رەھمەتلىك ئارسلان ئالىپتېكىن ئەپەندى نۇر ئىچىدە ياتسۇن!

دۇنيا ئۇيغۇر قۇرۇلتىيى
2010-يىلى 6-ئاينىڭ 21-كۈنى

ئەيسا يۈسۈپ ئالىپتېكىن ۋەخپىنىڭ رەئىسى، شەرقىي تۈركىستان داۋاسىنىڭ ھارماس خىزمەتچىلىرىنىڭ بىرى ئارسلان ئالىپتېكىن ئەپەندىنىڭ ۋاپات خەۋىرىنى ئاڭلاپ چۇڭقۇر قايغۇغا چۆمدۈم.

ئىنسانلارنىڭ ئۆلۈشى تەبىئىي قانۇنىيەت، ئەمما ھاياتىنى ئوز خەلقىنىڭ ھەققانىي دەۋاسى، ۋەتىنى، خەلقى ئۈچۈن ئاتىغان پىداكار ئىنسانلارنىڭ ئۆلۈشى، مىللىي داۋايىمىز سەپىدە زور يوقىتىشتۇر.

ئالىپتېكىنلەر ئائىلىسى، جۈملىدىن ئارسلان ئالىپتېكىن ئەپەندى، شەرقىي تۈركىستان داۋاسىنىڭ تۈركىيە ۋە تۈرك دۇنياسىدا تونۇلۇشى ئۈچۈن ھەسسە قوشقان، زور قىيىنچىلىقلار بىلەن شەرقى تۈركىستاندىن ئايرىلىپ، تۈركىيەگە كەلگەن يۈزلىگەن ياشلىرىمىزنىڭ بەشىنى سىلىغان خەيرى سۆيەر، مېھنەتكەش بىر شەرقىي تۈركىستان خىزمەتچىسى ئىدى.

ئارسلان ئالىپتېكىننىڭ ئارىمىزدىن ۋاقىتسىز ئايرىلىشى شەرقىي تۈركىستان دەۋاسى ئۈچۈن بىر يوقىتىش بولۇپلا قالماستىن، شەرقىي تۈركىستان داۋاسىغا كۆڭۈل بۆلگەن، ھېسداشلىق قىلغان تۈركىيەدىكى مىڭلىغان تۈرك قېرىنداشلىرىمىز ئۈچۈنمۇ زور قايغۇلۇق بىر ھادىسىدۇر.

د ئۇ ق نىڭ بارلىق رەھبەرلىرى ۋە ئۇنىڭ تەركىبىدىكى بارلىق تەشكىلاتلار رەھبەرلىرى نامىدىن ئارسلان ئالىپتېكىن ئەپەندىنىڭ ۋاپاتىغا چۇڭقۇر تەزىيەمنى بىلدۈرىمەن. شۇنداقلا ئەركىن ئالىپتېكىن باشلىق بارلىق ئالىپتېكىن ئائىلىسىگە ۋە يېقىنلىرىغا جانابى ئاللادىن سەۋر-تاقەت تىلەيمەن.

مەرھۇم ئارسلان ئالىپتېكىن ئەپەندى نۇر ۋە ھۇزۇر ئىچىدە ياتسۇن!

ھۆرمەت بىلەن،

رابىيە قادىر
دۇنيا ئۇيغۇر قۇرۇلتىيى رەئىسى

تەپسىلاتى...

مەرھۇم ئۇستازىمىزنىڭ ياتقان يېرى جەننەت بولغاي !

ياۋروپا شەرقىي تۈركىستان بىرلىكى
2011 – يىلى 6 – ئاينىڭ 20 – كۈنى

مەرھۇم ئۇستازىمىز ئارسلان ئالىپتېكىن ئەپەندى ھاياتىنىڭ كۆپ قىسمىنى شەرقىي تۈركىستانىڭ مىللىي مۇستەقىللىق كۈرىشىگە ئاتىغان، بۇ شەرەپلىك يولدا زور پىداكارلىق ۋە تىرىشچانلىق كۆرسەتكەن، ۋەتەن ئىچىدىكى خەلقىمىزنىڭ قايغۇ ۋە شاتلىققا ئورتاق بولۇپ كەلگەن مۇنەۋۋەر زاتلىرىمىزنىڭ بىرى ئىدى.

