خىتاينىڭ شەرقىي تۈركىستاندا يولغا قويغان يىڭى دىنىي سىياسەت – بەلگىلىمىلىرىگە قارشى ئۆلىمالار بىرلىكىنىڭ باياناتى

شەرقىي تۈركسىتان ئۆلىمالار بىرلىكى
2017 – يىلى 4– ئاپرى

thu-bayanat-l0wtrq1ksrz3qojdfhqt

    ۋەتىنىمىز شەرقىي تۈركىستاندا داۋاملىشىۋاتقان ھەر تۈرلۈك زۇلۇم – سېتەملەر يېقىندىن بىرى تېخىمۇ كۈچىيىپ، چەكتىن ئاشتى. ئىسلام دىنىنىڭ نۇقتىلىق بەلگىلىمىلىرى بولغان ھىجاپ ۋە ساقالغا ئوخشاش مۇسۇلمانلارنىڭ كىشىلىك ئەركىنلىكىگە مۇناسىۋەتلىك ئادەتتىكى ئىبادەت تۈرلىرىگىمۇ چەكلىمە قويۇشتەك زۇلۇملارنىڭ رەسمىي قانۇنلاشتۇرۇلغانلىقى خەلقئارالىق تەشۋىقات ۋاستىلىرىدا كەڭ ئورۇن ئالدى.

   2017 – يىلى 30- مارت كۈنى خەلقئارا ئاخبارات ۋاستىلىرىدا خىتاي ھۆكۈمىتىنىڭ 50 ماددىلىق يىڭى چەكلىمىلەرنى يولغا قويغانلىقى ئېلان قىلىندى. بۇ ماددىلار ئاساسىي جەھەتتىن ئىسلامنى سوتسيالىزىمغا ماسلاشتۇرۇش دېگەنگە ئوخشاش سەپسەتەلەرنى ئىشقا ئاشۇرۇش تەدبىرلىرىدىن تەركىپ تاپقان بولۇپ، خەلقىمىزنى دىنى ئەركىنلىكتىن پۈتۈنلەي مەھرۇم قىلىشتەك بىر شۇملۇقنى قانۇنلاشتۇرۇشنى تۈپ مەقسەت قىلغان ۋە 2017- يىلى 4- ئاينىڭ 1- كۈنىدىن ئىتىبارەن رەسمى ئىجرا قىلىنىشقا باشلانغان.

تەپسىلاتى...

يولنىڭ باش ئاخىرى: بىر بەلۋاغ بىر يول ۋە ئۇيغۇرلارنىڭ ئىقتىسادىي جەھەتتە كۈنسايىن چەتلەشتۈرۈلۈشى

img_thumb

ئۇيغۇر كىشىلىك ھوقۇق پىروگراممىسى(UHRP)

«بىر بەلۋاغ بىر يول ۋە ئۇيغۇرلارنىڭ ئىقتىسادىي جەھەتتە كۈنسايىن چەتلەشتۈرۈلۈشى» ئۇيغۇر كىشىلىك ھوقۇق پىروگراممىسىنىڭ ئۇيغۇرلارنىڭ كىشىلىك ھوقۇقى نەزىرىدە خىتاينىڭ «بىر بەلۋاغ بىر يول» تەشەببۇسىغا قارىتا باھالاش ۋە تەتقىقات ئېلىپ بارغان ئەڭ يڭى دوكلاتى بولۇپ، مەزكۇر دوكلاتتا «بىر بەلۋاغ بىر يول»نىڭ شەرقىي تۈركىستانغا بولغان تەسىرى ھەققىدە ئانالىز ۋە باھالاش ئېلىپ بېرىلىدۇ ھەمدە بۇ تەشەببۇس بۇندىن بۇرۇن مەزكۇر رايوندا يولغا قويۇلغان باشقا ئىقتىسادىي قۇرۇلۇشلار بىلەن سېلىشتۇرۇلىدۇ.

تەپسىلاتى...

