BBC ئاگېنتلىقى: «خىتاينىڭ ئۇيغۇر ئەمگەك كۈچلىرىنى ئىچكىرىگە يۆتكىشى ئۇيغۇرلارنى ئېرىتىپ تۈگىتىش ئۈچۈندۇر «

خەۋەر مەنبەسى: ئەركىن ئاسىيا

يېقىنقى بىر قانچە يىلدىن بۇيان خەلقئارا مەتبۇئاتلار خىتاي ھاكىمىيىتىنىڭ ئۇيغۇر ئېلىدا قۇرغان جازا لاگېرلىرى ھەققىدە ناھايىتى مۇھىم ئۇچۇرلارنى ئاشكارىلاپ كەلگەن ئىدى. 2-مارت كۈنى خەلقئارالىق داڭلىق ئاخبارات قاناللىرىدىن بىرى بولغان BBC خەۋەر ئاگېنتلىقى بۇ لاگېرلارغا چېتىشلىق مەجبۇرىي ئەمگەك ھەققىدە مەخسۇس خەۋەر بەردى.

مەزكۇر خەۋەرنى BBC خەۋەر ئاگېنتلىقىنىڭ بېيجىڭدا تۇرۇشلۇق مۇخبىرى جون سۇدۋورز 2017-يىلى خىتاي دۆلەتلىك تېلېۋىزىيەسىدە قويۇلغان، ئۇيغۇر ئېلىدىكى خىتاي كادىرلىرىنىڭ ئۇيغۇرلارغا قاراتقان سىياسەتلەرنى قانداق ئىجرا قىلىۋاتقانلىقىنى تەشۋىق قىلىش ئۈچۈن ئىشلىگەن بىر سىن كۆرۈنۈشىدىكى كىشىلەرنى ۋە زاۋۇتلارنى ئىز قوغلاپ تەكشۈرۈش ئاساسىدا ئىشلىگەن.

دۇنيا ئۇيغۇر قۇرۇلتىيى لوندون ئىشخانىسىنىڭ مۇدىرى رەھىمە مەھمۇت خانىم BBC خەۋەر ئاگېنتلىقىنىڭ بېيجىڭدا تۇرۇشلۇق مۇخبىرى جون سۇدۋورز ئەپەندى ۋە ئۇنىڭ ئۇيغۇرلار ھەققىدە ئىشلىگەن خەۋەرلىرىگە ناھايىتى يۇقىرى باھا بەردى.

تەپسىلاتى...

قىرغىزىستان ئۇيغۇرلىرى دۇنيا ئۇيغۇر قۇرۇلتىيىنىڭ رەھبەرلىرى بىلەن تور ئارقىلىق يىغىن ئۆتكۈزدى

خەۋەر مەنبەسى: ئەركىن ئاسىيا

28-فېۋرال كۈنى قىرغىزىستان ئۇيغۇرلىرى «ئىتتىپاق» جەمئىيىتىنىڭ ئىدارىسىدە دۇنيا ئۇيغۇر قۇرۇلتىيىنىڭ رەھبەرلىرى بىلەن تور ئارقىلىق يىغىن ئۆتكۈزۈلدى. مەزكۇر يىغىن قىرغىزىستان ئۇيغۇرلىرى «ئىتتىپاق» جەمئىيىتى ۋە دۇنيا ئۇيغۇر قۇرۇلتىيىنىڭ قىرغىزىستاندىكى ۋاكالەتچىسى روزىمۇھەممەت ئابدۇلباقىيېفنىڭ ھەمكارلىقىدا ئۇيۇشتۇرۇلدى.

مەزكۇر تور يىغىنىغا دۇنيا ئۇيغۇر قۇرۇلتىيىنىڭ رەئىسى دولقۇن ئەيسا، مۇئاۋىن رەئىسى ئەركىن ئەكرەم، ئىجرائىي كومىتېتىنىڭ رەئىسى ئۆمەر قانات ئەپەندى ۋە باشقىلار شۇنداقلا قىرغىزىستان ئۇيغۇرلىرى «ئىتتىپاق» جەمئىيىتىنىڭ رەئىسى ئەسقەر قاسىموف، «ئىتتىپاق» جەمئىيىتىنىڭ مەركىزىي كېڭەش ئەزالىرى، ئاياللار ۋە ياشلار كېڭىشىنىڭ ئەزالىرى بولۇپ 30دىن ئوشۇق كىشى قاتناشتى.

