ئۇيغۇرلارنىڭ قامال قىلىنىۋاتقان دىنىي ئەركىنلىكى ۋە مەدەنىيىتى ھەققىدە خەلقئارالىق يىغىن ئېچىلىدۇ

ئەركىن ئاسىيا
2018 – يىلى 16– فىۋرال

ئۇيغۇرلار دىيارىدىكى ئېغىرلاپ مېڭىۋاتقان سىياسىي ۋەزىيەتنىڭ بىۋاسىتە تەسىرىگە ئۇچراۋاتقان ئامىللار ئىچىدە ئۇيغۇرلارنىڭ دىنىي ئېتىقاد ئەركىنلىكى ۋە مەدەنىيىتى ئالدىنقى ئورۇندا تۇرۇپ كېلىۋاتقانلىقى مەلۇم. بۇ تەسىرنىڭ نۆۋەتتىكى ئەھۋالى ھەمدە ئۇنىڭ يۆنۈلىشى ھەققىدىكى مەسىلىلەرگە قاراپ چىقىش مەقسىتىدە بىرنەچچە خەلقئارالىق تەشكىلاتلارنىڭ ھەمكارلىقىدا 26-فېۋرال كۈنى ئامېرىكا دۆلەت مەجلىسىدە مەخسۇس خەلقئارالىق يىغىن ئېچىش قارار قىلىندى.

تەپسىلاتى...

ياۋرۇپا پارلامېنتى ئالدىدىكى 5000 كىشىلىك نامايىش ئۈچۈن ئالغا!

دۇنيا ئۇيغۇر قۇرۇلتىيى
2018 – يىلى 13– فىۋرال

ئەزىز ۋەتەنداشلار، 4 – ئاينىڭ 27 – كۈنى بېلگىيە پايتەختى بىرۇسسېلدىكى ياۋرۇپا ئىتتىپاقىنىڭ مەركىزىدە ئېلىپ بېرىلىدىغان 5000 كىشىلىك نامايىشنىڭ تەييارلىق خىزمەتلىرى جىددىي داۋام قىلماقتا.

د ئۇ ق ۋەكالەتسىز مىللەتلەر تەشكىلاتى (UNPO) بىلەن بىرلىكتە، ياۋرۇپا دۆلەتلىرىدىكى <<نورۋېگىيە ئۇيغۇر كومىتېتى>>، <<شىۋېتسىيە ئۇيغۇر مائارىپ ئۇيۇشمىسى>>، <<فىنلاندىيە شەرقىي تۈركىستان جەمىيىتى>>، <<بېلگىيە ئۇيغۇر جەمىيىتى>>، گوللاندىيەدىكى <<ياۋرۇپا شەرقىي تۈركىستان مائارىپ جەمىيىتى>>، <<شىۋېتسارىيە شەرقىي تۈركىستان جەمىيىتى>>، <<ئەنگىلىيە ئۇيغۇر جەمىيىتى>>، <<فرانسىيە ئۇيغۇر كومىتېتى>>، <<گېرمانىيە ئۇيغۇر ئاياللار كومىتېتى>> ۋە گېرمانىيەدىكى <<ياۋرۇپا شەرقىي تۈركىستان بىرلىكى>> قاتارلىق 10 ئۇيغۇر تەشكىلاتىنىڭ تەشكىللىشى ئاستىدا <<نامايىش تەييارلىق كومىتېتى>> نى قۇرۇپ چىقتى. مەزكۇر كومىتېتقا ئەزا تەشكىلاتلار ئۆزلىرى تۇرۇشلۇق دۆلەتلەردە نامايىشقا سەپەرۋەرلىك قىلىش خىزمەتلىرىنى قانات يايدۇرماقتا.

بۇ قېتىمقى نامايىشقا ياۋرۇپادىكى ئۇيغۇرلاردىن سىرت، شىمالىي ئامېرىكا، ياپونىيە ۋە تۈركىيە قاتارلىق 20 گە يېقىن دۆلەتتىن ئۇيغۇرلارنىڭ كېلىپ قاتنىشىدىغانلىقى مەلۇم بولماقتا.

بىز ياۋرۇپادىكى بارلىق ۋەتەنداشلارنىڭ مەسىلىگە جىددىي قاراپ، يۇقىرىدا ئىسمى ئاتالغان تەشكىلاتلار بىلەن ئالاقىلىشىپ، 4 – ئاينىڭ 27 – كۈنىدىكى 5 مىڭ كىشىلىك نامايىشقا تەييارلىق قىلىشلىرىنى يەنە بىر قېتىم تەكىتلەيمىز.

