پۈتۈن ئوقۇتقۇچى-ئوقۇغۇچىلارنىڭ كۆز ئالدىدا يۈز بەرگەن بولسىمۇ، ئەمما ئۇلارنىڭ نەگە ئەكېتىلگەنلىكى ۋە نېمە ئۈچۈن تۇتقۇن قىلىنغانلىقى ئۇزۇن مەزگىللەرگىچە سىر پېتى داۋام قىلغان. شۇ يىلى 7‏-ئايدا ئالتاي شەھەرلىك ج خ ئىدارىسى مەزكۇر مەكتەپ رەھبەرلىك گۇرۇپپىسىغا رەيھان ئەمەتنىڭ «دۆلەت تىلى مائارىپىغا قارشى تۇرۇش» ۋە «دۆلەتنى پارچىلاشقا ئۇرۇنۇش» جىنايىتى بىلەن تۇتۇلغانلىقىنى ئۇقتۇرغان. يەنە بىر ئايدىن كېيىن، ئۇنىڭ تۇتۇپ تەكشۈرۈلۈش داۋامىدا يۈرەك كېسىلى قوزغىلىپ جان ئۈزگەنلىكى ئۇقتۇرۇلغان، ئەمما ئۆلۈم خەۋىرىنىڭ ئوقۇغۇچىلاردىن سىر تۇتۇلۇشى تەلەپ قىلىنغان.

مېھرىئاينىڭ سەپىرى

يوللانغان ۋاقتى:2021-06-21| سەھىپە: ئۇيغۇر خەۋەرلىرى جازا لاگېرلىرى خالىغانچە تۇتقۇن قىلىش خەۋەرلەر شەرقىي تۈركىستان خەۋىرى نۆۋەتتە دۇچ كېلىۋاتقان مەسىلىلەر

خەۋەر مەنبەسى: ئەركىن ئاسىيا

«مەن ئۆلۈپ كەتسەم، ئەگەر قەبرەم بولسا بىر دەستە قىزىل چوغلۇق قەبرەمنىڭ بەلگىسى بولسۇن» دېگەن جۈملە كۆپىنچىمىزگە ناتونۇش بولمىسا كېرەك. بۇ، مېھرىئاي ئەركىن ئىسىملىك قىزنىڭ ياپونىيەدىن قەشقەرگە قايتىپ ئىز-دېرەكسىز غايىب بولغان دادىسىنى ئىزدەش سەپىرىگە چىقىشتىن بۇرۇن دوستلىرىغا ئەۋەتكەن ئاخىرقى ئۇچۇرى.

مېھرىئاي ئەركىن 2017-يىلى ياپونىيە توكيو ئۇنىۋېرسىتېتىدا ئۆسۈملۈكلەر بىئولوگىيەسى كەسپى بويىچە ماگىستىر ئاسپىرانتلىقنى پۈتتۈرگەن ۋە يەنە دوكتورلۇقتا ئوقۇشقا تەييارلىق قىلىۋاتقانىكەن. لېكىن ئۇ، 2017-يىلى 9-ئايلاردا دادىسىنىڭ لاگېرغا ئىلىپ كېتىلگەنلىك خەۋىرىنى تاپشۇرۇپ ئالىدۇ. شۇنىڭدىن كېيىن مېھرىئاينىڭ ھاياتى ئاستىن-ئۈستۈن بولۇشقا باشلايدۇ. مېھرىئاينىڭ قەشقەرگە قايتىپ كېلىشى ھەققىدە ئاپىسىنىڭ ۋە ساقچىلارنىڭ بېسىملىرى كۈنسېرى ئارتىدۇ. 2019-يىلىنىڭ باشلىرىدا دادىسىنىڭ لاگېردىن باشقا بىر يەرگە ئېلىپ كېتىلگەنلىكى ۋە شۇنىڭدىن كېيىن ئىز-دېرىكى بولمىغانلىقى ھەققىدە خەۋەرنى تاپشۇرۇپ ئالغاندىن كېيىن، مېھرىئاينىڭ دادا ھەسرىتى كۈنسېرى ئۇلغىيىپ بارىدۇ ۋە ئاخىرى قايتىشنى قارار قىلىدۇ.

