د ئۇ ق رەئىسى دولقۇن ئەيسا: «ياپونىيەدە ھېسداشلىقى ۋە قوللاشنى قولغا كەلتۈردۇق»

ر ف ئا خەۋىرى
2018 – يىلى  12-ئاپرىل

دۇنيا ئۇيغۇر قۇرۇلتىيى ئۇيغۇرلارنىڭ نۆۋەتتىكى ئېغىر ۋەزىيىتىنى ياپونىيە ھۆكۈمىتىگە ۋە ياپونىيە جامائەتچىلىكىگە ئاڭلىتىش ئۈچۈن د ئۇ ق رەئىسى دولقۇن ئەيسا ئەپەندى، ئىجرائىيە كومىتېتى رەئىسى ئۆمەر قانات ئەپەندى ۋە د ئۇ ق باياناتچىسى دىلشات رىشىت ئەپەندىلەردىن تەشكىل تاپقان بىر ھەيئەت تەشكىللەپ ياپونىيەدە بىر يۈرۈش پائالىيەتلەر ئېلىپ باردى. 4-ئاينىڭ 1-كۈنىدىن 10-كۈنىگىچە ئېلىپ بېرىلغان پائالىيەتلەر قانداق ئۆتتى؟ نېمە مۇۋەپپەقىيەتلەرنى قولغا كەلتۈردى؟ د ئۇ ق نىڭ ياپونىيەگە بۇنچىۋالا ئەھمىيەت بېرىشىدىكى سەۋەب نېمە؟ بۇندىن كېيىن نېمە پائالىيەتلەرنى ئېلىپ بارماقچى؟ دېگەنگە ئوخشاش سوئاللارغا جاۋاب تېپىش ئۈچۈن د ئۇ ق رەئىسى دولقۇن ئەيسا ئەپەندى ۋە شەرقىي ئاسىيا ئىنسان ھەقلىرى مۇنبىرى رەئىسى توموتادا ئىشىخارا ئەپەندى قاتارلىق كىشىلەر بىلەن سۆھبەت ئېلىپ باردۇق.

تەپسىلاتى...

ياۋروپادا 5000 كىشىلىك نامايىشنىڭ تەييارلىقى داۋاملاشماقتا

ر ف ئا خەۋىرى
2018 – يىلى  12-ئاپرىل

4-ئاينىڭ 27-كۈنى ياۋروپا پارلامېنتى ئالدىدا ئۆتكۈزۈلىدىغان چوڭ نامايىشنىڭ تەييارلىق خىزمەتلىرى جىددىي داۋام قىلماقتىكەن.

دۇنيا ئۇيغۇر قۇرۇلتىيى تەرىپىدىن ئۇيۇشتۇرۇلۇۋاتقان، 4-ئاينىڭ 27-كۈنى بېلگىيە پايتەختى بىريۇسسېلدا ئۆتكۈزۈلىدىغان 5000 كىشىلىك نامايىشنىڭ تەييارلىق خىزمەتلىرىگە گېرمانىيە، فىرانسىيە، نورۋېگىيە، شىۋېتسىيە، گوللاندىيە، بېلگىيە قاتارلىق ياۋروپادىكى 10 غا يېقىن دۆلەتتىكى ئۇيغۇر تەشكىلاتلىرى ئاۋاز قوشۇپ بىرلىكتە ھەرىكەت قىلماقتىكەن. ھازىر يۇقىرىقى تەشكىلاتلارنىڭ ئىجتىمائىي تاراتقۇلاردىكى تەشۋىقاتلىرى جىددىي داۋاملاشماقتا ئىكەن.

تەپسىلاتى...