مەرھۇم ئۇستازىمىز ئارسلان ئەپەندىم يەنە بىر دىيانەت ۋە ساخاۋەت ئىگىسى بولۇپ، مۇھاجىرەتتە، بولۇپمۇ تۈركىيەدە قىيىنچىلىققا ئۇچرىغان كۆپلىگەن شەرقىي تۈركىستانلىق قېرىنداشلىرىمىزغا تەشەببۇسكارلىق بىلەن ياردەم قىلغان ۋە بۇ جەھەتتە زور بەدەللەرنى تۆلىگەن ئىدى.

بولۇپمۇ مەرھۇم ئارسلان ئەپەندىم چەتئەللەردىكى شەرقىي تۈركىستان ياشلىرى ھەرىكىتىنىڭ ئەڭ ئاكتىپ قوللىغۇچىلىرىنىڭ بىرى بولۇپ، 1993 – يىلى تۈركىيەدە “شەرقىي تۈركىستان ياشلىرى” گېزىتىنىڭ نەشر قىلىنىشى ئۈچۈن ماددىي ۋە مەنىۋى جەھەتلەردىن كۆپ ياردەمچى بولغان ئىدى.

بۈگۈن شەرقىي تۈركىستان داۋاسىنىڭ تۈركىيەدىكى تەرەققىياتى ۋە كۈچلۈك تەسىرىنى ھەرگىزمۇ مەرھۇم ئارسلان ئەپەندىمنىڭ قوشقان تۆھپىلىرى ۋە كۆرسەتكەن پىداكارلىقلاردىن ئايرىپ قاراشقا بولمايدۇ !

ئارسلان ئەپەندىمنىڭ ۋاپاتى بىلەن شەرقىي تۈركىستان خەلقى شەرەپلىك، غۇرۇرلۇق ۋە پىداكار بىر ئوغلانىدىن ئايرىلدى، مىللىتىمىزنىڭ بەشى ساق بولسۇن !

ئاخىرىدا، مەرھۇمنىڭ ۋاپاتى مۇناسىۋىتى بىلەن پۈتۈن ئالىپتېكىن ئائىلىسىدىن سەمىمىي ھال سورايمىز !

ئەزىز خەلقىمىز مەرھۇمنى ئەبەدىي چەكسىز سۆيگۈ ۋە سېغىنىش ئىچىدە ياد ئېتىدۇ !

چەكسىز قايغۇ ۋە ئېھتىرام بىلەن :

ياۋروپا شەرقىي تۈركىستان بىرلىكى تەشكىلاتى ئىدارە ھەيئىتى

2011 – يىلى 6 – ئاينىڭ 20 – كۈنى

گېرمانىيە – ميۇنخېن

تەپسىلاتى...

د ئۇ ق: 5 – ئىيۇل ئۈرۈمچى قانلىق قىرغىنچىلىقىنىڭ 2 – يىللىقىنى خاتىرىلەش پائالىيەتلىرى ھەققىدە چاقىرىق

دۇنيا ئۇيغۇر قۇرۇلتىيى
2011-يىلى 6-ئاينىڭ 1-كۈنى

شەرقىي تۈركىستاننىڭ يېقىنقى زامان تارىخىدىكى ئەڭ قانلىق قىرغىنچىلىقلارنىڭ بىرى بولغان ۋە خەلقئارادا زور تەسىر قوزغىغان 5 – ئىيۇل ئۈرۈمچى ۋەقەسىنىڭ 2 – يىللىقى يېقىنلىشىش ئالدىدا تۇرماقتا.

ئۈرۈمچى قانلىق قىرغىنچىلىقىنىڭ 1 – يىللىقىدا، د ئۇ ق نىڭ سەپەرۋەر قىلىش، كونكرېت پىلان-پروگرامىلار تۈزۈپ چىقىشى ۋە بىۋاسىتە ئورۇنلاشتۇرۇشى بىلەن، دۇنيانىڭ 22 شەھىرىدە، 32 قېتىمدىن ئارتۇق ھەر خىل شەكىلدىكى نارازىلىق پائالىيەتلىرى ئۆتكۈزۈلگەن بولۇپ، بۇ پائالىيەتلەر خەلقئارا جامائەتنىڭ ۋە مەتبۇئاتنىڭ زور دەرىجىدە دىققەت ئېتىبارنى قوزغىغان ئىدى.

