دئۇق: 5 – ئىيۇل ئۈرۈمچى قانلىق قىرغىنچىلىقىنىڭ 4 – يىللىقىنى خاتىرىلەش پائالىيەتلىرى ھەققىدە چاقىرىق

دۇنيا ئۇيغۇر قۇرۇلتىيى
2013-يىلى 6-ئاينىڭ 12-كۈنى

Logo

شەرقىي تۈركىستاننىڭ يېقىنقى زامان تارىخىدىكى ئەڭ قانلىق قىرغىنچىلىقلارنىڭ بىرى بولغان ۋە خەلقئارادا زور تەسىر قوزغىغان 5 – ئىيۇل ئۈرۈمچى ۋەقەسىنىڭ 4 – يىللىقى يېقىنلىشىش ئالدىدا تۇرماقتا.

ئۈرۈمچى قانلىق قىرغىنچىلىقى يۈز بەرگەن ئۆتكەن 4 يىلدىن بۇيان، دئۇق نىڭ سەپەرۋەر قىلىش، كونكرېت پىلان پروگراممىلار تۈزۈپ چىقىشى ۋە بىۋاسىتە ئورۇنلاشتۇرۇشى بىلەن، دۇنيانىڭ ھەر قايسى شەھەرلىرىدە ھەر خىل شەكىلدىكى نارازىلىق پائالىيەتلىرى ئۆتكۈزۈلگەن بولۇپ، بۇ پائالىيەتلەر خەلقئارا جامائەتنىڭ ۋە مەتبۇئاتنىڭ زور دەرىجىدە دىققەت ئېتىبارنى قوزغاپ كەلدى.

تەپسىلاتى...

د ئۇ ق نىڭ جەنۋەدە چاقىرىدىغان ئىككى چوڭ يىغىنى ھەققىدىكى ئۇقتۇرۇشى

د ئۇ ق رەھبەرلىك ھەيئىتىنىڭ 2-نۆۋەتلىك ئومۇمى يىغىنى ئۆتكۈزۈلىدۇ.

د ئۇ ق نىڭ 4-نۆۋەتلىك ۋەكىللەر قۇرۇلتىيى توكيودا مۇۋەپپەقىيەتلىك ئاخىرلاشقاندىن كىيىن، د ئۇ ق نىڭ يېڭىدىن سايلانغان رەھبەرلىرى ۋە د ئۇ ق تەركىبىدىكى ھەرقايسى تەشكىلاتلارنىڭ رەھبەرلىرىنىڭ قاتنىشىشى بىلەن د ئۇ ق رەھبەرلىك ھەيئىتىنىڭ 1-قېتىملىق ئومۇمى يىغىنى ئۆتكۈزۈلۈپ، قۇرۇلتايدا ئېلىنغان قارارلارنىڭ ئىجرا قىلىنىشى ۋە كېيىنكى پىلان-پروگرامىلار ھەققىدە مۇزاكىرىلەر ئېلىپ بېرىلغان ئىدى.

د ئۇ ق رەھبەرلىك ھەيئىتىنىڭ 2-نۆۋەتلىك ئومۇمى يىغىنىنى، 3-ئايدا جەنۋەدە ئېچىلىشى پىلان قىلىنغان خەلقئارا مۇھاكىمە يىغىنى بىلەن بىرگە ئۆتكۈزۈش قارار قىلىندى. 3-ئاينىڭ 9-10-كۈنلىرى جەنۋەدە ئېچىلىدىغان د ئۇ ق ھەيئەتلەر يىغىنىغا د ئۇ ق نىڭ رەئىسى، مۇئاۋىن رەئىسلىرى، ئىجرائىيە كومىتېتى قارمىقىدىكى ھەرقايسى ئورگانلارنىڭ باش مەسئۇللىرى ۋە د ئۇ ق تەركىبىدىكى ھەرقايسى تەشكىلاتلارنىڭ رەئىسلىرى قاتنىشىدۇ.

