ميۇنخېن شەھىرىدە ئ‍ۆتكۈزىلىدىغان پائالىيەتلىرىمىز ئۈچۈن گېرمانىيەدىكى ۋەتەنداشلارغا تەكلىپنامە

دۇنيا ئۇيغۇر قۇرۇلتىيى
2018-يىلى 6-ئاينىڭ 8-كۈنى ​


ئەزىز قېرىنداشلار،

15 – ئىيۇندىن 17 – ئىيۇنغىچە گېرمانىيەنىڭ ميۇنخېن شەھىرىدە ئۆتكۈزىلىدىغان «سەپداشلار ئۇچرۇشۇشى»نىڭ تەييارلىق خىزمەتلىرى نەتىجىلىك ئاخىرلاشتى. بىز گېرمانىيەدىكى بارلىق ۋەتەنداشلارنى تۆۋەندە تىلغا ئېلىنغان پائالىيەتلەرگە ئاكتىپ ئىشتىراك قىلىشقا تەكلىپ قىلىمىز.

تەپسىلاتى...

گېرمانىيەدىكى ئۇيغۇرلار بېرلىندا خىتايغا قارشى نارازىلىق نامايىشى ئۆتكۈزدى

ئەركىن ئاسىيا خەۋىرى
2018 – يىلى  8-ئىيۇن

بۈگۈن دۇنيا ئۇيغۇر قۇرۇلتىيىنىڭ ئورۇنلاشتۇرۇشى بىلەن ميۇنخېن شەھىرىدىن ئۇيغۇر ئەركىنلىك كارۋىنى بىلەن بىرلىكتە يولغا چىقىپ بېرلىنگە كەلگەن ئۇيغۇرلار يەرلىك گېرمان ۋە تۈرك تەشكىلاتلىرىنىڭ ۋەكىللىرى بىلەن بىرلىكتە بېرلىننىڭ سىياسىي مەركىزى بولغان براندېنبۇرگ دەرۋازىسىدا خىتاي ھۆكۈمىتىنىڭ ئۇيغۇر خەلقىگە قاراتقان قاتتىق باستۇرۇشلىرىغا قارشى نامايىش ئېلىپ باردى.

تەپسىلاتى...

د ئۇ ق : 5 – ئىيۇل ئۈرۈمچى قىرغىنچىلىقىنىڭ 9 – يىللىقى مۇناسىۋىتى بىلەن مۇھاجىرەتتىكى پۈتۈن قېرىنداشلىرىمىزغا مۇراجىئەت

دۇنيا ئۇيغۇر قۇرۇلتىيى
2018-يىلى 6-ئاينىڭ 7-كۈنى ​

ئەزىز قېرىنداشلار، 5-ئىيۇل ئۈرۈمچى قىرغىنچىلىقىنىڭ 9 – يىللىقى يېتىپ كېلىش ئالدىدا تۇرماقتا، سىلەرگە مەلۇم بولغىنىدەك، 2009-يىلى يۈزبەرگەن 5-ئىيۇل ئۈرۈمچى قىرغىنچىلىقى، شەرقىي تۈركىستاننىڭ يېقىنقى زامان تارىخىدىكى ئەڭ زور قانلىق پاجىئەلەرنىڭ بىرىدىن ئىبارەت.

شۇ كۈنى باشلانغان ئىرقىي قىرغىنچىلىقتىن بۇيان، ئۆز خەلقىنىڭ مىللىي ۋە ئىنسانىي ھەق – ھوقوقلىرىنى تەلەپ قىلغۇچى مىڭلىغان بىگۇناھ ئۇيغۇر مۇستەبىت خىتاي ھاكىمىيىتى ۋە بۇ ھاكىمىيېتىنىڭ چوماقچىلىرى ھىساپلانغان فاشىست خىتاي كۆچمەنلىرى تەرىپىدىن ۋەھشىلەرچە ئۆلتۈرۈلدى، مىليونلىغان بىگۇناھ ئۇيغۇر تۇتقۇن قىلىنىپ قاراڭغۇ زىندانلارغا ۋە جازا لاگىرلىرىغا مەھكۇم قىلىندى.

