پۈتۈن خەلقىمنىڭ مۇبارەك رامزان ئېيى قۇتلۇق بولسۇن!

يوللانغان ۋاقتى:2012-07-19| سەھىپە: د ئۇ ق تەرىپىدىن چىقىرىلغانلار

دۇنيا ئۇيغۇر قۇرۇلتىيى
2012-يىلى 7-ئاينىڭ 19-كۈنى

ئەزىز قېرىنداشلىرىم، مانا بۈگۈن بىز پۈتۈن دۇنيا مۇسۇلمانلىرى چەكسىز ھاياجان ۋە تەشنالىق ئىچىدە مۇبارەك رامزان ئېيىغا شەرەپ بىلەن قەدەم باستۇق، ئاللانىڭ قۇدرىتى ۋە ھىممىتى بىلەن جەننەتنىڭ پۈتۈن ئىشىكلىرى داغدام ئېچىلىدىغان، گۇناھلار كەچۈرۈم قىلىنىپ،شەپقەت ياغىدىغان، پۈتۈن تىلەكلىرىمىز قوبۇل بولىدىغان، پۈتۈن شەيتانلار زەنجىرگە مەھكۇم قىلىنىدىغان مۇشۇنداق خاسىيەتلىك بىر ئاينىڭ يېتىپ كېلىشى مۇناسىۋىتى بىلەن، ۋەتەن ئىچى ۋە سىرتىدىكى پۈتۈن خەلقىمنىڭ ئۇشبۇ رامزان ئېيىنى يۈرەكتىن قۇتلۇقلايمەن، ئاللا ئىبادىتىڭلارنى، دۇئالىرىڭلارنى قوبۇل قىلغاي، ئۇلۇغ روزىنىڭ خاسىيىتى بىلەن ھەممىمىزگە ھىدايەت ئاتا قىلغاي !

” 5-ئىيۇل” ۋەقەسىنىڭ 3 يىللىق خاتىرە پائالىيىتى ھەققىدە چاقىرىق (ئورۇنلاشتۇرۇش)

يوللانغان ۋاقتى:2012-06-08| سەھىپە: د ئۇ ق تەرىپىدىن چىقىرىلغانلار

5-ئىيۇل ئۈرۈمچى قىرغىنچىلىقىنىڭ 3-يىللىقىنى خاتىرىلەش پائالىيەت كالېندارى

5-ئىيۇل ۋەقەسىنىڭ 3 يىللىق خاتىرە كۈنى يېتىپ كەلمەكتە؛ ھەممىمىزگە مەلۇم بولغىنىدەك، “ 5-ئىيۇل” ، ئۇيغۇرلارنىڭ  شاۋگۈەندە ئۆلتۈرۈلگەن قېرىنداشلىرى ھەققىدە ھېساب سوراش ئۈچۈن  خەۋپ-خەتەرگە پەرۋا قىلماي مەيدانغا چىققان، ۋە بۇ ئارقىلىق ئۆزىنىڭ مىللىي ئاڭ ۋە سىياسىي سەزگۈرلۈكىنى دۇنياغا جاكارلىغان كۈن.

تەبرىكنامە

يوللانغان ۋاقتى:2012-05-30| سەھىپە: د ئۇ ق تەرىپىدىن چىقىرىلغانلار

د ئۇ ق رەئىسى
2012-يىلى 5-ئاينىڭ 30-كۈنى

4- نۆۋەتلىك دۇنيا ئۇيغۇر  قۇرۇلتىيى ۋەكىللەر يېغىننىڭ ياپونىيەنىڭ پايتەختى توكيو شەھىرىدە غەلىبىلىك ئاياغلىشىپ بىر ھەپتىدىن كېيىنلا كانادا ئۇيغۇر جەمئىيىتىنىڭ سايلام كومىتېتى  تەرىپىدىن 2012- يىلى 5-ئاينىڭ 27- كۈنى سايلام  ئۆتكۈزۈلدى.

