تۈركىيە ئالىي رەھبەرلىرى خەلقئارا مەدەنىيەت فېستىۋالىدىكى ئۇيغۇر كۆرگەزمە بۆلۈمىدە

يوللانغان ۋاقتى:2010-09-27| سەھىپە: باشقا خەۋەرلەر

ر ف ئا خەۋىرى
2010-يىلى 9-ئاينىڭ 27-كۈنى

ئەنقەرەنىڭ ئەتىمەسقۇت رايونىدا ئېچىلغان 7 – نۆۋەتلىك خەلقئارالىق ئاناتولىيە مەدەنىيەت ۋە سەنئەت فېستىۋالى 26 – چېسلا غەلىبىلىك ئاخىرلاشتى. بۇ فېستىۋالغا تۈركىيىدىن 23 جەمئىيەت ۋە ۋەقىپ قاتناشقاندىن سىرت يەنە ئوتتۇرا ئاسىيا تۈركىي جۇمھۇرىيەتلىرى ھەم باشقا تۈركىي مىللەتلەرنىڭ ۋەكىللىرىمۇ قاتنىشىپ ۋە مەخسۇس بۆلۈم ئېچىپ ئۆزلىرىنىڭ مەدەنىيەت – سەنئىتىنى نامايان قىلدى.

26 – سېنتەبىر كۈنى ئاخشام تۈركىيىنىڭ داڭلىق ناخشىچىسى سىبەل جان كونسېرت بەردى. كونسېرت باشلىنىشتىن بۇرۇن مىللەتچى ھەرىكەت پارتىيىسى باشلىقى، سابىق مۇئاۋىن باش مىنىستىر دۆلەت باھچېلى شەرقىي تۈركىستان ئۆيى نامىدىكى كۆرگەزمە بۆلۈمىنى زىيارەت قىلدى.

بۇ فېستىۋالنى ئۇيۇشتۇرغان ئەنقەرە ئەتىمەسقۇت رايونلۇق ھۆكۈمەت باشلىقى ئەنۋەر دەمىرېل ئەپەندى سابىق مۇئاۋىن باش مىنىستىر دەۋلەت باغچېلىگە ئۈرۈمچى ۋەقەسىنى ئەكس ئەتتۈرگەن رەسىملەرنى كۆرسىتىپ تۇرۇپ “مانا بۇ شەرقىي تۈركىستانلىقلارنىڭ ھازىرقى ئەھۋالى” دېدى. ئۇنىڭ بىلەن بىللە شەرقىي تۈركىستان بۆلۈمىگە كىرگەنلەر ئىچىدە مىللەتچى ھەرىكەت پارتىيىسىنىڭ ئالىي رەھبەرلىرى ۋە باشقا پارتىيىلەرنىڭ ۋەكىللىرىمۇ بار ئىدى.

داڭلىق ناخشىچى سىبەل جان سەھنىگە چىقىشتىن بۇرۇن تۈركىيىدىكى تونۇلغان مودېللەر ئوسمانلى ئىمپېرىيىسى مەزگىلىدىكى كىيىم – كېچەكلەرنى كۆرسەتتى. بۇ قاتاردا ھەرقايسى تۈركىي مىللەتلەرنىڭمۇ كىيىملىرى تونۇشتۇرۇلدى.

ئاقسۇدىكى پارتلاشتا ئۆلگەن ۋە يارىلانغانلارنىڭ ھەممىسى دېگۈدەك ئامانلىق ساقلاش خادىملىرى

يوللانغان ۋاقتى:2010-08-19| سەھىپە: باشقا خەۋەرلەر

د ئۇ ق تەشۋىقات مەركىزى
2010-يىلى 8-ئاينىڭ 19-كۈنى

” بوشۈن ” تورىنىڭ خەۋەر قىلىشىچە، بۈگۈن ئاقسۇ شەھىرىنىڭ ئېگەرچى يېزىسىدىكى كۆۋرۈكتە مەيدانغا كەلگەن پارتلاشتا ئۆلگەن ۋە يارىلانغانلارنىڭ ھەممىسى ئېگەرچى يېزىلىق ساقچىخانا تەرىپىدىن تەشكىللەنگەن ئامانلىق ساقلاش ۋە چارلاش ئەترىتىنىڭ خادىملىرىدىن ئىبارەت، ئەمما ئۇلارنىڭ مىللىي تەركىبى ھەققىدە ئېنىق مەلۇمات يوق، ” شىنخۇا ئاگېنتلىقى ” تەرىپىدىن بېرىلگەن خەۋەردە، ئۆلگەن ۋە يارىلانغانلارنىڭ ھەممىسىنىڭ يەرلىك كىشىلەر ئىكەنلىكى بايان قىلىنغان ئىدى.