بولۇپمۇ كېيىنكى يىللاردىن بۇيان، مۇستەبىت خىتاي ھاكىمىيىتىنىڭ ئۇيغۇرلارنى مەجبۇرى دىنسىزلاشتۇرۇش مەقسىتىدە ئېلىپ بېرىۋاتقان قاتتىق باستۇرۇش، چەكلەش، تەقىپ قىلىش، تۇتقۇن قىلىش ۋە رەھىمسىزلەرچە ئۆلتۈرۈش قىلمىشلىرى يۇقۇرى پەللىگە چىقتى، مىليونلىغان بىگۇناھ قېرىنداشلىرىمىز خىتاينىڭ جازالاش لاگىرلىرىدا جان تالاشماقتا، قانغا بويالغان شەرقىي تۈركىستان زىمىنىدا بۈگۈن خەلقىمىزنىڭ ئاھۇ – زارى ۋە دات – پەريادلىرى يۈرەكنى لەرزىگە سالماقتا.

تەپسىلاتى...

«ئۇيغۇر ئەركىنلىك كارۋىنى» ئوز پائالىيەتلىرىنى ئاكتىپلاشتۇرماقتا

ئەركىن ئاسىيا خەۋىرى
2018 – يىلى  3-ئىيۇن

د ئۇ ق نىڭ «ئۇيغۇر ئەركىنلىك كارۋىنى» ئۇيغۇرلارنىڭ قوللىشىغا ئېرىشىپلا قالماي، يەرلىك ئاھالىلەرنىڭمۇ دىققىتىنى قوزغىغان.

بۇ يىل 4-ئاينىڭ ئوتتۇرىلىرى، د ئۇ ق بىر دانە مىنىبۇس سېتىۋېلىپ، ئۇنىڭغا «ئۇيغۇر ئەركىنلىك كارۋىنى» دەپ ئىسىم بەرگەن ھەمدە بۇ مىنىبۇسنىڭ 4 ئەتراپىنى رەسىم ۋە شوئارلار بىلەن بېزەپ، كىشىلەرنىڭ دىققىتىنى قوزغايدىغان بىر تەشۋىقات ماشىنىسىغا ئايلاندۇرغان. 4-ئاينىڭ 27-كۈنى ياۋروپا ئىتتىپاقىنىڭ مەركىزى بولغان بېلگىيە پايتەختى بىريۇسسېلدا ئۆتكۈزۈلگەن «5 مىڭ كىشىلىك نامايىش» جەريانىدا، بۇ ماشىنا سەپنىڭ ئالدىدا مېڭىپ، تۇنجى قېتىم ئۇيغۇر جامائىتى ۋە يەرلىك خەلقلەرنىڭ دىققىتىگە ئېرىشكەن. 

تەپسىلاتى...

ياۋروپا پارلامېنتىدا ئۇيغۇرلار توغرىسىدا گۇۋاھلىق بېرىش يىغىنى ئۆتكۈزۈلدى

ئەركىن ئاسىيا خەۋىرى
2018 – يىلى  16-ماي

15-ماي ياۋروپا پارلامېنتىدا «ئۇيغۇرلارنىڭ كىشىلىك ھوقۇق ۋەزىيىتى ھەققىدە گۇۋاھلىق بېرىش» يىغىنى ئۆتكۈزۈلدى.

15-ماي كۈنى چۈشتىن بۇرۇن، ياۋروپا پارلامېنتىدا مەخسۇس «ئۇيغۇرلارنىڭ كىشىلىك ھوقۇق ۋەزىيىتى ھەققىدە گۇۋاھلىق بېرىش» يىغىنى ئۆتكۈزۈلگەن. يىغىنغا ياۋروپا پارلامېنتى كىشىلىك ھوقۇق كومىتېتىنىڭ رەئىسى پانسارى ئەپەندى رىياسەتچىلىك قىلغان. بۇ يىغىنغا ياۋروپا پارلامېنتى ئەزالىرى، ياۋروپا پارلامېنتى تاشقى ئىشلار مىنىستىرلىكى خادىملىرى، ياۋروپا كومىتېتى رەھبەرلىرى، ئامېرىكا دۆلەت مەجلىس ئەزالىرى ۋە كۆپلىگەن كىشىلىك ھوقۇق تەشكىلاتلىرىنىڭ ۋەكىللىرى بىۋاسىتە ياكى ۋاسىتىلىك ھالدا قاتناشقان.

