خىتاينىڭ ئۈرۈمچىدىكى ساقچى ساندانى ئۇنىڭ ئۇيغۇرلارنىڭ كۈندىلىك ھاياتىنى قانداق كونترول قىلىۋاتقانلىقىنى ئاشكارلاپ بەرگەن

خەۋەر مەنبەسى: ئەركىن ئاسىيا

ئامېرىكادىكى «ئىنتېرسېپت» ناملىق ئاخبارات ئورنى 29-يانۋار خىتاينىڭ ئۈرۈمچىدىكى ئۇيغۇرلارغا قاراتقان نازارەت ۋە كونتروللىقىغا ئائىت بىر زور ساقچى ساندانى (سانلىق مەلۇمات ئامبىرى) نى ئاشكارلىدى. مەلۇم بولۇشىىچە، 52 گېگابايتلىق بۇ ساقچى ساندانى 250 مىليون قۇرغا يېقىن ئۇچۇرنى ئۆز ئىچىگە ئالغان ئىكەن. «ئىنتېرسېپت» بۇ ھەقتىكى دوكلاتىدا، ئۆزىنىڭ بۇ سانلىق مەلۇماتنى قانداق قولغا چۈشۈرگەنلىكىنى تىلغا ئالمىغان. ئەمما مۇتەخەسسىسلەر بۇ ئۇچۇرنى خىتاينىڭ ئۇيغۇر ئېلىدىكى يۇقىرى تېخنىكالىق نازارەت ۋە كونترول مېخانىزىمىنىڭ يەرلىك ئۇيغۇرلارنى نازارەت قىلىپ ئېرىشكەن ئۇلارنىڭ كۈندىلىك ھەركىتىگە ئائىت زور ھەجىملىك سانلىق مەلۇمات ئامبىرىنىڭ ئاشكارلىنىش ۋەقەسى، دەپ قارىماقتا.

تەپسىلاتى...

«5-فېۋرال غۇلجا ۋەقەسى» دە ھاياتىدىن ئايرىلغانلار ھەققىدە ئەسلىمىلەر (1)

خەۋەر مەنبەسى: ئەركىن ئاسىيا

ئامېرىكا پايتەختى ۋاشىنگتوندىكى ئۇيغۇر كىشىلىك ھوقۇق قۇرۇلۇشىنىڭ تەتقىقاتچىسى زۇبەيرە خانىم ياۋروپا پارلامېنتىدا. 2017-يىلى 8-فېۋرال، بېلگىيە.

زۇبەيرە شەمسىدىن: 1997-يىلدىكى «5-فېۋرال غۇلجا ۋەقەسى» دىكى باستۇرۇش ۋە ئائىلىمىزنىڭ پاجىئەسى

1997-يىلى 2‏-ئاينىڭ 5‏-كۈنى غۇلجىدىكى ئۇيغۇر ياشلىرى خىتاي دائىرىلىرى تەرىپىدىن تۇتقۇن قىلىنغان مەشرەپ ئەزالىرىنى قويۇپ بېرىشىنى تەلەپ قىلىپ نامايىش قىلغان بولۇپ، بۇ نامايىش خىتاي ئامانلىق كۈچلىرى تەرىپىدىن قانلىق باستۇرۇلغانىدى.

ئامېرىكادىكى ئۇيغۇر پائالىيەتچىلىرىدىن «ئۇيغۇر كىشىلىك ھوقۇق قۇرۇلۇشى» نىڭ تەتقىقاتچىسى زۇبەيرە شەمسىدىن خانىم رادىيومىز زىيارىتىنى قوبۇل قىلىپ، 1997-يىلى يۈز بەرگەن «5-فېۋرال غۇلجا ۋەقەسى» ۋە ئۇنىڭدىن كېيىنكى تۇتقۇن ھەم باستۇرۇشلارنىڭ ئۇلارنىڭ ئائىلىسىگە كەلتۈرگەن پاجىئەلىك قىسمىتى ۋە بۇنىڭ ئۆزىنىڭ كېيىنكى ھايات مۇساپىسىدە كۆرسەتكەن تەسىرىنى ئاڭلاتتى.

تەپسىلاتى...