ئالمۇتادا مىللىي ئارمىيەنىڭ 73 يىللىقى ۋە «بارىن ۋەقەسى» نىڭ 28 يىللىقى خاتىرىلەندى

ر ف ئا خەۋىرى
2018 – يىلى  10-ئاپرىل

8-ئاپرېلدا ئالمۇتا شەھىرىنىڭ سۇلتانقورغان مەھەللىسىدىكى «ئارزۇم» رېستورانىدا 1990-يىلىدىكى بارىن ۋەقەسىنىڭ 28 يىللىقى، 1945-يىلى، 8-ئاپرېل كۈنى قۇرۇلغان شەرقىي تۈركىستان جۇمھۇرىيىتى مىللىي ئارمىيەسىنىڭ 73 يىللىقى مۇناسىۋىتى بىلەن خاتىرىلەش پائالىيىتى ئۆتكۈزۈلدى. ئالمۇتا شەھىرىدىكى ئۇيغۇر پائالىيەتچىلىرى تەرىپىدىن ئۇيۇشتۇرۇلغان بۇ مۇراسىمغا شەھەر ۋە ناھىيەلەردىن بولۇپ 150 كە يېقىن ئادەم قاتناشتى. بۇ پائالىيەتكە يەنە 1945-1949-يىللىرى ئارىسىدا مىللىي ئارمىيەگە قاتناشقان بىر قانچە ھايات شاھىتلارمۇ قاتناشتى.

تەپسىلاتى...

د ئۇ ق ھەيئىتى ياپونىيە مۇتەخەسسىسلىرى بىلەن دۈگىلەك ئۈستەل يىغىنى ئۆتكۈزدى

ر ف ئا خەۋىرى
2018 – يىلى  7-ئاپرىل

 

دۇنيا ئۇيغۇر قۇرۇلتىيى رەھبەرلىرى ھەيئىتى ياپونىيە زىيارىتىنىڭ 6-كۈنى ياپونىيە دۆلەت ئىشلىرى ئىستراتېگىيە تەتقىقات مەركىزى مۇدىرى يوشىكو ساكۇراى خانىمنىڭ باشچىلىقىدىكى مۇتەخەسسىسلەر بىلەن دۈگىلەك ئۈستەل يىغىنى ئۆتكۈزۈپ، ئۇيغۇرلارنىڭ نۆۋەتتىكى ئېغىر ۋەزىيىتى، دۇنيا ئۇيغۇر قۇرۇلتىيىنىڭ چەتئەللەردىكى پائالىيەتلىرى ۋە بىر قىسىم دۆلەتلەرنىڭ ئۇيغۇر مەسىلىسىگە بولغان كۆز قارىشى ھەم ئۇيغۇرلارنىڭ ياپونىيەدىن كۈتكەنلىرى قاتارلىق كەڭ تېمىلار بويىچە مۇزاكىرە ئېلىپ بارغان.

تەپسىلاتى...

د ئۇ ق ھەيئىتى ياپونىيە پارلامېنتى ئەزاسى ھىروشى يامادا بىلەن كۆرۈشتى

ر ف ئا خەۋىرى
2018 – يىلى  5-ئاپرىل

ياپونىيەدە زىيارەتتە بولۇۋاتقان دۇنيا ئۇيغۇر قۇرۇلتىيى رەئىسى دولقۇن ئەيسا، ئىجرائىيە كومىتېتى مۇدىرى ئۆمەر قانات ۋە باياناتچى دىلشات رىشىت ئەپەندىلەردىن تەركىب تاپقان بىر ھەي‘ئەت ياپونىيە زىيارىتىنىڭ 4-كۈنى ياپونىيە پارلامېنتى كېڭەش پالاتاسى ئەزاسى، لىبېراللار پارتىيەسىنىڭ پارلامېنت ئەزاسى ھىروشى يامادا ئەپەندى بىلەن كۆرۈشۈپ، ئۇنىڭغا ئۇيغۇرلارنىڭ نۆۋەتتىكى ئېغىر ۋەزىيىتى توغرىسىدا تەييارلىغان مەخسۇس دوكلاتى ۋە ياپونىيە ھۆكۈمىتىگە بېرىش ئۈچۈن تەييارلىغان تەلەپ خېتىنى سۇنغان.

دۇنيا ئۇيغۇر قۇرۇلتىيى رەئىسى دولقۇن ئەيسا ئەپەندى ئۇچرىشىش ئاخىرلاشقاندىن كېيىنلا تېلېفون زىيارىتىمىزنى قوبۇل قىلدى.