مەھبۇس گۈلمىرە ئىمىن «كەڭچىلىككە ئېرىشىپ» جازا مۇددىتى مۇددەتسىزدىن 19 يىل 8 ئايغا چۈشۈرۈلگەن

يوللانغان ۋاقتى:2021-06-18| سەھىپە: ئۇيغۇر خەۋەرلىرى خالىغانچە تۇتقۇن قىلىش خەۋەرلەر شەرقىي تۈركىستان خەۋىرى نۆۋەتتە دۇچ كېلىۋاتقان مەسىلىلەر

خەۋەر مەنبەسى: ئەركىن ئاسىيا

قەشقەردىكى بىر ساقچى خادىمىنىڭ ئاشكارىلىشىچە، ئۇيغۇر رايونىدىكى تۈرمە ۋە لاگېرلاردا 5-ئىيۇل نامايىشىنىڭ يېتەكچىلىرىدىن بىرى، مەھبۇس گۈلمىرە ئىمىننىڭ ئاتالمىش پۇشايمان باياناتى تەشۋىق قىلىنغان ۋە ئۇنىڭ جازا مۇددىتىنىڭ مۇددەتسىزدىن 19 يىل 8 ئايغا چۈشۈرۈلگەنلىكى ئۇقتۇرۇلغان. نۆۋەتتە نورۋېگىيەدە ياشاۋاتقان پائالىيەتچى ئابدۇۋەلى ئايۇپ، ئۆز تەجرىبىلىرىگە ئاساسەن، تۈرمىدە مۇھىم مەھبۇسلارنىڭ پۇشايمان باياناتىغا مەجبۇرلىنىدىغانلىقى ۋە ھەتتا بەزىلىرىنىڭ قىيىن-قىستاققا ئېلىنىدىغانلىقىنى بىلدۈرۈپ، گۈلمىرە ئىمىننىڭمۇ دەل شۇنداق قىيىن-قىستاققا دۇچ كەلگەنلىك ئېھتىماللىقىنى ئوتتۇرىغا قويدى. سابىق ساقچى يولۋاس ئەپەندى 19 يىللىق كېسىلىش بىلەن مۇددەتسىز كېسلىشىنىڭ ماھىيەت جەھەتتىن پەرقسىز ئىكەنلىكىنى ئىلگىرى سۈردى.

گۇما كۆكتېرەكتە چېگرادىن قايتۇرۇپ كېلىنگەن 17 كىشىدىن 21 ياشلىق ئىدرىس مەمەت 19 يىللىق كېسىلگەن

يوللانغان ۋاقتى:2021-06-15| سەھىپە: ئۇيغۇر خەۋەرلىرى خالىغانچە تۇتقۇن قىلىش خەۋەرلەر شەرقىي تۈركىستان خەۋىرى نۆۋەتتە دۇچ كېلىۋاتقان مەسىلىلەر

خەۋەر مەنبەسى: ئەركىن ئاسىيا

تۈركىيەدىكى خوتەنلىك مۇھاجىرلاردىن بىرى 2014-يىلى كۈزدە يۇرتى گۇما ناھىيەسىدىن 30 نەچچە كىشىنىڭ ئۆزى بىلەن بىللە شەرقى جەنۇبىي ئاسىياغا قاراپ تەڭ يولغا چىققانلىقى، بۇلاردىن بىرقىسمىنىڭ يول ئۈستىدە، كۆپىنچىسىنىڭ چېگرا ياقىسىدا تۇتۇلۇپ قالغانلىقى، پەقەت ئۆزىنىڭلا ئامان-ئېسەن تۈركىيەگە كېلەلىگەنلىكىنى ئىنكاس قىلغانىدى. مۇخبىرىمىزنىڭ يېقىنقى ئېنىقلاشلىرىدا، 2014‏-يىلنىڭ ئاخىرى گۇما ناھىيەسىنىڭ كۆكتېرەك يېزىسىدا 17 كىشىنىڭ چېگرادىن تۇتۇپ كېلىنگەنلىكى ۋە بۇلاردىن 21 ياشلىق ئىدرىس مەمەتنىڭ 19 يىللىق كېسىلگەنلىكى دەلىللەندى.