بۈگۈن چۈشتىن كېيىن سائەت 17:00 دە، ئاقسۇ ۋىلايەتلىك مەمۇرى مەھكىمە ئىشخانىسى ئاخبارات ئېلان قىلىش يىغىنى چاقىرىپ، بۇ قېتىمقى پارتلاش ۋەقەسى ھەققىدە مەلۇمات بەرگەن.

ئۇلارنىڭ بايان قىلىشىچە، بۈگۈن چۈشتىن بۇرۇن سائەت 10:00 ئەتراپىدا، ئاقسۇ شەھىرىگە قاراشلىق ئېگەرچى يېزىسىنىڭ بىر نەپەر ساقچىسى 15 نەپەر ئامانلىق ساقلاش خادىمىنى باشلاپ چارلاشقا چىققان، ئۇلار ئۇلار بىر كوچا دوقمۇشىغا كەلگەندە 3 چاقلىق موتسىكلىت ھەيدىگەن بىر كىشى ئامانلىق ساقلاش خادىملىرىنىڭ قېشىغا ئېتىلىپ كېلىپ ئۇلارغا قارىتىپ بومبا تاشلىغان، بومبىنىڭ پارتلىشى بىلەن نەقمەيداندا 5 كىشى، دوختۇرخانىدا ئىككى كىشى ئۆلگەن، 14 كىشى يارىلانغان، مەيداندىكى بىرقانچە ساقچى موتسىكلىتى پاچاقلاپ تاشلانغان.

غەيرەت نىياز ئۈستىدىن يېپىق سوت ئېچىلدى

يوللانغان ۋاقتى:2010-07-23| سەھىپە: باشقا خەۋەرلەر

ر ف ئا خەۋىرى
2010-يىلى 07-ئاينىڭ 23-كۈنى

ئۇيغۇربىز تورىنىڭ خەۋەر قىلىشىچە، ئۇيغۇر ئاپتونوم رايونلۇق قانۇن ئورگانلىرى، بۈگۈن 23 – ئىيۇل كۈنى ئۈرۈمچى ۋاقتى چۈشتىن بۇرۇن، بۇلتۇر 1 – ئۆكتەبىر كۈنى “دۆلەت بىخەتەرلىكىگە زىيان يەتكۈزگەن” دېگەن جىنايەت بىلەن قولغا ئېلىنغان،  شىنجاڭ ئىقتىساد گېزىتىنىڭ مۇخبىرى غەيرەت نىياز دېلوسى ئۈستىدىن يېپىق سوت ئېچىپ، ئۇنىڭغا 15 يىللىق قاماق جازاسى ھۆكۈم قىلغان.

ئۇيغۇربىز تورىنىڭ ساھىبى مۇستەقىل تەتقىقاتچى ئىلھام توختى ئەپەندى بۈگۈن ئەتىگەن زىيارىتىمىزنى قوبۇل قىلىپ، سوتنىڭ بۈگۈن ئەتىگەن يېپىق ھالەتتە ئېچىلغانلىقىنى، سوتقا پەقەت غەيرەت نىيازنىڭ ئايالى ۋە بىۋاسىتە ئۇرۇق – تۇغقانلىرىلا قاتناشتۇرۇلغانلىقىنى بىلدۈردى. مۇخبىر ئۇنىڭدىن غەيرەت نىيازنىڭ ئايالى رىسالەت خانىم ۋە غەيرەت نىيازنىڭ باشقا ئۇرۇق – تۇغقانلىرىنى زىيارەت قىلىش ئىمكانىيىتى بار – يوقلۇقىنى سورىغىنىدا، ئىلھام توختى ئەپەندى ھازىر رىسالەت خانىمنىڭ ھەم غەيرەت نىيازنىڭ ياشىنىپ قالغان ئانىسىنىڭ كەيپىياتىنىڭ تولىمۇ تۆۋەنلىكىنى، شۇڭا مۇخبىرلارنىڭ زىيارىتىنى قوبۇل قىلىشنى خالىمايدىغانلىقىنى بىلدۈردى.