دۇنيا ئۇيغۇر قۇرۇلتىيى رەئىسى دولقۇن ئەيسا ئەپەندى، بۈگۈن ياپونىيە پارلامېنتىدا بولۇپ ئۆتكەن بۇ ئۇچرىشىشنىڭ مۇۋەپپەقىيەتلىك ئۆتكەنلىكىنى، يامادا ئەپەندىنىڭ ياپونىيە پارلامېنتىدىكى باشقا سىياسىي پارتىيەلەرنىڭ پارلامېنت ئەزالىرى بىلەن مۇزاكىرە ئېلىپ بارىدىغانلىقىنى بىلدۈرگەنلىكىنى ئېيتتى.

تەپسىلاتى...

د ئۇ ق ۋەكىللىرى ياپونىيە پارلامېنت ئەزاسى ناگاشىما ئەپەندى بىلەن كۆرۈشتى

ر ف ئا خەۋىرى
2018 – يىلى  5-ئاپرىل

دۇنيا ئۇيغۇر قۇرۇلتىيى ئۇيغۇرلارنىڭ نۆۋەتتىكى ئېغىر ۋەزىيىتىنى دېموكراتىيە بىلەن باشقۇرۇلۇۋاتقان دۆلەتلەرگە ۋە دۇنيا جامائەتچىلىكىگە ئاڭلىتىش ئۈچۈن دۇنيانىڭ ھەر قايسى جايلىرىدا ھەر خىل پائالىيەتلەرنى ئېلىپ بارماقتا.

بۇ مەقسەت بىلەن ياپونىيەدە زىيارەتتە بولۇۋاتقان دۇنيا ئۇيغۇر قۇرۇلتىيى رەئىسى دولقۇن ئەيسا، ئىجرائىيە كومىتېتى مۇدىرى ئۆمەر قانات ۋە باياناتچى دىلشات رىشىت ئەپەندىلەردىن تەركىب تاپقان بىر ھەيئەت ياپونىيە زىيارىتىنىڭ 3-كۈنى ياپونىيە پارلامېنت ئەزاسى، سابىق مۇئاۋىن دۆلەت مۇداپىئە مىنىستىرى ئاكىھىسا ناگاشىما ئەپەندى بىلەن كۆرۈشۈپ، ئۇيغۇرلارنىڭ نۆۋەتتىكى ئېغىر ۋەزىيىتى توغرىسىدا مەلۇمات بەرگەن.

تەپسىلاتى...

د ئۇ ق رەھبەرلىرى توكيودا ئىككى مۇھىم پائالىيەتكە قاتناشتى

ر ف ئا خەۋىرى
2018 – يىلى  3-ئاپرىل

دۇنيا ئۇيغۇر قۇرۇلتىيى ئۇيغۇرلارنىڭ نۆۋەتتىكى ئېغىر ۋەزىيىتىنى دېموكراتىيە بىلەن باشقۇرۇلۇۋاتقان دۆلەتلەرگە ۋە دۇنيا جامائەتچىلىكىگە ئاڭلىتىش ئۈچۈن دۇنيانىڭ ھەر قايسى جايلىرىدا ھەر خىل پائالىيەتلەرنى ئۆتكۈزمەكتە.

بۇ مەقسەت بىلەن 4-ئاينىڭ 1-كۈنى ياپونىيەنىڭ پايتەختى توكيودىكى مەتبۇئات مەركىزىدە دوكلات بېرىش يىغىنى ئۆتكۈزۈلگەن بولۇپ، مەزكۇر يىغىندا د ئۇ ق رەئىسى دولقۇن ئەيسا ئەپەندى، ئىجرائىيە كومىتېتى مۇدىرى ئۆمەر قانات ئەپەندى ۋە د ئۇ ق باياناتچىسى دىلشات رىشىت ئەپەندىلەر سۆز قىلىپ، ئۇيغۇر دىيارىدىكى نۆۋەتتىكى ئېغىر ۋەزىيەت توغرىسىدا مەلۇمات بەرگەن.

تەپسىلاتى...