خەلقئارا ئاياللار بايرىمى كۈنىدە شەرقىي تۈركىستاندا ھەق – ھوقۇقلىرى ئۈچۈن كۈرەش قىلىۋاتقان ئاياللارنى ئونۇتمايلى!

img_thumb

جىددىي بايانات

ئۇيغۇر كىشىلىك ھوقۇق پىروگراممىسى(Uyghur Human Rights Project)

خەلقئارا ئاياللار بايرىمى كۈنىدە، ئۇيغۇر كىشىلىك ھوقۇق پىروگراممىسى(UHRP) كۆپچىلىكنىڭ ئۇيغۇر ئاياللىرى دۇچ كېلىۋاتقان خىرىسلارغا كۆڭۈل بۆلۈشىنى ئۈمىد قىلىدۇ. ئۇيغۇر خانىم – قىزلىرى خىتاي ھۆكۈمىتىنىڭ شەرقىي تۈركىستاندىكى ئۇيغۇرلار ئۈستىدىكى كىشىلىك ھوقۇق تاجاۋۇزچىلىقىغا خاتىمە بېرىش ھەرىكىتىدە كۆرۈنەرلىك رولىنى جارى قىلدۇرماقتا. نۇرغۇنلىرى ھۆكۈمەتنىڭ بېسىملىرىغا قارشى ئۆز ھەق – ھوقۇقلىرى ئۈچۈن كۆكرەك كىرىپ ئوتتۇرىغا چىقماقتا.

تەپسىلاتى...

خەۋەرنامە | 2017-يىلى مارت 3-سانى

دۇنيا ئۇيغۇر قۇرۇلتىيى نەشرىيات-تەشۋىقات كومىتېتى، 2017-يىلى 3-ئاينىڭ 7-كۈنى

xewername-3

دۇنيا ئۇيغۇر قۇرۇلتىيى نەشرىيات-تەشۋىقات كومىتېتى تەرىپىدىن نەشىر قىلىنىۋاتقان «خەۋەرنامە»نىڭ بۇ قېتىملىق ئۈچۈنچى سانىدا، قۇرۇلتىيىمىزنىڭ يېقىندا دۇنيانىڭ ھەر قايسى جايلىرىدا ئېلىپ بارغان پائالىيەتلىرى، ئۇيغۇر ۋە شەرقىي تۈركىستانغا ئائىت مۇھىم خەۋەرلەردىن خەۋەردار بولالايسىلەر.

مەزكۇر «خەۋەرنامە» ئۇيغۇر لاتىن يېزىقى ۋە ئۇيغۇر ئەرەب يېزىقى ئىككى خىل يېزىقتا تەييارلاندى.

تەپسىلاتى...

شەرقىي تۈركىستانلىقلار ئىستراتېگىيەلىك مۇھاكىمە يىغىنى مەتبۇئات باياناتى

ھازىر ئېلان قىلىندى
2017 – يىلى 27 – فېۋرال

16998922_189355351552281_6479456241049348162_n

1– نۆۋەتلىك شەرقىي تۈركىستانلىقلار ئىستراتېگىيەلىك مۇھاكىمە يىغىنى، چەت ئەللەردىكى تەتقىقاتچىلار، جامائەت ئەربابلىرى، پىشقان سىياسەتچىلەر ۋە پائالىيەتچىلەردىن تەشكىل تاپقان دانا كىشىلەرنىڭ ئىشتىراك قىلىشى بىلەن 25 – فېۋرالدىن 27 – فېۋرالغىچە شىمالىي قىبرىس تۈرك جۇمھۇرىيىتىنىڭ گىرنە شەھىرىدە ئۆتكۈزۈلدى.

ئىستراتېگىيە مۇتەخەسسىسى دوكتور ئەركىن ئەكرەمنىڭ تەشەببۇسىغا ئاساسەن چاقىرىلغان بۇ قېتىمقى مۇھاكىمە يىغىنىغا 12 دۆلەتتىن 19 ئادەم ئىشتىراك قىلدى.