ئوتكەن 2 يىلدىن بۇيان، خىتاي ھۆكۈمىتى ئۈزلۈكسىز ھالدا “ 3 خىل كۈچلەرگە قاتتىق زەربە بېرىش” ھەرىكەتلىرى قوزغاپ، بىگۇناھ ئىنسانلىرىمىزنى تۇتقۇن قىلىش،  ئۆلۈم جازاسى بېرىشتەك قانۇنسىز ھەرىكەتلەرنى شىددەت بىلەن يۈرگۈزۈپ كەلدى.

2010-يىلى بېيجىڭدا ئاتالمىش شىنجاڭ يىغىنى چاقىرىپ، كۆرۈنۈشكە شەرقىي تۈركىستاندىكى ۋەزىيەتنى پەسەيتىشكە ئۇرۇنغان بولسىمۇ، ئامما ئەمەلىيەتتە شەرقىي تۈركىستانى خىتاينىڭ 19 ئۆلكىسىگە بۆلۈپ بېرىپ، شەرقىي تۈركىستانى ئىقتىسادى جەھەتتىن تېخىمۇ كەڭ كۆلەمدە تالان-تاراج قىلىش بىلەن بىرگە زور مىقداردا خىتاي كۆچمەنلىرىنى كۆچۈرۈش ۋە بۇ ئارقىلىق ئۈزلۈكسىز يۈرگۈزۈپ كەلگەن ئاسسىمىلياتسىيە پىلانى تېخىمۇ تېزلەشتۈرۈشكە باشلىدى.

تەپسىلاتى...

دۇنيا ئۇيغۇر قۇرۇلتىيىنىڭ تۇنجى نۆۋەتلىك دۇنيا ئۇيغۇر ياشلىرى «ئۇيغۇر ئەركىنلىك لوڭقىسى»نى تالىشىش پۇتبول مۇسابىقىسىنى ئۆتكۈزۈش ھەققىدىكى چاقىرىقنامىسى

دۇنيا ئۇيغۇر قۇرۇلتىيى
2011-يىلى 6-ئاينىڭ 8-كۈنى

 

رابىيە قادىر خانىم “ئەركىنلىك لوڭقىسى” پۇتبول مۇسابىقىسى ھەققىدە توختالدى

ھۆرمەتلىك ۋەتەنداشلار، يېقىنقى يىللاردىن بېرى خىتاي ھۆكۈمىتىنىڭ ۋەتىنىمىز شەرقىي تۈركىستاندا يۈرگۈزۈۋاتقان زۇلۇمىنىڭ يەنىمۇ ئەشەددىيلىشىشى ۋە مىللىتىمىزنىڭ ياشاش ئىمكانىيەتلىرىنىڭ كۈندىن-كۈنگە تارىيىپ بېرىشى سەۋەبلىك، كوپ قىسمى ياشلاردىن تەركىب تاپقان نۇرغۇن قېرىنداشلىرىمىز تۈرلۈك يوللار بىلەن دېموكراتىك غەرب ئەللىرىگە كېلىپ پەرلەشمەكتە.ئۇنىڭدىن سىرت ۋەتەندىن كىچىك ئايرىلىپ چەتئەللەرگە ئۆسۈپ يېتىلگەن ۋە چەتئەللەردە تۇغۇلۇپ چوڭ بولۇۋاتقان  ياش-ئۆسمۈر پەرزەنتلىرىمىزنىڭ سانىمۇ كۈندىن -كۈنگە ئېشىپ بارماقتا. ھالبۇكى بۇ ياشلىرىمىز مىللەتنىڭ كېلەچەك ئىگىلىرى، مىللىي دەۋا ئىشلىرىمىزنىڭ كەلگۈسى ئىزباسارى بولۇپ، بۇ ياشلىرىمىزنى ئۇيۇشتۇرۇش، ئۇلارغا ئۇيغۇر مىللىي كىملىكىنى بىلدۈرۈش،ۋەتەنپەرۋەرلىك، مىللەت سۆيەرلىك بىلەن تەربىيىلەش، دەۋا ئىشلىرىغا يېتەكلەش ۋە شۇنداقلا بۈيۈك شەرقى تۈركىستان دەۋاسىنىڭ كەلگۈسى ئۈچۈن ياراملىق، قەيسەر ۋە ئىتتىپاقلاشقان بىر تۈركۈم ياش-ئىز باسارلارنى يېتىشتۈرۈش نۆۋەتتە ئېلىپ بېرىۋاتقان دەۋا خىزمىتىمىزنىڭ مۇھىم بىر تەركىبى قىسمى بولۇپ ھېسابلىنىدۇ.