ھۆرمەت بىلەن:

نامايىش تەييارلىق كومىتېتى

تەپسىلاتى...

ميۇنخېندا ئۇيغۇر ۋەزىيىتىدىن مەلۇمات بېرىش پائالىيىتى ئۆتكۈزۈلدى

ر ف ئا خەۋىرى
2018 – يىلى  13-فىۋرال

2-ئاينىڭ 8-كۈنى گېرمانىيەنىڭ ميۇنخېن شەھىرىدىكى ئۇيغۇر ۋە تۈرك جامائىتىگە ئۇيغۇرلارنىڭ نۆۋەتتىكى ۋەزىيىتىدىن مەلۇمات بېرىش ۋە مەرھۇم مۇھەممەد سالىھ داموللامنىڭ روھىغا ئاتاپ قۇرئان تىلاۋەت قىلىش پائالىيىتى ئۆتكۈزۈلدى.

بۇ قېتىمقى پائالىيەت دۇنيا ئۇيغۇر قۇرۇلتىيى ۋە ياۋروپا شەرقىي تۈركىستان بىرلىكىنىڭ ئورۇنلاشتۇرۇشى بىلەن ميۇنخېندىكى «تۈرك ئىسلام بىرلىكى» نىڭ چوڭ زالىدا ئۆتكۈزۈلدى.

تەپسىلاتى...

نورۋېگىيەنىڭ ئوسلو شەھىرىدە ئۇيغۇر ياشلىرىنى دېموكراتىيە ۋە كىشىلىك ھوقۇق بويىچە تەربىيەلەش يىغىنى ئېچىلىدۇ

دۇنيا ئۇيغۇر قۇرۇلتىيى
2018 – يىلى 8– فىۋرال

دۇنيا ئۇيغۇر قۇرۇلتىيى(د ئ‍ۇ ق)، نورۋېگىيە ئۇيغۇر كومىتېتى ۋە نورۋېگىيە رافتو فوندى جەمئ‍ىيىتىنىڭ ھەمكارلىشىشى ھەمدە ئامېرىكا دېموكراتىيەنى ئىلگىرى سۈرۈش فوندى(NED) نىڭ ياردىمى بىلەن، 2018-يىلى 16-مارتتىن 18-مارتقىچە نورۋېگىيەنىڭ پايتەختى ئوسلو شەھىرىدە ئۇيغۇر ياشلىرىنى دېموكراتىيە، كىشىلىك ھوقۇق ۋە قانۇن بىلىملىرى بۇيىچە تەربىيەلەش كۇرسى ئېچىلىدۇ.

تەپسىلاتى...

ميۇنخېندا شەرقىي تۈركىستاندىكى زۇلۇمدىن مەلۇمات بېرىش ۋە مۇھەممەد سالىھ داموللام روھىغا قۇرئان تىلاۋەت قىلىش پائالىيىتى ئۆتكۈزۈلىدۇ

دۇنيا ئۇيغۇر قۇرۇلتىيى
2018 – يىلى 7– فىۋرال

ميۇنخېندا شەرقىي تۈركىستاندىكى زۇلۇمدىن مەلۇمات بېرىش ۋە مۇھەممەد سالىھ داموللام روھىغا قۇرئان تىلاۋەت قىلىش پائالىيىتى ئۆتكۈزۈلىدۇ

قەدىرلىك ۋەتەنداشلار،

خىتاي مۇستەبىت ھاكىمىيىتىنىڭ شەرقىي تۈركىستاندىكى باستۇرۇش سىياسىتى ئەۋجىگە چىقماقتا. ئۇيغۇر ئالىملىرى، ئۆلىمالىرى ۋە زىيالىيلىرىنى ئۆز ئىچىگە ئالغان مىليونلارچە خەلقىمىز تۈرمىلەرگە ۋە «يېپىق تەربىيىلەش مەركەزلىرى»گە قامىلىپ، ئىنسان قېلىپىدىن چىققان ۋەھشىيلىكلەر بىلەن جازالانماقتا، ھەتتا شېھىت قىلىنماقتا.