كانادانىڭ تورونتو، ئەدمونتون، ۋانكوۋەر، مونترىيال، كالگاري، ۋىندسور، لوندون قاتارلىق شەھەرلىرىدە ياشايدىغان ئۇيغۇر قېرىنداشلىرىمىزنىڭ كانادا پارلامېنتى بىلەن زىچ يېقىنلىشىپ ئۇيغۇرلارنىڭ  دەپسەندە بولۇۋاتقان ئىنسان ھەق ھوقۇقلىرىنى ، ئىسلام دىنى، مەدەنىيەت –  مائارىپىنى، تىل يېزىق ئۆرپ ئادەتلىرىنى قوغداپ قېلىش، ئوز ئارا ئۆملۈك ئىتتىپاقلىقنى قولغا كەلتۈرۈپ  شەرقى تۈركىستاننىڭ خىتاي ھۆكۈمىتى تەرىپىدىن بېسىۋېلىنغان زېمىن ئىكەنلىكىنى كانادا پارلامېنتىغا بىلدۈرۈشنى ئالىي مەقسەت قىلغان   قېرىندىشىمىز قەييۇم مەسۇموۋ 162 ئاۋاز بىلەن    كانادا ئۇيغۇر جەمئىيىتىنىڭ رەئىسلىكىگە سايلانغانلىقىدىن خۇرسەن بولدۇم. مۇبارەك بولسۇن!. كانادانىڭ ھەر قايسى شەھەرلىرىدە ياشاۋاتقان ئۇيغۇر قېرىنداشلىرىمغىمۇ مۇبارەك بولسۇن! دېموكراتىك سايلام قىلىش  ئۇسۇلى ۋە ئۆلچەملىرىگە ئاساسەن ئېلىپ بارغان سايلام كومىتېت ئەزالىرىنى، قەييۇم مەسۇموۋنى ۋە كانادا ياشاۋاتقان پۈتۈن ئۇيغۇر قېرىنداشلىرىمنى  ئۆزۈمنىڭ  شۇنداقلا دۇنيا ئۇيغۇر قۇرۇلتىيى رەھبەرلىك نامىدىن چىن  قەلبىمدىن  قوللايمەن…

دۇنيا ئۇيغۇر قۇرۇلتىيىنىڭ 4-نۆۋەتلىك ۋەكىللەر قۇرۇلتىيى غەلىبىلىك ئاياغلاشتى

يوللانغان ۋاقتى:2012-05-18| سەھىپە: د ئۇ ق تەرىپىدىن چىقىرىلغانلار

دۇنيا ئۇيغۇر قۇرۇلتىيى
2012-يىلى 5-ئاينىڭ 18-كۈنى

4- نۆۋەتلىك  دۇنيا ئۇيغۇر قۇرۇلتىيىنىڭ ۋەكىللەر قۇرۇلتىيى  2012- يىلى 5- ئاينىڭ 14- كۈنى ياپونىيىنىڭ پايتەختى توكيو شەھىرىدە  غەلىبىلىك ئېچىلىپ،  2012- يىلى 5-ئاينىڭ 17- كۈنى زور مۇۋاپىقىيەتلەر بىلەن ئاياغلاشتى.

بۇ قېتىمقى قۇرۇلتايغا ئامېرىكا، كانادا، ئېرلاندىيە، ،نورۋېگىيە، شىۋىتسىيە، گېرمانىيە، گوللاندىيە، شىۋىتسىيە، تۈركىيە،  فرانسىيە، سەئۇدى ئەرەبىستان، قازاقىستان، قىرغىزىستان ،روسىيە، ياپونىيە قاتارلىق 16 دۆلەتتىن 120 ۋەكىل قاتناشتى.

قۇرۇلتاينىڭ  ئېچىلىش مۇراسىمى ياپونىيىنىڭ  پارلامېنت بىناسىدا ئېچىلدى. ئېچىلىش مۇراسىمىغا ياپونىيىنىڭ ھەر قايسى پارتىيەلىرىدىن بولۇپ  15 پارلامېنت ئەزاسى قاتنىشىپ سۆز قىلدى.  ئۇلار بىردەك ھالدا ئۇيغۇر خەلقىنىڭ ئەركىنلىك، دېموكراتىيە ۋە ئىنسان ھەق ھوقۇقلىرى ئۇچۇن ئەلىپ بېرىۋاتقان  ھەققانى  ھەرىكەتلىرىنى قوللايدىغانلىقىنى ۋە يېقىندىن ياردەمدە بولغانلىقلىرىنى  بىلدۈرۈش بىلەن بىرلىكتە،   4- نۆۋەتلىك دۇنيا ئۇيغۇر قۇرۇلتىيىنىڭ  ياپونىيىدە ئېچىلغانلىقىنىڭ  زور تارىخى ئەھمىيەتكە ئىگە ئىكەنلىكىنى بىلدۈردى ۋە تەبرىكلىدى.

