دۇنيا ئۇيغۇر قۇرۇلتىيى بايانات ئېلان قىلىپ، خىتاينىڭ ئەرشىدىن ئىسراىلنى تېررورلۇق ھەرىكىتى بىلەن ئەيىبلىشىگە نارازىلىق بىلدۈردى

ر ف ئا خەۋىرى
2011-يىلى 6-ئاينىڭ 15-كۈنى

خىتاي تاشقى ئىشلار باياناتچىسى خۇڭ لېي 14-ئىيۇن سەيشەنبە كۈنى بايانات بېرىپ، 30-ماي كۈنى قازاقىستان ھۆكۈمىتى تەرىپىدىن، خىتايغا قايتۇرۇپ بېرىلگەن ئەرشىدىن ئىسراىلنى تېررورلۇق جىنايىتى بىلەن ئەيىبلەيدىغانلىقىنى بىلدۈردى.

ئوخشاش بىر ۋاقىتتا دۇنيا ئۇيغۇر قۇرۇلتىيىنىڭ باياناتچىسى دىلشات رىشىتمۇ ئەركىن ئاسىيا رادىوسى ئارقىلىق بايانات بېرىپ، خىتاي ھۆكۈمىتىنىڭ ئەرشىدىن ئىسراىلنى تېررورلۇق جىنايىتى بىلەن ئەيىبلىشىنىڭ پاكىتسىز ئىكەنلىكىنى، ئەرشىدىن ئىسراىلنىڭ خىتاي بىلەن قازاقىستان ئوتتۇرىسىدىكى سودىنىڭ قۇربانىغا ئايلاندۇرۇلغانلىقىنى شۇنداقلا ئەرشىدىن ئىسراىلنىڭ خىتاينىڭ تېررورچىلىقنى دەستەك قىلىپ ئۇيغۇرلارنى باستۇرۇۋاتقانلىقىنىڭ يەنە بىر جانلىق ئىسپاتى ئىكەنلىكىنى بىلدۈردى.

دىلشات رىشىت ئۆز باياناتىدا مۇنداق دېدى:

«خىتاينىڭ ئەرشىدىن ئىسراىلنى تېررورلۇق جىنايىتى بىلەن ئەيىبلىشى پۈتۈنلەي پاكىتسىز ئېلىپ بېرىلىۋاتقان بىر تۆھمەت. ئەرشىدىن ئىسراىل 2009-يىلى 5-ئىيۇل ئۈرۈمچى ۋەقەسىدىن كېيىن، خىتاي تۈرمىسىدە ساقچىلار تەرىپىدىن ئۇرۇپ ئۆلتۈرۈلگەن بىر ئۇيغۇر ھەققىدىكى خەۋەرنى خەلقئارا مەتبۇئاتلارغا ئاشكارىلىۋەتكىنى ئۈچۈن، خىتاي ساقچىلىرى ئۇنى تۇتماقچى بولغىنىدا، قازاقىستان دۆلىتىگە قېچىپ چىقىپ، ب د ت نىڭ قازاقىستاندىكى مۇساپىرلار ئىشخانىسىنىڭ سىياسىي پاناھلىقىغا ئېرىشكەن بىر ئۇيغۇر. ئەمما ب د ت نىڭ مۇساپىرلار ئىدارىسى خىتاي ھۆكۈمىتىنىڭ بېسىمى بىلەن خەلقئارا كىشىلىك ھوقۇق ئەھدىنامىسىگە خىلاپ ھالدا، ئەرشىدىننىڭ مۇساپىرلىق سالاھىيىتىنى بىكار قىلدى.

تەپسىلاتى...

ئامېرىكىدىكى ئۇيغۇرلار 5-ئىيۇل ۋەقەسىنى قانداق خاتىرىلىمەكچى؟

ر ف ئا خەۋىرى
2011-يىلى 6-ئاينىڭ 14-كۈنى

دۇنيانىڭ ھەر قايسى جايلىرىدا پائالىيەت ئېلىپ بېرىۋاتقان ئۇيغۇر تەشكىلاتلىرى، د ئۇ ق نىڭ چاقىرىقى ۋە ئورۇنلاشتۇرۇشى بىلەن 5-ئىيۇل ئۈرۈمچى ۋەقەسىنى خاتىرىلەش ئۈچۈن تەييارلىق كۆرمەكتە.

