د ئۇ ق رەھبەرلىرى ب د ت يىغىدا ئۇيغۇر دىيارىنىڭ ئەڭ يېقىنقى ۋەزىيىتىنى ئاڭلاتماقتا

ر ف ئا خەۋىرى
2017 – يىلى 1– دېكابىر

دۇنيا ئۇيغۇر قۇرۇلتىيىنىڭ رەئىسى دولقۇن ئەيسا باشلىق بىر گۇرۇپپا ۋەكىللەر جەنۋەدىكى ب د ت شتابىدا چاقىرىلغان بىر قاتار يىغىنلارغا قاتنىشىپ، ئۇيغۇر دىيارىدا كۈنسايىن كەسكىنلىشىۋاتقان ئېغىر ۋەزىيەتنى ئاڭلاتماقتا.

د ئۇ ق نىڭ رەئىسى دولقۇن ئەيسا ئەپەندىنىڭ ب د ت نىڭ جەنۋەدىكى باش شتابىدىن بەرگەن مەلۇماتلىرىغا ئاساسلانغاندا، د ئۇ ق نىڭ 3 كىشىدىن تەركىب تاپقان ۋەكىللەر ئۆمىكى 29-نويابىردىن ئېتىبارەن ب د ت دىكى پائالىيەتلىرىنى باشلىۋەتكەن.

دولقۇن ئەيسا باشلىق قۇرۇلتاي ۋەكىللىرى بۈگۈن ب د ت نىڭ بەزى يىغىنلىرىغا قاتناشقان. د ئۇ ق خادىملىرى بەزى دۆلەتلەرنىڭ ب د ت دىكى ئەلچىلىرى بىلەن سۆھبەت ئېلىپ بارغان ۋە ب د ت ئالاھىدە خادىملىرى بىلەنمۇ ئۇچراشقان. 

تەپسىلاتى...

دۇنيا ئۇيغۇر قۇرۇلتىيى رەئىسى دولقۇن ئەيسا ياپونىيەدە زىيارەتتە بولدى

ر ف ئا خەۋىرى
2017 – يىلى 29– نۇيابىر

دۇنيا ئۇيغۇر قۇرۇلتىيى 6-نۆۋەتلىك پەۋقۇلئاددە قۇرۇلتىيىدىن كېيىنلا، د ئۇ ق رەئىسى دولقۇن ئەيسا ئەپەندى 24-نويابىر كۈنىدىن 28-نويابىر كۈنىگىچە ياپونىيەدە زىيارەتتە بولدى. ياپونىيە قۇرۇلتىيى قۇرۇلغانلىقىنىڭ 20 يىللىقىنى تەبرىكلەش مۇراسىمىغا قاتنىشىش ئۈچۈن تەكلىپكە بىنائەن ياپونىيەگە بارغان دولقۇن ئەيسا ئەپەندى، ياپونىيە پارلامېنت ئەزاسى تاكاشى ناگائو، پارلامېنت ئەزاسى، ئۇيغۇر دوستلۇق گۇرۇپپىسى رەئىسى فۈرۇيا كېىجى ئەپەندى، ياپونىيە پارلامېنتى يۇقىرى پالاتا ئەزاسى ئەرىكو ياماتانى خانىملار بىلەن ئۇچرىشىپ ئۇيغۇرلارنىڭ ھازىرقى ۋەزىيىتى، ئۇيغۇر داۋاسىنىڭ ھازىرقى ۋەزىيىتى توغرىسىدا مەلۇمات بەرگەندىن سىرت، بۇندىن كېيىنكى ھەمكارلىق توغرىسىدا پىكىر ئالماشتۇردى. بىز بۇ زىيارەت توغرىسىدا مەلۇمات ئىگىلەش ئۈچۈن د ئۇ ق رەئىسى دولقۇن ئەيسا بىلەن تېلېفون سۆھبىتى ئېلىپ باردۇق.