د ئۇ ق نىڭ ئېلخەت ۋە تور بەتلەردە غەرەزلىك تارقىتىلىۋاتقان ساختا ئۇچۇرلار ۋە ئاتالمىش نىزامنامە ھەققىدە ئىزاھاتى

يوللانغان ۋاقتى:2012-05-06| سەھىپە: د ئۇ ق تەرىپىدىن چىقىرىلغانلار

دۇنيا ئۇيغۇر قۇرۇلتىيى
2012-يىلى 5-ئاينىڭ 6-كۈنى

د ئۇ ق دائىمىي كومىتېتى، 4-نۆۋەتلىك ۋەكىللەر قۇرۇلتىيىنى ياپونىيەدە ئېچىشنى قارار قىلىپ، تەييارلىق خىزمەتلىرىگە باشلىغاندىن بۇيان، خىتاي ھۆكۈمىتى بىر تەرەپتىن دىپلوماتىك يوللار بىلەن قۇرۇلتاينىڭ ياپونىيەدە ئېچىلىشىغا توسقۇنلۇق قىلسا، يەنە بىر تەرەپتىن ھەر خىل سۇيىقەستلەرنى، نەيرەڭلەرنى ئىشلىتىپ قالايمىقانچىلىق  قىلىش، ئوز-ئارا ئىشەنچسىزلىك پەيدا قىلىشقا ھەرىكەت قىلىپ كەلدى.

ھەتتا يالغان، ئويدۇرما ماتېرىياللارنى تەييارلاپ چىقىپ، ئېلخەتلەر (e-mail) يوللاپ، ئىنتېرنېت تور بەتلىرىدە د ئۇ ق ۋە ئۇنىڭ رەھبەرلىرى نامىدىن ئېلان قىلىپ، قۇرۇلتاينىڭ ئوبرازىنى خۇنۈكلەشتۈرۈشكە، ھەقىقەتنى ئاستىن- ئۈستۈن قىلىشقا ئۇرۇنۇشتەك ئەھۋاللار سادىر بولدى.

دۇنيا ئۇيغۇر قۇرۇلتىيى خىتاينىڭ توسقۇنلۇقىنى ئەيىبلىدى

يوللانغان ۋاقتى:2012-04-11| سەھىپە: د ئۇ ق تەرىپىدىن چىقىرىلغانلار

ر ف ئا خەۋىرى
2012-يىلى 4-ئاينىڭ 11-كۈنى

10-ئاپرېل كۈنى دۇنيا ئۇيغۇر قۇرۇلتىيى بايانات ئېلان قىلىپ، خىتاي ھۆكۈمىتىنىڭ ياپونىيىدىن دۇنيا ئۇيغۇر قۇرۇلتىيى 4-قۇرۇلتىيىنىڭ ياپونىيىدە ئېچىلىشىغا توسقۇنلۇق قىلىۋاتقانلىقىنى ئەيىبلىدى.

خىتاي ھۆكۈمىتى 9-ئاپرېل كۈنى بايانات ئېلان قىلىپ، ياپونىيىدىن دۇنيا ئۇيغۇر قۇرۇلتىيىنىڭ 4-قۇرۇلتىيىنىڭ ياپونىيىدە ئېچىلماسلىقىنى تەلەپ قىلغان ئىدى. ئەينى كۈننىڭ ئۆزىدە دۇنيا ئۇيغۇر قۇرۇلتىيى رەىسى رابىيە قادىر خانىممۇ ئەركىن ئاسىيا رادىوسى مۇخبىرىنىڭ زىيارىتىنى قوبۇل قىلىپ، خىتاي ھۆكۈمىتىنىڭ بۇ قىلمىشىنى ئەيىبلىگەن ئىدى.