بىز ئۈرۈمچىدىكى غەيرەت نىيازنى نىسبەتەن ياخشى بىلىدىغان كىشىلەرگە تېلېفون قىلغان بولساقمۇ، ئەمما ئۇلار ئۆزلىرىنىڭ غەيرەت نىياز دېلوسى ئۈستىدىن بۈگۈن ئەتىگەن سوت ئېچىلغانلىقى ھەققىدە ئۆزلىرىنىڭ خەۋەرسىز ئىكەنلىكىنى بىلدۈرۈشتى.

تەيۋەنلىكىلەر رابىيە خانىمنىڭ قىزىنىڭ تەيۋەن زىيارىتى توغرىسىدا

يوللانغان ۋاقتى:2010-07-21| سەھىپە: باشقا خەۋەرلەر

ر ف ئا خەۋىرى
2010-يىلى 07-ئاينىڭ 20-كۈنى

تەيۋەندە تۇرۇشلۇق مۇستەقىل مۇلاھىزىچى لىن باۋخۇانىڭ خانىمى، دۇنيا ئۇيغۇر قۇرۇلتىيىنىڭ رەىسى رابىيە قادىر خانىمنىڭ قىزى راھىلەنىڭ تەيۋەن زىيارىتى ھەققىدىكى ھېسسياتىنى ۋە تەيۋەنلىكلەرنىڭ ئىنكاسىنى بايان قىلدى.

دۇنيا ئۇيغۇر قۇرۇلتىيىنىڭ رەىسى رابىيە قادىر خانىمنىڭ قىزى راھىلەنىڭ تەيۋەن زىيارىتى ھەققىدە، تەيۋەندىكى مۇستەقىل تەتقىقاتچى لىن باۋخۇانىڭ خانىمى ياڭ يۆچىڭ ئۆزىنىڭ ھېسسياتىنى ۋە تەيۋەنلىكلەرنىڭ بۇ ھەقتىكى ئىنكاسىنى بايان قىلدى.

شىنخۇا ئاگېنتلىقىنىڭ تەيۋەن زىيالىيلىرى تەيۋەننى بۆلگۈنچىلەرنىڭ ھەرىكەت مەيدانى قىلمايمىز دېدى دېگەن خەۋىرى بىر ئىغۋا

ياڭ يۆچىڭ خانىم ئالدى بىلەن، كوممۇنىست خىتاينىڭ شىنخۇا ئاگېنتلىقى بۈگۈن تەيۋەن رابىيە قادىرنىڭ زىيارىتىنى رەت قىلدى، تەيۋەن زىيالىيلىرى تەيۋەننى بۆلگۈنچىلەرنىڭ ھەرىكەت مەيدانى قىلمايمىز دېدى دەپ خەۋەر ئېلان قىلغانلىقى ھەققىدە توختالدى. ئۇنىڭ بايان قىلىشىچە، تەيۋەندە مىڭلىغان، ئونمىڭلىغان زىيالىي بار، بۇلارنىڭ كۆپىنچىسى كىشىلىك ھوقۇق، ئەركىنلىك، دېموكراتىيە ۋە ھەققانىيەتنى قوللايدىغان كىشىلەر، تەيۋەندە گومىنداڭغا بېقىنىپ، كوممۇنىست پارتىيىگە خۇشامەت قىلىپ جان باقىدىغان زىيالىيلارمۇ بار. شىنخۇا ئاگېنتلىقى بۇ گەپنى كىم دېگەنلىكىنى كۆرسىتىپ بېرەلمىدى، دېمەك بۇ خەۋەرنىڭ ئۆزى بىر ئىغۋا.

تەيۋەنلىكلەر رابىيە قادىرنى داھى دەپ قارايدۇ

دالاي لاما يەر تەۋرەشتە قازا قىلغان يۇرتداشلىرىدىن ھال سورىدى

يوللانغان ۋاقتى:2010-04-15| سەھىپە: باشقا خەۋەرلەر

د ئۇ ق تەشۋىقات مەركىزى
2010-يىلى 4-ئاينىڭ 15-كۈنى

تاڭ خەي ئۆلكىسىنىڭ يۈشۇ  تىبەت ئاپتونوم ئوبلاستىدا 4 – ئاينىڭ 14 – كۈنى 7.1 بال يەر تەۋرەپ، ھازىرغا قەدەر 617 نەپەر كىشى ئۆلگەن، 10 مىڭ كىشى يارىلانغان ئىدى.

تاڭ خەي ئۆلكىسى بولسا ھازىرقى 14 – دالاي لامانىڭ تۇغۇلغان يېرى، يەر تەۋرىگەن يۈشۇ ئوبلاستى بولسا 9 – بەنچەن لامانىڭ دۇنياغا كەلگەن ماكانى.