دولقۇن ئەيسا ئەپەندى دۇنيا ئۇيغۇر قۇرۇلتىيىنىڭ رەئىسى بولۇپ سايلانغاندىن كېيىنكى تۇنجى زىيارىتىنى ياپونىيەگە ئېلىپ بارغانلىقىنى بايان قىلدى.

تەپسىلاتى...

د ئۇ ق نىڭ 6-نۆۋەتلىك پەۋقۇلئاددە ۋەكىللەر قۇرۇلتىيى گېرمانىيەنىڭ ميۇنخېن شەھىرىدە ئاخىرلاشتى

ر ف ئا خەۋىرى
2017 – يىلى 14– نۇيابىر

12-نويابىر كۈنى دۇنيا ئۇيغۇر قۇرۇلتىيىنىڭ 6-نۆۋەتلىك پەۋقۇلئاددە ۋەكىللەر قۇرۇلتىيى گېرمانىيەنىڭ ميۇنخېن شەھىرىدە ئاخىرلاشتى.

د ئۇ ق نىڭ 6-نۆۋەتلىك پەۋقۇلئاددە قۇرۇلتىيى 11-ئاينىڭ 10-كۈنىدىن 12-كۈنىگىچە 3 كۈن داۋاملاشتى. پەۋقۇلئاددە قۇرۇلتاينىڭ يېپىلىش مۇراسىمى سائەت 14:00 تە ميۇنخېن شەھىرىدە ئۆتكۈزۈلدى. يېپىلىش مۇراسىمىغا دۇنيا ئۇيغۇر قۇرۇلتىيىغا يېڭى سايلانغان ھەر دەرىجىلىك رەھبەرلەر ۋە 20 دۆلەتتىن كەلگەن 120 ئەتراپىدا ۋەكىل قاتناشتى. دۇنيا ئۇيغۇر قۇرۇلتىيى رەئىسى دولقۇن ئەيسا ئەپەندى يېپىلىش نۇتقىدا، بۇ قېتىمقى قۇرۇلتاينىڭ مۇۋەپپەقىيەتلىك ئۆتكەنلىكىنى، بىرلىك-ئىتتىپاقلىقنىڭ ئېغىزدىكى قۇرۇق شوئار بىلەن ئەمەلگە ئاشمايدىغانلىقىنى، ئەمىلى خىزمەتلەر بىلەن ئەمەلگە ئاشۇرغىلى بولىدىغانلىقىنى تەكىتلىدى.

تەپسىلاتى...

د ئۇ ق 6-نۆۋەتلىك ۋەكىللەر قۇرۇلتىيىنىڭ تەييارلىق خىزمەتلىرى ئاخىرلاشتى

ر ف ئا خەۋىرى
2017 – يىلى 8– نۇيابىر

6-نۆۋەتلىك ۋەكىللەر قۇرۇلتىيى تەييارلىق كومىتېتى تەييارلىق خىزمەتلىرىنىڭ نەتىجىلىك ئاخىرلاشقانلىقىنى بىلدۈردى.

5-نويابىر كۈنى 6-نۆۋەتلىك پەۋقۇلئاددە قۇرۇلتاي تەييارلىق كومىتېتىنىڭ ئاخىرقى تېلېفون يىغىنى چاقىرىلىپ، تەييارلىق خىزمەتلىرىنى تولۇق خۇلاسىلىگەن. 20 دىن ئارتۇق دۆلەتتىن 130 دىن ئارتۇق ۋەكىل قاتناشماقچى بولغان 6-نۆۋەتلىك قۇرۇلتاي 2017-يىلى 11-ئاينىڭ 10-كۈنىدىن 12-كۈنىگىچە گېرمانىيەنىڭ ميۇنخېن شەھىرىدە ئۆتكۈزۈلمەكچى.

تەپسىلاتى...