بۈگۈنكى ئاڭلىتىشىمىزدا، زىيارىتىمىزنى قوبۇل قىلغان ئامېرىكا ئۇيغۇر بىرلەشمىسىنىڭ رەئىسى ئالىم سېيىتوف ئەپەندى، مەزكۇر تەشكىلاتنىڭ 5-ئىيۇل كۈنى ئامېرىكا پايتەختى ۋاشىڭتوندا ئېلىپ بارىدىغان پائالىيەتلىرى ھەققىدە مەلۇمات بەردى شۇنداقلا ئۇيغۇرلارنىڭ 5-ئىيۇل ۋەقەسىدىن كېيىنكى ۋەزىيىتىنىڭ تېخىمۇ ناچارلاشقانلىقىنى بايان قىلدى.

تەپسىلاتى...

ياپونىيە ئۇيغۇر جەمئىيىتى بۇ يىللىق ئومۇمىي يىغىنىدا يېڭى ئىستراتېگىيىلەرنى بەلگىلەپ چىقتى

ر ف ئا خەۋىرى
2011-يىلى 6-ئاينىڭ 13-كۈنى

ياپونىيە ئۇيغۇر جەمئىيىتى ئۇيغۇرلارنىڭ مەسىلىسىنى ياپونىيەدە تونۇتۇش ۋە بۇ ئارقىلىق ياپون ھۆكۈمىتىنىڭ قوللىشىنى قولغا كەلتۈرۈش ئۈچۈن ئاكتىپلىق بىلەن پائالىيەت ئېلىپ بېرىۋاتقان بىر جەمئىيەت.

بۇ جەمئىيەت قۇرۇلغىنىغا قىسقىغىنە ئۈچ يىل بولغان بولسىمۇ، جەمئىيەت ئەزالىرىنىڭ پىداكارلىق بىلەن خىزمەت قىلىشى نەتىجىسىدە كۆرۈنەرلىك نەتىجىلەرنى قولغا كەلتۈرمەكتە. يېقىندا ياپونىيە ئۇيغۇر جەمئىيىتى يىللىق خىزمەتلەرنى خۇلاسىلەش يىغىنى ئاچقان بولۇپ، يىغىندا جەمئىيەتنىڭ يېقىنقى بىر يىللىق خىزمەتلىرى خۇلاسىلىنىش بىلەن بىرگە، بۇندىن كېيىنكى خىزمەت پىلانلىرى ئۈستىدە مۇزاكىرىلەر ئېلىپ بېرىلغان.

ياپونىيە ئۇيغۇر جەمئىيىتىنىڭ باشلىقى ئىلھام مەھمۇت ئەپەندىنىڭ رادىومىزغا ئېيتىشىچە، ياپونىيە ئۇيغۇر جەمئىيىتى بۇندىن كېيىن ئۇيغۇر داۋاسىنى يالغۇز ياپونىيىدىلا ئەمەس، شەرقىي جەنۇبىي ئاسىيا ئەللىرىدىمۇ تونۇتۇش پىلانىنى ئوتتۇرىغا قويۇپ، ئۇنى مۇھىم خىزمەتلەر قاتارىدا كۈن تەرتىپكە ئالغان.

ياپونىيە ئۇيغۇر جەمئىيىتى ياپونىيەدە قانۇنلۇق ئەڭە ئېلىنغان ۋە 50 تىن ئارتۇق رەسمىي ئەزاسى بولغان بىر جەمئىيەت بولۇپ، 11-ئىيۇن شەنبە كۈنى بۇ تەشكىلات يىللىق خىزمەتلەرنى خۇلاسىلەش ۋە بۇندىن كېيىنكى خىزمەت ئىستراتېگىيىسىنى بەلگىلەپ چىقىش ئۈچۈن يىللىق ئومۇمىي يىغىن چاقىرغان. يىغىندا جەمئىيەت ئەزالىرىغا بۇ بىر يىل ئىچىدە قىلىنغان خىزمەتلەر، يىللىق خامچوت ئەھۋالىدىن دوكلات بېرىلگەندىن سىرت، بۇندىن كېيىن بۇ جەمئىيەتنىڭ پائالىيەتلىرىنى قانداق ئېلىپ بېرىش ھەققىدە مۇزاكىرىلەر ئېلىپ بېرىلغان.