دولقۇن ئەيسا ئەپەندى بۇ قېتىمقى گۇۋاھلىق بېرىش يىغىنىدا سۆز قىلغان. د ئۇ ق رەئىسى دولقۇن ئەيسا ئەپەندىنىڭ بۈگۈن نەق مەيداندىن بەرگەن مەلۇماتلىرىغا ئاساسلانغاندا، يىغىندا ئامېرىكىدىكى ئىنسان ھەقلىرىنى كۆزىتىش تەشكىلاتى ئاسىيا ئىشلىرى بۆلۈمىنىڭ دىرېكتورى سوفېي رېچاردسون خانىم، گېرمانىيەدىكى خەتەر ئاستىدىكى مىللەتلەرنى قوغداش تەشكىلاتى رەئىسى ئۇلرىك دېلىيۇس ئەپەندى ۋە ئۇيغۇرلارغا ۋاكالىتەن د ئۇ ق رەئىسى دولقۇن ئەيسا ئەپەندى قاتارلىقلار گۇۋاھلىق سۆزى قىلغان.

دولقۇن ئەيسا ئەپەندى يىغىندا قىلغان سۆزىدە، شى جىنپىڭ تەختكە چىققان 5 يىلدىن بۇيان ئۇيغۇر ئېلى ۋەزىيىتىدە يۈز بەرگەن ئېغىر پاجىئەلەرنى تىلغا ئالغان. ئۇ سۆزىدە، بولۇپمۇ چېن چۈەنگو ئۇيغۇر ئېلىدا ھۆكۈمرانلىق يۈرگۈزۈشكە باشلانغاندىن بۇيان، «يېپىق تەربىيەلەش مەركىزى» دەپ ئاتالغان جازا لاگېرلىرىغا بىر مىليوندىن ئارتۇق ئۇيغۇرنىڭ قامالغانلىقى ۋە بىر قىسىم مەشھۇر زاتلارنىڭ ئۆلتۈرۈلگەنلىكىنى كونكرېت ئوتتۇرىغا قويغان.

يىغىنغا ۋاسىتىلىك ھالدا قاتناشقان ئامېرىكا دۆلەت مەجلىس ئەزالىرى، ياۋروپا پارلامېنتىنىڭ بۇ يىغىنىغا يۇقىرى باھا بېرىش بىلەن بىرگە، يىغىندا گۇۋاھلىق بەرگەن دولقۇن ئەيسا باشلىق كىشىلىك ھوقۇق پائالىيەتچىلىرىگە مىننەتدارلىقىنى بىلدۈرگەن.

دولقۇن ئەيسا ئەپەندى يىغىندا، ياۋروپا پارلامېنتى ۋە ياۋروپا كومىسسىيونىدىن ئۇيغۇرلارنىڭ نۆۋەتتىكى ۋەزىيىتى ھەققىدە خىتايغا بېسىم ئىشلىتەلەيدىغان قارارلارنى دەرھال قوبۇل قىلىشنى تەلەپ قىلغان. ئۇ سۆزىنىڭ ئاخىرىدا، بۇ قېتىمقى گۇۋاھلىق بېرىش يىغىنىنىڭ 4-ئاينىڭ 27-كۈنى ياۋروپا پارلامېنتى ئالدىدا ئۆتكۈزۈلگەن «5 مىڭ كىشىلىك نامايىش» نىڭ بىر نەتىجىسى ئىكەنلىكىنىمۇ ئالاھىدە ئەسكەرتتى.

بۈگۈنكى يىغىنغا ئىشتىراك قىلغان ۋاكالەتسىز مىللەتلەر تەشكىلاتى خادىمى لۇسىيا خانىممۇ زىيارىتىمىزنى قوبۇل قىلىپ، مەخسۇس ئۇيغۇرلار ھەققىدە گۇۋاھلىق بېرىش يىغىنىنىڭ ئۇيۇشتۇرۇلغانلىقىدىن ئۆزىنىڭ كۆپ مەمنۇن بولغانلىقىنى تىلغا ئالدى.