مۇستافا ئاقيول: «ئىسلام دۆلەتلىرىدە ئۇيغۇرلارنىڭ ‹يېتىم› قالدۇرۇلۇشى ئېچىنارلىق بىر ئەھۋال»

خەۋەر مەنبەسى: ئەركىن ئاسىيا

ئامېرىكانىڭ سابىق تاشقى ئىشلار مىنىستىرى مايك پومپېيو 19-يانۋار خىتاينىڭ ئۇيغۇرلارغا يۈرگۈزۈپ كەلگەن جىنايىتىنى «ئىرقىي قىرغىنچىلىق» دەپ جاكارلىغاندىن كېيىن، غەرب دۇنياسى ۋە شۇنداقلا ئىسلام دۆلەتلىرىنىڭ خىتاي بىلەن مۇناسىۋەتلىرىنى قانداق شەكىلدە داۋام قىلىدىغانلىقى خەلقئارانىڭ دىققەت نۇقتىسى بولماقتا.

ئامېرىكانىڭ بۇ قارارنىڭ ئىزچىللىقى ھەققىدە ئامېرىكا دۆلەت خەۋپسىزلىك ئورگانلىرى ئۆز مەۋقەسىنى ئىپادىلىگەن ئىدى. ئۇلارنىڭ باياناتچىسى بۇ ھەقتە «ۋاشىنگتون كۆزەتكۈچىسى» گېزىتىگە قىلغان سۆزىدە: «جوۋ بايدىنمۇ پرېزىدېنتلىق سايلىمى مەزگىلىدە ‹خىتاي ھۆكۈمىتىنىڭ ئۇيغۇرلارغا سېلىۋاتقان زۇلۇملىرى نەق ئىرقىي قىرغىنچىلىقتۇر. بىز بۇنىڭغا قەتئىي قارشى تۇرىمىز، › دېگەنلىكى ۋە بايدېننىڭ بۇ مەسىلىدىكى پوزىتسىيەسىدە ھېچقانداق ئۆزگىرىش يوقلۇقى» نى بىلدۈرگەن.

تەپسىلاتى...

د ئۇ ق بايانات ئېلان قىلىپ، پۈتۈن دۇنيادىكى ئۇيغۇرلارنى «5-فېۋرال غۇلجا ۋەقەسى» نىڭ 24 يىللىقىنى خاتىرىلەشكە چاقىردى

خەۋەر مەنبەسى: ئەركىن ئاسىيا

غۇلجا ۋەقەسى مۇناسىۋىتى بىلەن ئۆتكۈزۈلگەن پائالىيەتتە د ئۇ ق باش كاتىپى دولقۇن ئەيسا ئەپەندى سۆز قىلماقتا. 2017-يىلى 5-فېۋرال، گېرمانىيە.

دۇنيا ئۇيغۇر قۇرۇلتىيى «5-فېۋرال غۇلجا ۋەقەسى» نىڭ 24-يىللىقى مۇناسىۋىتى بىلەن مەخسۇس مەتبۇئات باياناتى ئېلان قىلىپ، ھەر قايسى دۆلەتلەردە پائالىيەت ئېلىپ بېرىۋاتقان شەرقىي تۈركىستان ئاممىۋى تەشكىلاتلىرىنى، سىياسىي پائالىيەتچىلەرنى ۋە بارلىق ئۇيغۇرلارنى 5-فېۋرال غۇلجا ۋەقەسى توغرىسىدا ھەر خىل پائالىيەتلەرنى ئۇيۇشتۇرۇشقا ۋە بۇ ئارقىلىق شېھىتلارغا بولغان ھۆرمەت ۋە ساداقىتىنى ئىپادىلەشكە چاقىردى. قۇرۇلتاي ئېلان قىلغان مەتبۇئات باياناتىدا 1997-يىلىدىكى ئۇيغۇرلارنىڭ نارازىلىق نامايىش ھەرىكىتىنى «غۇلجا ئىنقىلابى» دەپ ئاتىغان.

باياناتتا مۇنۇلار دېيىلگەن: «ئەزىز قېرىنداشلار، ۋەتىنىمىز شەرقىي تۈركىستاننىڭ يېقىنقى زامان تارىخىدىكى زور سىياسىي ھادىسىلەرنىڭ بىرى ھېسابلانغان ۋە 1997-يىلى يۈز بەرگەن 5-فېۋرال غۇلجا ئىنقىلابىنىڭ 24-يىللىق خاتىرە كۈنى كېلىش ئالدىدا تۇرماقتا. بۇ مۇناسىۋەت بىلەن بىز 5-فېۋرال ئىنقىلابى جەريانىدا مىللىتىمىزنىڭ ئەركىنلىكى ۋە ئازادلىقى ئۈچۈن ئەزىز جانلىرىنى پىدا قىلغان قەھرىمان شېھىتلىرىمىزغا، غازىيلىرىمىزغا چوڭقۇر ھۆرمىتىمىزنى ۋە چەكسىز سېغىنىشىمىزنى بىلدۈرىمىز!