يىغىندا، خەلقئارا ۋەزىيەتنىڭ نۆۋەتتىكى يۆنىلىشى ۋە ئۇ پەيدا قىلىدىغان ئىجابىي – سەلبىي تەسىرلەرنىڭ ئۇيغۇر ۋە شەرقىي تۈركىستان مەسىلىسىگە ئېلىپ كېلىدىغان ئاقىۋەتلىرى ئوتتۇرىغا قويۇلدى ۋە ئالاقىدار چارە – تەدبىرلەر مۇھاكىمە قىلىندى.

بۇ يىغىننىڭ تېخىمۇ كېڭەيتىلگەن ھالدا داۋاملاشتۇرۇشى توغرىسىدا بىردەكلىك ھاسىل قىلىندى.

 

تەپسىلاتى...

تۇرغۇن ئالماسنىڭ چەكلەنگەن ئۈچ كىتابى تۈركىيەدە قايتا نەشر قىلىندى

ر ف ئا خەۋىرى
2017-يىلى 2-ئاينىڭ 14-كۈنى

image

داڭلىق شائىر ۋە تارىخچى تۇرغۇن ئالماسنىڭ «ئۇيغۇرلار»، «ھونلارنىڭ قىسقىچە تارىخى» ۋە «قەدىمكى ئۇيغۇر ئەدەبىياتى» ناملىق كىتابلىرى دۇنيا ئۇيغۇر قۇرۇلتىيى تەرىپىدىن ئۇيغۇرچە قايتا نەشر قىلدۇرۇلدى. ئەسەرنىڭ ئۇيغۇرچە نۇسخىسى 1046بەتتىن تەركىب تاپقان بولۇپ، كىتابنىڭ تاش ۋارىقى كۆك رەڭدە، قاتتىق مۇقاۋىلىق قىلىپ لايىھىلەنگەن.

تۇرغۇن ئالماسنىڭ بۇ ئەسەرلىرى، 1986-، 1987- ۋە 1989-يىللىرى ئۈرۈمچىدە نەشر قىلىنىپ ئۇزۇن ئۆتمەي خىتاي ھۆكۈمىتى تەرىپىدىن مەنئى قىلىنىپ يىغىۋېلىنغان ئىدى.

دۇنيا ئۇيغۇر قۇرۇلتىيى بۇنىڭغا ئوخشاش ئۇيغۇر دىيارىدا چەكلەنگەن بىر يۈرۈش كىتابلارنى نەشر قىلدۇرۇش پىلانىنى تۈزۈپ چىققان بولۇپ، داڭلىق تارىخچى تۇرغۇن ئالماسنىڭ چەكلەنگەن ئۈچ كىتابى بۇلارنىڭ ئىچىدە ئىكەن. بىز بۇ ھەقتە تېخىمۇ تەپسىلىي مەلۇمات ئېلىش ئۈچۈن د ئۇ ق باش كاتىپى دولقۇن ئەيسا ۋە مەزكۇر كىتابنى نەشر قىلدۇرغان جېلىل تۇران، تارىخچى ئەركىن ئەكرەم ئەپەندىلەر بىلەن سۆھبەت ئېلىپ باردۇق.

مەزكۇر كىتابنى نەشرگە تەييارلىغان جېلىل تۇران ئەپەندى رادىئومىزغا قىلغان سۆزىدە، تۇرغۇن ئالماسنىڭ خىتاي ھۆكۈمىتى تەرىپىدىن چەكلەنگەن ئۈچ كىتابىنىڭ يېڭى نۇسخىسى توغرىسىدا مەلۇمات بەردى.

تەپسىلاتى...

غۇلجا قىرغىنچىلىقىنىڭ 20 يىللىقىدا، ئۇيغۇرلار ئۈستىدىكى زۇلۇم ۋە كەمسىتىش داۋاملاشماقتا

ئۇيغۇر كىشىلىك ھوقۇق پروگراممىسى(UHRP)، 2017- يىلى 1- فېۋرال

wuc-logo

1997- يىلى 5- فېۋرال، غۇلجا شەھىرىدە ئۇيغۇرلار تەشكىللىنىپ تىنچ شەكىلدە نامايىش         قىلىپ، ئۇيغۇرلارغا قارىتىلغان دىنىي بېسىم ۋە مىللىي كەمسىتىشنى توختىتىشقا چاقىرىق قىلدى. لېكىن، خىتاي دائىرىلىرى نامايىشنى قانلىق باستۇرغاندىن كېيىن، نامايىشقا قاتناشقان دېگەن گۇمان بىلەن زور بىر تۈركۈم ئۇيغۇرنى قولغا ئالدى.

