كانادادا، تورونتو قاتارلىق تۆت شەھەردە نامايىش ئۆتكۈزۈلدى

ر ف ئا خەۋىرى
2010-يىلى 2-ئاينىڭ 5-كۈنى

2010 ‏- يىلى 2 – ئاينىڭ 5 – كۈنى، غۇلجا ۋەقەسىگە 13 يىل بولغان كۈن. تورونتو، مونتېرىيال، ۋانكۇۋېر ۋە كالگارى قاتارلىق 4 شەھەردىكى ئەر ‏ – ئايال، چوڭ‏ – كىچىك ھەممە ئۇيغۇر بۇ مۇھىم كۈننى خاتىرىلەش ۋە شېھىتلەرنىڭ روھىغا ئاتاپ دۇئا قىلىش ئۈچۈن 5 – فېۋرال كۈنى كانادادىكى خىتاي كونسۇلخانىلىرى ئالدىدا نامايىش ئۆتكۈزدى.
 
كانادا ئۇيغۇر جەمئىيىتىنىڭ رەئىسى رۇقىيە تۇردۇش خانىم نامايىش مۇناسىۋىتى بىلەن بايانات ئېلان قىلىپ مۇنداق دېدى:

تەپسىلاتى...

قازاقىستاندىكى ئۇيغۇرلار 5 ‏- فېۋرال كۈنىنى خاتىرىلەش مۇراسىمى ئۆتكۈزدى

ر ف ئا خەۋىرى
2010-يىلى 2-ئاينىڭ 5-كۈنى

5 ‏- فېۋرال كۈنى، غۇلجا ۋەقەسىنىڭ 13 يىللىقى مۇناسىۋىتى بىلەن دۇنيا ئۇيغۇر قۇرۇلتىيىنىڭ ئورۇنلاشتۇرۇشى بىلەن ھەر قايسى دۆلەتلەردىكى ئۇيغۇر تەشكىلاتلىرىنىڭ ئۇيۇشتۇرۇشىدا، ئۇيغۇرلار ۋە ئۇلارنى ھىمايە قىلغۇچى كىشىلىك ھوقۇق تەشكىلاتلىرى ۋە خەلقلەر بىرلىكتە ئۆزلىرى تۇرۇشلۇق دۆلەتلەردىكى خىتاي ئەلچىخانىسى ۋە كونسۇلخانىلىرى ئالدىدا نارازىلىق نامايىشى، خاتىرىلەش يىغىنى ھەمدە خەتمە قۇرئان پائالىيەتلىرىنى ئېلىپ بېرىپ، خىتاي ھۆكۈمىتىنىڭ ئۇيغۇر خەلقىنىڭ ئەركىنلىك پائالىيەتلىرىنى باستۇرۇۋاتقانلىقىغا نارازىلىق بىلدۈردى.

تەپسىلاتى...

نورۋېگىيىدە 5 – فېۋرال غۇلجا ۋەقەسىنى خاتىرىلەش نامايىشى ئۆتكۈزۈلدى

ر ف ئا خەۋىرى
2010-يىلى 2-ئاينىڭ 5-كۈنى

دۇنيا ئۇيغۇر قۇرۇلتىيىنىڭ بىر تۇتاش چاقىرىقى ۋە نورۋېگىيە ئۇيغۇر كومىتېتىنىڭ تەشكىللىشى بىلەن بۈگۈن 5 – فېۋرال جۈمە كۈنى نورۋېگىيىدىكى ئۇيغۇرلار ” 5 – فېۋرال غۇلجا ۋەقەسى” نىڭ 13 يىللىقىنى خاتىرىلەش يۈزىسىدىن پايتەخت ئوسلودىكى خىتاي باش ئەلچىخانىسىنىڭ ئالدىدا خىتايغا قارشى داغدۇغىلىق نامايىش ئېلىپ باردى.

1997 – يىلى 2 – ئاينىڭ 5 – كۈنى غۇلجا خەلقى تەرىپىدىن ئېلىپ بېرىلغان تىنچلىق نامايىشى كوممۇنىست خىتاي ھاكىمىيىتى تەرىپىدىن رەھىمسىزلەرچە قانلىق باستۇرۇلغان ۋە ئەينى چاغدا خەلقئارادا زور تەسىر قوزغىغان ئىدى.

گەرچە بۇ ۋەقەنىڭ يۈز بەرگىنىگە ئارىدىن 13 يىل ئۆتكەن بولسىمۇ، غۇلجا قەھرىمانلىرى تەرىپىدىن ئېلىپ بېرىلغان بۇ ئۇنتۇلماس كۈرەش شەرقىي تۈركىستاننىڭ يېقىنقى زامان تارىخىدا مەيدانغا  كەلگەن زور سىياسىي ھەرىكەتلەرنىڭ بىرىدۇر.