تەپسىلاتى...

ئۇيغۇر رايونى دائىرىلىرىنىڭ پومپېيونى تەنقىدلەش ئۈچۈن ئاساسى قاتلاملارغا بۇيرۇق چۈشۈرگەنلىكى دەلىللەندى

خەۋەر مەنبەسى: ئەركىن ئاسىيا

26-يانۋار كۈنى بىرلەشمە ئاگېنتلىقنىڭ بېيجىڭدا تۇرۇشلۇق مۇخبىرى داكىكاڭ ئۆزىنىڭ تۋېتتىر ھېسابىدا ئۇيغۇر ئاپتونوم رايونلۇق ھۆكۈمەتىنىڭ ھۆكۈمەت خىزمەتچىلىرىگە ئەۋەتكەن بىر كۆرسەتمىسىنىڭ كوپىيەسىنى ئاشكارىلىدى. كۆرسەتمىنىڭ باش قىسمىدا مۇنداق باياناتلار يەر ئالغان: «ئورگانلار ۋە تەشكىلاتلار، يېقىندا ئامېرىكا سابىق تاشقى ئىشلار مىنىستىرى پومپېيونىڭ جۇڭگوغا قارشى قىلغان سۆزىگە جاۋابەن قىسقا سىن ئىشلەڭلار، سىن كۆرۈنۈشى ئۈچۈن: 1) خىتاي تىلى ياخشى بولغان ئۇيغۇر خىزمەتچىلەرنى تاللاڭلار. 2) پومپېيونىڭ سۆزىگە ئېنىق پوزىتسىيە بىلدۈرۈڭلار».

بىز بۇ ئۇقتۇرۇشنىڭ ئەمەلىيلىشىش ئەھۋالىنى ئايدىڭلاشتۇرۇش ئۈچۈن خوتەندىكى ئالاقىدار ئورگانلارغا تېلېفون قىلدۇق. خوتەن قارىقاشتىكى بىر ئەدلىيە پونكىتى خادىمى بۇ كۆرسەتمىنى ھەردەرجىلىك پارتكوم تەشۋىقات ئورگانلىرى بىلەن ئەدلىيە ۋە ساقچى ئورگانلىرىنىڭ بىرلىكتە تەشۋىق قىلىۋاتقانلىقى ھەم ئورۇنلاشتۇرۇۋاتقانلىقىنى ئاشكارىلىدى.

مەزكۇر كۆرسەتمىنىڭ داۋامىدا، ئىشلىنىدىغان ۋىدىيولۇق باياناتلاردا «پومپېيونىڭ جۇڭگوغا قارشى سۆزىگە قەتئىي قارشى تۇرىمەن، مېنىڭ ئۇنىڭغا غەزىپىم كەلدى» دېگەن جۈملىلەرنى قوللىنىش ئالاھىدە تەلەپ قىلىنغان. كۆرسەتمىدە بۇ باياناتلارنىڭ، پارتىيەنى، دۆلەتنى ۋە ئۇيغۇر رايونى ۋەزىيىتىنى مەدھىيەلەش بىلەن ئاخىرلىشىشى تەلەپ قىلىنغان. دېيىلگەندەك، يېقىنقى بىر ھەپتىدىن بۇيانقى پومپېيوغا قارشى باياناتلاردا، سەت ۋە ئەدەپسىز جۈملىلەر قوللىنىلغان بولسا، ئاتالمىش مىللەتلەر ئىتتىپاقلىقى ۋەزىيىتىگە قارىتا «ئانارنىڭ دانىسىدەك ئۇيۇشۇش» قاتارلىق بەتتەم ئوخشىتىشلار يەر ئالغان.

تەپسىلاتى...

