دولقۇن ئەيسانىڭ ئىتالىيە ۋەقەسى يەنىلا غۇلغۇلا تېمىسى بولماقتا

ر ف ئا خەۋىرى
2017 – يىلى 3– ئاۋغۇست

د ئۇ ق باش كاتىپى دولقۇن ئەيسانىڭ ئىتالىيەدە ساقچىلار تەرىپىدىن 3 سائەت تۇتۇپ قويۇپ بېرىلگەنلىكى خەلقئارا مەتبۇئاتلاردا يەنىلا قىزىق تېما بولماقتا.

د ئۇ ق باش كاتىپى، ئۇ ن پ ئو مۇئاۋىن رەئىسى دولقۇن ئەيسا ئەپەندى 26-ئىيۇل ئىتالىيە يۇقىرى پالاتاسىدا چاقىرىلغان ئۇيغۇرلارنىڭ نۆۋەتتىكى ۋەزىيىتىدىن گۇۋاھلىق بېرىش مەخسۇس يىغىنىدا نۇتۇق سۆزلەشتىن 15 مىنۇت ئىلگىرى، رىمدىكى دىگوس دەپ ئاتالغان ئالاھىدە ھەرىكەت باشقارمىسى خادىملىرى تەرىپىدىن تۇتۇپ كېتىلىپ، ئۈچ يېرىم سائەتتىن كېيىن قويۇپ بېرىلگەن ئىدى. بۇ ۋەقە بۈگۈنگىچە مىسىردىكى ئۇيغۇر ئوقۇغۇچىلار ۋەقەسىگە ئوخشاشلا كۆپلىگەن خەلقئارالىق ئاخبارات ۋاستىلىرىدا كەڭ تارقىتىلىپ، ئۇيغۇرلار مەسىلىسىنى قىزىق تېمىغا ئايلاندۇرماقتا.

تەپسىلاتى...

دولقۇن ئەيسا ئىتالىيەدە مۇخبىرلارنى كۈتۈۋېلىش يىغىنى ئۆتكۈزدى

ر ف ئا خەۋىرى
2017 – يىلى 30– ئىيۇل

د ئۇ ق باش كاتىپى، ئۇ ن پ ئو مۇئاۋىن رەئىسى دولقۇن ئەيسا ئەپەندى 26-ئىيۇل ئىتالىيە يۇقىرى پالاتاسىدا چاقىرىلغان ئۇيغۇرلارنىڭ نۆۋەتتىكى ۋەزىيىتىدىن گۇۋاھلىق بېرىش مەخسۇس يىغىنىدا نۇتۇق سۆزلەشتىن 15 مىنۇت ئىلگىرى، رىمدىكى دىگوس دەپ ئاتالغان ئالاھىدە ھەرىكەت باشقارمىسى خادىملىرى تەرىپىدىن تۇتۇپ كېتىلىپ، ئۈچ يېرىم سائەتتىن كېيىن قويۇپ بېرىلگەن ئىدى. بۇ ۋەقە ئۈچ كۈندىن بۇيان كۆپلىگەن خەلقئارا ئاخبارات ۋاسىتىلىرىدە تارقىتىلىپ، ئۇيغۇرلار مەسىلىسىنى يەنە بىر قېتىم قىزىق تېمىغا ئايلاندۇردى ھەمدە تۈرلۈك غۇلغۇلىلارغا سەۋەب بولدى.

دولقۇن ئەيسا ئەپەندى 28‏-ئىيۇل سائەت 11:00

تەپسىلاتى...

UNPO ۋە ئۇيغۇر تەشكىلاتلىرى ئىتالىيەگە نارازىلىق بىلدۈردى

ر ف ئا خەۋىرى
2017 – يىلى 28– ئىيۇل

ۋاكالەتسىز مىللەتلەر تەشكىلاتى(UNPO) ۋە د ئۇ ق جۈمە كۈنى ئىتالىيە ساقچىلىرىنىڭ ئۇنپو مۇئاۋىن رەئىسى، د ئۇ ق باش كاتىپى دولقۇن ئەيسانى 3 يېرىم سائەت تۇتۇپ تۇرغانلىقىغا نارازىلىق بىلدۈرۈپ، ياۋروپا ئىتتىپاقى ۋە ئىتالىيەنىڭ تەكشۈرۈش ئېلىپ بېرىشىنى، ئىتالىيە ساقچىلىرىنىڭ نېمە ئۈچۈن دولقۇن ئەيسانى تۇتۇپ سوراق قىلغانلىقىنى ئېنىقلىشىنى تەلەپ قىلدى.