تەپسىلاتى...

د ئۇ ق «5-ئىيۇن ئۈرۈمچى ۋەقەسى» نىڭ ئىككى يىللىقىنى ھەرخىل پائالىيەتلەر بىلەن خاتىرىلەيدىغانلىقنى بىلدۈردى

ر ف ئا خەۋىرى
2011-يىلى 6-ئاينىڭ 12-كۈنى

دۇنيا ئۇيغۇر قۇرۇلتىيى ئۇقتۇرۇش چىقىرىپ، دۇنيانىڭ ھەر قايسى جايلىرىدىكى ئۇيغۇرلار ھەمدە ئۇيغۇر ھەرىكىتىنى قوللىغۇچىلارنىڭ 2009-يىلىدىكى «5-ئىيۇل ئۈرۈمچى ۋەقەسى» نىڭ ئىككى يىللىقىنى ھەر خىل پائالىيەتلەر بىلەن خاتىرىلەيدىغانلىقىنى بىلدۈردى.

دۇنيا ئۇيغۇر قۇرۇلتىيى 10-ئىيۇن بۇ ھەقتە ئېلان قىلغان ئۇقتۇرۇشقا قارىغاندا، بۇ خىلدىكى خاتىرىلەش پائالىيەتلىرى بۇ يىل 5-ئىيۇلنىڭ ئالدىدا كەينىدە ئۆتكۈزۈلىدىكەن.

ئۇقتۇرۇشتا مۇنداق دېيىلگەن: دۇنيانىڭ ئۇيغۇر خەلقنىڭ ئېچىنىشلىق ئاھۇ زارىنى ئۇنتۇلۇپ قالماسلىقى ئۈچۈن، نامايىش ۋە باشقا شەكىلدىكى پائالىيەتلەر ئارقىلىق ئۇيغۇر ۋە شەرقىي تۈركىستان تارىخىدىكى بۇ ئەڭ قايغۇلۇق كۈننىڭ ئىككى يىللىقىنى خاتىرىلەيمىز.

2009-يىلى 5-ئىيۇل ئۇيغۇر ياشلىرى ئۈرۈمچىدە نامايىش قىلىپ، خىتاي ھۆكۈمىتىنىڭ ئادالەتسىز سىياسىتىگە نارازىلىق بىلدۈرگەن ۋە «26-ئىيۇن شاۋگۇەن ۋەقەسى» نى ئادىل بىر تەرەپ قىلىشنى تەلەپ قىلغان.

خىتاي ھۆكۈمىتى مەزكۇر نامايىشنى قورال كۈچى ئىشلىتىپ باستۇرغان ۋە نۇرغۇن ئۇيغۇرلارنى قولغا ئالغان. كېيىن خىتاي بىخەتەرلىك قىسىملىرىنىڭ نامايىشچىلارغا راست ئوق ئىشلەتكەنلىكى ۋە بىر قىسىم نامايىشچىلارنى ئېتىپ ئۆلتۈرگەنلىكى ئىلگىرى سۈرۈلگەن ئىدى.

تەپسىلاتى...

كىشىلىك ھوقۇق كېڭىشىنىڭ جەنۋەدىكى يىغىنىدا ئۇيغۇر مەسىلىسى ئوتتۇرىغا قويۇلدى

ر ف ئا خەۋىرى
2011-يىلى 6-ئاينىڭ 11-كۈنى

بىرلەشكەن دۆلەتلەر تەشكىلاتى كىشىلىك ھوقۇق كېڭىشىنىڭ 6-ئىيۇن كۈنى جەنۋەدە ئېچىلغان يىغىنىدا ئۇيغۇرلارنىڭ كىشىلىك ھوقۇق ۋەزىيىتى ھەققىدە دوكلات بېرىلدى.