سەيشەنبە كۈنى ياپونىيە تاشقى ئىشلار مىنىستىرلىقى بايانات بېرىپ، ياپونىيىنىڭ دۇنيا ئۇيغۇر قۇرۇلتىيىنىڭ 4-قۇرۇلتىيىغا قاتنىشىش ئۈچۈن كېلىدىغان قۇرۇلتاي قاتناشچىلىرىغا چېگرادىن كىرىش ۋىزىسى بەرگەنلىكىنى بىلدۈردى. ئۇ ئۆز بايانىدا ئۇيغۇر ئاكتىپلىرىغا ۋىزا بېرىلىشنىڭ سەۋەبىنى ئەسكەرتىپ، ياپونىيە ھۆكۈمىتىنىڭ خەلق ئارىسىدىكى ئاممىۋى تەشكىلاتلارنىڭ پاالىيەتلىرىگە ئىپادە بىلدۈرۈشىنىڭ مۇۋاپىق ئەمەسلىكىنى ئىلگىرى سۈرگەن.

د ئۇ ق، 4-نۆۋەتلىك ۋەكىللەر قۇرۇلتىيىدا رەھبەرلىك ھەيئىتىگە ئۆزىنى ئالدىدىن نامزاتلىققا كۆرسىتىش ھەققىدىكى ئۇقتۇرۇشى

يوللانغان ۋاقتى:2012-04-05| سەھىپە: د ئۇ ق تەرىپىدىن چىقىرىلغانلار

د ئۇ ق 4-نۆۋەتلىك قۇرۇلتاي تەييارلىق كومىتېتى
2012-يىلى 4-ئاينىڭ 5-كۈنى

د ئۇ ق نىڭ ياپونىيەدە ئېچىلىدىغان 4-قېتىملىق ۋەكىللەر قۇرۇلتىيىدا، ئالدىنقى قېتىمقى قۇرۇلتايلارغا ئوخشاشلا، د ئۇ ق نىڭ ھەر ئۇچ يىلدا بىر ئېلىپ بېرىلىدىغان رەھبەرلىك ھەيئىتى سايلىمى ئۆتكۈزۈلىدۇ. 4-نۆۋەتلىك  قۇرۇلتىيىمىزدا ئۆتكۈزۈلىدىغان سايلامنىڭ دېموكراتىك قائىدە-تەرتىپكە ئۇيغۇن رەۋىشتە، مۇۋەپپەقىيەتلىك ئىلىپ بېرىلىشى، بۇ قېتىمقى قۇرۇلتىيىمىزنىڭ مۇۋەپپەقىيەتلىك ئۆتۈشىنى بەلگىلەيدىغان مۇھىم بىر ھالقا.

بۇ قېتىمقى سايلامدا،د ئۇ ق نىڭ رەھبەرلىك ھەيئىتىگە،مىللىي دەۋا ئىشلىرىمىزغا جان-پىدالىق كۆرسىتەلەيدىغان، ھەر جەھەتتىن يېتىشكەن،قابىلىيەتلىك ۋە جەڭگىۋار كادىرلار سايلانسا، د ئۇ ق نىڭ بۇندىن كېيىنكى خىزمەتلىرىنىڭ تېخىمۇ ياخشى ئىشلىنىشى ۋە مىللىي دەۋا ئىشلىرىمىزنىڭ بۇندىن كېيىن تېخىمۇ ساغلام تەرەققىي قىلىشى ئۈچۈن مۇھىم شەرتلىرىدىن بىرى ھازىرلانغان بولىدۇ.

د ئۇ ق نىڭ بۇندىن بۇرۇنقى قۇرۇلتايلىرىدا ئېلىپ بېرىلغان سايلاملىرى تۈرلۈك ئوبيېكتىپ ۋە سۇبيېكتىپ قىيىنچىلىقلار سەۋەبىدىن، سايلامنىڭ ئالدىن ئېلىپ بېرىلىدىغان تەييارلىق خىزمەتلىرى يېتەرلىك ئىشلەنمىگەن ئەھۋال ئاستىدا، سايلام بولغان كۈنى ھەر كىم ئۆزىنى ياكى بىر-بىرىنى نامزاتلىققا كۆرسىتىش ۋە ئاخىردا كۆپچىلىكنىڭ ئاۋازىغا قويۇش شەكلىدە ئېلىپ بېرىلدى.