ئىتالىيەدە ئۇيغۇرلار مەسىلىسى ئاڭلىتىلدى ۋە ئەركىنلىك يۈرۈشى ئۆتكۈزۈلدى

ر ف ئا خەۋىرى
2017 – يىلى 24– ئۆكتەبىر

19-ئۆكتەبىر بېلگىيە پايتەختى بىريۇسسېلدا قۇرۇلغان «ئۇيغۇر دوستلۇق گۇرۇپپىسى» نىڭ مۇراسىمىدىن كېيىن، د ئۇ ق نىڭ مۇئاۋىن رەئىسى ئۆمەر قانات باشچىلىقىدىكى بىر گۇرۇپپا ۋەكىللەر 20-ئۆكتەبىر كۈنى ئىتالىيەگە يېتىپ كېلىپ، پايتەخت رۇمدىن 40 كىلومېتىر يىراقلىقتىكى كامپاگنانو شەھىرىدە دوكلات بېرىش يىغىنىغا قاتناشتى.

«ئېزىلگەن مىللەتلەرنىڭ بۈگۈنكى ۋەزىيىتى» ناملىق بۇ يىغىننى كامپاگنانو شەھىرىنىڭ شەھەر باشلىقى دون رېنزو تانتۇرلى ئەپەندى تەشكىللىگەن بولۇپ، يىغىنغا ئۇيغۇر، تىبەت، ۋېنسۇئىلالىقلار، روھېڭگالىقلار، كۇردلار، ئەرمەنىيلەر ۋە ئىرانلىقلار تەكلىپ قىلىنغان. مەزكۇر يىغىن زوربو دەپ ئاتالغان ئېگىز تاغ باغرىدىكى 1400 يىللىق تارىخقا ئىگە بىر قەدىمىي چېركاۋنىڭ يىغىن زالىغا ئورۇنلاشتۇرۇلغان. يىغىنغا «سوسىتا لىبېرا»، يەنى «ئەركىنلىك جەمئىيىتى» تەشكىلاتى ساھىپخانلىق قىلغان. 

تەپسىلاتى...

ياۋروپا پارلامېنتىدا «ئۇيغۇر دوستلۇق گۇرۇپپىسى» قۇرۇلدى

ر ف ئا خەۋىرى
2017 – يىلى 20– ئۆكتەبىر

19-ئۆكتەبىر كۈنى بېلگىيە پايتەختى بىريۇسسېلغا جايلاشقان ياۋروپا پارلامېنتىدا «ئۇيغۇر دوستلۇق گۇرۇپپىسى» رەسمىي قۇرۇلدى.

ياۋروپا پارلامېنتىدا قۇرۇلغان «ئۇيغۇر دوستلۇق گۇرۇپپىسى» نىڭ قۇرۇلۇش مۇراسىمى چۈشتىن بۇرۇن سائەت 9:30 دا باشلاندى. مۇراسىمغا ئىلھان كۈچۈك، سابا سۇگار، لۇئىگې كومپاگنا، رامون ترېموسا، ھېلگا ترۈپەل، كلاۇس بۇكنېر، پائۇل ساكي، توماس مان، ئىۋو ۋاجگۇل، ھېلگا ستېۋېنس قاتارلىق ياۋروپا پارلامېنتىنىڭ 10 دىن ئارتۇق ئەزاسى، 100 گە يېقىن ئۇيغۇر ۋە باشقا قېرىنداش مىللەتلەرنىڭ ۋەكىللىرى، رابىيە خانىم، ئۆمەر قانات، دولقۇن ئەيسا باشلىق د ئۇ ق رەھبەرلىرى ھەمدە ‹ئىلھام توختى گۇرۇپپىسى› نىڭ مەسئۇللىرىدىن ئەنۋەرجان، پروفېسسور مارى ھولىزمان، شۇنداقلا تىبەت تەشكىلاتلىرىنىڭ مەسئۇللىرى قاتناشتى. 

تەپسىلاتى...

د ئۇ ق رەھبەرلىرىنىڭ ياۋروپا پارلامېنتىدىكى پائالىيەتلىرى باشلاندى

ر ف ئا خەۋىرى
2017 – يىلى 18– ئۆكتەبىر

د ئۇ ق رەھبەرلىرى 17-ئۆكتەبىردىن باشلاپ ياۋروپا پارلامېنتىدىكى پائالىيەتلىرىنى رەسمىي باشلىدى.