«5 مىڭ كىشىلىك نامايىش تەشۋىقات گۇرۇپپىسى» قۇرۇلدى

ر ف ئا خەۋىرى
2018 – يىلى  29-مارت

د ئۇ ق نىڭ تەشەببۇسى بىلەن 26 – مارت كۈنى «5000 كىشىلىك نامايىش تەشۋىقات گۇرۇپپىسى» قۇرۇلۇپ خىزمەتلىرىنى باشلىدى.

26 – مارت كەچ سائەت 8 بىلەن د ئۇ ق رەئىسى دولقۇن ئەيسا يېتەكچىلىكىدە باشلانغان بۇ يىغىنغا گېرمانىيە، نورۋېگىيە، شۋېتسىيە، گوللاندىيە قاتارلىق ئەللەردىن ئىجتىمائىي تاراتقۇلاردا بەلگىلىك تەسىرى بولغان 7 نەپەر تەشۋىقات ماھىرلىرى قاتناشتى. يىغىن 2 سائەت داۋام قىلدى.

تەپسىلاتى...

ياپونىيەنىڭ ئوكىناۋا ۋىلايىتىدە نۆۋەتتىكى ئۇيغۇر ۋەزىيىتى ئاڭلىتىلدى

ر ف ئا خەۋىرى
2018 – يىلى  29-مارت

ياپونىيە ئۇيغۇر جەمئىيىتىنىڭ رەئىسى، دۇنيا ئۇيغۇر قۇرۇلتىيىنىڭ ئاسىيا-تىنچ ئوكيان رايونىدىكى ۋاكالەتچىسى ئىلھام مەخمۇت ئەپەندى دۈشەنبە كۈنى رادىيومىز زىيارىتىنى قوبۇل قىلىپ، 25-مارت ياپونىيەنىڭ ئوكىناۋا ۋىلايىتىىدە نۆۋەتتىكى ئۇيغۇر ۋەزىيىتى ھەققىدىكى دوكلات بەرگەنلىكىنى بايان قىلدى.

ئىلھام مەخمۇت ئەپەندىنىڭ بىلدۈرۈشىچە، ياپونىيەدىكى «ئوكىناۋا مۇداپىيە مۇنبىرى» ناملىق تەشكىلاتنىڭ ئورۇنلاشتۇرۇشىدا ئېچىلغان ئۇيغۇر ۋەزىيىتى ھەققىدىكى دوكلات بېرىش يىغىنغا ئوكىناۋا ۋىلايىتىدىكى پارلامېنت ئەزالىرى ۋە ئۇيغۇر مەسىلىسىگە قىزىققۇچى ھەر ساھەلەردىكى ئەرباپلاردىن تەخمىنەن 100 دەك كىشى قاتناشقان.

تەپسىلاتى...

دۇنيا ئۇيغۇر قۇرۇلتېيىنىڭ ئۇيۇشتۇرۇشى بىلەن ئىستانبۇلدا يىغىن ئېچىلدى

ر ف ئا خەۋىرى
2018 – يىلى  27-مارت

دۇنيا ئۇيغۇر قۇرۇلتېيى 25-مارت كۈنى ئىستانبۇلدا يىشىن ئۇيۇشتۇردى. يىغىنغا تۈركىيەدىكى ھەر قايسىي شەرقىي تۈركسىتان تەشكىلاتلارنىڭ رەھبەرلىرى، ئۇيغۇر پىشقەدەملىرى، تۈرك تەتقىقاتچىلار، يازغۇچىلار، مۇخبىرلار ۋە بىر قىسىم جەمئىيەتلەرنىڭ ۋەكىللىرى بولۇپ 100 گە يېقىن كىشى قاتناشتى.
يىغىندا سابىق پارلامېنت ئەزالىرى، يازغۇچى-تەتقىقاتچىلار ۋە ئىجتىمائىي تەشكىلاتلار رەھبەرلىرى سۆز قىلىپ، ئۇيغۇر مەسىلىسى ۋە دۇنيا ئۇيغۇر قۇرۇلتېيىنىڭ قىلىشقا تېگىشلىك خىزمەت-پائالىيەتلىرى توغرىسىدا مۇھىم تەكلىپلەرنى ئوتتۇرىغا قويدى.
تەپسىلاتى...