تەپسىلاتى...

دولقۇن ئەيسا ئىتالىيەدە ساقچىلارنىڭ توسالغۇسىغا ئۇچرىدى

ر ف ئا خەۋىرى
2017 – يىلى 27– ئىيۇل

د ئۇ ق باش كاتىپى، ۋاكالەتسىز مىللەتلەر تەشكىلاتى (UNPO) مۇئاۋىن رەئىسى دولقۇن ئەيسا ئىتالىيە يۇقىرى پالاتاسىدا چاقىرىلىدىغان ئۇيغۇرلار ھەققىدە گۇۋاھلىق بېرىش يىغىنىدىن ئىلگىرى ئاۋارىچىلىككە ئۇچرىدى.

مەلۇماتلارغا ئاساسلانغاندا، 26-ئىيۇل كۈنى ئىتالىيەدىكى بىر قانچە رادىكال پارتىيە بىلەن UNPO بىرلىكتە ئىتالىيە يۇقىرى پالاتاسىدا مەخسۇس ئۇيغۇرلارنىڭ نۆۋەتتىكى ۋەزىيىتى ھەققىدە گۇۋاھلىق بېرىش يىغىنى ئۆتكۈزمەكچى بولغان. «دۇنياۋى جىددىي سىگنال: ئۇيغۇرلارنىڭ جىددىي ۋەزىيىتى» دەپ نام بېرىلگەن بۇ گۇۋاھلىق يىغىنىغا ئىتالىيە يۇقىرى پالاتاسى ۋە پارلامېنت ئەزالىرىدىن كۆپلىگەن كىشى ئىشتىراك قىلىدىغان بولۇپ، د ئۇ ق باش كاتىپى، UNPO مۇئاۋىن رەئىسى دولقۇن ئەيسا ئەپەندى بۇ يىغىنغا تەكلىپ قىلىنىپ، نۆۋەتتىكى كۈنسېرى يامانلىشىۋاتقان ئۇيغۇرلارنىڭ ئومۇمىي ۋەزىيىتى ھەققىدە سائەت 12:00 دە مەخسۇس گۇۋاھلىق دوكلاتى تەقدىم قىلماقچى بولغان. بىراق، سائەت 11:45 ئۆتكەندە، ئىتالىيەنىڭ دىگوس دەپ ئاتالغان ئالاھىدە ھەرىكەت باشقارمىسىنىڭ خادىملىرى «كىملىكىنى ئېنىقلاش» نامىدا دولقۇن ئەيسانى ئىتالىيە يۇقىرى پالاتاسىنىڭ سىرتىدا تۇتۇپ كەتكەن.

تەپسىلاتى...

ئۇيغۇر بالىلىرىنىڭ ئىسلامىي ئىسىملىرىنى ئۆزگەرتىش ھەققىدىكى ئۇقتۇرۇش ئەمەلىيلەشتۈرۈلمەكتە

ر ف ئا خەۋىرى
2017 – يىلى 26– ئىيۇل

«شىنجاڭ گېزىتى» نىڭ 7-ئاينىڭ 21-كۈنىدىكى سانىدا 6 نەپەر ئۇيغۇر بالىنىڭ مۇسۇلمانچە ئىسىملىرىنىڭ ئۆزگەرتىلگەنلىكى ھەققىدە ئاتا-ئانىلىرى تەرىپىدىن بېرىلگەن ئېلان ئىجتىمائىي تور بەتلەردە تارقالغاندىن كېيىن كۈچلۈك ئىنكاس پەيدا قىلدى. خىتاي ھۆكۈمىتىنىڭ بىر قىسىم ئىسىملارنى چەكلىشى ئۇيغۇر ئاتا-ئانىلىرىنىڭ ئۆز بالىلىرىغا خالىغان ئىسىم قويۇشتىن ئىبارەت ئەڭ تەبىئىي ھوقۇقىنى دەپسەندە قىلغانلىق دەپ قارىلىش بىلەن بىرگە، ئۇيغۇر كىملىكىگە قىلىنىۋاتقان ھۇجۇم، دەپ مۇلاھىزە قىلىنماقتا.