تەپسىلاتى...

شەرقىي تۈركىستان ئۇيغۇر ئالىي كېڭىشىنىڭ ئاخىرقى كۈنتەرتىپى بېكىتىلدى

شەرقىي تۈركىستان ئۇيغۇر ئالىي كېڭىشى تەييارلىق كومىتېتى
2011-يىلى 4-ئاينىڭ 13-كۈنى

شەرقىي تۈركىستان مىللىي ھەرىكىتىنىڭ رەھبىرى رابىيە خانىمنىڭ تەشەببۇسى بىلەن 2011 – يىلى 5 – ئاينىڭ 2 – كۈنىدىن 8 – كۈنىگىچە ئامېرىكىنىڭ پايتەختى ۋاشىنگتوندا چاقىرىلىدىغان شەرقىي تۈركىستان ئۇيغۇر ئالىي كېڭىشىنىڭ ئاخىرقى كۈنتەرتىپى يىغىن تەييارلىق كومىتېتى تەرىپىدىن رەسمىي بېكىتىلدى.

دۇنيادىكى 20 دىن ئارتۇق دۆلەتتىن ھەر ساھە زاتلىرىنىڭ ۋەكىللىرى تەكلىپ قىلىنغان بۇ قېتىمقى يىغىننىڭ ئېچىلىش مۇراسىمى 5-ئاينىڭ 2-كۈنى ئامېرىكا كونگىرىسىدە ئۆتكۈزۈلىدۇ.

ئېچىلىش مۇراسىمىدا، رابىيە خانىمنىڭ ئېچىلىش نۇتقىدىن كېيىن، فىرانك ۋولف قاتارلىق ئامېرىكا كونگىرىسىنىڭ بىر قىسىم ئەزالىرى بىلەن بىرگە، خەلقئارالىق تەشكىلاتلارنىڭ رەھبەرلىرىدىن كارل گىرەشمەن ئەپەندى (ئامېرىكا دېموكراتىيىنى ئىلگىرى سۈرۈش فوندىنىڭ رەئىسى)، راندال شىرېۋىر ئەپەندى (ئامېرىكىنىڭ سابىق ياردەمچى تاشقى ئىشلار مىنىستىرى)، لۇيىسا گىرىۋ خانىم (ئامېرىكا دېموكراتىيىنى ئىلگىرى سۈرۈش فوندىنىڭ مۇئاۋىن رەئىسى)، ت. كۇمار ئەپەندى (خەلقئارا كەچۈرۈم تەشكىلاتى ئامېرىكا شۆبىسىنىڭ مۇدىرى)، دوكتور. گۇناۋاردىنا ۋان خانىم(خەلقئارا دىنىي ئەركىنلىك ئىتتىپاقى شەرقىي جەنۇبى ئاسىيا ئىشخانىسىنىڭ مۇدىرى)، سوفى رىچاردسون خانىم (ئىنسان ھەقلىرىنى كۆزىتىش تەشكىلاتى ئاسىيا بۆلۈمىنىڭ مۇدىرى) قاتارلىق مۇھىم ئەربابلار  ۋە شەرقىي تۈركىستان مەسىلىسىنى تەتقىق قىلىۋاتقان چەتئەللىك مۇتەخەسسىسلەر سۆز قىلىپ، ئۆزلىرىنىڭ شەرقىي تۈركىستان ۋە ئۇيغۇرلار مەسىلىسىگە بولغان قاراش ۋە تەكلىپ – پىكىرلىرىنى بايان قىلىشىدۇ.

تەپسىلاتى...