غۇلجا قىرغىنچىلىقىغا 20 يىل بولغان بۈگۈنكى كۈندە، ئۇيغۇر كىشىلىك ھوقۇق پروگراممىسى(UHRP)  خىتاي ھۆكۈمىتىنىڭ غۇلجىدىكى تىنچ نامايىشنى قانلىق باستۇرغان زوراۋان قىلمىشىدىن قىلچە تەپتارتماستىن، ئۇيغۇرلارغا قاراتقان باستۇرۇش ۋە كەمسىتىش سىياسىتىنى داۋاملاشتۇرۇۋاتقانلىقىنى تەكىتلەيدۇ.

تەپسىلاتى...

دئۇق باياناتى :  ئابدۇقادىر ياپچان ۋەقەسىگە ئەسلا سۈكۈت قىلىپ تۇرالمايمىز !

 دۇنيا ئۇيغۇر قۇرۇلتىيى
2016-يىل 9-ئاينىڭ 26-كۈنى

Logo 

       دۇنيا ئۇيغۇر قۇرۇلتىيى، ۋەتەن ئىچى ۋە سىرتىدىكى پۈتۈن شەرقىي تۈركىستانلىقلارنىڭ خەلقئارادىكى ئالى دەرىجىلىك ۋەكىللىك ئورگىنى بولۇش سۈپىتى بىلەن، ئۇزۇن يىللاردىن بۇيان تۈركىيىدە ئىستانبۇل شەھىرىدە ئىستىقامەت قىلىپ تۇرىۋاتقان مەشھۇر ئۇيغۇر جامائەت ئەربابى ۋە دىنىي ئالىمى ئابدۇقادىر ياپچان ئەپەندىمنىڭ 2016 – يىلى 8 – ئاينىڭ 31 – كۈنى ئىستانبۇلدا تۈركىيە جۇمھۇرىيىتى قانۇن ئورگانلىرى تەرىپىدىن تۇتقۇن قىلىنىش ۋەقەسىگە جىددى شەكىلدە دىققەت قىلىپ كەلمەكتە.

 

         2016 – يىلى 9 – ئاينىن 24 – كۈنى دۇنيا ئۇيغۇر قۇرۇلتىيى دائىمىي كومىتېتى مىللىي رەھبىرىمىز ۋە رەئىسىمىز رابىيە خانىمنىڭ بىۋاستە رىياسەتچىلىكىدە مەخسۇس ئابدۇقادىر ياپچان ۋەقەسى ھەققىدە ئالاھىدە يىغىن چاقىرىپ، بۇ ھەقتە جىددى ئورۇنلاشتۇرۇش ئېلىپ باردى.

 

       ۋەتەن ئىچى ۋە سىرتىدىكى پۈتۈن شەرقىي تۈركىستانلىقلارنىڭ نەزىرىدە تۈركىيە جۇمھۇرىيىتى ئۆزلىرىنىڭ ئىككىنچى ۋەتىنىدىن ئىبارەت، ھازىرغا قەدەر تۈركىيە جۇمھۇرىيىتى ۋە  بۈيۈك تۈرك خەلقى باشتىن – ئاخىرى ئاسارەت ئاستىدا زۇلۇم چېكىۋاتقان شەرقىي تۈركىستان خەلقىنىڭ ھامىيسى ۋە باشپاناھى بولۇپ كەلدى، ئۇيغۇر خەلقىنىڭ تۈركىيە جۇمھۇرىيەتىگە ۋە تۈرك خەلقىغە يۈكسەك دەرىجىدە مىننەتدارلىقنى، سۆيگۈسى ۋە مۇھەببىتى بار !  شۇنىڭ ئۈچۈنمۇ دۇنيا ئۇيغۇر قۇرۇلتىيى ھازىرغا قەدەر ئابدۇقادىر ياپچان ۋەقەسىگە مۇئامىلە قىلىشتا تۈركىيە جۇمھۇرىيىتىنىڭ خەلقئارادىكى ئوبرازىغا ۋە شەرقىي تۈركىستان خەلقىنىڭ قەلبىدىكى چەكسىز سۆيگۈسىگە سەلبىي تەسىر يەتكۈزۈپ قويۇشتىن ئۆزىنى قاچۇرۇپ كەلدى.