تەپسىلاتى...

مەرھۇمە ماھىنۇر قاسىمغا تەزىيە

2021-يىلى 27-فېۋرال ئۇيغۇر خەلقىنىڭ پەخىرلىك پەرزەنتى، 1944-يىلى غۇلجىدا قۇرۇلغان شەرقى تۈركىستان جۇمھۇرىيىتىنىڭ رەئىسى، مەرھۇم لىدىرىمىز ئەخمەتجان قاسىمىنىڭ رەپىقىسى ماھىنۇر قاسىم خانىمنىڭ ۋاپات بولغانلىق خەۋىرى ھەممىمىزنى قايغۇغا سالدى.
بۇ مۇناسىۋەت بىلەن،دۇنيا ئۇيغۇر قۇرۇلتىيى نامىدىن مەرھۇمە ماھىنۇر قاسىم خانىمنىڭ ۋاپاتىغا چۇڭقۇر تەزىيە بىلدۈرىمىز، مەرھۇمەنىڭ ئائىلە تاۋاباتلىرى ۋە ئۇرۇق- تۇققانلىرىغا جانابى ئاللاھتىن سەۋر تىلەيمىز.

مەرھۇمە ماھىنۇر قاسىم خانىم 1929- يىلى 15- ئاۋغۇست شەرقى تۈركىستاننىڭ قورغاس ناھېيىسىدە دۇنياغا كەلگەن. 1945- يىلى ئەينى چاغدا غۇلجىدا قۇرۇلغان شەرقىي تۈركىستان جۇمھۇرىيىتىنىڭ مۇھىم رەھبەرلىرىدىن بولغان ئەخمەتجان قاسىم ئەپەندى بىلەن تۈرمۇش قۇرغان. شۇندىن باشلاپ 1949-يىلى 27-ئاۋغۇست ئەخمەتجان ئەپەندى بېيجىڭغا ئۇچۇش سەپىرىدە سىرلىق بىر پاجىئە بىلەن ھاياتىدىن ئايرىلغىچە بولغان قىسقىغىنا بىرقانچە يىلدا، ئەخمەتجان قاسىمىنىڭ ئۆمۈر ھەمراھى ۋە شەخسى كاتىبى سۈپىتىدە، شەرقىي تۈركىستان جۇمھۇرىيىتىنىڭ خىزمەتلىرىگە ئۆز ھەسسىسىنى قوشقان.

تەپسىلاتى...

گوللاندىيە پارلامېنتى خىتاينىڭ ئۇيغۇرلارغا قىلىۋاتقان زۇلۇمىنى «ئىرقىي قىرغىنچىلىق» دەپ قوبۇل قىلدى

خەۋەر مەنبەسى: ئەركىن ئاسىيا

25-فېۋرال پەيشەنبە كۈنى گوللاندىيە پارلامېنتى ئاۋازغا قويۇلغان تەكلىپ لايىھەسىنى ماقۇللاپ، ئۇيغۇر مۇسۇلمانلىرى ئۇچرىغان مۇئامىلىنىڭ ئىرقىي قىرغىنچىلىققا باراۋەر ئىكەنلىكىنى جاكارلىدى. گوللاندىيە بۇ خىل باياناتنى ئېلان قىلغان تۇنجى ياۋروپا دۆلىتى بولۇپ قالدى.

رويتېرس ئاگېنتلىقىنىڭ خەۋەر قىلىشىچە تەكلىپ لايىھەسىدە مۇنداق دېيىلگەن: «خىتاي ھۆكۈمىتىنىڭ تۇغۇت چەكلەشنى مەقسەت قىلغان تەدبىرلىرى ۋە جازا لاگېرلىرىنى قۇرۇشتەك بىر قاتار ھەرىكەتلىرى بىرلەشكەن دۆلەتلەر تەشكىلاتىنىڭ 260-نومۇرلۇق قارارى، يەنى ‹ئىرقىي قىرغىنچىلىققا قارشى تۇرۇش ئەھدىنامىسى› دىكى ماددىلارغا ماس كېلىدۇ. خىتايدىكى ئۇيغۇرلارغا ‹ئىرقىي قىرغىنچىلىق› يۈرگۈزۈلۈۋاتىدۇ.»