شىۋېتسىيە پايتەختى سىتوكھولمدا 13-ئۆكتەبىر باشلىنىپ 15-ئۆكتەبىر ئاخىرلاشقان «ئۇيغۇر ياشلىرىنى دېموكراتىيە، كىشىلىك ھوقۇق ۋە قانۇنىي بىلىملەر بىلەن تەربىيىلەش كۇرسى» دىن كېيىن، د ئۇ ق رەھبەرلىرى 16-ئۆكتەبىر بېلگىيە پايتەختى بىريۇسسېلغا يېتىپ كەلدى. ئۇلار 17- ئۆكتەبىردىن باشلاپ ياۋروپا پارلامېنتىنىڭ بەزى ئەزالىرى بىلەن ئۇچرىشىش ۋە ئۇلارغا ئۇيغۇر مەسىلىسىنى ئاڭلىتىش پائالىيەتلىرىنى باشلىۋەتتى.

تەپسىلاتى...

ئۇيغۇر ياشلىرىنى تەربىيىلەش كۇرسى ۋە ئۇيغۇر مەدەنىيەت كېچىلىكى پائالىيىتىگە تەكلىپ

دۇنيا ئۇيغۇر قۇرۇلتىيى، 2017-يىل 5-ئۆكتەبىر

دۇنيا ئۇيغۇر قۇرۇلتىيى(د ئ‍ۇ ق)، شىۋېتسىيە ئۇيغۇر مائارىپ ئۇيۇشمىسى ۋە ۋاكالەتسىز مىللەتلەر تەشكىلاتى(UNPO)نىڭ بىرلىكتە ئۇيۇشتۇرۇشى، ئامېرىكا دېموكراتىيەنى ئىلگىرى سۈرۈش فوندى(NED)نىڭ ماددىي ياردىمى بىلەن 10 – ئاينىڭ 13 – كۈنىدىن 15 – كۈنىگىچە شىۋېتسىيەنىڭ ستوكھولم شەھرىدە ئۇيغۇر ياشلىرىنى دېموكراتىيە، كىشىلىك ھوقۇق ۋە قانۇنىي بىلىملەر بىلەن تەربىيىلەش كۇرسى رەسمى باشلىنىدۇ.

شىۋېتسىيەدە ياشاۋاتقان 15 – 35 ياش ئارىسىدىكى ياشلار ۋە دەۋا سېپىدە خىزمەت قىلىۋاتقان سىياسىي ئاكتىپلار، رەھبەرلەرگە بۇ قېتىمقى 3 كۈنلىك كۇرستىن ھەقسىز بەھىر ئېلىش پۇرسىتى مەۋجۇد!

ئۇيغۇرلارنىڭ ئومۇمىي ۋەزىيىتىنى ۋە ئۇيغۇر دەۋاسىنى چۈشىنىشنى، دۇنيا ۋەزىيىتى ھەمدە دېموكراتىيە، كىشىلىك ھوقۇق، قانۇنىي بىلىملەر بىلەن تونۇشۇشنى، قوراللىنىشنى خالىغان قېرىنداشلار كەم تېپىلدىغان بۇ پۇرسەتنىڭ قەدرىگە يېتىڭ. بۇ پائالىيەتكە تىزىمغا ئالدۇرغان 50 نەپەر ياشنىڭ سېپىگە قوشۇلۇڭ! 3 كۈنلىك تاماق ۋە باشقا پائالىيەتلەرنىڭ چىقىملىرىنى د ئۇ ق ئۈستىگە ئالىدۇ.

13 – ئۆكتەبىر كەچتە (جۈمە) سىز كۆڭۈللۈك بىر ئۇيغۇر سورۇنىغا داخىل بولىسىز. سائەت 18:00 – 22:00 ئارىسىدا ئۇيغۇر مەدەنىيەت كېچىلىكى پائالىيىتى ئۆتكۈزىلىدۇ. بۇ پائالىيەتتە ئۇيغۇر تائاملىرى ۋە ئۇيغۇر سەنئىتى نامايەن قىلىنىدۇ. ئۇيغۇرچە لەزىز تائاملاردىن، مىللىي كىملىكىمنىڭ بىرقىسىم نامايەندىلىرىدىن قانغۇچە بەھىر ئالىسىز.