بۇ يىل 4-ئايدا ئۇيغۇر ئاپتونوم رايونى دائىرىلىرى قويۇق ئىسلامىي پۇراققا ئىگە بولغان 20 دىن ئوشۇق ئىسىمنىڭ تىزىملىكىنى ئېلان قىلىپ، بۇ ئىسىملارنى يېڭى تۇغۇلغان بالىلىرىغا قويۇشتىن چەكلىگەن ئىدى. دائىرىلەر ئېلان قىلغان چەكلەنگەن ئىسىملار تىزىملىكىدە «مۇجاھىت، جىھاد، ئابدۇ پەتتار، ئەبۇلغازى، ئەزھەر، ئەسئەدۇللا، ئەمىرۇللا، ئەمىرىدىن، ئەھرۇللا، ئەكبەر، غازات، تۈركىناز، تۈركىزاد، ئەبۇبەكرى، مۇسلىمە، مۇخلىسە، ئەراپات، ھاجى، غوجا، خۇدابەردى، تۈركىناي، مۇجايدۇللا» قاتارلىق بىر تۈركۈم ئىسىملار بار بولۇپ، دائىرىلەر يەنە چەكلەنگەن ئىسىم قويۇلغان بالىلارنىڭ نوپۇسقا ئېلىنمايدىغانلىقى، مەكتەپلەرگە قوبۇل قىلىنمايدىغانلىقىنى ئۇقتۇرغان. كېيىن دائىرىلەر بۇ ئىسىم چەكلەش ھەرىكىتىنىڭ دائىرىسىنى كېڭەيتىپ، ئۇنى 16 ياشتىن تۆۋەن بولغان بالىلارغىچە ئىجرا قىلىپ، يۇقىرىقىدەك ئىسىم قويۇلغان بالىلار بولسا ئىسىملىرىنى ئۆزگەرتىۋېتىشنى تەلەپ قىلغان.

تەپسىلاتى...

مىسىردا ئۇيغۇر ئوقۇغۇچىلارنى تۇتقۇن قىلىشقا خىتاي ئامانلىق خادىملىرىنىڭ قاتناشقانلىقى ئىلگىرى سۈرۈلدى

ر ف ئا خەۋىرى
2017 – يىلى 25– ئىيۇل

يەكشەنبە كۈنى 4 نەپەر خىتاي ئامانلىق خادىمى قاھىرە شەھىرىدە ئولتۇرۇشلۇق بىر ئۇيغۇر ئوقۇغۇچىنىڭ ئائىلىسى تۇرۇشلۇق بىناغا كېلىپ، ئۇنى تۇتۇشقا كىرىشكەن. بىراق، بۇ ئۇيغۇر ئوقۇغۇچى ئەھۋالنى تۇيۇپ قېلىپ، دەرھال قېچىپ چىقىپ كەتكەن. بۇ ئوقۇغۇچى دۈشەنبە كۈنى زىيارىتىمىزنى قوبۇل قىلىپ، بۇ 4 نەپەر خىتاي ئامانلىق خادىمى، ئىككى مىسىر ئىستىخبارات خادىمىنىڭ ھەمراھلىقىدا كەلگەنلىكىنى، ئۇلار بىناغا كىرىشكە ئۇرۇنغان بولسىمۇ، بىراق بىنانىڭ كۆزەتچى خادىمى ئۇلارنى كىرگۈزمىگەنلىكىنى بىلدۈردى.