تەپسىلاتى...

د ئۇ ق: خەلقئارا ئىنسان ھەقلىرى كۈنىدە نامايىش چاقىرىقى

دۇنيا ئۇيغۇر قۇرۇلتىيى
2012-يىلى 12-ئاينىڭ 5-كۈنى

12-ئاينىڭ 10-كۈنى خەلقئارا ئىنسان ھەقلىرى كۈنىدۇر. „كىشىلىك ھوقۇق مەسىلىسى“ مىللىي چېگرالارنى ھالقىپ ئۆتۈپ، ئىنسانىيەتنىڭ ئورتاق بىر قىممەت قارىشى بولۇپ، كىشىلىك ھوقۇققا ھۆرمەت قىلىش دۇنيادىكى ئومۇمى بىر سەپەرۋەرلىك بولۇۋاتقان ۋە  ئىنسانلىق دۇنياسىنىڭ ئورتاق كۆڭۈل بۆلۈشىگە، دىققەت قىلىشىغا ئېرىشىۋاتقان ئەڭ نازۇك، مۇھىم بىر مەسىلىگە ئايلىنىۋاتقان بۈگۈنكى كۈندە، خىتاي ھۆكۈمىتى ئىنسانىيەتنىڭ ئورتاق ئارزۇسىغا خىلاپ ھالدا، ئىنسان ھەقلىرىگە بولغان تاجاۋۇزچىلىقىنى تېخىمۇ شىددەت بىلەن كۈچەيتمەكتە. شەرقىي تۈركىستان خەلقى ئۈستىدىن داۋام قىلدۇرۇۋاتقان سىياسىي، ئىجتىمائىي، ئىقتىسادىي، دىنىي ساھەلەردىكى زۇلۇمى ۋە مائارىپ، مەدەنىيەت، سەن`ئەت، تىل قاتارلىق جەھەتلەردە ئېلىپ بېرىۋاتقان قىرغىنچىلىقلىرى تارىختا مىسلى كۆرۈلمىگەن دەرىجىگە بېرىپ يەتمەكتە.

تەپسىلاتى...

رابىيە خانىم : < پۈتۈن خەلقىمنىڭ جۇمھۇرىيەت بايرىمىنى قۇتلۇقلايمەن ! >

دۇنيا ئۇيغۇر قۇرۇلتىيى
2012-يىلى 11-ئاينىڭ 11-كۈنى

ئەسسالامۇئەلەيكۇم شەرقىي تۈركىستانلىق ئەزىز قېرىنداشلىرىم، يېقىن تارىخىمىزدا قۇرۇلغان ئىككى قېتىملىق مۇستەقىل شەرقىي تۈركىستان جۇمھۇرىيىتىمىزنىڭ خاتىرە كۈنى مۇناسىۋىتى بىلەن، ۋەتەن ئىچى ۋە سىرتىدىكى پۈتۈن قېرىنداشلىرىمنىڭ جۇمھۇرىيەت بايرىمىنى قۇتلۇقلايمەن !

شۇنداقلا  كۈرەشچان خەلقىمىزنىڭ مىللىي ئىرادىسىنىڭ يەنىمۇ  كۈچىيىشىگە بىۋاسىتە تۈرتكە بولۇپ كېلىۋاتقان بۇ ئەزىز كۈندە، شەرقىي تۈركىستان خەلقىنىڭ ئەركىنلىكى، ھۆرلۈكى ۋە ئازادلىقىنى قولغا كەلتۈرۈش يولىدا قىممەتلىك ھاياتلىرىنى تەقدىم قىلغان بارلىق شېھىتلىرىمىزغا ئاللادىن رەھمەت تىلەيمەن !

تەپسىلاتى...