بۈگۈن بۇ خەۋەر دۇنيانىڭ ھەرقايسى جايلىرىدىكى ئۇيغۇرلار ۋە كىشىلىك ھوقۇق ئاكتىپلىرىنى خۇرسەن قىلدى. ئۇلار گوللاندىيە پارلامېنتنىڭ بۇ قارارىنى قىزغىن قارشى ئالىدىغانلىقىنى بىلدۈرۈشتى.

تەپسىلاتى...

كانادانىڭ «ئىرقىي قىرغىنچىلىق» قارارىغا ھەمدە ب د ت دا ئوتتۇرىغا قويۇلغان ئۇيغۇرلار مەسىلىسىگە نىسبەتەن قاراشلار

خەۋەر مەنبەسى: ئەركىن ئاسىيا

23-فېۋرال كۈنىدىن بۇيان غەرب مەتبۇئاتلىرىدا كانادا پارلامېنتىدا 22-فېۋرال قوبۇل قىلىنغان ئۇيغۇرلارغا مۇناسىۋەتلىك «ئىرقىي قىرغىنچىلىق» قارارى مۇھىم تېما سۈپىتىدە ئورۇن ئالماقتا. شۇنىڭ بىلەن بىرگە، ئەنگىلىيە باشلىق غەرب ئەللىرىنىڭ ب د ت كىشىلىك ھوقۇق كېڭىشىنىڭ 46-نۆۋەتلىك يىغىنىدا ئوتتۇرىغا قويغان ئۇيغۇرلارغا ئائىت پىكىرلەر دىققەتنى تارتماقتا. د ئۇ ق 22-فېۋرال دەرھال ئاخبارات ئېلان قىلىپ، كانادا ھۆكۈمىتىنىڭ قارارىنى قارشى ئالىدىغانلىقىنى بىلدۈرگەن ئىدى.

مۇھاجىرەتتىكى ئۇيغۇر سىياسىي ئاكتىپلىرىنىڭ بۇ ھادىسىلەرگە قارىتا قاراشلىرى قانداق؟

د ئۇ ق رەئىسى دولقۇن ئەيسا ئەپەندى بۇ ھەقتە توختالغاندا، كانادا پارلامېنتىنىڭ ئۇيغۇرلارغا يۈرگۈزۈلۈۋاتقان زۇلۇمنى «ئىرقىي قىرغىنچىلىق» دەپ ئېتىراپ قىلىشىنىڭ پۈتكۈل ئىنسانىيەت ئۈچۈن زور تارىخىي بىر ۋەقە بولغانلىقىنى تەكىتلىدى. ئۇ سۆزىدە مەزكۇر قارارنىڭ سابىق ئامېرىكا تاشقىي ئىشلار مىنىستېرى مايىك پومپېيو «ئىرقىي قىرغىنچىلىق» نى جاكارلىغاندىن كېيىنكى خەلقئارادا بارلىققا كەلگەن يەنە بىر ئىلگىرىلەش ھېسابلىنىدىغانلىقىنى ئەسكەرتتى. دولقۇن ئەيسا ئەپەندى يەنە ب د ت كىشىلىك ھوقۇق كېڭىشىنىڭ 46-نۆۋەتلىك يىغىنىدا بىر قىسىم غەرب دېموكراتىك دۆلەتلىرىنىڭ ئۇيغۇرلار مەسىلىسىنى كەسكىن تەلەپپۇزلاردا ئوتتۇرىغا قويۇۋاتقانلىق مەسىلىسىگە نىسبەتەنمۇ كۆز قاراشلىرىنى ئىپادە قىلىپ ئۆتتى.

تەپسىلاتى...