ئوقۇغۇچى: بىز 3-4 ئۇيغۇر بالىلار ئىدۇق. ئائىلىدىكىلەرنى ئېلىپ كېلىپ ئولتۇرغانتۇق. بىر يەرگە بېرىپ كېلىمىز، دەپ چىقىپ كېتىپ ئايلىنىپ قايتىپ كەلدۇق. قايتىپ كىرىپ پېشىننى ئوقۇدۇق. پېشىننى ئوقۇپ بولۇپ تۇرساق، بىزنىڭ ئاغىنە بالىلارنىڭ بىرىنىڭ بالىسى قىزىپ كېتىپتىكەن، ئايالىغا دەپ دوختۇرخانىدىن دورا ئېلىپ كىردۇق. ئايالى دورىخانىغا دورا ۋە ئوكۇل سالدۇرۇشقا چۈشۈپ كەتكەن. بىردەمدىن كېيىن قىزى يۈگۈرۈپ چىقىپتۇ، دادا تۆۋەندە خىتايلار تۇرىدۇ، دېدى. بىردەمدىن كېيىن، بىزنىڭ ئۆيگە تۆۋەندىكى قەۋەتتىن تېلېفون قىلىپتۇ. چوڭ قىزىم ئېلىپ بىر نېمىلەرنى دەپ ماڭا تۇتقۇزۇپ قويدى. شۇنىڭ بىلەن ئەرەبچە بىرىنى سورىغاندەك قىلدى. خاتا نومۇرغا قىلىپسەن، دەپ تېلېفوننى قويۇۋەتتىم. بۇ ئارىدا ئايالىمغا سەن گەپ قىل دېسەم، ھازىر جۇڭگولۇقتىن بىرى گەپ قىلدى دېدى. ئايالىم، بۇ جۇڭگولۇق ئەمەس، ئۇ مېنىڭ يولدىشىم دېگەن بولدى. ئۇ، ياق، ئۇ جۇڭگولۇق دەپ تۇرۇۋالدى. شۇنىڭ بىلەن ئايالىم ئىككىمىز چۈشۈپ باقايلى، دەپ، بالىلارنى مۆكتۈرۈپ قويۇپ، پەسكە چۈشتۇق. تۆۋەنگە چۈشۈپ قارىسام، ئىشىك ئالدىدا بىر خىتاي تۇرىدۇ. سىرتىدىكى ئادەم ئىچىنى كۆرەلمەيدۇ.. مەن ئىچىدە تۇرۇپ ئايالىمنى چىقاردىم. 

تەپسىلاتى...

ئامېرىكا دىنىي ئەركىنلىك كومىتېتى: «گۈلمىرەنىڭ قىسمىتى ئۇيغۇرلارنىڭ نۆۋەتتىكى ئەھۋالىنىڭ ئىنكاسى!»

ر ف ئا خەۋىرى
2017 – يىلى 19– ئىيۇل

ئۇيغۇر ۋىجدان مەھبۇسى گۈلمىرە ئىمىننىڭ مەڭگۈلۈك قاماققا ھۆكۈم قىلىنغانلىقىغا سەككىز يىل تولۇش مۇناسىۋىتى بىلەن، ئامېرىكا دىنىي ئېتىقاد ئەركىنلىكى كومىتېتىنىڭ مۇئاۋىن مۇدىرى ساندرا جوللېي خانىم ئۆزىنىڭ ئوچۇق خېتىنى ئېلان قىلدى ھەمدە تۈرمىدىكى گۈلمىرەگە مەدەت تىلىدى. شۇنىڭ بىلەن بىللە، ئۇ زىيارىتىمىز جەريانىدا «گۈلمىرە ئىمىن دۇچ كەلگەن قىسمەت ئايرىم بىر شەخسنىڭ ئەھۋالى ئەمەس، بەلكى پۈتكۈل ئۇيغۇرلارنىڭ بېشىغا كېلىۋاتقان سىمۋوللۇق ھالەت» دېدى.

ئۇيغۇر ھازىرقى زامان تارىخىدىكى زور ۋەقەلەردىن بولغان ئۈرۈمچى «5-ئىيۇل ۋەقەسى» گە ئاللىقاچان سەككىز يىل بولغان بولسىمۇ، خىتاي ھۆكۈمىتى بۇنىڭدىكى نۇرغۇن مەسىلىلەرنى تاشقى دۇنياغا ئاشكارىلىغىنى يوق. ئەنە شۇ ئىشلارنىڭ بىرى، شۇ قېتىم «زوراۋانلىق ھەرىكەتلىرىگە قاتناشقان» دېگەن نام بىلەن تۈرمىلەرگە تاشلانغان ئۇيغۇر سىياسىي مەھبۇسلىرىنىڭ كېيىنكى ئەھۋالىدۇر. «5-ئىيۇل ۋەقەسى» دىن كېيىن شۇ قېتىملىق نامايىشنى تەشكىللىگۈچىلەرنىڭ بىرى، دېگەن گۇمان بىلەن قولغا ئېلىنغان ھەمدە مۇددەتسىز قاماققا ھۆكۈم قىلىنغان ئۇيغۇر قىزى گۈلمىرە شۇ قاتاردىكى ۋىجدان مەھبۇسلىرىنىڭ ئىچىدە تىپىك شەخسلەردىن ھېسابلىنىدۇ.

