ۋاكالەتسىز مىللەتلەر تەشكىلاتى خەلقئارا جەمئىيەتنى ئۇيغۇر مەسىلىسىدە خىتايغا بېسىم ئىشلىتىشكە چاقىردى

يوللانغان ۋاقتى:2012-01-14| سەھىپە: باشقا خەۋەرلەر

ر ف ئا خەۋىرى
2012-يىلى 1-ئاينىڭ 14-كۈنى

ۋاكالەتسىز مىللەتلەر تەشكىلاتى بايانات ئېلان قىلىپ، خەلقئارا جەمئىيەتنى خىتاينىڭ يېڭى يىلى – چاغان يېتىپ كېلىش ھارپىسىدا خىتاي ئۇيغۇرلارغا قاراتقان كەمسىتىش ۋە چەتكە قېقىش سىياسەتلىرىنى ئاياغلاشتۇرۇش ئۈچۈن خىتايغا بېسىم ئىشلىتىشكە چاقىردى.

باياناتتا، «28 – دېكابىر گۇما ۋەقەسى» دە 7 ئۇيغۇرلارنىڭ ئۆلتۈرۈلگەنلىكى ۋە ۋەقەنىڭ شەرقىي تۈركىستاندا ئېلىپ بېرىۋاتقان «قاتتىق زەربە بېرىش ھەرىكىتى» داۋام قىلىۋاتقان مەزگىلگە توغرا كەلگەنلىكى كۆرسىتىلگەن.

ئۇنىڭدىن باشقا ئۆز نارازىلىقىنى تىنچ يوسۇندا ئىپادىلىگەن ئۇيغۇرلارنىڭ «ئەمگەك بىلەن ئۆزگەرتىش لاگېرلىرى» غا يوللىنىدىغانلىقى 2001 – يىلى 7 ئۇيغۇرلارنىڭ شۇ خىلدىكى قىسمەتلەرگە دۇچار بولغانلىقى مىساللار بىلەن بېرىلگەن.

تۈركىيەنىڭ سالىھلى رايونىدا «شەرقىي تۈركىستان ۋە ئازادلىق كۈرىشى» نامىدا يىغىن ئۆتكۈزۈلدى

يوللانغان ۋاقتى:2012-01-13| سەھىپە: باشقا خەۋەرلەر

ر ف ئا خەۋىرى
2012-يىلى 1-ئاينىڭ 13-كۈنى

يېقىندىن بۇيان تۈركىيەنىڭ ھەر قايسى شەھەرلىرىدە ئاممىۋى تەشكىلاتلار ئۇيغۇرلار توغرىسىدا ئارقا-ئارقىدىن يىغىن ۋە مۇراسىم ئۇيۇشتۇرۇپ كەلمەكتە.

2012‏-يىلى 1‏-ئاينىڭ 7‏-كۈنى تۈرك ئوجاقلىرى تەشكىلاتى سالىھلى شۆبىسىنىڭ ئۇيۇشتۇرۇشى بىلەن تۈركەلى باغچىسىنىڭ يىغىن زالىدا، تۈرك ئوجاقلىرى تەشكىلاتىنىڭ قۇرۇلغانلىقىنىڭ 100‏-يىلى مۇناسىۋىتى بىلەن «شەرقىي تۈركىستان ۋە ئازادلىق كۈرىشى» دېگەن نامدا بىر يىغىن ئۆتكۈزۈلدى.

يىغىنغا سالىھلى رايونىدىكى قازاق تۈركلىرى ھەمكارلىق جەمئىيىتىنىڭ باشلىقى سەرھات باشتاش، سالىھلى كوسوۋولۇقلار مەدەنىيەت ۋە ھەمكارلىق جەمئىيىتىنىڭ باشلىقى ئابدۇلھادى گۈر، مىللەتچى ھەرىكەت پارتىيىسى سالىھلى شۆبە باشلىقى نازىھ ئاتاوغلى قاتارلىق مۇھىم شەخسلەر، تۈرك ئوجاقلىرى ئەزالىرى ۋە تۈركلەردىن ئەر-ئايال بولۇپ كۆپ ساندا كىشى قاتناشتى.