د ئۇ ق نىڭ پارلامېنت ئەزالىرىغا يازغان خېتى تۈركىيە پارلامېنتىدىكى ئومۇمىي يىغىندا ئوقۇپ ئۆتۈلدى

خەۋەر مەنبەسى: ئەركىن ئاسىيا

دۇنيا ئۇيغۇر قۇرۇلتىيى تۈركىيە رەھبەرلىرى، ھەرقايسى پارتىيەلەرنىڭ رەئىسلىرى ۋە تۈركىيە پارلامېنتى تاشقى ئىشلار كومىتېتى بىلەن ئەدلىيە كومىتېتى مەسئۇللىرى ھەم ئەزالىرىغا خەت ئەۋەتىپ، ئۇلارنى خىتاي بىلەن تۈركىيە ئارىسىدىكى «جىنايەتچىلەرنى ئۆزئارا ئۆتكۈزۈپ بېرىش كېلىشىمى» نى ماقۇللىماسلىققا چاقىرغان ئىدى. بۇ خەتنى 29-يانۋار كۈنى «ئىيى» يەنى «ياخشى» پارتىيەسى پارلامېنت ئەزاسى فاھرەتتىن يوقۇش ئەپەندى تۈركىيە پارلامېنتىدىكى ئومۇمىي يىغىندا ئوقۇپ ئۆتتى. ئۇيغۇرلار بۇنىڭ تارىخىي بىر ئىش ئىكەنلىكىنى تەكىتلەشمەكتە.

فاھرەتتىن يوقۇش ئەپەندى پارلامېنتتا ھەرقايسى ئەزالارغا سالام يوللاش بىلەن بىرگە دۇنيا ئۇيغۇر قۇرۇلتىيى رەئىسى دولقۇن ئەيسا ئەپەندىنىڭ نامى بىلەن ئۆزىگە ئەۋەتىلگەن خەتنى ئوقۇپ ئۆتتى. «مەلۇم بولغىنىدەك تۈركىيە بىلەن خىتاي ئوتتۇرىسىدا تۈزۈلگەن ‹جىنايەتچىلەرنى ئۆزئارا ئۆتكۈزۈپ بېرىش كېلىشىمى› 26-دېكابىر كۈنى خىتاي مەملىكەتلىك خەلق قۇرۇلتىيى دائىمىي كومىتېتى تەرىپىدىن ماقۇللانغان. خىتاي ھۆكۈمىتى مەزكۇر كېلىشىمنىڭ تۈركىيە پارلامېنتىدىمۇ ماقۇللۇقتىن ئۆتۈشىنى كۈتمەكتە. خىتاي ئۆلۈم جازاسىنى ئىجرا قىلىۋاتقان دىكتاتورلۇق تۈزۈمى بىلەن ئىدارە قىلىنىۋاتقان بىر دۆلەتتۇر. كېلىشىمدە ‘تەلەپ قىلىنغان كىشى ئۆلۈم جازاسى ئىجرا قىلىنىۋاتقان دۆلەتلەرگە ئۆتكۈزۈپ بېرىلمەيدۇ’ ماددىسىنىڭ يوقلۇقى بىزدە ئەندىشە پەيدا قىلماقتا. مەزكۇر كېلىشىمنىڭ تۈزۈلۈشى تۈركىيەدە ۋاقىتلىق تۇرۇش رۇخسىتى بىلەن ياشاۋاتقان، تېخى تۈرك پۇقراسى بولۇش سالاھىيىتىگە ئىگە بولالمىغان ئۇيغۇرلار ئارىسىدىمۇ ئەنسىزلىك پەيدا قىلماقتا. بۇ كېلىشىم دۇنيانىڭ ھەر قايسى جايلىرىدا ياشاۋاتقان شەرقىي تۈركىستانلىقلارنى شۇنداقلا شەرقىي تۈركىستان ئاممىۋى تەشكىلاتلىرىنىمۇ قاتتىق ئەندىشىگە سالماقتا».

تەپسىلاتى...

ئامېرىكا دۆلەت بىخەتەرلىك مەسلىھەتچىسى: ئۇيغۇرلارغا قاراتقان قىلمىشلىرى سەۋەبلىك خىتايغا بەدەل تۆلىتىشكە ھازىرلىنىش لازىم

خەۋەر مەنبەسى: ئەركىن ئاسىيا

پرېزىدېنت جو بايدىننىڭ دۆلەت بىخەتەرلىك مەسلىھەتچىسى جەكې سۇللىۋان ئۇيغۇرلارغا قاراتقان قىلمىشلىرى سەۋەبلىك ئامېرىكىنىڭ خىتايغا بەدەل تۆلىتىشكە تەييار تۇرۇشى كېرەكلىكنى بىلدۈردى.