 

        ئەپسۇسكى، ئابدۇقادىر ياپچاننىڭ ئاخىرقى قېتىم تۇتقۇن قىلىنغان ۋاقتىنىڭ ئۇزۇراپ كېتىشى، دۇنيا ئۇيغۇر قۇرۇلتىيىنى جىددى ئەندىشىگە سالماقتا، مۇھاجىرەتتىكى ئۇيغۇرلارنىڭ بۇ ۋەقەگە بولغان نارازىلىقلىرى ۋە قارشى ئىنكاسلىرىمۇ كۈندىن – كۈنگە ئېشىپ بارماقتا. بىزنىڭ ئاساسلىق تەلىپىمىز  يەنىلا ئابدۇقادىر ياپچان ۋەقەسىنىڭ تۈركىيىدىن ھالقىپ كەتمىگەن ئاساستا ئادىللىق بىلەن بىرتەرەپ قىلىنىشىنى ۋە ئابدۇقادىر ياپچان ئەپەندىمنىڭ تېزرەك ھۆرلۈككە ئېرىشىشىنى ئارزۇ قىلىمىز.

 

       ھازىرغا قەدەر ئۆزلىرىنىڭ قان قېرىندىشى ھېسابلانغان ئۇيغۇرلارغا ئىزچىل تۈردە ئىگە چىقىپ كەلگەن، خىتاينىڭ زۇلمىدىن قېچىپ چىققان مىڭلىغان ئۇيغۇرلارنى ئىللىق باغرىغا باسقان تۈركىيە جۇمھۇرىيىتىنىڭ ۋە ھۆكۈمىتىنىڭ ئابدۇقادىر ياپچان مەسىلىسىنىمۇ ئۇيغۇر قېرىنداشلىرىنىڭ دىلىنى رەنجىتمىگەن شەكىلدە ئادىللىق بىلەن ھەل قىلىدىغانلىقىغا ئىشىنىمىز، ئابدۇقادىر ياپچان ئەپەندىمنىڭ تېزرەك ئەركىنلىككە ئېرىشىشى، مۇھاجىرەتتە ياشاۋاتقان پۈتۈن ئۇيغۇرلارنىڭ، شۇنداقلا پۈتۈن ئۇيغۇرلارغا ۋەكىللىك قىلىۋاتقان دۇنيا ئۇيغۇر قۇرۇلتىيىنىڭ نۆۋەتتىكى ئەڭ جىددى ۋە ئەڭ ئاساسلىق ئارزۇ ۋە تەلەپلىرىنىڭ بىرىدىن ئىبارەت !

 

                         

 

 

 دۇنيا ئۇيغۇر قۇرۇلتىيى

2016-يىلى 9-ئاينىڭ 26-كۈنى

تەپسىلاتى...

ب د ت ئالدىدا خىتايغا قارشى خەلقئارالىق زور نامايىش چاقىرىقى

دۇنيا ئۇيغۇر قۇرۇلتىيى
2016-يىلى 8-ئاينىڭ 28-كۈنى

DUQ NAMAYISH UQTURUSH

د ئۇ ق جىددىي چاقىرىقى!