خەلقئارا كەچۈرۈم تەشكىلاتى خىتاي داىرىلىرى «28 – دېكابىر گۇما ۋەقەسى» گە جاۋاب بېرىشى كېرەك

يوللانغان ۋاقتى:2012-01-08| سەھىپە: باشقا خەۋەرلەر

ر ف ئا خەۋىرى
2012-يىلى 1-ئاينىڭ 8-كۈنى

خەلقئارا كەچۈرۈم تەشكىلاتى بايانات ئېلان ئىلىپ خىتاي داىرىلىرىدىن «28 – دېكابىر گۇما ۋەقەسى» دە تۇتۇپ كېتىلگەن بالالارنىڭ ئەھۋالنى ئاشكارىلاشنى تەلەپ قىلدى ۋە داىرىلەرنىڭ ۋەقەنى بىر تەرەپ قىلىش ئۇسۇلىغا سوئال قويدى.

باياناتتا خەلقئارا كەچۈرۈم تەشكىلاتى ئاسىيا – تىنچ ئوكيان ئىشلىرى بۆلۈمى دىرېكتورى سام زەرىفىنىڭ ۋەقەدە 7 ئۇيغۇرلارنىڭ ئېتىلغانلىقى ھەققىدە ئېيتقانلىرى نەقىل قىلىنغان.

سام زەرىفى مۇنداق دېگەن: ھۆكۈمەتنىڭ 7 ئادەم «قولغا ئېلىشقا قارشىلىق كۆرسەتكەنلىكى ئۈچۈن ئېتىپ ئۆلتۈرۈلدى» دېگەن چۈشەندۈرۈشى 7 ئادەمنىڭ بىكاردىن – بىكار ئېتىپ تاشلانغانلىقى ۋە يەنە باشقىلارنىڭ يارىلانغانلىقىغا جاۋاب بولالمايدۇ.

2011-يىلى ئۇيغۇرلارغا مۇناسىۋەتلىك يۈز بەرگەن مۇھىم ۋەقەلەر (2)

يوللانغان ۋاقتى:2012-01-04| سەھىپە: باشقا خەۋەرلەر د ئۇ ق غا ئالاقىدار خەۋەرلەر

ر ف ئا خەۋىرى
2012-يىلى 1-ئاينىڭ 4-كۈنى

2011-يىلى ئۇيغۇر ئېلىنىڭ ئىچى ۋە سىرتىدا نۇرغۇن ۋەقەلەر مەيدانغا كېلىپ، ئۇيغۇرلارنىڭ سىياسىي ۋە ئىجتىمائىي ۋەزىيىتى دىنامىكىلىق ئۆزگىرىشلەر بىلەن تولغان بىر يىل بولدى.

بىز ئالدىنقى پروگراممىمىزدا 2011-يىلى ئىچىدە ئۇيغۇرلارغا ئالاقىدار يۈز بەرگەن مۇھىم ۋەقەلەرنى سىلەرگە قايتا بىر ئەسلىتىپ ئۆتكەن ئىدۇق. تۆۋەندە بۇ پروگراممىمىزنىڭ داۋامىنى دىققىتىڭلارغا سۇنىمىز.

2011-يىلىدا ئۇيغۇرلارغا مۇناسىۋەتلىك يۈز بەرگەن مۇھىم ۋەقەلەر (1)

يوللانغان ۋاقتى:2012-01-03| سەھىپە: باشقا خەۋەرلەر د ئۇ ق غا ئالاقىدار خەۋەرلەر

ر ف ئا خەۋىرى
2012-يىلى 1-ئاينىڭ 3-كۈنى

ئۆتكەن بىر يىل ئىچىدە دۇنيادا ئۇيغۇرلارنىڭ سىياسىي ۋەزىيىتىگە ئالاقىدار نۇرغۇن مۇھىم پائالىيەتلەر ۋە ۋەقەلەر بولۇپ ئۆتتى.