4- نۆۋەتلىك قۇرۇلتىيىمىزنىڭ ساھىبخان دۆلىتى ياپونىيەدىكى ئۇيغۇر قېرىنداشلارغا مۇراجىئەت

يوللانغان ۋاقتى:2012-04-05| سەھىپە: د ئۇ ق تەرىپىدىن چىقىرىلغانلار

د ئۇ ق 4-نۆۋەتلىك قۇرۇلتاي تەييارلىق كومىتېتى
2012-يىلى 4-ئاينىڭ 5-كۈنى

ھۆرمەتلىك قېرىنداشلار

خەۋىرىڭلاردا بولغىنىدەك، دۇنيا ئۇيغۇر قۇرۇلتىيىنىڭ 4-نۆۋەتلىك ئومۇمى قۇرۇلتىيى ۋە د ئۇ ق نىڭ 2007-يىلىدىن بۇيان ئۈزلۈكسىز داۋاملاشتۇرۇپ كەلگەن ئۇيغۇر رەھبەرلىرى تەربىيىلەش كۇرسى  بۇ يىل 5-ئاينىڭ 14-كۈنىدىن 20-كۈنىگىچە ياپونىيە پايتەختى توكيودا ئېچىلىدۇ. قۇرۇلتىيىمىز 2004-يىلى قۇرۇلغاندىن بۇيانقى قىسقىغىنە بىر نەچچە يىلدا، ئادەم كۈچى ۋە ئىقتىسادى ئىمكانىيەتلىرىمىز ئىنتايىن چەكلىك بولغان ئەھۋال ئاستىدا، خىتاينىڭ كۈندىن كۈنگە ئەسەبىيلىشىپ چېكىدىن ئېشىپ كېتىۋاتقان زۇلۇم-ئىسكەنجىلىرى ئاستىدا قان يىغلاۋاتقان خەلقىمىزنىڭ ئاۋازىنى خەلقئارا سەھنىگە ئېلىپ چىقىشتا كۆپلىگەن جاپالىق خىزمەتلەرنى ئىشلىدى.

ۋەتەن ئىچىدىكى بىر تۈركۈم پىداكار ئوغۇل-قىزلىرىمىزنىڭ بەرگەن قۇربانلىقلىرى ۋە قۇرۇلتىيىمىز باشچىلىقىدا ۋەتەن سىرتىدا تىنىمسىز ھالدا ئىشلەنگەن بىر قاتار خىزمەتلەر نەتىجىسىدە ئۇيغۇر مەسىلىسىنى خەلقئارالاشتۇرۇشتا ئاز بولمىغان ئىلگىرىلەشلەر ھاسىل بولدى. شۇنى كېسىپ ئېيتىشقا بولىدۇكى، ئۇيغۇر مەسىلىسىنىڭ خەلقئارالىشىپ كېتىشى خىتاينىڭ ئۇيغۇر خەلقىنى ئۇن-تىنسىز يوق قىلىۋېتىش رەزىل پىلانى ئۈچۈن ئەڭ زور توسالغۇنىڭ بىرى ھېسابلىنىدۇ. خىتاينىڭ مىڭلارچە ئادەم كۈچى ۋە مىليونلارچە مەبلەغ سەرپ قىلىپ ئۇيغۇرلارنى “جىم تۇرۇش”قا قىستىشى دەل مۇشۇ سەۋەبتىندۇر.