ب د ت كىشىلىك ھوقۇق كېڭىشىنىڭ 17-نۆۋەتلىك يىغىنى شۋېتسارىيىنىڭ جەنۋە شەھىرىدە ئېچىلماقتا. 30-مايدىن 17-ئىيۇنغىچە داۋام قىلىدىغان مەزكۇر يىغىنغا ب د ت غا ئەزا 190 دىن ئارتۇق دۆلەت شۇنداقلا ب د ت نى كۆزىتىش سالاھىيىتىگە ئېرىشكەن 200 دىن ئارتۇق كىشىلىك ھوقۇق تەشكىلاتلىرىنىڭ ۋەكىللىرى قاتناشماقتا. كىشىلىك ھوقۇق كېڭىشىنىڭ يىغىنى ھەر يىلى ئۈچ قېتىم ئۆتكۈزۈلىدىغان بولۇپ، ئۇنىڭدا دۆلەتلەرنىڭ كىشىلىك ھوقۇق ۋەزىيىتى، ئاز سانلىق مىللەتلەرنىڭ كىشىلىك ھوقۇق ئەھۋاللىرى ھەققىدە دوكلاتلار سۇنۇلىدۇ. سۇنۇلغان دوكلاتلار ئاساسىدا مۇناسىۋەتلىك قارارلار قوبۇل قىلىنىپ، كىشىلەرنىڭ ئىنسانىي ھەق-ھوقۇقلىرى دەپسەندىچىلىككە ئۇچراۋاتقان دۆلەتلەر ھۆكۈمەتلىرى ئۈستىدىن خەلقئارالىق بېسىم پەيدا قىلىدىغان بۇ يىغىندا، ئۇيغۇرلارنىڭ مەسىلىسىمۇ كۈن تەرتىپكە كەلدى.

باش شتابى گېرمانىيىدىكى دۇنيا ئۇيغۇر قۇرۇلتىيىنىڭ خادىمى يانا براندت خانىم كىشىلىك ھوقۇق كېڭىشىنىڭ 6-ئىيۇن كۈنىدىكى يىغىنىدا ئۇيغۇرلارنىڭ مەسىلىسى ھەققىدە دوكلات بېرىپ، ئۇيغۇرلار نۆۋەتتە دۇچ كېلىۋاتقان پىكىر ئەركىنلىكىنىڭ دەپسەندە قىلىنىش ئەھۋالى ۋە تېخى يېقىندىلا قازاقىستان تەرىپىدىن خىتايغا قايتۇرۇپ بېرىلگەن ئەرشىدىن ئىسراىلنىڭ مەسىلىسىنى ئالاھىدە ئوتتۇرىغا قويغان.

تەپسىلاتى...

دۇنيا ئۇيغۇر قۇرۇلتىيى چاقىرىق ئېلان قىلىپ، «5‏-ئىيۇل ۋەقەسى» ئۈستىدىن مۇستەقىل تەكشۈرۈش ئېلىپ بېرىشنى تەلەپ قىلدى

ر ف ئا خەۋىرى
2011-يىلى 6-ئاينىڭ 10-كۈنى

دۇنيا ئۇيغۇر قۇرۇلتىيى جۈمە كۈنى «5‏-ئىيۇل ۋەقەسى» نىڭ 2 يىللىقى يېتىپ كېلىش مۇناسىۋىتى بىلەن چاقىرىق ئېلان قىلىپ، خەلقئارا جەمئىيەتنىڭ خىتاينى «5‏-ئىيۇل ۋەقەسى» ئۈستىدىن مۇستەقىل تەكشۈرۈش ئېلىپ بېرىشقا ھەيدەكچىلىك قىلىشى كېرەكلىكىنى بىلدۈردى.

مەزكۇر تەشكىلات چاقىرىقىدا، «5‏-ئىيۇل ۋەقەسى» ئۈستىدىن مۇستەقىل تەكشۈرۈش ئېلىپ بېرىش ئارقىلىق ۋەقەدە ئۆلگەنلەرنىڭ ھېقىقى سانىنى ئېنىقلاپ چىقىشنى، نامايىشقا قاتنىشىپ ھېچقانداق مەسىلە سادىر قىلمىغان بولسىمۇ، ھازىرغا قەدەر ئاساسسىز تۇتۇپ تۇرۇلۇۋاتقان بارلىق تۇتقۇنلارنى دەرھال ۋە شەرتسىز قويۇپ بېرىشنى تەلەپ قىلغان.