«ئائىلەم نەدە؟» نامايىشى گېرمانىيە ۋە نورۋېگىيەلەردىمۇ داۋام قىلماقتا

خەۋەر مەنبەسى: ئەركىن ئاسىيا

تۈركىيەدە باشلانغان «ئائىلەم نەدە؟» نامايىشى گېرمانىيە ۋە نورۋېگىيەلەرگىمۇ كېڭەيدى

تۈركىيەنىڭ ئەنقەرە ۋە ئىستانبۇل شەھەرلىرىدە ئايلاردىن بۇيان داۋام قىلىپ كېلىۋاتقان «ئائىلەم نەدە؟» نامايىشى دۇنيانىڭ ھەرقايسى ئەللىرىگە كېڭەيمەكتە. 16-فېۋرالدىن باشلاپ بۇ نامايىش گېرمانىيەنىڭ ميۇنخېن، دورتمۇند، فرانكفۇرت، ستۇتگارت ۋە بېرلىن قاتارلىق چوڭ شەھەرلىرىدىمۇ ئۆتكۈزۈلۈشكە باشلىغان.

ياۋروپا شەرقىي تۈركىستان بىرلىكى تەشكىلاتىنىڭ رەئىسى ئەسقەرجان ئەپەندىنىڭ بىلدۈرىشىچە، ميۇنخېن شەھىرىدە ئۆتكۈزۈلگەن نامايىشقا بىرقىسىم پارلامېنت ئەزالىرىمۇ كېلىپ قاتناشقان. نامايىش بىر ئاي داۋام قىلىدىكەن. بۇ نامايىشقا د ئۇ ق رەئىسى دولقۇن ئەيسا ئەپەندىمۇ ئىشتىراك قىلىپ نۇتۇقلار سۆزلىگەن.

د ئۇ ق تەتقىقات مەركىزىنىڭ مۇدىرى ئەنۋەر ئەخمەت ئەپەندىنىڭ ئېيتىشىچە، ئۆتكەن بىرقانچە كۈنلەردىن بۇيان «ئائىلەم نەدە؟» نامايىشى گېرمانىيەنىڭ دورتمۇند، فرانكفۇرت، ستۇتگارت ۋە بېرلىن قاتارلىق شەھەرلىرىدىمۇ ئۆتكۈزۈلگەن.

«ئائىلەم نەدە؟» نامايىشى 22-فېۋرالدىن باشلاپ يەنە نورۋېگىيەنىڭ ئوسلو شەھرىدىمۇ باشلانغان. نورۋېگىيە ئۇيغۇر كومىتېتىنىڭ رەئىسى، «ئۇيغۇر ئەدلىيەسى ئارخىپ ئامبىرى» نىڭ مۇدىرى بەختىيار ئۆمەر ئەپەندىنىڭ بايان قىلىشىچە، نورۋېگىيەدىكى بۇ نامايىش ئايلارچە داۋام قىلىدىكەن.

د ئۇ ق ئىجرائىيە كومىتېتىنىڭ مۇئاۋىن رەئىسى سەمەت ئابلا ئەپەندىمۇ 22-فېۋرال ئوسلودا ئۆتكۈزۈلگەن نامايىشقا قاتناشقان بولۇپ، ئۇ بۈگۈن بۇ نامايىش ھەققىدە زىيارىتىمىزنى قوبۇل قىلغاندا «ئائىلەم نەدە؟» نامايىشنى نورۋېگىيەنىڭ ھەرقايسى شەھەرلىرىگە كېڭەيتىش تەشەببۇسىدا بولدى.

تەپسىلاتى...

د ئۇ ق 9 نەپەر جازا لاگېرى شاھىتىغا «جاسارەت مۇكاپاتى» بەردى

خەۋەر مەنبەسى: ئەركىن ئاسىيا

13-فېۋرال دۇنيا ئۇيغۇر قۇرۇلتىيى تور ئارقىلىق ئۆتكۈزگەن ئومۇمىي كېڭەش يىغىنىدا 9 نەپەر لاگېر شاھىتىغا «جاسارەت مۇكاپاتى» بېرىلدى.