ئۇيغۇر ئېلىنىڭ ئىچىدە خىتاي ھۆكۈمىتىنىڭ رايوندا يۈرگۈزۈۋاتقان سىياسىتىگە قارشى چوڭ-كىچىك نارازىلىق بىلدۈرۈش ھەرىكەتلىرى توختىماي يۈز بېرىپ تۇردى. بۇنىڭ بىلەن بىرگە، ۋەتەن چەتئەللەردە ئۇيغۇر مىللىي داۋاسىنى قىلىۋاتقان دۇنيا ئۇيغۇر قۇرۇلتىيى باشچىلىقىدىكى تەشكىلاتلار ھەممىسى دۇنيا مىقياسىدىكى پائالىيەتلىرىنى تېخىمۇ كۈچلۈك يوسۇندا ئېلىپ بېرىپ، ئۇيغۇرلارنىڭ كىشىلىك ھوقۇق ۋەزىيىتىنىڭ تونۇلۇشىدا بەلگىلىك نەتىجىلەرنى قولغا كەلتۈردى. بىز تۆۋەندە بىز بۇ مۇھىم ۋەقەلەرنى ۋاقىت تەرتىپىگە ئاساسەن بىر ئەسلەپ ئۆتەيلى.

مۇھەممەد ئىمىن بۇغرانىڭ تۈركىيىدىكى ھايات پائالىيىتى

يوللانغان ۋاقتى:2011-12-25| سەھىپە: باشقا خەۋەرلەر

ر ف ئا خەۋىرى
2011-يىلى 12-ئاينىڭ 25-كۈنى

مۇھەممەد ئىمىن بۇغرا 1949 – يىلىدىن كېيىنكى ھىجرەت ھاياتىنىڭ كېيىنكى قىسىملىرىنى تۈركىيىدە ئۆتكۈزگەن بولۇپ، بىز نۆۋەتتە ئۇنىڭ تۈركىيىدە تۇرۇپ ۋەتەن خەلقى ئۈچۈن ئېلىپ بارغان خىزمەت پائالىيەتلىرىنى تونۇشتۇرۇپ ئۆتىمىز.

مۇھەممەد ئىمىن بۇغرا 1952 – يىلى تۈركىيىگە كەلگەندىن كېيىن بىر تەرەپتىن دىپلوماتىيە مۇناسىۋەتلەر قۇرۇپ، دۆلەت ئەربابلىرى بىلەن ئۇچراشقان. شەرقىي تۈركىستان داۋاسىنى پۈتكۈل دۇنيا جاماەتچلىككە ئاڭلىتىش ئۈچۈن ھارماي تالماي ئىشلىدى. 1953 – يىلى ئىستانبۇلدا “تۈركىستان” ناملىق ئايلىق ژۇرنال نەشر قىلغان. شۇنداقلا شەرقىي تۈركىستان خەلقىنىڭ داۋاسىنى ۋە جاپالىق كۈرەشلىرىنى تۈركىيە خەلقىگە ئاڭلاتقان. بۇ ژۇرنال كېيىنكى يىللاردا ئىقتىسادى قىيىنچىلىق سەۋەبىدىن توختاپ قالغان. 1956 – يىلى تۈركچە ۋە ئىڭىلىز تىلىدا “تۈركىستان ئاۋازى” ناملىق ژۇرنال نەشر قىلدى. ئۇ ئەرەب ۋە ئاسىيا دۆلەتلىرىنى زىيارەت قىلىپ، بىر قانچە دۆلەتنىڭ رەھبەرلىرى بىلەن ئۇچراشقان ۋە شەرقىي تۈركىستان مەسىلىسى توغرىسىدا سۆھبەتلەشكەن.

خەلقئارا مۇخبىرلارنى قوغداش كومىتېتى خىتايدا ئۇيغۇر ۋە تىبەت ژۇرنالىستلىرىغا زەربە بېرىلىۋاتقانلىقىنى بىلدۈردى

يوللانغان ۋاقتى:2011-12-09| سەھىپە: باشقا خەۋەرلەر

ر ف ئا خەۋىرى
2011-يىلى 12-ئاينىڭ 9-كۈنى

خەلقئارا مۇخبىرلارنى قوغداش كومىتېتى بۈگۈن، يەنى پەيشەنبە كۈنى ئېلان قىلغان دوكلاتىدا دۇنيا مىقياسى بويىچە قولغا ئېلىنغان ژۇرنالىستلارنىڭ سانىنىڭ 20 پىرسەنت ئاشقانلىقىنى بىلدۈردى.