سۇللىۋان 29-يانۋار ئامېرىكا تىنچلىق ئىنستىتۇتىدا ئۆتكۈزۈلگەن بىر پائالىيەتتە مۇنداق دېدى: «خىتاينىڭ شىنجاڭدا نېمىلەرنى قىلىۋاتقانلىقى، خوڭكوڭدا قىلىۋاتقان ئىشلىرى، تەيۋەنگە قاراتقان قوپاللىقى ۋە تەھدىتى ئۈچۈن ھەرىكەت قىلىشقا، شۇنداقلا ئۇنى بەدەل تۆلىتىشكە تەييارلىق قىلىشىمىز كېرەك.»

ئۇ، ئامېرىكىنىڭ قانداق تەدبىر قوللىنىدىغانلىقى ھەققىدە تەپسىلىي توختالمىغان بولسىمۇ، ئەمما ۋاشىنگتوننىڭ بۇ مەسىلىلەردىكى مەۋقەسىنىڭ ئېنىق ۋە ئىزچىل بولۇشى كېرەكلىكىنى ئېيتتى.

بايدېن ھۆكۈمىتى كىلىمات ئۆزگىرىش قاتارلىق مەسىلىلەردە خىتاي بىلەن ھەمكارلىشىشنى ئۈمىد قىلىدىغانلىقىنى بىلدۈرگەن بولسىمۇ، ئەمما سابىق پرېزىدېنت دونالد ترامپ خىتايغا قاراتقان قاتتىق چەكلىمە سىياسەتلىرىنى داۋاملاشتۇرىدىغانلىقىنى بىلدۈرگەن.

تەپسىلاتى...

ماركو رۇبىيو «ئۇيغۇر مەجبۇرىي ئەمگىكىنىڭ ئالدىنى ئېلىش قانۇنى» نى قايتا تونۇشتۇرغان

خەۋەر مەنبەسى: ئەركىن ئاسىيا

بۇ ھەپتە ئامېرىكا كېڭەش پالاتا ئەزاسى ماركو رۇبىيو كېڭەش پالاتا ئەزاسى جېف مېركلېي بىلەن بىرلىشىپ «ئۇيغۇر مەجبۇرىي ئەمگىكىنىڭ ئالدىنى ئېلىش قانۇنى» نى قايتا تونۇشتۇرغان.

«فلورىدا كۈدىلىك گېزىتى» نىڭ 29-يانۋار خەۋەر قىلىشىچە، رۇبىيونىڭ ئىشخانىسى مەزكۇر قانۇن لايىھەسىنى: «ئۇيغۇرلارنى مەجبۇرىي ئەمگەككە سېلىش ئارقىلىق ياسالغان مەھسۇلاتلارنىڭ ئامېرىكىغا كىرمەسلىكىگە كاپالەتلىك» قىلىدىغانلىقىنى بىلدۈرگەن.

كېڭەش پالاتا ئەزاسى ماركو رۇبىيو مۇنداق دېگەن: «خىتاي كوممۇنىستىك پارتىيەسى ئۇيغۇر ۋە باشقا مۇسۇلمان ئاز سانلىق مىللەتلەرگە، بولۇپمۇ ئىرقىي قىرغىنچىلىق ۋە ئىنسانىيەتكە قارشى جىنايەتلەرنى ئۆز ئىچىگە ئالغان كىشىلىك ھوقۇق دەپسەندىچىلىكلىرىنى سادىر قىلىۋاتقان بولغاچقا، بۇنى كۆرمەسلىككە سېلىشقا باشقا باھانە يوق. بىز ئۇنىڭ ئورنىغا پۈتۈن كۈچىمىز بىلەن ئۇلارنى توختىتىشىمىز كېرەك»

تەپسىلاتى...

د ئۇ ق ئاخباراتى : 5-فىۋرال غۇلجا قىرغىنچىلىقىنىڭ 24-يىللىقىنى خاتىرىلەيمىز!

ئەزىز قېرىنداشلار، ۋەتىنىمىز شەرقىي تۈركىستاننىڭ يېقىنقى زامان تارىخىدىكى زور سىياسى ھادىسىلەرنىڭ بىرى ھىساپلانغان ۋە 1997 – يىلى يۈز بەرگەن 5 – فىۋرال غۇلجا ئىنقىلابىنىڭ 24 – يىللىق خاتىرە كۈنى كېلىش ئالدىدا تۇرماقتا.