د ئۇ ق 6-فېۋرال كۈنى تور ئارقىلىق ئومۇمىي يىغىنى چاقىرىپ، 3 يىللىق خىزمەت دوكلاتىنى بەرگەندىن كېيىن، 13-فېۋرال كۈنى داۋاملاشقان يىغىندا خىتاينىڭ تەھدىت سېلىشى ۋە قورقۇتۇشىغا قارىماستىن جازا لاگېرلىرىدا بېشىغا كەلگەن ۋە كۆرگەن كۈلپەتلەرنى دۇنيا جامائەتچىلىكىگە ئاڭلاتقان 9 نەپەر لاگېر شاھىتىغا «جاسارەت مۇكاپاتى» تارقىتىپ بېرىلدى. د ئۇ ق رەھبەرلىرى د ئۇ ق نىڭ ھەر قايسى دۆلەتلەردىكى ۋەكىللىرى، قۇرۇلتايغا ئەزا تەشكىلاتلار بىلەن قۇرۇلتاينى ئىزچىل ھالدا قوللاپ كېلىۋاتقان تەشكىلاتلارنىڭ مەسئۇللىرى، لاگېر شاھىتلىرى، د ئۇ ق نىڭ قوللىغۇچىلىرىدىن بولۇپ 20 دۆلەتتىن 220 ئەتراپىدا كىشى قاتناشقان 13-فېۋرال كۈنىدىكى ئومۇمىي كېڭەش يىغىنىدا شاھىتلارغا ئۈستىگە شەرقىي تۈركىستاننىڭ ئاي يۇلتۇزلۇق كۆك بايرىقى بىلەن خەرىتىسى چۈشۈرۈلگەن، ئاستىغا «شەرقىي تۈركىستاندا خىتاي دۆلىتى يۈرگۈزۈۋاتقان ئىرقىي قىرغىنچىلىقنى دۇنياغا ئاشكارىلاشتا كۆرسەتكەن جاسارىتىڭىز ئۈچۈن رەھمەت ئېيتىمىز» دېگەن خەت يېزىلغان لوڭقا بىلەن پۇل بېرىلدى.

د ئۇ ق ئىجرائىيە كومىتېتىنىڭ مۇئاۋىن رەئىسى سەمەت ئابلا ئەپەندى رىياسەتچىلىك قىلغان يىغىندا ئالدى بىلەن دولقۇن ئەيسا ئەپەندى سۆز قىلىپ، ھازىرغىچە خەلقئارادا خىتاينىڭ جازا لاگېرلىرىنى پاش قىلغان 9 نەپەر شاھىتقا، بۇ ھەقتە قوشقان تۆھپىلىرى ئۈچۈن «جاسارەت مۇكاپاتى» نى بېرىشنى قارار قىلغانلىقىنى بايان قىلدى.

تەپسىلاتى...

بېلگىيە پارلامېنت ئەزالىرى بېلگىيە ھۆكۈمىتىنى ئۇيغۇرلار مەسىلىسىدە «ئىرقىي قىرغىنچىلىق» دەپ ئېلان قىلىشقا چاقىردى

خەۋەر مەنبەسى: دۇنيا ئۇيغۇر قۇرۇلتىيى

ياۋروپا پارلامېنتىدا يىغىن ئېچىلىۋاتقان كۆرۈنۈش. 2020-يىلى 1-ئۆكتەبىر، بېلگىيە.

11-فېۋرال بېلگىيە يىشىللار پاتىيەسىنىڭ پارلامېنت ئەزالىرىدىن سامۇئىل كوگولاتى ۋە ۋوۇتېر دى ۋىرەندت قاتارلىقلار فىرانسۇز ۋە گوللاند تىلىدا «خىتاي ھاكىمىيىتىتىنىڭ ئۇيغۇر رايونىدا يۈرگۈزۈۋاتقان زۇلۇملىرىنى ھەل قىلىش چارىسى» دېگەن تېمىدا 35 بەتلىك دوكلات تەييارلاپ پارلامېنىتتا تونۇشتۇرغان. ئۇلار ئۇيغۇرلار دۇچ كېلىۋاتقان «ئىرقىي قىرغىنچىلىق» مەسىلىسىنى تەپسىلىي چۈشەندۈرۈش ئارقىلىق بىلگىيە ھۆكۈمىتىنى خىتاي ھاكىمىيىتىنىڭ ئۇيغۇرلارغا يۈرگۈزۈۋاتقان زۇلۇمىنى «ئىرقىي قىرغىنچىلىق» دەپ ئېلان قىلىشقا، ياۋروپا ئىتتىپاقى بىلەن خىتاي ئارىسىدىكى سودا كېلىشىمگە قارشى چىقىشقا چاقىرغان.