شۇنداقلا يەنە داىرىلەرنى ۋەقەگە چېتىلىپ جازالانغان كىشىلەرنىڭ سوتلىنىش ئەھۋالىنى تەكشۈرۈپ، سوتنىڭ خەلقئارا ئۆلچەمگە ئۇيغۇن بولغان ياكى بولمىغانلىقىنى ئېنىقلاپ چىقىش، 5‏-ئىيۇلدىكى نامايىش ۋە توقۇنۇشنى كەلتۈرۈپ چىقارغان سەۋەبلەرنى ھەل قىلىش، بولۇپمۇ سىياسىي ۋە دىنىي باستۇرۇشنى توختىتىش، ئۇيغۇرلار دۇچ كېلىۋاتقان ئىقتىسادى كەمسىتىشكە، ئۇيغۇر تىلى ۋە مەدەنىيىتىنى يەكلەشكە خاتىمە بېرىشكە چاقىرغان.

دۇنيا ئۇيغۇر قۇرۇلتىيى ۋە باشقا خەلقئارا كىشىلىك ھوقۇق تەشكىلاتلىرى ئىككى يىلدىن بېرى «5‏-ئىيۇل ۋەقەسى» ئۈستىدىن مۇستەقىل تەكشۈرۈش ئېلىپ بېرىشنى تەلەپ قىلىپ كەلگەن بولسىمۇ، لېكىن خىتاي ھۆكۈمىتى ھازىرغا قەدەر بۇنىڭغا جاۋاب بەرمىگەن.

تەپسىلاتى...

د ئۇ ق ئامېرىكا-خىتاي قانۇن دىالوگىدا ئۇيغۇرلارغا داىر بەزى دېلولارنىڭ ئوتتۇرىغا قويۇلۇشىنى تەلەپ قىلدى

ر ف ئا خەۋىرى
2011-يىلى 6-ئاينىڭ 9-كۈنى

ئامېرىكا تەرەپ كىشىلىك ھوقۇققا ئائىت بەزى ھەقلىق قايغۇلىرىنىڭ قانۇن دىالوگىدا ئوتتۇرىغا قويۇلىدىغانلىقى بىلدۈرگەن، لېكىن قانداق مەسىلىلەرنىڭ ئوتتۇرىغا قويۇلىدىغانلىقى مەلۇم ئەمەس.

ئىككى كۈنلۈك ئامېرىكا-خىتاي قانۇن دىالوگىدا مۇزاكىرە قىلىنىدىغان مەركىزى تېما‏-جەمئىيەتنى «قانۇن بىلەن ئىدارە قىلىش» مەسىلىسىدۇر. مەزكۇر دىئالوگ خىتاي داىرىلىرىنىڭ يېقىنقى ئايلاردىن بۇيان ئۆكتىچى ۋە كىشىلىك ھوقۇق پاالىيەتچىلىرىگە زەربە بېرىشنى كۈچەيتىپ، نۇرغۇن كىشىنى تۇتقۇن قىلغانلىقى ۋە ياكى نەزەربەند قىلغانلىقى سەۋەبلىك تەنقىدكە ئۇچراۋاتقان بىر مەزگىلدە ئۆتكۈزۈلدى. دىالوگنىڭ يەنە، خىتاي «5‏-ئىيۇل ۋەقەسى» دە قولغا ئېلىنغان ئۇيغۇرلارنى قانۇندىن ھالقىپ جازالاش بىلەن تەنقىدكە ئۇچراۋاتقان بىر مەزگىلدە ئۆتكۈزۈلۈشى سەۋەبلىك كىشىلىك ھوقۇق تەشكىلاتلىرىنىڭ دىققىتىنى قوزغىغان ئىدى. لېكىن ئىككى تەرەپ ھۆكۈمەتلىرىنىڭ قانۇن ئەمەلدارلىرى ۋە غەيرىي ھۆكۈمەت ئورگانلىرىنىڭ قانۇن مۇتەخەسسىسلىرىنىڭ قاتنىشىشىدىكى يىغىندا، كونكرېت قانداق مەسىلىلەرنىڭ مۇزاكىرە قىلىنىدىغانلىقى بولسا ئاخبارات ۋاسىتىلىرىگە مەلۇم ئەمەس.

تەپسىلاتى...