دۇنيا ئۇيغۇر قۇرۇلتىيى ۋە ياۋرۇپا شەرقىي تۈركىستان بىرلىكى تەشكىلاتى بۇ مۇناسىۋەت بىلەن 10 – فېۋرال شەنبە كۈنى ميۇنخېندىكى تۈرك تەشكىلاتلىرى رەھبەرلىرىگە ۋە ئۇيغۇر جامائىتىگە شەرقىي تۈركىستاننىڭ نۆۋەتتىكى ۋەزىيىتىدىن مەلۇمات بېرىش، خىتاي تۈرمىسىدە شېھىت بولغان مەرھۇم مۇھەممەد سالىھ داموللام باشلىق مۆتىۋەرلىرىمىزنىڭ روھىغا قۇرئان تىلاۋەت قىلىش پائالىيىتى ئۆتكۈزۈشنى لايىق تاپتى. پائالىيەتكە قاتنىشىدىغان كىشىلەر سانىنىڭ كۆپلىكىنى نەزەرگە ئېلىپ، بۇ پائالىيەتنى «دىيانەت ئىشلىرى تۈرك ئىسلام مەركىزى» تەشكىلاتىنىڭ چوڭ زالىغا ئورۇنلاشتۇردى. (Impilerstr)

گېرمانىيەدىكى بارلىق شەرقىي تۈركىستانلىق قېرىنداشلىرىمىزنى ئەر-ئايال ۋە بارلىق ئائىلە ئەزالىرىنى ئېلىپ، شەنبە كۈنىدىكى بۇ مۇراسىمىمىزغا تولۇق قاتنىشىپ بېرىشكە تەكلىپ قىلىمىز. مېھمانلار ئۇيغۇرچە تائاملار بىلەن كۈتۈلىدۇ.

ۋاقتى: 2-ئاينىڭ 10-كۈنى شەنبە، سائەت 17:00
ئادرېسى: Schanzenbachstraße.1
پوچتا نومۇرى: 81371
ئالاقىلاشقۇچى: تۇرغۇنجان ئالاۋۇدىن ھاجىم
تېلىفون نومۇرى: 017610382764

ھۆرمەت بىلەن:

دۇنيا ئۇيغۇر قۇرۇلتىيى
ياۋرۇپا شەرقىي تۈركىستان بىرلىكى

تەپسىلاتى...

دۇنيا ئۇيغۇر قۇرۇلتىيى رەئىسى دولقۇن ئەيسا قاتارلىقلار ئەركىن ئاسىيا رادىئوسىنى زىيارەت قىلدى

ر ف ئا خەۋىرى
2018 – يىلى  3-فىۋرال

چارشەنبە كۈنى، دۇنيا ئۇيغۇر قۇرۇلتىيىنىڭ رەئىسى دولقۇن ئەيسا، ئىجرائىيە كومىتېتى باشلىقى ئۆمەر قانات شۇنداقلا ئامېرىكىدا تەشكىللەنگەن «بىر ئاۋاز بىر قەدەم» ئاياللار ھەرىكىتىنىڭ تەشكىللىگۈچىلىرىدىن بىرى روشەن ئابباس خانىم قاتارلىقلار ئەركىن ئاسىيا رادىئوسىنى زىيارەت قىلدى.

ئۇلار رادىئو رەھبەرلىرى بىلەن ئۇچرىشىپ، دۇنيا ئۇيغۇر قۇرۇلتىيىنىڭ خىزمەتلىرى ۋە پىلانلىرى ئۈستىدە شۇنداقلا ئۇيغۇر ئېلىنىڭ نۆۋەتتىكى جىددىي ۋەزىيىتى ئۈستىدە مەلۇمات بەردى. ئۇلار ئۇيغۇر بۆلۈمى ۋە خىتاي بۆلۈملىرىنىڭ ئايرىم تېلېۋىزىيە ھەم رادىئو ئاڭلىتىشلىرىنىڭ زىيارەتلىرىنى قوبۇل قىلىپ، مۇخبىرلارنىڭ سوئاللىرىغا جاۋاب بەردى. 

تەپسىلاتى...

د ئۇ ق رەھبەرلىرى ياۋروپا پارلامېنتىنىڭ باياناتىغا يۇقىرى باھا بەردى

ر ف ئا خەۋىرى
2018 – يىلى 18– يانۋار

ياۋروپا پارلامېنتى ئەزالىرىنىڭ بۇلغارىيەدىكى ئۇيغۇرلارنى خىتايغا قايتۇرماسلىق توغرىسىدا ئېلان قىلغان باياناتى دۇنيا ئۇيغۇر قۇرۇلتىيى رەھبەرلىرىنىڭ يۇقىرى باھاسىغا ئېرىشتى.