تەپسىلاتى...

شىۋېتسىيىدە 5 ‏- فېۋرال غۇلجا ۋەقەسى خاتىرە نامايىشى

ر ف ئا خەۋىرى
2010-يىلى 2-ئاينىڭ 5-كۈنى

5 ‏- فېۋرال كۈنى، غۇلجا ۋەقەسىنىڭ 13 يىللىقى مۇناسىۋىتى بىلەن دۇنيا ئۇيغۇر قۇرۇلتىيىنىڭ ئورۇنلاشتۇرۇشى بىلەن ھەر قايسى دۆلەتلەردىكى ئۇيغۇر تەشكىلاتلىرىنىڭ ئۇيۇشتۇرۇشىدا، ئۇيغۇرلار ۋە ئۇلارنى ھىمايە قىلغۇچى كىشىلىك ھوقۇق تەشكىلاتلىرى ۋە خەلقلەر بىرلىكتە ئۆزلىرى تۇرۇشلۇق دۆلەتلەردىكى خىتاي ئەلچىخانىسى ۋە كونسۇلخانىلىرى ئالدىدا نارازىلىق نامايىشى، خاتىرىلەش يىغىنى ھەمدە خەتمە قۇرئان پائالىيەتلىرىنى ئېلىپ بېرىپ، خىتاي ھۆكۈمىتىنىڭ ئۇيغۇر خەلقىنىڭ ئەركىنلىك پائالىيەتلىرىنى باستۇرۇۋاتقانلىقىغا نارازىلىق بىلدۈردى.

تەپسىلاتى...

‘5- فېۋرال’ مۇناسىۋىتى بىلەن گوللاندىيىدە نامايىش، پاكىستاندا خەتمە قۇرئان

ر ف ئا خەۋىرى
2010-يىلى 2-ئاينىڭ 5-كۈنى

بۇنىڭدىن 13 يىل ئاۋۋالقى مۇشۇ كۈندە غۇلجىدا ئۇيغۇر ياشلىرى نامايىش ئۆتكۈزۈپ، خىتاي ھۆكۈمىتىنىڭ قانۇنسىز تۇتقۇن قىلىش ھەرىكەتلىرىگە، دىنىي چەكلىمىلىرىگە، مىللىي كەمسىتىشلىرىگە نارازىلىق بىلدۈرگەن. نامايىش خىتاي ھۆكۈمىتى تەرىپىدىن قانلىق باستۇرۇلغان. ۋەقەدىن كېيىن مىڭلارچە ياش تۇتقۇن قىلىنغان  ۋە يۈزلەرچە كىشىگە ئۆلۈم جازاسى بېرىلگەن.

بۈگۈن بۇ ۋەقەنى خاتىرىلەپ گوللاندىيىدە ئۆتكۈزۈلگەن نامايىشقا، ئۇيغۇرلار، تۈركلەر ۋە يەرلىك گوللاندىيىلىكلەر بولۇپ 100 دىن ئارتۇق كىشى قاتناشقان.

تەپسىلاتى...

رابىيە قادىر خانىم ئىتالىيىنىڭ ئەركىنلىك مۇكاپاتىغا مۈيەسسەر بولدى

ر ف ئا خەۋىرى
2010-يىلى 2-ئاينىڭ 4-كۈنى

ئۇيغۇر مىللىي ھەرىكىتىنىڭ رەھبىرى رابىيە قادىر خانىم، ئىتالىيىنىڭ خەلقئارا ئەركىنلىك مۇكاپاتىغا سازاۋەر بولدى. بۇ رابىيە قادىر خانىمنىڭ ھازىرغا قەدەر ئېرىشكەن 5 ‏- قېتىملىق كىشىلىك ھوقۇق مۇكاپاتى.

رابىيە قادىر خانىمنىڭ بىلدۈرۈشىچە، بۇ مۇكاپاتلار ئەسلىدە ئەركىنلىك ئۈچۈن ھاياتىدىن ئايرىلغان، خىتاي تۈرمىسىدە قېيىن – قىستاق ئاستىدا جازالىنىۋاتقانلارغا مەنسۇپ ئىكەن.