ئەزىز ۋەتەنداشلار،

خىتاي مۇستەبىت ھاكىمىيىتىنىڭ شەرقىي تۈركىستاندىكى ئۇيغۇر مىللىتى ئۈستىدىن يۈرگۈزىۋاتقان خالىغانچە تۇتقۇن قىلىش، ئېتىپ ئۆلتۈرۈش، ئۇيغۇرلارنىڭ مەدەنىي، دىنىي، مىللىي كىملىكلىرىگە شەرمەندىلەرچە تاجاۋۇز قىلىش ھەرىكەتلىرى يۇقىرى پەللىگە كۆتۈرۈلمەكتە. بۇنىڭ بىلەنلا قالماي، خىتاي ھاكىمىيىتى بۇ يىل يولغا قويغان <<تېررورىزىمغا قارشى تۇرۇش قانۇنى>> ۋە <<چەتئەل تەشكىلاتلىرىنى باشقۇرۇش قانۇنى>> ئارقىلىق، مۇھاجىرەتتە مىللىي مۇجادىلىلەر بىلەن شۇغۇللىنىۋاتقان شەرقىي تۈركىستان تەشكىلاتلىرىغا بولغان زىيانكەشلىكلىرىنىمۇ زور دەرىجىدە كۈچەيتمەكتە.

مەلۇم بولغىنىدەك، خىتاي ھۆكۈمىتى ب د ت كىشىلىك ھوقۇق كېڭىشىگە ئەزا 53 دۆلەتنىڭ بىرى. خىتاي ب د ت دىكى بۇ ئىمتىيازىدىن پايدىلىنىپ، كىشىلىك ھوقۇق كېڭىشى يىغىنلىرىدا ئۇيغۇرلار ۋە تىبەتلەرنىڭ كىشىلىك ھەق – ھوقۇقلىرى ئۈچۈن پىكىر بايان قىلغۇچى خەلقارالىق تەشكىلاتلارنىڭ ب د ت دىكى كۆزەتكۈچىلىك ئورنىنى بىكار قىلىشتەك سۈيقەستلىرىنى جىددىلەشتۈرۈپ، ئۇيغۇر، تىبەت مەسىلىسىنىڭ ب د ت دا ئوتتۇرىغا قويۇلىشىنى چەكلەش مەقسىدىگە يېتىشكە ئۇرۇنماقتا. ھەر يىلقى ب د ت كىشىلىك ھوقۇق كېڭىشى يىغىنىدا شەرقىي تۈركىستان خەلقىنىڭ ئاۋازىنى دۇنيا جامائىتىگە يەتكۈزۈپ كېلىۋاتقان د ئۇ ق نىڭ ب د ت دا ئېلىپ بارىدىغان پائالىيەتلىرىمۇ جىددىي تەھدىتكە دۇچ كەلمەكتە. خىتاينىڭ بۇ سۈيقەست ۋە تەھدىتلىرىنى يوقىتىش، نۆۋەتتىكى تەخىرسىز تەدبىر قوللىنىشقا تېگىشلىك بىر مەسىلىگە ئايلانماقتا.

بۇ يىل 13 – سىنتەبىردىن 30 – سىنتەبىرگىچە داۋاملىشىدىغان ب د ت كىشىلىك ھوقۇق كېڭىشى يىغىنىدا خىتايدىكى كىشىلىك ھوقۇق مەسىلىسى نۇقتىلىق مۇزاكىرە قىلىنىدۇ.بۇ يىغىندا ئۇيغۇرلار مەسىلىسىنى كۈنتەرتىپكە كەلتۈرۈش مىللىي دەۋايىمىزنىڭ زۆرۈر ئىھتىياجى. 2017 – يىلى مارت ئايلىرىدا ب د ت كىشىلىك ھوقۇق كېڭىشىگە ئەزا دۆلەتلەرنىڭ چوڭ سايلىمى ئېلىپ بېرىلىدۇ. خىتاينى بۇ سايلامدا مەغلۇپ قىلىپ، كىشىلىك ھوقۇق كېڭىشى ئەزالىقىدىن قالدۇرۇش، ماھىيەتتە ئۇيغۇرلار ۋە تىبەتلەرنىڭ ب د ت دا قولغا كەلتۈرگەن بۈيۈك غەلىبىسى بولىدۇ.