بېلگىيە پارلامېنت ئەزالىرى بۇ چاقىرىقىنى دۇنيا ئۇيغۇر قۇرۇلتىيىنىڭ ۋەكىللىرى بىلەن بىرلىشىپ يازغان بولۇپ، ئۇيغۇرلارنىڭ نۆۋەتتە مىللىي ۋە دىنىي كىملىكى تۈپەيلىدىن مىسلى كۆرۈلمىگەن زۇلۇمغا ئۇچراۋاتقانلىقى، خىتاي ھاكىمىيىتى تەرىپىدىن بىر پۈتۈن مىللەت سۈپىتىدە يوقىتىش نىشانى بولۇۋاتقانلىقى دەلىل-ئىسپاتلار بىلەن ئوتتۇرىغا قويۇلغان.

تەپسىلاتى...

ئەزەربەيجان يۈكسىلىش پارتىيەسى رەھبىرى: «ئۇيغۇرلارغا ئېلىپ بېرىلىۋاتقان ئىرقىي قىرغىنچىلىققا قارشى قولىمىزدىن كەلگەننى قىلىمىز»

خەۋەر مەنبەسى: ئەركىن ئاسىيا

د ئۇ ق رەھبەرلىرى ئەزەربەيجان يۈكسىلىش پارتىيەسى رەئىسى ئانار ئەسەدلى باشچىلىقىدىكى ھەيئەت بىلەن ئۇچرىشىپ تۈرك دۇنياسىدىكى مەسىلىلەر بولۇپمۇ، ئۇيغۇر مەسىلىسىنى ئەزەربەيجان جامائەتچىلىكىگە قانداق ئاڭلىتىش توغرىسىدا مۇزاكىرە ئېلىپ باردى. مۇزاكىرە ئاخىرىدا ئەزەربەيجان يۈكسىلىش پارتىيەسى رەئىسى ئانار ئەسەدلى ئەپەندى، ئۇيغۇر مەسىلىسىنىڭ ئەزەربەيجان خەلقىنىڭ ئۆز مەسىلىسى ئىكەنلىكىنى، بۈگۈن خىتاينىڭ ئۇيغۇرلارغا ئېلىپ بېرىۋاتقان ئىرقىي قىرغىنچىلىققا كىشىلەرنىڭ دىققىتىنى تارتىش ئۈچۈن قولىدىن كەلگەننى قىلىدىغانلىقىنى تەكىتلىدى.

8-فېۋرال كۈنى چۈشتىن كېيىن ئەنقەرەدىكى ئۇيغۇر ئىنستىتۇتىدا ئۆتكۈزۈلگەن ئۇچرىشىشقا ئەزەربەيجان يۈكسىلىش پارتىيەسى رەئىسى ئانار ئەسەدلى ئەپەندى، مۇئاۋىن رەئىسى بەھرەم ئىسمايىلوف، ئېلشات ئابدۇللايەف ۋە پارتىيە رەئىسىنىڭ مەسلىھەتچىسى رىزا ھەيئەت قاتارلىقلار ئىشتىراك قىلدى.