“شەرقىي تۈركىستان ئۇيغۇر ئالىي كېڭىشى” كۈنتەرتىپى

كۈنتەرتىپنىڭ ئۇيغۇر لاتىن يېزىقىدىكى نۇسخىسىنى تۆۋەندىكى pdf  ھۆججىتىدىن  كۆرەلەيسىز.

2011-يىل 2-مايدىن 8-مايغىچە

ۋاشىنگتون، ئامېرىكا

2-ماي

بىرىنچى بۆلۈم

(كېڭەشنىڭ ئېچىلىش مۇراسىمى)

ئورنى:   ئامېرىكا كونگىرەس يىغىن زالى، ۋاشىنگتون

 

9:00-10:00  يىغىن قاتناشقۇچىلىرىنى تىزىملاش

10:00-10:10   كېڭەشنىڭ ئېچىلىشىنى جاكارلاش

10:10- 10:15  شەرقىي تۈركىستان ۋە ئامېرىكا دۆلەت مارشلىرىنى ئورۇنلاش

10:15-10:45  دۇنيا ئۇيغۇر قۇرۇلتىيىنىڭ رەئىسى رابىيە قادىر خانىمنىڭ ئېچىلىش نۇتقى

10:45-12:30  چەتئەللىك شەرەپ مېھمانلىرىنىڭ تەبرىك سۆزى ۋە نۇتۇقلىرى

12:30-13:30  چۈشلۈك تاماق

تەپسىلاتى...

د ئۇ ق: پۈتۈن شەرقىي تۈركىستان خەلقى ياپونىيە خەلقىگە چوڭقۇر تەزىيە بىلدۈرىدۇ !

دۇنيا ئۇيغۇر قۇرۇلتىيى
2011-يىلى 3-ئاينىڭ 14-كۈنى

ھەممىگە مەلۇم بولغىنىدەك، 3 – ئاينىڭ 11 – كۈنى ياپونىيىدە يۈز بەرگەن 8.9 بال ئېغىر يەر تەۋرەش ۋە بۇ سەۋەبتىن كېلىپ چىققان سۇنامىي ئاپىتى نەتىجىسىدە نەچچە 10 مىڭلىغان ياپون قېرىندىشىمىز ھاياتىدىن ئايرىلدى، مىليونلىغان ياپون خەلقى ئۆي – ماكانسىز قالدى.

ئۇندىن باشقا يەنە ياپونىيىنىڭ فۇكۇشىما يادرو ئېلېكتر ئىستانسىسىدىمۇ پارتلاش خەۋپى مەيدانغا كېلىپ، مىليونلىغان خەلقنىڭ ھاياتى ئېغىر تەھدىت ئاستىدا تۇرماقتا.

ياپونىيىدە مەيدانغا كەلگەن بۇ قېتىمقى يەر تەۋرەش ئاپىتى، دۇنيا تارىخىدىكى ئېغىر پالاكەتلەرنىڭ بىرى ھېسابلانماقتا.

بۇ مۇناسىۋەت بىلەن بىز، ۋەتەن ئىچى ۋە سىرتىدىكى پۈتۈن شەرقىي تۈركىستانلىقلارغا ۋاكالىتەن، ياپون خەلقىگە بولغان چوڭقۇر تەزىيىمىزنى ۋە ئالاھىدە ھېسداشلىقىمىزنى بىلدۈرمەكچىمىز !

يەر تەۋرەشتە ھاياتىدىن ئايرىلغان ياپون دوستلىرىمىزنىڭ ئايىلە – تاۋابىئاتلىرىدىن ئالاھىدە ھال سورايمىز !

تەپسىلاتى...

د ئۇ ق باياناتى : خەلقىمىز غۇلجا قىرغىنچىلىقىنى ئەسلا ئۇنتۇمايدۇ !