بۇ مۇناسىۋەت بىلەن، د ئۇ ق ۋە خەلقارا تىبەت ھەرىكىتى تەشكىلاتى دۇنيانىڭ ھەر يېرىدىكى كىشىلىك ھوقۇق تەشكىلاتلىرى، ئۇيغۇر ۋە تىبەتنى ھىمايە قىلغۇچى كۈچلەرنى سەپەرۋەر قىلىپ، 9 – ئاينىڭ 16 – كۈنى بىر قانچە مىڭ كىشىلىك خەلقارالىق بىرلەشمە زور نامايىش تەشكىللەشنى قارار قىلدى. نامايىشقا ياۋرۇپا دۆلەتلىرىدە ياشاۋاتقان ئۇيغۇر، تىبەت، تۈرك ۋە باشقا كىشىلىك ھوقۇق تەشكىلاتلىرى ئەزالىرى قاتنىشىدۇ.

ب د ت دا خىتايدىكى كىشىلىك ھوقۇق ۋەزىيىتى مۇزاكىرە قىلىنىۋاتقان دەل شۇ دەقىقىلەرگە توغرۇلاپ ئېلىپ بېرىلىدىغان بۇ نامايىشقا، ياۋرۇپا ئەللىرىدىكى مىللەتنىڭ قايغۇسىغا شېرك بولۇشنى، ۋەتەننىڭ ھۆرلۈكىنى قولغا كەلتۈرۈشنى خالايدىغان بارلىق ۋىجدانلىق ئۇيغۇر قېرىنداشلىرىمىزنى ئاكتىپلىق بىلەن قاتنىشىشقا دەۋەت قىلىمىز. نامايىش سېپىگە قوشۇلۇشقا ئىمكانى يار بەرمىگەنلەرنىڭ ماددىي تەرەپلەردىن قوللىشىنى ئۈمىد قىلىمىز.

بۇ قېتىمقى نامايىش، ئۇيغۇرلار مەسىلىسىنىڭ ب د ت دا داۋاملىق ئوتتۇرىغا قويۇلۇش پۇرسىتىنى ساقلاپ قېلىشتا ناھايىتى مۇھىم ئەھمىيەتكە ئىگە. ئۆزىڭىزنىڭ ئۇيغۇرلىقى، غۇرۇرى، ئىمانى، ۋىجدانى بىلەن بۇ چاقىرىققا بىر ئۈلۈش ئاۋاز قوشسىڭىز، خارلىق ئىچىدە پەريات  چېكىۋاتقان مىليونلىغان قېرىنداشلىرىمىز نامىدىن رەھمەتلەر ئېيتىمىز. ئاللاھ سىزدىن رازى بولسۇن!

دۇنيا ئۇيغۇر قۇرۇلتىيى

تەپسىلاتى...

دئۇق: ئۇيغۇر مۇھاجىرلىرى مەسىلىسى ۋە شەرقىي تۈركىستاندا كىشىلىك ھوقۇق ناملىق خەلقئارالىق مۇھاكىمە يىغىنى

دۇنيا ئۇيغۇر قۇرۇلتىيى
2016-يىلى 2-ئاينىڭ 2-كۈنى
Logo
دئۇق نىڭ ساھىبخانىلىق قىلىشى ۋە خەتەر ئاستىدىكى خەلقلەر تەشكىلاتى، خەلقارا مۇھاجىرلار تەشكىلاتلىرىنىڭ ھەمكارلىشىشى بىلەن،  2016-يىلى 4-ئاينىڭ 25-26-كۈنلىرى گېرمانىيىنىڭ بېرلىن شەھىرىدە، „ئۇيغۇر مۇھاجىرلار مەسىلىسى ۋە شەرقىي تۈركىستاندىكى كىشىلىك ھوقۇق ۋەزىيىتى“ ماۋزۇلۇق خەلقارا يىغىن ئۆتكۈزىلىدۇ.

تەپسىلاتى...