ئۇچرىشىشتا ئالدى بىلەن د ئۇ ق مۇئاۋىن رەئىسى دوكتور ئەركىن ئەكرەم سۆز قىلىپ، تۈركىيە، ئەزەربەيجان ۋە باشقا تۈركىي جۇمھۇرىيەتلەر ئارىسىدىكى ھەمكارلىقنى كۈچەيتىش كېرەكلىكىنى، تۈركىي جۇمھۇرىيەتلىرىنىڭ ھەر قايسى مىنىستىر ۋە ئىدارە-جەمئىيەتلىرى ئارىسىدىكى ھەمكارلىقنى كۈچەيتكەندە، تۈركىي جۇمھۇرىيەتلىرى ھەر جەھەتتىن كۈچلەنگەندە شەرقىي تۈركىستانلىقلار، ئىراق تۈركمەنلىرى، جەنۇبىي ئەزەربەيجانلىقلارنىڭ ئاۋازىنى خەلقئاراغا تېخىمۇ ياخشى ئاڭلاتقىلى بولىدىغانلىقىنى بايان قىلدى. دوكتور ئەركىن ئەكرەم ئەپەندى ئۇيغۇرلارنىڭ ھازىرقى ئېغىر ۋەزىيىتى، مەزكۇر دەۋانىڭ خەلقئارادىكى ئەھۋالى، دۇنيا ئۇيغۇر قۇرۇلتىيى ۋە ئۇيغۇر تەتقىقات ئىنستىتۇتىنىڭ پائالىيەتلىرى توغرىسىدا مەلۇمات بەردى.

تەپسىلاتى...

د ئۇ ق بايانات ئېلان قىلىپ، پۈتۈن دۇنيادىكى ئۇيغۇرلارنى «5-فېۋرال غۇلجا ۋەقەسى» نىڭ 24 يىللىقىنى خاتىرىلەشكە چاقىردى

خەۋەر مەنبەسى: ئەركىن ئاسىيا

غۇلجا ۋەقەسى مۇناسىۋىتى بىلەن ئۆتكۈزۈلگەن پائالىيەتتە د ئۇ ق باش كاتىپى دولقۇن ئەيسا ئەپەندى سۆز قىلماقتا. 2017-يىلى 5-فېۋرال، گېرمانىيە.

دۇنيا ئۇيغۇر قۇرۇلتىيى «5-فېۋرال غۇلجا ۋەقەسى» نىڭ 24-يىللىقى مۇناسىۋىتى بىلەن مەخسۇس مەتبۇئات باياناتى ئېلان قىلىپ، ھەر قايسى دۆلەتلەردە پائالىيەت ئېلىپ بېرىۋاتقان شەرقىي تۈركىستان ئاممىۋى تەشكىلاتلىرىنى، سىياسىي پائالىيەتچىلەرنى ۋە بارلىق ئۇيغۇرلارنى 5-فېۋرال غۇلجا ۋەقەسى توغرىسىدا ھەر خىل پائالىيەتلەرنى ئۇيۇشتۇرۇشقا ۋە بۇ ئارقىلىق شېھىتلارغا بولغان ھۆرمەت ۋە ساداقىتىنى ئىپادىلەشكە چاقىردى. قۇرۇلتاي ئېلان قىلغان مەتبۇئات باياناتىدا 1997-يىلىدىكى ئۇيغۇرلارنىڭ نارازىلىق نامايىش ھەرىكىتىنى «غۇلجا ئىنقىلابى» دەپ ئاتىغان.

باياناتتا مۇنۇلار دېيىلگەن: «ئەزىز قېرىنداشلار، ۋەتىنىمىز شەرقىي تۈركىستاننىڭ يېقىنقى زامان تارىخىدىكى زور سىياسىي ھادىسىلەرنىڭ بىرى ھېسابلانغان ۋە 1997-يىلى يۈز بەرگەن 5-فېۋرال غۇلجا ئىنقىلابىنىڭ 24-يىللىق خاتىرە كۈنى كېلىش ئالدىدا تۇرماقتا. بۇ مۇناسىۋەت بىلەن بىز 5-فېۋرال ئىنقىلابى جەريانىدا مىللىتىمىزنىڭ ئەركىنلىكى ۋە ئازادلىقى ئۈچۈن ئەزىز جانلىرىنى پىدا قىلغان قەھرىمان شېھىتلىرىمىزغا، غازىيلىرىمىزغا چوڭقۇر ھۆرمىتىمىزنى ۋە چەكسىز سېغىنىشىمىزنى بىلدۈرىمىز!

تەپسىلاتى...