بۇلارنىڭ ئىچىدە خىتاي، بىرما، ۋېتنام، سۈرىيە، ئىران قاتارلىق دۆلەتلەر ژۇرنالىستلارنىڭ ئەھۋالى ئەڭ ناچار دۆلەتلەر بولۇپ، قولغا ئېلىنغان ژۇرنالىستلارنىڭ سانى 1990-يىللارنىڭ ئوتتۇرىلىغا قارىغاندا، ھازىر ئەڭ يۇقىرى سەۋىيىگە يەتكەن.

دوكلاتتا كۆرسىتىلىشىچە، خىتاي ئاز سانلىق مىللەت ژۇرنالىستلىرىنى ئەڭ كۆپ جازالىغان دۆلەت بولۇپ، مەۋجۇت مىللىي مەسىلىلەرنى يازغان ئۇيغۇر ۋە تىبەت ژۇرنالىستلار قاتتىق زەربە بېرىش نىشانى بولغان. خىتايدا تۈرمىگە قامالغان 27 ژۇرنالىستنىڭ 17 س مىللىي نارازىلىقلارنى ئېلان قىلغانلىقى ئۈچۈن قولغا ئېلىنغان. ئۇلارنىڭ كۆپىنچىسى ئىنتېرنېت تور بەت ساھىبىلىرى، باشقۇرغۇچىلىرى ياكى يازغۇچىلىرى ئىكەن.

دەرۋەقە 2009-يىلى ئۈرۈمچى ۋەقەسىدىن كېيىن ئۇيغۇر تور بەت باشقۇرغۇچىلىرى ۋە ئۇنىڭ ئاكتىپ يازغۇچىلىرى ھۆكۈمەتنىڭ ئاساسلىق زەربە بېرىش نىشانى بولغان.

خىتاي داىرىلىرى غۇلجىدا رابىيە قادىر خانىم ھەققىدىكى سىنئالغۇ ئۆزەكلىرىنى يىغىش ھەرىكىتى ئېلىپ بېرىپ، 7 نەپەر ئۇيغۇرنى تۇتقۇن قىلغان

يوللانغان ۋاقتى:2011-12-08| سەھىپە: باشقا خەۋەرلەر

ر ف ئا خەۋىرى
2011-يىلى 12-ئاينىڭ 8-كۈنى

خىتاي ھۆكۈمىتى يېقىندا غۇلجا شەھىرىدە ئېلىپ بارغان ئاتالمىش «ئەكسىيەتچىل» مەزمۇندىكى سىنئالغۇ لېنتىلىرى ۋە دۋد ئۆزەكلىرىنى يىغىۋېلىش ھەرىكىتىدە 7 نەپەر ئۇيغۇرنى تۇتقۇن قىلغان.

خىتاي ئامانلىق ئورگانلىرىنىڭ يېقىندا غۇلجا شەھىرىدە كەڭ-كۆلەملىك ئاختۇرۇش ئېلىپ بېرىپ، خىتاي ھۆكۈمىتىنىڭ نەزىرىدىكى ئاتالمىش «ئەكسىيەتچىلىك» نى مەزمۇن قىلغان دۋد ئۆزەكلىرىنى، سىنئالغۇ لېنتىلىرىنى توپلاش ھەرىكىتى ئېلىپ بارغانلىقى بىلدۈرۈلدى. ۋەقەدىن خەۋەردار ئۇيغۇر تەشكىلاتلىرىنىڭ ئىلگىرى سۈرۈشىچە، خىتاي ھۆكۈمىتى د ئۇ ق رەئىسى رابىيە قادىر خانىمنىڭ ھاياتى تېما قىلىنغان «مۇھەببەتنىڭ 10 شەرتى» ناملىق ھۆججەتلىك فىلىمنىڭ دۋد ئۆزۈكى، شۇنداقلا يەنە چەتئەلدىكى ئۇيغۇرلار تەرىپىدىن ئىشلىگەن ئۇيغۇر مىللىي ئەركىنلىك مارشى ۋە بەزى دىنىي تېمىدىكى سىنئالغۇ ئۈزەكلىرىنىڭ غۇلجا شەھىرىدە بايقالغانلىقىنى باھانە قىلىپ، بۇ قېتىمقى تازىلاش ھەرىكىتىنى ئېلىپ بارغان.