تەپسىلاتى...

تەيۋەنلىكلەر يىغىنىدا ئۇيغۇرلار بىلەن تەيۋەن ھەمكارلىقىنى كۈچەيتىش تەكىتلەندى

ر ف ئا خەۋىرى
2017 – يىلى 3– ئۆكتەبىر

گېرمانىيەنىڭ پايتەختى بېرلىندا چاقىرىلغان ياۋروپا تەيۋەن تەشكىلاتلىرى فېدېراتسىيەسىنىڭ 47-نۆۋەتلىك قۇرۇلتىيى بىلەن «تەيۋەندىكى ھەربىي ھاكىمىيەتنىڭ ئاخىرلاشقانلىقىنىڭ 30 يىللىقى» ماۋزۇلۇق يىغىندا تەيۋەن بىلەن ئۇيغۇرلار ئوتتۇرىسىدىكى ھەمكارلىقنى كۈچەيتىش كېرەكلىكى تەكىتلەنگەن.

مەزكۇر ئىككى يىغىنغا ئالاھىدە تەكلىپكە بىنائەن دۇنيا ئۇيغۇر قۇرۇلتىيى باش كاتىپى دولقۇن ئەيسا، دۇنيا ئۇيغۇر قۇرۇلتىيى باياناتچىسى دىلشات رېشىت ئەپەندىلەر قاتناشقان. مەزكۇر قۇرۇلتاي بىلەن «تەيۋەندىكى ھەربىي ھاكىمىيەتنىڭ ئاخىرلاشقانلىقىنىڭ 30 يىللىقى» ماۋزۇلۇق يىغىن بىرلىكتە ئۆتكۈزۈلگەن بولۇپ، يىغىندا بۇنىڭدىن 30 يىل ئىلگىرى تەيۋەندە گومىنداڭ ھۆكۈمىتى تەيۋەندىكى يەرلىك مىللەتلەرگە قارىتا قىرغىنچىلىق سىياسىتى ئېلىپ بارغانلىقى، مەزكۇر سىياسەت تۈپەيلىدىن، ئۆلۈم جازاسى بېرىش، ئىز-دېرەكسىز يوق بولۇپ كېتىش ھادىسىلىرىنىڭ يۈز بەرگەنلىكى، بۇنىڭغا قارشى كۈرەش نەتىجىسىدە، تەيۋەندە دىكتاتور تۈزۈمگە خاتىمە بېرىلىپ، دېموكراتىيە تۈزۈمىگە ئۆتۈلگەنلىكى خاتىرلەنگەن.

تەپسىلاتى...

گېرمانىيەدە خىتايغا قارشى نامايىش ئېلىپ بېرىلدى

ر ف ئا خەۋىرى
2017 – يىلى 3– ئۆكتەبىر

بۈگۈن، يەنى 2-ئۆكتەبىر كۈنى گېرمانىيەنىڭ ميۇنخېن شەھىرىدىكى خىتاي كونسۇلخانىسى ئالدىدا نارازىلىق نامايىشى ئېلىپ بېرىلدى.

مەركىزى ميۇنخېن شەھىرىدىكى د ئۇ ق نىڭ تەشەببۇسى، «ياۋروپا شەرقىي تۈركىستان بىرلىكى» تەشكىلاتىنىڭ تەشكىللىشى بىلەن 2-ئۆكتەبىر كۈنى ميۇنخېن شەھىرىدىكى خىتاي كونسۇلخانىسى ئالدىدا نارازىلىق نامايىشى بولۇپ ئۆتتى. نامايىشقا ميۇنخېن، فرانكفۇرت، كارلسىرۇخ ۋە ئەتراپتىكى شەھەرلەردىكى كۆپلىگەن ئۇيغۇرلار كېلىپ قاتناشتى. 

تەپسىلاتى...