بۇ مۇناسىۋەت بىلەن بىز 5-فىۋرال ئىنقىلابى جەريانىدا مىللىتىمىزنىڭ ھۆرلۈكى، ئەركىنلىكى ۋە ئازاتلىقى ئۈچۈن ئەزىز جانلىرىنى پىدا قىلغان قەھرىمان شەھىدلىرىمىزگە ۋە غازىلىرىمىزگە چوڭقۇر ھۆرمىتىمىزنى ۋە چەكسىز سېغىنىشىمىزنى بىلدۈرىمىز!

بۈگۈن ئۇيغۇرلار مەسىلىسىنىڭ خەلقارالىق زور بىر مەسىلىگە ئايلىنىشى ئەنە شۇ ۋەتەن ئىچىدىكى قەيسەر خەلقىمىزنىڭ تۆلىگەن ئېغىر بەدەللىرىنىڭ، ھاياتى بەدىلىگە ئېلىپ بارغان تىنىمسىز كۈرەشلىرىنىڭ، زۇلۇمغا ۋە ئۆلۈمگە تىز پۈكمەيدىغان شانلىق روھىنىڭ بىۋاستە مەھسۇلى ۋە نەتىجىسىدىن ئىبارەت!

تەپسىلاتى...

ئامېرىكا تاشىقى ئىشلار مىنىستىرى ئانتوني بلىنكېن: «ئۇيغۇرلارغا قارشى ئىرقىي قىرغىنچىلىق ئېلىپ بېرىلىۋاتىدۇ»

خەۋەر مەنبەسى: ئەركىن ئاسىيا

ئامېرىكانىڭ بۇ نۆۋەتلىك تاشقىي ئىشلار مىنىستىرى ئانتوني بلىنكېن ۋەزىپىگە تەيىنلىنىپ تۇنجى ئۆتكۈزۈلگەن ئاخبارات ئېلان قىلىش يىغىندا، خىتاينىڭ ئۇيغۇرلار ئۇستىدىن ئىرقىي قىرغىنچلىق ئېلىپ بېرىۋاتقانلىقىنى قايتا تەكىتلىدى.

ئۇ 27-يانۋار كۈنى مۇخبىرلارنىڭ ترامپ ھۆكۈمىتىنىڭ ئۇيغۇرلار ئۇستىدىن چىقارغان ئىرقىي قىرغىنچىلىق قارارى ھەققىدىكى سوئاللىرىغا جاۋاب بېرىپ مۇنداق دېدى: «مېنىڭ ‹ئۇيغۇرلارغا قارشى ئىرقىي قىرغىنچىلىق ئېلىپ بېرىلىۋاتىدۇ› دېگەن ھۆكۈمۈم يەنىلا ئەسلىدىكىدەك. ئۇنىڭدا ئۆزگىرىش بولغىنى يوق.»

ئامېرىكانىڭ سابىق تاشقىي ئىشلار مىنىستىرى مايك پومپېيو 19-يانۋار بايانات ئېلان قىلىپ، خىتاينىڭ ئۇيغۇرلارغا قارشى «ئىرقىي قىرغىنچىلىق» ۋە «ئىنسانىيەتكە قارشى جىنايەت» سادىر قىلىۋاتقانلىقىنى جاكارلىغان ئىدى.

ئانتونى بىلىنكېنمۇ ئامېرىكا كېڭەش پالاتاسىدا ئۆتكۈزۈلگەن ۋەزىپىگە ئولتۇرۇش ئالدىدىكى گۇۋاھلىق بېرىش يىغىنىدا، ترامپ ھۆكۈمىتىنىڭ خىتايغا قاراتقان سىياسىتىنى قوللايدىغانلىقىنى بىلدۈرگەن ۋە «خىتاي ھازىر شىنجاڭدا قىرغىنچىلىق قىلىۋاتىدۇ،» دېگەن ئىدى.

ئۇنىڭ ۋەزىپىگە رەسمىي ئولتۇرۇپ تۇنجى كۈنى ئۆتكۈزۈلگەن ئاخبارات ئېلان قىلىش يىغىنىدا يەنە بۇ نۇقتىنى تەكىتلىشى ئالاھىدە دىققەت قوزغىدى.

تەپسىلاتى...