ئىتالىيىدىكى (سوچىەتا لىبەرا ) تەشكىلاتى يەنى ئىجتىمائىي ئەركىنلىك تەشكىلاتى، بۇ يىللىق خەلقئارا ئەركىنلىك مۇكاپاتىنى ئۇيغۇر مىللىي ھەرىكىتىنىڭ رەھبىرى رابىيە قادىر خانىمغا بېرىشنى قارار قىلغان بولۇپ، مەزكۇر مۇكاپات بۇ يىل ياز ئايلىرىدا ئىتالىيىنىڭ لۇچا شەھىرىدە ئۆتكۈزۈلىدىغان مۇكاپاتلاش مۇراسىمىدا رابىيە خانىمغا بېرىلىدىكەن.

تەپسىلاتى...

غۇلجا ۋەقەسىنىڭ 13 – يىلىدا تۈركىيىدە ئۇيغۇر مەسىلىسى

ر ف ئا خەۋىرى
2010-يىلى 2-ئاينىڭ 3-كۈنى

5 – فېۋرال غۇلجا ۋەقەسى كۆرسىتىلگەن سىنئالغۇ لېنتىسى 1997 – يىلى تۈركىيىنىڭ ئەڭ چوڭ تېلېۋىزىيىلىرىدىن بىرى بولغان ئاتۋ دە كۆرسىتىلگەندىن كېيىن، تۈركىيىدىكى شەرقىي تۈركىستان ئاممىۋى تەشكىلاتلىرى، تۈرك ئاممىۋى تەشكىلاتلىرى كەڭ كۆلەملىك نامايىشلارنى ئۆتكۈزۈپ، خىتاي ھۆكۈمىتىنىڭ بۇ قانلىق باستۇرۇشىغا قاتتىق نارازىلىق بىلدۈرۈشكەن ئىدى.

شۇنىڭ بىلەن ئۇيغۇر مەسىلىسى تۈركىيىنىڭ كۈنتەرتىپىگە كەلگەن ئىدى. غۇلجا ۋەقەسىدىن كېيىن، تۈركىيە ‏ – خىتاي مۇناسىۋىتىدە ئۇيغۇر مەسىلىسى رەسمىي تىلغا ئېلىنىشقا باشلاندى. بەزى مۇتەخەسسىسىلەر غۇلجا ۋەقەسىنىڭ شەرقىي تۈركىستان داۋاسىنىڭ بىر بۇرۇلۇش نۇقتىسى ئىكەنلىكىنى ئىلگىرى سۈرۈشمەكتە.

تەپسىلاتى...

خىتاي، ئۇيغۇرلارغا قاراتقان باستۇرۇش سىياسىتىنى تېخىمۇ كۈچەيتمەكتە

ر ف ئا خەۋىرى
2010-يىلى 2-ئاينىڭ 2-كۈنى

ئۈرۈمچى “5 ‏- ئىيۇل ۋەقەسى” يۈز بەرگەندىن كېيىن، خىتاي ھۆكۈمىتى يالغۇز ۋەقە يۈز بەرگەن ئۈرۈمچى شەھىرىدىلا مۇقىملىق ۋە جەمئىيەت ئامانلىقىنى كۈچەيتىش ھەققىدە بىر قاتار چارە ‏- تەدبىرلەرنى يولغا قويۇپلا قالماستىن، پۈتۈن ئۇيغۇر ئاپتونوم رايونى بويىچە ئالاھىدە “نىزام ” بەلگىلەپ يولغا قويۇشنى، بولۇپمۇ مۇقىملىققا ئاساسلىق تەسىر كۆرسىتىۋاتقان ئۇيغۇر ئىلىنىڭ ئىچى ۋە سىرتىدىكى “ئۈچ خىل كۈچلەر” گە قاتتىق زەربە بېرىشنى ئوتتۇرىغا قويدى.

بىراق كىشىلىك ھوقۇق تەشكىلاتلىرى، ئۇيغۇر ئىلىدە مۇقىملىقنىڭ خىتاي ھۆكۈمىتى يولغا قويۇۋاتقان ھازىرقى سىياسەت بىلەن ھېچقاچان ئەمەلگە ئاشمايدىغانلىقىنى، ئۇيغۇر خەلقىنىڭ ئىنسانغا  ئوخشاش ياشاش ئىمتىيازلىرىغا ئېرىشكەندىلا ئاندىن “مۇقىملىق”تىن سۆز ئېچىش كېرەكلىكىنى تەكىتلىمەكتە. تۆۋەندە مۇخبىرىمىز ئەقىدە بۇ ھەقتە سىلەرگە مەلۇمات بېرىدۇ.

تەپسىلاتى...