تەپسىلاتى...

ميۇنخېندىكى پەۋقۇلئاددە قۇرۇلتاينىڭ بىكار قىلىنغانلىقى ھەققىدە ئۇقتۇرۇش

دۇنيا ئۇيغۇر قۇرۇلتىيى
2017-يىلى 7-ئاينىڭ 17-كۈنى


دۇنيا ئۇيغۇر قۇرۇلتىيىنىڭ رەئىسى، ئۇيغۇر مىللىي ھەرىكىتىنىڭ لىدېرى رابىيە قادىر خانىم سۇنغان: ئومۇمىي مىللىي بىرلىكنى قوغداش، د ئۇ ق نى پارچىلىنىشتىن ساقلاپ قېلىش ئۈچۈن 7 – ئاينىڭ 21 -، 23 – كۈنلىرى گوللاندىيەدە چاقىرىلماقچى بولغان ئالىي كېڭەش يىغىنىنى ھەمدە 8 – ئاينىڭ 25 -، 27 – كۈنلىرى گېرمانىيەدە چاقىرىلماقچى بولغان د ئۇ ق 6 – نۆۋەتلىك (پەۋقۇلئاددە) ۋەكىللەر قۇرۇلتىيىنى ئەمەلدىن قالدۇرۇشىنى توغرا قارار دەپ قارايمىز ۋە ميۇنخېندىكى پەۋقۇلئاددە قۇرۇلتاي ئېچىش پلانىمىزدىن ۋاز كەچكەنلىكىمىزنى ئېلان قىلىمىز. ھىچقانداق نەرسە مىللىي داۋادىن ئۈستۈن تۇرالمايدۇ. د ئۇ ق نىڭ بىرلىكى، مۇكەممەللىكى ۋە تەرەققىياتى مۇھاجىرەتتىكى مىللىي ھەرىكەتنىڭ زۆرۈر ئىھتىياجىدۇر. رابىيە خانىمنىڭ ھالقىلىق پەيىتتە د ئۇ ق نىڭ بۆلۈنۈپ كېتىشىنىڭ ئالدىنى ئېلىش ئۈچۈن ئالىي كېڭەش بىلەن پەۋقۇلئاددە قۇرۇلتاينى دەرھال ئەمەلدىن قالدۇرۇپ، يېقىن كەلگۈسىدە دائىمىي كومېتىت يىغىنى ئېچىپ، ئىچكىي كىرىزسلارنى ئىچكىي قىسىمدا ھەل قېلىش تەشەببۇسى مىللەتنى ئۈمىدسىزلىكتىن ئازات قىلىدىغان، مىللىي دەۋاغا ھاياتىي كۈچ بېغىشلايدىغان توغرا قاراردۇر.؛شۇڭا رابىيە خانىمنىڭ بۇ قارارىنى قوللايدىغانلىقىمىز ۋە ئەگىشىدىغانلىقمىزنى بىلدۇرىمىز.

قۇرۇلتاي دائىمىي كومېتىتىدا پەۋقۇلئاددە قۇرۇلتاينى ميۇنخېندا ئېچىشھەققىدە ئاۋاز بەرگۈچىلەرگە ۋاكالىتەن:

د ئۇ ق باش كاتىپى: دولقۇن ئەيسا

تەپسىلاتى...