2011-يىلى 2-ئاينىڭ 5-كۈنى

ئەزىز يۇرتداشلار،

بۇ يىل 2 – ئاينىڭ 5 – كۈنى بولسا مۇستەبىت كوممۇنىست خىتاي ھاكىمىيىتىنىڭ 1997 – يىلى 5 – فېۋرالدا غۇلجىدا ئېلىپ بارغان قىرغىنچىلىقىنىڭ 14 – يىللىقىدىن ئىبارەت. بۇ مۇناسىۋەت بىلەن، غۇلجا قىرغىنچىلىقىدا ھاياتىدىن ئايرىلغان، شۇنداقلا خىتاينىڭ قاراڭغۇ زىندانلىرىغا مەھكۇم بولغان قەھرىمان ئوغۇل – قىزلىرىمىزغا يەنە قايتا ئالىي ئېھتىرامىمىزنى، سېغىنىشىمىزنى ۋە سۆيگۈمىزنى ئىزھار قىلىمىز !

ۋاپادار خەلقىمىز ئۆز ۋەتىنىنىڭ ئازادلىقى ۋە مىللىتىنىڭ ئەركىنلىكى ئۈچۈن ئىسسىق قېنىنى ۋە قىممەتلىك ھاياتىنى تەقدىم قىلغان ئەزىز شېھىتلىرىمىزنى ئەسلا ئۇنتۇمايدۇ!

شەرقىي تۈركىستان خەلقىنىڭ نەزىرىدە بۇ ۋەقە ھەرگىزمۇ دائىرىسى مەلۇم بىر رايون بىلەنلا چەكلەنگەن ۋە قارىغۇلارچە ئېلىپ بېرىلغان ھەرىكەت ئەمەس، بەلكى ئۇ، پۈتۈن شەرقىي تۈركىستان خەلقىنىڭ  كوممۇنىست خىتاي ھاكىمىيىتىنىڭ  يەرلىك خەلققە قاراتقان مىللىي زۇلۇمىغا، مىللىي كەمسىتىشىگە، سىياسىي، ئىقتىسادى ۋە ئىجتىمائىي جەھەتلەردىكى ئادالەتسىزلىكىگە قارشى كۆرسەتكەن ئورتاق  ئىنكاسى  ۋە نارازىلىقىدىن ئىبارەت.

تەپسىلاتى...

“شەرقىي تۈركىستان ئۇيغۇر ئالىي كېڭىشى ” يىغىنىنىڭ كېچىكتۈرۈلگەنلىكى ھەققىدە ئۇقتۇرۇش

”  شەرقىي تۈركىستان ئۇيغۇر ئالىي كېڭىشى ” تەييارلىق كومىتېتى
2011-يىلى 1-ئاينىڭ 12-كۈنى

ئەزىز قېرىنداشلار، سىزلەرگە ئىنتايىن ئەپسۇسلىنارلىق تۇيغۇسى ئىچىدە شۇنى ئۇقتۇرماقچىمىزكى، ئەسلىدە 2011 – يىلى 2 – ئاينىڭ 1 – كۈنىدىن 6 – كۈنىگىچە ئامېرىكىنىڭ پايتەختى ۋاشىنگتوندا ئېچىش قارار قىلىنغان “شەرقىي تۈركىستان ئۇيغۇر ئالىي كېڭىشى ” يىغىنى بەزى ئوبيېكتىپ قىيىنچىلىقلار تۈپەيلىدىن كېچىكتۈرۈلدى.

يىغىننىڭ رەسمىي ئېچىلىش ۋاقتى : 2011 – يىلى 5 – ئاينىڭ 2 – كۈنىدىن 8 – كۈنىگىچە.

بۇ مۇناسىۋەت بىلەن پۈتۈن ۋەتەنداشلىرىمىزدىن ئۆزرە سورايمىز ! تارىخىي ئەھمىيەتكە ئىگە بۇ قېتىمقى يىغىننىڭ كېچىكتۈرۈلۈشىدىكى تۈپ سەۋەب بولسا، يىغىننىڭ تېخىمۇ غەلىبىلىك ۋە ئوڭۇشلۇق چاقىرىلىشىغا كاپالەتلىك قىلىشتىن ئىبارەت، چۈنكى خەلقىمىز بۇ قېتىمقى يىغىنىمىزدىن زور ئۈمىد كۈتمەكتە.