«شەرقىي تۈركىستان مېھرى – شەپقەت ۋە ھەمكارلىق جەمئىيىتى»نى تونۇشتۇرۇش پائالىيىتى ئۆتكۈزۈلدى

يوللانغان ۋاقتى:2011-11-28| سەھىپە: باشقا خەۋەرلەر

ر ف ئا خەۋىرى
2011-يىلى 11-ئاينىڭ 28-كۈنى

2011 – يىلى 11 – ئاينىڭ 25 – كۈنى ئىستانبۇلدا قۇرۇلغان«شەرقىي تۈركىستان مېھرى – شەپقەت ۋە ھەمكارلىق جەمئىيىتى»نى تونۇشتۇرۇش پائالىيىتى ئىستانبۇلنىڭ فاتىھ رايونىدىكى ئېلى ئەمرى مەدەنىيەت مەركىزىنىڭ يىغىن زالىدا ئۆتكۈزۈلدى.

بۇ پائالىيەتكە تۈركىيە خەلق ئاۋازى پارتىيىسىنىڭ مۇئاۋىن رەئىسى، سابىق پارلامېنت ئەزاسى مۇقەددەر باشەگمەس، خەلق ئاۋازى پارتىيىسىنىڭ زەيتىنبۇرنۇ ۋە فاتىھ رايونلۇق شۆبە مەسئۇللىرى، ئىستانبۇلدا پائالىيەت قىلىۋاتقان شەرقىي تۈركىستان ۋەخپى، شەرقىي تۈركىستان مائارىپ ۋە ھەمكارلىق جەمئىيىتى، شەرقىي تۈركىستان ياشلار جەمئىيىتى قاتارلىق ئاممىۋى تەشكىلاتلارنىڭ مەسئۇللىرى ۋە ۋەكىللىرى شۇنداقلا ئىستانبۇلدا ياشاۋاتقان ئۇيغۇرلاردىن ئەر – ئايال بولۇپ كۆپ ساندا كىشى قاتناشتى.

ئىسلام دۇنياسى ئاممىۋى تەشكىلاتلار بىرلىكىنىڭ يىغىنىدا شەرقىي تۈركسىتان مەسىلىسى

يوللانغان ۋاقتى:2011-11-21| سەھىپە: باشقا خەۋەرلەر

ر ف ئا خەۋىرى
2011-يىلى 11-ئاينىڭ 21-كۈنى

2011- يىلى 11 – ئاينىڭ 19 – 20 – كۈنلىرى ئىسلام دۇنياسى ئاممىۋى تەشكىلاتلار بىرلىكىنىڭ ئۇيۇشتۇرۇشى بىلەن ئىستانبۇلدىكى ئىنسان ۋە مەدەنىيەت مەركىزىنىڭ يىغىن زالىدا ئىسپانىيىنىڭ مۇسۇلمانلار تەرىپىدىن فەتھى قىلىنغانلىقىنىڭ 1300 – يىلى مۇناسىۋىتى بىلەن خەلقئارالىق بىر يىغىن ئۇيۇشتۇرۇلدى.
يىغىنغا 20 دىن ئارتۇق دۆلەتتىن مۇسۇلمان ئاممىۋى تەشكىلاتلارنىڭ مەسئۇللىرى ۋە ۋەكىللىرى قاتناشتى. يىغىنغا ئۇيغۇرلارغا ۋاكالىتەن شەرقىي تۈركسىتان مائارىپ ۋە ھەمكارلىق جەمئىيىتىنىڭ مەسۇللىرىدىن ئابدۇلھەكىمخان مەخسۇمنىڭ باشچىلىقىدا 4 كىشىلىك بىر ھەيئەت قاتناشتى. يىغىننىڭ بىرىنچى كۈنى يەنى 19 – نويابىر، ئىسپانىيىنىڭ فەتھى قىلىنغانلىقىنىڭ 1300 – يىلى ۋە ياۋروپادىكى مۇسۇلمانلار توغرىسىدا سۆز قىلىندى.