ئالىي كېڭەش ۋە پەۋقۇلئاددە قۇرۇلتاينىڭ بىكار قىلىنغانلىقى ھەققىدە ئۇقتۇرۇش

دۇنيا ئۇيغۇر قۇرۇلتىيى
2017-يىلى 7-ئاينىڭ 17-كۈنى

مەن، خەلقىمىزنىڭ ۋەتەن ئىچى-سىرتىدىكى ۋەزىيىتىنىڭ كۈندىن-كۈنگە يامانلىشىۋاتقانلىقىنى ، جۈملىدىن خىتاينىڭ ياۋۇز قولىنى مىسىردىكى ئوقۇغۇچىلىرىمىزغا قارىتا ئۇزاتقانلىقىدەك جىددىي ۋەزىيەتنى ھەم بىرقانچە ھەپتىدىن بېرى مۇھاجىرەتتىكى جامائىتىمىزنىڭ ھەر ساھە كىشىلىرىدىن كەلگەن قىممەتلىك تەلەپ-چاقىرىقلارنى نەزەردە تۇتقان ھالدا داۋادا مىللىي بىرلىك سەپنى قوغداش ۋە ئىچكى تالاش-تارتىشلارغا تېزدىن خاتىمە بېرىش ئۈچۈن، گوللاندىيەدە مۇشۇ ئاينىڭ 21- ۋە 23-كۈنلىرى ئارىسىدا ئېچىلىش ئالدىدا تۇرغان ئالىي كېڭەش ۋە گېرمانىيەدە 25-ۋە 27-ئاۋغۇست ئارىسىدا ئېچىلىشى پىلانلىنىۋاتقان پەۋقۇلئاددە قۇرۇلتاينىڭ ھەر ئىككىسىنىڭ ئېچىلىش قارارىنى ئىناۋەتسىز قىلىمەن ؛ مەزكۇر ئىككى يىغىنىنى ئېچىش-ئاچماسلىق ۋە قەيەردە ئېچىش مەسىلىسى ئەڭ يېقىن مەزگىلدە  قۇرۇلتاي دائىمىي كومىتېتىنىڭ كېڭەيتىلگەن يىغىنىدا قۇرۇلتاي نىزامنامىسىنىڭ ئالاقىدار ماددىلىرىغا ئاساسەن مۇزاكىرە قىلىپ بېكىتىلىدۇ.

بۇ مۇناسىۋەت بىلەن مەن ھازىرغا قەدەر قۇرۇلتاي نامىدا بۇ ئىككى يىغىن ھەققىدە چىقىرىلغان بارلىق ئېلانلارنى ئۆچۈرۈشكە بۇيرۇيمەن.

ھەر ئىككى يىغىنغا تەكلىپ قىلىنغان كىشىلەرنىڭ سەپەر تەييارلىقىنى توختىتىشقا ۋە نورمال خىزمەتلىرىنى داۋاملاشتۇرۇشقا چاقىرىمەن.

-ئۇيغۇر مىللى  ھەركىتىنىڭ رەھبىرى، دۇنيا ئۇيغۇر قۇرۇلتىيى رەئىسى رابىيە قادىر

تەپسىلاتى...

مىسىردا ئوقۇۋاتقان ئۇيغۇر ئوقۇغۇچىلارنى تۇتقۇن قىلىش پاجىئەسى ھەققىدە بايانات

شەرقىي تۈركىستان ئۆلىمالار بىرلىكى تورى
2017 – يىلى 8– ئىيۇل

يېقىنقى بىر قانچە كۈندىن بىرى مىسىرنىڭ ئالاھىدە ساقچىلىرى قاھىرەدە ئەزھەر ئۇنىۋېرسىتېتىدە ئوقۇۋاتقان ۋە ئوقۇشقا ئۆتۈشنى كۈتىۋاتقان ئۇيغۇر ئوقۇغۇچىلارنىڭ ئۆيلىرىگە بېسىپ كىرىپ، ئۇيغۇر ئاشخانىلار ۋە يوللاردا ئۇچرىغان ئوقۇغۇچىلاردىن گەپ سوراپ، مەن ئۇيغۇر دېگەن ھەر بىر كىشىنى تۇتۇپ كەتكەنلىكى، يۈزلەرچە ئوقۇغۇچىنىڭ ئۆيلىرىدە تۇرالماي قېچىپ، مۈكىنىپ يۈرگەنلىكى، مىسىردىن كىتىش ئۈچۈن قاھىرە ئايردرومىغا چىققانلارنىمۇ تۇتۇپ كەتكەنلىكى جەزمىلەشكەن، 70تىن ئارتۇق بالىنىڭ قاھىرە ساقچى مەركىزىگە ئېلىپ كىلىنىپ، قوللىرىغا ئىشكال سېلىنغان ھالدا نامەلۈم تەرەپكە ئېلىپ كېتىلگەنلىكى خەلقئارالىق ئاخبارات ۋاسىتىلىرىدە كەڭ تارقىلىشقا باشلىدى.

تەپسىلاتى...