4-نۆۋەتلىك دئۇق نىڭ 2-ئومۇمىي يىغىنىدا قارار قىلىنغان خىزمەت پىلانى

2012-يىلى سېنتەبىرنىڭ 21—23 كۈنىگىچە  گوللاندىيىنىڭ روتتېردام شەھىرىدە ئېچىلغان 4-نۆۋەتلىك دۇق نىڭ 2-ئومۇمىي يەغىنىڭ خۇلاسىسى ۋە ئېلىنغان قارارلىرىنىڭ جامائەتكە ئوچۇق قىسىملىرى:

4-نۆۋەتلىك دئۇق نىڭ 2-ئومۇمىي يىغىنىدا قارار قىلىنغان خىزمەت پىلانى
روتتېردام،  گوللاندىيە
2012-يىلى 9-ئاي
‏    No: GR-120922-02

دئۇق نىڭ ئالدىمىزدىكى بىر يىل ئىچىدە پىلاندا بار ئىشلار ۋە ھەر يىلى قىلىنىۋاتقان ئىشلارنى  داۋاملىق ئەلىپ بېرىشتىن، داۋاملىشىۋاتقان ئىشلارنى داۋاملاشتۇرۇشتىن  سىرت،  يەنە مەخسۇس پرويېكت قىلىپ  تۆۋەندىكى ئىشلارنى چىڭ تۇتۇپ ئىشلەش،  قىسمەن ياكى تولۇق  ئەمەلگە ئاشۇرۇش قارار قىلىندى.

تەپسىلاتى...

پۈتۈن خەلقىمنىڭ مۇبارەك رامزان ئېيى قۇتلۇق بولسۇن!

دۇنيا ئۇيغۇر قۇرۇلتىيى
2012-يىلى 7-ئاينىڭ 19-كۈنى

ئەزىز قېرىنداشلىرىم، مانا بۈگۈن بىز پۈتۈن دۇنيا مۇسۇلمانلىرى چەكسىز ھاياجان ۋە تەشنالىق ئىچىدە مۇبارەك رامزان ئېيىغا شەرەپ بىلەن قەدەم باستۇق، ئاللانىڭ قۇدرىتى ۋە ھىممىتى بىلەن جەننەتنىڭ پۈتۈن ئىشىكلىرى داغدام ئېچىلىدىغان، گۇناھلار كەچۈرۈم قىلىنىپ،شەپقەت ياغىدىغان، پۈتۈن تىلەكلىرىمىز قوبۇل بولىدىغان، پۈتۈن شەيتانلار زەنجىرگە مەھكۇم قىلىنىدىغان مۇشۇنداق خاسىيەتلىك بىر ئاينىڭ يېتىپ كېلىشى مۇناسىۋىتى بىلەن، ۋەتەن ئىچى ۋە سىرتىدىكى پۈتۈن خەلقىمنىڭ ئۇشبۇ رامزان ئېيىنى يۈرەكتىن قۇتلۇقلايمەن، ئاللا ئىبادىتىڭلارنى، دۇئالىرىڭلارنى قوبۇل قىلغاي، ئۇلۇغ روزىنىڭ خاسىيىتى بىلەن ھەممىمىزگە ھىدايەت ئاتا قىلغاي !

تەپسىلاتى...

” 5-ئىيۇل” ۋەقەسىنىڭ 3 يىللىق خاتىرە پائالىيىتى ھەققىدە چاقىرىق (ئورۇنلاشتۇرۇش)

5-ئىيۇل ئۈرۈمچى قىرغىنچىلىقىنىڭ 3-يىللىقىنى خاتىرىلەش پائالىيەت كالېندارى

 

5-ئىيۇل ۋەقەسىنىڭ 3 يىللىق خاتىرە كۈنى يېتىپ كەلمەكتە؛ ھەممىمىزگە مەلۇم بولغىنىدەك، “ 5-ئىيۇل” ، ئۇيغۇرلارنىڭ  شاۋگۈەندە ئۆلتۈرۈلگەن قېرىنداشلىرى ھەققىدە ھېساب سوراش ئۈچۈن  خەۋپ-خەتەرگە پەرۋا قىلماي مەيدانغا چىققان، ۋە بۇ ئارقىلىق ئۆزىنىڭ مىللىي ئاڭ ۋە سىياسىي سەزگۈرلۈكىنى دۇنياغا جاكارلىغان كۈن.