ب ب س نىڭ خەۋەر قىلىشىچە، دالاي لاما مەخسۇس بايانات ئېلان قىلىپ، بۇ قېتىمقى يەر تەۋرەشتە ھاياتىدىن ئايرىلغانلارغا بولغان چوڭقۇر تەزىيىسىنى بىلدۈرگەن.

دالاي لاما يەنە، تىبەت سۈرگۈندىكى ھۆكۈمىتى جايلاشقان ھىندىستاننىڭ دارىسلام رايونىدا يەر تەۋرەشتە قازا قىلغانلارنىڭ روھى ئۈچۈن مەخسۇس دىنىي تىلاۋەت ئۆتكۈزىدىغانلىقىنى بىلدۈرگەن.

دالاي لاما يەنە، يەر تەۋرەشتە زىيانغا ئۇچرىغۇچىلارغا ياردەم قىلىدىغانلىقىنى بىلدۈرگەن بولسىمۇ، ئەمما قايسى جەھەتتىن ياردەم قىلىدىغانلىقى ھەققىدە ئېنىق توختالمىغان.

1959 – يىلىدىكى تىبەت قوزغىلىڭىدىن كېيىن دالاي لاما ھىندىستانغا قېچىپ چىققاندا، ئۇنۇڭ بىلەن بىرگە قاچقانلار ئىچىدە كۆپلىگەن يۈشۇلۇق ئاقسۆڭەكلەر بار بولۇپ، ھازىرقى تىبەت سۈرگۈن ھۆكۈمىتىنىڭ تەركىبىدە يۈشۇلۇقلارمۇ خېلى كۆپ.

شۋېتسارىيىگە يەرلەشتۈرۈلگەن ئاكا-ئۇكىلارنىڭ نۆۋەتتكى ئەھۋالى

يوللانغان ۋاقتى:2010-03-30| سەھىپە: باشقا خەۋەرلەر

ر ف ئا خەۋىرى
2010-يىلى 03-ئاينىڭ 30-كۈنى

ئۆتكەن ھەپتە گۈەنتانامودىن قويۇپ بېرىلىپ شۋېتسارىيىگە يەرلەشتۈرۈلگەن ئاكا-ئۇكىلارنىڭ نۆۋەتتە شۋېتسارىيە ھۆكۈمىتىنىڭ ياردىمى ئاستىدا شۋېتسارىيىدە خاتىرجەم ياشاۋاتقانلىقىنى ئىلگىرى سۈرۈلمەكتە.

مەزكۇر ئاكا ‏- ئۇكىلارنىڭ ئىلگىرىكى تۈرمىدېشى ئابابەكرى قاسىمنىڭ بىلدۈرۈشىچە، بۇ ئاكا ‏- ئۇكىلار قويۇپ بېرىلگەندىن بېرى ياخشى تۇرۇۋېتىپتۇ.

گۈەنتانامو تۈرمىسىدە 8 يېرىم يىلدەك تۇتۇپ تۇتۇلغان ئاكا-ئۇكا قېرىنداش مەھبۇسلار-ئەركىن ۋە بەختىيار مەخمۇت 23 – مارت شۋېتسارىيىگە ساق-سالامەت كەلدى. ئۇلار بىلەن ئىلگىرى گۈەنتانامودا بىرگە ياتقان تۈرمىداشلىرى ئۇلارنىڭ ھۆرلۈككە ئېرىشكەنلىكىدىن بەكمۇ مەمنۇن بولغانلىقىنى بىلدۈرمەكتە.

2006 – يىلى گۈەنتانامودىن قويۇپ بېرىلىپ ئالبانىيىگە يەرلەشتۈرۈلگەن ئابابەكرى قاسىم، بۇ ئاكا-ئۇكىلارنىڭ نۆۋەتتە بىر يۈرۈش ئۆيگە ئورۇنلاشتۇرۇلغانلىقىنى، تۇرمۇشىنىڭ خاتىرجەم ئىكەنلىكىنى بىلدۈردى.

بۇ ئاكا ئۇكا- قېرىنداشلار بىلەن سۆزلىشىشكە تىرىشقان بولساقمۇ، شۋېتسارىيە ھۆكۈمەت دائىرىلىرىنىڭ مۇناسىۋەتلىك تەلەپلىرى بويىچە ئۇلار بىلەن سۆزلىشىشكە ئىمكان بولمىدى.