16-يانۋار ياۋروپا پارلامېنتىنىڭ مۇئاۋىن رەئىسى فابىئو ماسسىمو كاستالدو باشلىق 6 نەپەر پارلامېنت ئەزاسى بۇلغارىيەدە تۇتۇپ تۇرۇلۇۋاتقان 5 نەپەر ئۇيغۇر مۇھاجىرنىڭ خىتايغا قايتۇرۇلۇشىنىڭ يامان ئاقىۋەتلەرگە سەۋەب بولىدىغانلىقىنى ئىلگىرى سۈرۈپ بىرلەشمە بايانات ئېلان قىلغان ئىدى. 

تەپسىلاتى...

د ئۇ ق ھەيئىتى «جەڭچى» ناملىق چاتما فىلىمنى ئىشلىگەن شىركەتنى زىيارەت قىلدى

ر ف ئا خەۋىرى
2018 – يىلى 13– يانۋار

خىتاينىڭ ئۇيغۇرلارغا ئېلىپ بېرىۋاتقان بېسىم سىياسىتىنىڭ كۈچىيىشىگە ئەگىشىپ، تۈركىيەدىكى بەزى تېلېۋىزىيە چاتما فىلىملىرىدە سېنارىيە ئاپتورلىرى ئۇيغۇر مەسىلىسىگىمۇ ئورۇن بېرىشكە باشلىدى.

26 قىسمى تارقىتىلغان «جەڭچى» ناملىق چاتما فىلىمىنىڭ ئۈچ قىسمىدا ئۇيغۇرلار توغرىسىدا قىسقا سۆھبەتلەرگە ئورۇن بېرىلگەن ئىدى. فىلىمدا بىر ئۇيغۇر جەڭچىنىڭ ئېغزىدىن بېرىلگەن بۇ سۆھبەت ۋە كۆرۈنۈشلەر ئارقىلىق ئۇيغۇرلارنىڭ ھازىرقى ۋەزىيىتى بايان قىلىنىپ، تۈركىيەدىكى كۆرۈرمەنلەرنىڭ دىققەت-ئېتىبارىنى ئۇيغۇر مەسىلىسىگە تارتقان ئىدى.

تەپسىلاتى...

د ئۇ ق رەھبەرلىرىنىڭ ياۋروپا پارلامېنتىدىكى 2018-يىللىق پائالىيەتلىرى باشلاندى

ر ف ئا خەۋىرى
2018 – يىلى 12– يانۋار

دۇنيا ئۇيغۇر قۇرۇلتىيىنىڭ رەئىسى دولقۇن ئەيسا باشلىق قۇرۇلتاي رەھبەرلىرى ياۋروپا پارلامېنتىدا مۇھىم ئۇچرىشىشلارنى ئۆتكۈزدى.

د ئۇ ق نىڭ يېڭى يىللىق تۇنجى خەلقئارالىق پائالىيىتى ياۋروپا پارلامېنتىدا باشلاندى. مەلۇم بولۇشىچە، د ئۇ ق 2018-يىللىق خىزمەت پىلانىدا ياۋروپا پارلامېنتىدا ئېلىپ بارىدىغان پائالىيەتلەرنى ئالدىنقى كۈنتەرتىپكە تىزغان. قۇرۇلتاي رەئىسى دولقۇن ئەيسا ئەپەندى باشلىق بىر گۇرۇپپا كىشى 9-يانۋار بېلگىيە پايتەختى بىريۇسسېلغا يېتىپ كېلىپ، 10-يانۋاردىن باشلاپ ياۋروپا پارلامېنتىدىكى پائالىيەتلىرىنى باشلىۋەتكەن.

تەپسىلاتى...

ئىستانبۇلدا دۇنيا ئۇيغۇر قۇرۇلتىيى توغرىسىدا مەلۇمات بېرىش يىغىنى ئۆتكۈزۈلدى

ر ف ئا خەۋىرى
2017 – يىلى 28– دېكابىر

23-دېكابىر كۈنى ئىستانبۇلدا دۇنيا ئۇيغۇر قۇرۇلتىيى توغرىسىدا مەلۇمات بېرىش يىغىنى ئېچىلدى. يىغىنغا ئىستانبۇلدىكى شەرقىي تۈركىستان ئاممىۋى تەشكىلاتلىرىنىڭ رەھبەرلىرى، جامائەت ئەربابلىرى، يۇرت چوڭلىرى بولۇپ كۆپ ساندا كىشى قاتناشتى.

يىغىندا دۇنيا ئۇيغۇر قۇرۇلتىيىنىڭ يېڭىدىن سايلاپ چىقىلغان بىر قىسىم رەھبەرلىرى د ئۇ ق نىڭ بۇنىڭدىن كېيىنكى خىزمەتلىرى ۋە پائالىيەتلىرى توغرىسىدا دوكلات بەردى. 

تەپسىلاتى...