تەپسىلاتى...

تەبرىكنامە

د ئۇ ق رەئىسى
2012-يىلى 5-ئاينىڭ 30-كۈنى

4- نۆۋەتلىك دۇنيا ئۇيغۇر  قۇرۇلتىيى ۋەكىللەر يېغىننىڭ ياپونىيەنىڭ پايتەختى توكيو شەھىرىدە غەلىبىلىك ئاياغلىشىپ بىر ھەپتىدىن كېيىنلا كانادا ئۇيغۇر جەمئىيىتىنىڭ سايلام كومىتېتى  تەرىپىدىن 2012- يىلى 5-ئاينىڭ 27- كۈنى سايلام  ئۆتكۈزۈلدى.

كانادانىڭ تورونتو، ئەدمونتون، ۋانكوۋەر، مونترىيال، كالگاري، ۋىندسور، لوندون قاتارلىق شەھەرلىرىدە ياشايدىغان ئۇيغۇر قېرىنداشلىرىمىزنىڭ كانادا پارلامېنتى بىلەن زىچ يېقىنلىشىپ ئۇيغۇرلارنىڭ  دەپسەندە بولۇۋاتقان ئىنسان ھەق ھوقۇقلىرىنى ، ئىسلام دىنى، مەدەنىيەت –  مائارىپىنى، تىل يېزىق ئۆرپ ئادەتلىرىنى قوغداپ قېلىش، ئوز ئارا ئۆملۈك ئىتتىپاقلىقنى قولغا كەلتۈرۈپ  شەرقى تۈركىستاننىڭ خىتاي ھۆكۈمىتى تەرىپىدىن بېسىۋېلىنغان زېمىن ئىكەنلىكىنى كانادا پارلامېنتىغا بىلدۈرۈشنى ئالىي مەقسەت قىلغان   قېرىندىشىمىز قەييۇم مەسۇموۋ 162 ئاۋاز بىلەن    كانادا ئۇيغۇر جەمئىيىتىنىڭ رەئىسلىكىگە سايلانغانلىقىدىن خۇرسەن بولدۇم. مۇبارەك بولسۇن!. كانادانىڭ ھەر قايسى شەھەرلىرىدە ياشاۋاتقان ئۇيغۇر قېرىنداشلىرىمغىمۇ مۇبارەك بولسۇن! دېموكراتىك سايلام قىلىش  ئۇسۇلى ۋە ئۆلچەملىرىگە ئاساسەن ئېلىپ بارغان سايلام كومىتېت ئەزالىرىنى، قەييۇم مەسۇموۋنى ۋە كانادا ياشاۋاتقان پۈتۈن ئۇيغۇر قېرىنداشلىرىمنى  ئۆزۈمنىڭ  شۇنداقلا دۇنيا ئۇيغۇر قۇرۇلتىيى رەھبەرلىك نامىدىن چىن  قەلبىمدىن  قوللايمەن…

تەپسىلاتى...

دۇنيا ئۇيغۇر قۇرۇلتىيىنىڭ 4-نۆۋەتلىك ۋەكىللەر قۇرۇلتىيى غەلىبىلىك ئاياغلاشتى

دۇنيا ئۇيغۇر قۇرۇلتىيى
2012-يىلى 5-ئاينىڭ 18-كۈنى

4- نۆۋەتلىك  دۇنيا ئۇيغۇر قۇرۇلتىيىنىڭ ۋەكىللەر قۇرۇلتىيى  2012- يىلى 5- ئاينىڭ 14- كۈنى ياپونىيىنىڭ پايتەختى توكيو شەھىرىدە  غەلىبىلىك ئېچىلىپ،  2012- يىلى 5-ئاينىڭ 17- كۈنى زور مۇۋاپىقىيەتلەر بىلەن ئاياغلاشتى.