شۋېتسارىيە ھۆكۈمىتى گۈەنتانامودىكى ئاكا – ئۇكىلار ئۈستىدە 3 – يانۋار بىلەت تاشلايدۇ

ر ف ئا خەۋىرى
2010-يىلى 2-ئاينىڭ 2-كۈنى

2 – فېۋرال سەيشەنبە كۈنى ئەتىگەندە، شۋېتسارىيىنىڭ يۇرا شتاتلىق ھۆكۈمىتى بايانات ئېلان قىلىپ، گۈەنتانامودىكى بەختىيار مەخمۇت ۋە ئەركىن مەخمۇت قاتارلىق ئاكا – ئۇكا ئۇيغۇر مەھبۇسلارنى ئۆز شتاتىغا ئورۇنلاشتۇرۇپ كېتەلەيدىغانلىقىنى جاكارلىدى.

مەزكۇر ئاكا – ئۇكىلارنىڭ ئادۋوكاتىنىڭ ئېيتىشىچە 3 – فېۋرال شۋېتسارىيە دۆلەت كېڭىشى بۇ ھەقتە رەسمىي قارار ئالىدىكەن.

ئەركىن ۋە بەختىيارنىڭ ئادۋوكاتى گىلسون خانىمنىڭ بىلدۈرۈشىچە، يۇرا شتاتىدا تاشلانغان  بېلەت، پەقەت بۇ بالىلارنى ئورۇنلاشتۇرۇشتىكى تەييارلىق ئەھۋالى ئۈستىگە مەركەزلەشكەن.

تەپسىلاتى...

گېرمانىيە ئۇيغۇر ئاياللار كومىتېتى تۇنجى پائالىيىتىنى باشلىدى

2010-يىلى 2-ئاينىڭ 2-كۈنى

گېرمانىيە ئۇيغۇر ئاياللار كومىتېتى 31-يانۋار گېرمانىيىنىڭ ميۇنخېن شەھىرىدە قۇرۇلۇپ،ئۇلار 2-ئاينىڭ 1-كۈنى گېرمانىيىنىڭ كارلىس رۇۋى شەھىرىدە تۇنجى قېتىملىق پائالىيىتى „ئۇيغۇر ئاخشىمى „نى ئۆتكۈزدى.

„ئۇيغۇر ئاخشىمى“ پائالىيىتىنى گېرمانىيە ئۇيغۇر ئاياللار كومىتېتى بىلەن ,گېرمانىيىنىڭ قانۇن مەركىزى بولغان كارلىس رۇۋى شەھەرلىك ئاياللار بىرلەشمىسى بىرلىكتە ئۇيۇشتۇردى.پائالىيەتكە كارلىس رۇۋى شەھەرلىك ئاياللار بىرلەشمىسىگە ئەزا بولغان ھەر ساھەدىكى 50 تىن ئارتۇق ئايال زات قاتناشتى.ئۇلارنىڭ ئىچىدە ھۆكۈمەت ئەربابلىرى،سىياسىيون،ئادۋوكات،قانۇنشۇناسلار بار. پائالىيەت ئالدى بىلەن ئۇيغۇر تائاملىرىدىن پولۇ،قورۇما كاۋاپ ۋە تۈرلۈك ئۇيغۇرچە يېمەكلىكلەرگە تەكلىپ قىلىش بىلەن باشلاندى.غىزادىن كېيىن،ئۇيغۇر قەدىمكى زامان تارىخىدىن ھازىرغىچە بولغان تارىخىمىز قىسقىچە تونۇشتۇرۇلغاندىن كېيىن شەرقىي تۈركىستان زېمىنىدىكى بايلىق مەنبەلىرى، بۇ بايلىق مەنبەلىرىدىن پەقەت خىتاي ھۆكۈمىتى ۋە خىتاي پۇقرالىرىلا بەھر ئېلىۋاتقانلىقى،بايلىققا تولغان بۇ زېمىننىڭ خىتاي ھۆكۈمىتى تەرىپىدىن خالىغانچە تالان-تاراج قىلىنىۋاتقانلىقى،بۇ سەۋەبلىك ئېكولوگىيىلىك مۇھىتنىڭ ئەگەر دەرىجىدە بۇزغۇنچىلىققا ئۇچراۋاتقانلىقنى تەپسىلىي چۈشەندۈرۈلدى. پائالىيەت قاتناشچىلىرىنى ئالاھىدە قىزىقتۇرغىنى شاۋگۇەن ۋەقەسىنىڭ ۋە 5, 7-ئىيۇل قانلىق قىرغىنچىلىقىنىڭ كېلىپ چىقىش سەۋەبلىرى توغرىسىدىكى سۆھبەت بولدى.

تەپسىلاتى...