ئۇ مۇنداق دېدى: «ياۋروپا پارلامېنتى كىشىلىك ھوقۇق كومىتېتى تەرىپىدىن ئۇيۇشتۇرۇلغان بۈگۈنكى ئۇيغۇرلار توغرىسىدا گۇۋاھلىق بېرىش يىغىنىغا 28 دۆلەتكە ۋەكىللىك قىلىدىغان ياۋروپا ئىتتىپاقىنىڭ ئەڭ مۇھىم ئەربابلىرىنىڭ بىر قىسمى قاتناشتى. ئامېرىكا دۆلەت مەجلىس ئەزالىرىمۇ بۇ يىغىننى قىزغىن قوللايدىغانلىقىنى بىلدۈردى ھەمدە يىغىننىڭ دەل ۋاقتىدا ئېچىلغانلىقىنى، ئۇيغۇرلار مەسىلىسىگە جىددىي كۆڭۈل بۆلۈشكە تېگىشلىك بىر ۋاقىتتا تۇرۇۋاتقانلىقىمىزنى تەكىتلىدى. يەنى ئامېرىكا بىلەن ياۋروپا ئىتتىپاقى بۇ يىغىندا ئۇيغۇرلار توغرىسىدا ئورتاق ئاۋاز چىقاردى. بۇنىڭ سىياسىي ئەھمىيىتى ناھايىتى زور دەپ قارايمەن. خىتايغا بېرىدىغان ئىنكاسمۇ شۇنداق مەنىلىك بولىدۇ».

تەپسىلاتى...

د ئۇ ق رەھبەرلىرىنىڭ چاقىرىقى ۋە رامىزانلىق تىلىكى

دۇنيا ئۇيغۇر قۇرۇلتىيى
2018-يىلى 14-ماي

«د ئۇ ق ت ۋ» نىڭ مەزكۇر سانىدا، قۇرۇلتىيىمىز رەھبەرلىرىنىڭ رامىزانلىق تىلەكلىرى، شۇنداقلا ئالدىمىزدا ئۆتكۈزۈلمەكچى بولغان «ئىستىقلال مارشى مۇكاپاتى»، «دۇنيا ئۇيغۇر ئانا تىل كۈنى» ۋە «1988-يىلىدىكى ستۇدېنتلار ھەرىكىتىنىڭ 30 يىللىقىنى خاتىرىلەش پائالىيەتلىرى» ھەققىدىكى چاقىرىقلىرى ھوزۇرۇڭلاردا بولىدۇ.

تەپسىلاتى...

قاراقاشتا بالىسىنى مىسىردا ئوقۇتقانلار بىلەن قوشنىسىدا ئوقۇتقانلار ئوخشاشلا 5 يىل 6 ئايلىقتىن كېسىلگەن

ئەركىن ئاسىيا خەۋىرى
2018 – يىلى  12-ماي

قاراقاش ناھىيەسىنىڭ ئۇرچى يېزىسىدا بالىسىنى ئۆز مەھەللىسىدىكى ئاتالمىش «يەر ئاستى دىنىي مەكتەپ» كە بىر كۈن بەرگىنى ئۈچۈن 5 يىل ئالتە ئايلىق كېسىلگەن دىنىي زات ئابدۇخەبەر ئەخمەت ھەققىدە ئەھۋال ئىگىلىشىمىز داۋامىدا، ئۇنىڭ قوشنىسى ئابدۇللېتىپ ئابدۇراخماننىڭ بىر ئوغلىنى مىسىردا ئوقۇتقانلىقى ئۈچۈن ئوخشاشلا 5 يىل 6 ئايلىق كېسىلگەنلىكى ئاشكارىلاندى.

مەلۇم بولۇشىچە، ئۇرچىدىكى مەزكۇر «يەر ئاستى دىنىي مەكتەپ» نى ئاچقان ئەركىن تۇرسۇنمۇ 5 يىل 6 ئايلىق كېسىلگەن. بۇ ئۇچۇرلار قاراقاشتىكى بۇ ھۆكۈملەرنىڭ سوت ھۆكۈمى ئەمەس، بەلكى سىياسىي ھۆججەتكە ئاساسەن چىقىرىلغان زاكاز ھۆكۈملەر ئىكەنلىكىنى ئىشارەتلىمەكتە.