د ئۇ ق نىڭ „ئىستېپانامە“غا ئىزاھات

يوللانغان ۋاقتى:2012-03-21| سەھىپە: د ئۇ ق تەرىپىدىن چىقىرىلغانلار

دۇنيا ئۇيغۇر قۇرۇلتىيى
2012-يىلى 3-ئاينىڭ 21-كۈنى

ياپونىيەنىڭ پايتەختى توكيودا ئېچىلىشى ئالدىدا تۇرغان، د ئۇ ق نىڭ 4-نۆۋەتلىك ۋەكىللەر قۇرۇلتىيىنىڭ تەييارلىق خىزمەتلىرى جىددىي ئىشلىنىۋاتقان بىر ۋاقىتتا، قۇرۇلتاينىڭ غەلىبىلىك ئېچىلىشىغا توسقۇنلۇق قىلىش مەقسىتىدە، خىتاي ھۆكۈمىتى بىر تەرەپتىن دىپلوماتىك بېسىملارنى ئىشقا سالسا، يەنە بىر تەرەپتىن مىللىي ساتقۇنلارنى ئىشقا سېلىپ ھەر خىل شەكىلدىكى يالغان خەۋەرلەرنى تارقىتىش ئارقىلىق، مىللەتنى قايمۇقتۇرۇش، ئىشەنچسىزلىك پەيدا قىلىش، د ئۇ ق رەھبەرلىرى ئارىسىغا زىددىيەت سېلىشقا ئوخشاش پائالىيەتلىرىنى شىددەت بىلەن جىددىيلەشتۈرمەكتە. بۇنىڭ تۈپ مىسرالىرىدىن بىرى يېقىنقى بىر-قانچە كۈندىن بۇيان تور بەتلەردە ئېقىپ يۈرگەن „ئىستېپانامە“ دۇر.

د ئۇ ق: 4-نۆۋەتلىك ۋەكىللەر قۇرۇلتىيى ئاخباراتى (1)

يوللانغان ۋاقتى:2012-01-03| سەھىپە: د ئۇ ق تەرىپىدىن چىقىرىلغانلار

د ئۇ ق نىڭ 4- نۆۋەتلىك ۋەكىللەر قۇرۇلتىيىنى چاقىرىش ھەققىدە باياناتى

دۇنيا ئۇيغۇر قۇرۇلتىيىنىڭ (د ئۇ ق) 4-نۆۋەتلىك ۋەكىللەر قۇرۇلتىيى 14-مايدىن 20-مايغىچە ياپونىيەنىڭ پايتەختى توكيودا ئېچىلىدۇ. د ئۇ ق نىڭ مەزكۇر  قۇرۇلتىيى، خۇددى ئىلگىرىكى باشقا قۇرۇلتايلارغا ئوخشاش، ئىنتايىن مۇھىم ئەھمىيەتكە ئىگە قۇرۇلتايدۇر. مەزكۇر قۇرۇلتاي شەرقىي تۈركىستاندىكى خەلقىمىزنىڭ 5-ئىيۇل ئۈرۈمچى قىرغىنچىلىقىدىن كېيىن خىتاي ھۆكۈمىتىگە بولغان قارشىلىقلىرىنىڭ سالمىقى ۋە قېتىم سانى ئۈزلۈكسىز ئېشىۋاتقان ھەمدە خىتاي ھۆكۈمىتىنىڭمۇ خەلقىمىزگە قارىتىۋاتقان ئاسسىمىلياتسىيە قىلىش سىياسەتلىرى كۈچىيىۋاتقان بىر مەزگىلگە توغرا كېلىدۇ. چەتئەلدىكى بىردىن بىر خەلقئارالىق ئۇيغۇر تەشكىلاتى بولۇش سۈپىتى بىلەن، د ئۇ ق ئۇيغۇرلارنىڭ مەنىۋى ئانىسى رابىيە قادىر خانىمنىڭ يېتەكچىلىكىدە ئۇيغۇرلارنىڭ مىللىي ئازادلىق ھەرىكىتىگە باشچىلىق قىلىپ كېلىۋاتىدۇ. مۇشۇ نۇقتىدىن ئېلىپ ئېيتقاندا، مەزكۇر قۇرۇلتاينىڭ غەلىبىلىك ئېچىلىشى چەتئەللەردىكى مىللىي ئازادلىق ھەرىكىتىنىڭ ئىزچىل، غەلىبىلىك ۋە سىستېمىلىق ئېلىپ بېرىلىشىدا ناھايىتى ھالقىلىق ئەھمىيەتكە ئىگىدۇر.