يىغىننىڭ كېچىكتۈرۈلۈشىدىكى كونكرېتنى سەۋەبلەر تۆۋەندىكىچە :

1)بۇ قېتىمقى يىغىن، چەتئەللەردە ئېلىپ بېرىلىۋاتقان مىللىي كۈرىشىمىز تارىخىدا كۆلىمى ئەڭ زور، قاتنىشىدىغان ۋەكىللەرنىڭ سانى ئەڭ كۆپ، ۋاقتى ئەڭ ئۇزۇن، مۇزاكىرە قىلىنىدىغان مەسىلىلەرنىڭ سالمىقى ئەڭ ئېغىر بولغان بىر سىياسىي مۇنبەر بولۇپ، يىغىننىڭ مۇۋەپپەقىيەتلىك چاقىرىلىشنىڭ ھەرقايسى ئەللەردىكى ۋەكىللەرنىڭ تولۇق ئىشتىراك قىلىشى ناھايىتى مۇھىم، ئەپسۇسكى، بۇ قېتىمقى يىغىننىڭ ئاساسلىق تەييارلىق خىزمەتلىرى ۋە ئېچىلىش ۋاقتى روژىستىۋا بايرىمىغا ۋە يېڭى يىلغا توغرا كەلگىنى ئۈچۈن، بەزى رايونلاردىكى ئەلچىخانا ۋە كونسۇلخانا خادىملىرىنىڭ بايرام تەتىلىگە چىقىشى سەۋەبىدىن خېلى كۆپ ۋەكىللىرىمىزنىڭ ئامېرىكىغا ۋىزا ئېلىش ئىشلىرى بەلگىلىك توسالغۇلارغا ئۇچرىدى.

تەپسىلاتى...

د ئۇ ق ئاخباراتى : يېڭى يىلىڭلار قۇتلۇق بولسۇن !

دۇنيا ئۇيغۇر قۇرۇلتىيى
2010-يىلى 12-ئاينىڭ 31-كۈنى

شەرقىي تۈركىستانلىق ئەزىز قېرىنداشلار، خەلقىمىز ئۈچۈن مۇسىبەت ئىچىدە ئۆتكەن كونا يىلنى ئاخىرلاشتۇرۇپ، چەكسىز ئۈمىد ۋە ئىشەنچ تۇيغۇسى ئىچىدە يېڭى يىلنى كۈتۈۋېلىش ئالدىدا تۇرىمىز !

پۈتۈن قېرىنداشلىرىمىزنىڭ يېڭى يىلىنى تەبرىكلەش بىلەن بىرگە، مۇستەبىت خىتاي ھاكىمىيىتىنىڭ زۇلۇمى ئاستىدا ئېزىلىۋاتقان خەلقىمىزگە بولغان چەكسىز سېغىنىشىمىزنى ۋە سۆيگۈمىزنى ئىزھار قىلىمىز !

ئۆز مىللىتىنىڭ ئەركىنلىكى، ھۆرلۈكى ۋە ئازادلىقى يولىدا قىممەتلىك ھاياتلىرىنى تەقدىم قىلغان قەھرىمان  ئوغۇل – قىزلىرىمىزغا  جانابى ئاللادىن رەھمەت تىلەيمىز !

ئەزىز قېرىنداشلار، 2009 –  يىلى يۈز بەرگەن 5 – ئىيۇل ئۈرۈمچى قىرغىنچىلىقى، شەرقىي تۈركىستاننىڭ يېقىنقى زامان تارىخىدىكى ئەڭ زور قانلىق ھادىسىلەرنىڭ بىرىدىن ئىبارەت.

شۇ كۈنى باشلانغان ئىرقىي قىرغىنچىلىقتىن بۇيان، ئۆز خەلقىنىڭ مىللىي ۋە ئىنسانىي ھەق –  ھوقۇقلىرىنى تەلەپ قىلغۇچى مىڭلىغان بىگۇناھ ئۇيغۇر مۇستەبىت خىتاي ھاكىمىيىتى ۋە بۇ ھاكىمىيەتنىڭ چوماقچىلىرى ھېسابلانغان فاشىست خىتاي كۆچمەنلىرى تەرىپىدىن ۋەھشىيلەرچە ئۆلتۈرۈلدى، نەچچە 10 مىڭلىغان بىگۇناھ ئۇيغۇر تۇتقۇن قىلىنىپ قاراڭغۇ زىندانلارغا مەھكۇم قىلىندى.

تەپسىلاتى...