بۇ قېتىمقى قۇرۇلتايغا ئامېرىكا، كانادا، ئېرلاندىيە، ،نورۋېگىيە، شىۋىتسىيە، گېرمانىيە، گوللاندىيە، شىۋىتسىيە، تۈركىيە،  فرانسىيە، سەئۇدى ئەرەبىستان، قازاقىستان، قىرغىزىستان ،روسىيە، ياپونىيە قاتارلىق 16 دۆلەتتىن 120 ۋەكىل قاتناشتى.

قۇرۇلتاينىڭ  ئېچىلىش مۇراسىمى ياپونىيىنىڭ  پارلامېنت بىناسىدا ئېچىلدى. ئېچىلىش مۇراسىمىغا ياپونىيىنىڭ ھەر قايسى پارتىيەلىرىدىن بولۇپ  15 پارلامېنت ئەزاسى قاتنىشىپ سۆز قىلدى.  ئۇلار بىردەك ھالدا ئۇيغۇر خەلقىنىڭ ئەركىنلىك، دېموكراتىيە ۋە ئىنسان ھەق ھوقۇقلىرى ئۇچۇن ئەلىپ بېرىۋاتقان  ھەققانى  ھەرىكەتلىرىنى قوللايدىغانلىقىنى ۋە يېقىندىن ياردەمدە بولغانلىقلىرىنى  بىلدۈرۈش بىلەن بىرلىكتە،   4- نۆۋەتلىك دۇنيا ئۇيغۇر قۇرۇلتىيىنىڭ  ياپونىيىدە ئېچىلغانلىقىنىڭ  زور تارىخى ئەھمىيەتكە ئىگە ئىكەنلىكىنى بىلدۈردى ۋە تەبرىكلىدى.

تەپسىلاتى...

د ئۇ ق نىڭ ئېلخەت ۋە تور بەتلەردە غەرەزلىك تارقىتىلىۋاتقان ساختا ئۇچۇرلار ۋە ئاتالمىش نىزامنامە ھەققىدە ئىزاھاتى

دۇنيا ئۇيغۇر قۇرۇلتىيى
2012-يىلى 5-ئاينىڭ 6-كۈنى

د ئۇ ق دائىمىي كومىتېتى، 4-نۆۋەتلىك ۋەكىللەر قۇرۇلتىيىنى ياپونىيەدە ئېچىشنى قارار قىلىپ، تەييارلىق خىزمەتلىرىگە باشلىغاندىن بۇيان، خىتاي ھۆكۈمىتى بىر تەرەپتىن دىپلوماتىك يوللار بىلەن قۇرۇلتاينىڭ ياپونىيەدە ئېچىلىشىغا توسقۇنلۇق قىلسا، يەنە بىر تەرەپتىن ھەر خىل سۇيىقەستلەرنى، نەيرەڭلەرنى ئىشلىتىپ قالايمىقانچىلىق  قىلىش، ئوز-ئارا ئىشەنچسىزلىك پەيدا قىلىشقا ھەرىكەت قىلىپ كەلدى.

ھەتتا يالغان، ئويدۇرما ماتېرىياللارنى تەييارلاپ چىقىپ، ئېلخەتلەر (e-mail) يوللاپ، ئىنتېرنېت تور بەتلىرىدە د ئۇ ق ۋە ئۇنىڭ رەھبەرلىرى نامىدىن ئېلان قىلىپ، قۇرۇلتاينىڭ ئوبرازىنى خۇنۈكلەشتۈرۈشكە، ھەقىقەتنى ئاستىن- ئۈستۈن قىلىشقا ئۇرۇنۇشتەك ئەھۋاللار سادىر بولدى.

تەپسىلاتى...