تەپسىلاتى...

د ئۇ ق «ئىستىقلال مارشى مۇكاپاتى» نى يولغا قويىدۇ

ئەركىن ئاسىيا خەۋىرى
2018 – يىلى  10-ماي

د ئۇ ق مۇھاجىرەتتىكى ئۇيغۇرلار ئارىسىدا «ئىستىقلال مارشى مۇكاپاتى» نى يولغا قويۇشنى قارار قىلدى.

د ئۇ ق رەھبەرلىرى 8-ماي تەمىنلىگەن ئۇچۇرلارغا ئاساسلانغاندا، د ئۇ ق مەركىزى مۇھاجىرەتتىكى ئۇيغۇرلار ئارىسىدا «شەرقىي تۈركىستاننىڭ ئىستىقلال مارشى مۇكاپاتى» پائالىيىتىنى يولغا قويىدىكەن.

بۇ پائالىيەت 5-ئاينىڭ 15-كۈنى باشلىنىپ، 9-ئاينىڭ 15-كۈنى ئاخىرلىشىدىكەن. تەرەپسىز خادىملارنىڭ باھالىشى بىلەن، بۇ مۇكاپاتنىڭ ئىقتىسادىي سوممىسى مۇشۇ يىلى 11-ئاينىڭ 12-كۈنى گېرمانىيەنىڭ ميۇنخېن شەھىرىدە ئۆتكۈزۈلىدىغان ئىككى جۇمھۇرىيەتنى، يەنى 1933-قەشقەردە قۇرۇلغان «شەرقىي تۈركىستان ئىسلام جۇمھۇرىيىتى» ۋە 1944-يىلى غۇلجىدا قۇرۇلغان «شەرقىي تۈركىستان جۇمھۇرىيىتى» نى خاتىرىلەش مۇراسىمىدا تارقىتىلىدىكەن.

تەپسىلاتى...

ياۋروپا پارلامېنتى ئالدىدا مۇھاجىرەتتىكى ئۇيغۇرلارنىڭ زور نامايىشى ئۆتكۈزۈلدى

ئەركىن ئاسىيا خەۋىرى
2018 – يىلى  28-ئاپرېل

بۈگۈن، يەنى 4-ئاينىڭ 27-كۈنى دۇنيانىڭ جاي-جايلىرىدىن كەلگەن مىڭلىغان ئۇيغۇرلار بېلگىيە پايتەختى بىريۇسسېلغا جەم بولۇپ، ئۇيغۇرلارنىڭ مۇھاجىرەت تارىخىدىكى كۆلىمى ئەڭ زور بولغان نامايىشلارنىڭ بىرىنى ئۆتكۈزدى.

بۇ قېتىملىق زور نامايىش بىريۇسسېل ۋاقتى ئەتىگەن سائەت 10:00 دا «شەرقىي تۈركىستان ئىستىقلال مارشى» بىلەن باشلاندى.

تەپسىلاتى...

د ئۇ ق ئىجرائىيە كومىتېتى يىغىنىدا مۇھىم قارارلار قوبۇل قىلىندى

ئەركىن ئاسىيا خەۋىرى
2018 – يىلى  25-ئاپرېل

23-ئاپرېل بېلگىيەنىڭ ئانتىۋېرفېن شەھىرىدە داۋاملاشقان د ئۇ ق ئىجرائىيە كومىتېتىنىڭ كېڭەيتىلگەن يىغىنىدا ئىجرائىيە كومىتېتى تەركىبىدىكى ھەرقايسى بۆلۈملەرنىڭ 2018-يىلىنىڭ ئىككىنچى يېرىمىدا ئېلىپ بېرىشى پىلانلانغان خىزمەت لايىھىلىرى كۆزدىن كۆچۈرۈلۈپ، چوقۇم ئەمەلىيلەشتۈرۈش ۋە ئىجرا قىلىنىش كۈنتەرتىپكە قويۇلغان مەزمۇنلار ھەققىدە مۇھىم قارارلار قوبۇل قىلىندى.

تەپسىلاتى...