گېرمانىيەدە قازاقىستان ۋە خىتاي ئەلچىخانىلىرى ئالدىدىكى نامايىشلار ناھايىتى مۇۋەپپەقىيەتلىك ئۆتكۈزۈلدى

د ئۇ ق تەشۋىقات مەركىزى
2011-يىلى 6-ئاينىڭ 8-كۈنى

 

ئۇيغۇر سىياسىي قاچقۇن ئەرشىدىن ئىسرائىلنىڭ قازاقىستان ھۆكۈمىتى تەرىپىدىن خىتايغا قايتۇرۇپ بېرىلگەنلىكى مۇناسىۋىتى بىلەن، 6 – ئاينىڭ 7 – كۈنى چۈشتىن بۇرۇن ئايرىم – ئايرىم ھالدا قازاقىستان ۋە خىتاينىڭ بېرلىندىكى باش ئەلچىخانىلىرى ئالدىدا كەڭ كۆلەملىك نارازىلىق نامايىشى ئۆتكۈزۈلدى.

د ئۇ ق مەركىزى ئورگىنى ۋە ياۋروپا شەرقىي تۈركىستان بىرلىكى تەشكىلاتىنىڭ ئۇيۇشتۇرۇشى بىلەن، 6 – ئاينىڭ 6 – كۈنى كەچ سائەت 12: 00 دە نامايىشچىلار قوشۇنى گېرمانىيەنىڭ ميۇنخېن شەھىرىدىن مەخسۇس كىرالانغان ئاپتوبۇس بىلەن تەخمىنەن 600 كىلومېتىر يىراقلىقتىكى بېرلىن شەھىرىگە قاراپ يولغا چىققان ئىدى.

تەپسىلاتى...

دۇنيا ئۇيغۇر قۇرۇلتىيى ب د ت مۇساپىرلار كومىسارىياتىنى ئەرشىدىن ئىسراىلنىڭ خىتايغا قايتۇرۇلۇشىغا ياردەم قىلىش بىلەن ئەيىبلىدى

ر ف ئا خەۋىرى
2011-يىلى 6-ئاينىڭ 7-كۈنى

دۇنيا ئۇيغۇر قۇرۇلتىيى ب د ت مۇساپىرلار كومىسارىياتىنى تەنقىدلەپ، مەزكۇر ئورگاننىڭ قازاقىستاندىكى ئىشخانىسىنىڭ ئۇيغۇر مۇساپىرلىرىدىن ئەرشىدىن ئىسراىلغا بېرىلگەن مۇساپىرلىق سالاھىيىتىنى قايتۇرۇۋېلىپ، ئۇنىڭ خىتايغا ئۆتكۈزۈپ بېرىلىشىگە قۇلايلىق يارىتىپ بەرگەنلىكىنى ئىلگىرى سۈردى.

د ئۇ ق باش كاتىپى دولقۇن ئەيسا رادىومىزغا سۆھبەت ئېلان قىلىپ، «بىز ئەرشىدىننىڭ دېلوسىدا خىتاينىڭ قولى بارلىقىنى بىلىمىز. بىز قازاقىستاننىڭ قارارىدىن ھەيران قالمىغان بولساقمۇ، لېكىن ب د ت مۇساپىرلار كومىسارىياتىنىڭ جەنۋە ۋە ئالماتادىكى خادىملىرىنىڭ خىتاينىڭ پىكرىگە ئىشىنىپ، ئەرشىدىننىڭ خىتايغا ئۆتكۈزۈپ بېرىلىشىگە يول قويغانلىقىدىن ھەيران قالدۇق» دەپ كۆرسەتتى.

بۇ يىل 38 ياشلاردىكى ئەرشىدىن ئىسراىل 2009‏-يىلى يازدا قازاقىستانغا قېچىپ چىقىپ، ب د ت نىڭ ئالماتادىكى ئىشخانىسىدىن پاناھلىق تىلىگەن. ئالماتادىكى ب د ت مۇساپىرلار ئىشخانىسى شۇ يىلى 10-ئايدا ئۇنىڭغا مۇساپىرلىق سالاھىيىتى بەرگەن. شۋېتسىيە ئۇنى قوبۇل قىلغان بولسىمۇ، لېكىن قازاقلار ئۇنىڭ چېگرادىن چىقىشىغا يول قويمىغان ئىدى.

دۇنيا ئۇيغۇر قۇرۇلتىيىنىڭ ئىلگىرى سۈرۈشىچە، ئەرشىدىن خىتايغا قايتۇرۇپ بېرىلىشتىن سەل بۇرۇن، ئۇنىڭ ب د ت مۇساپىرلار كومىسسارىياتى تەرىپىدىن بېرىلگەن مۇساپىرلىق سالاھىيىتى بىكار قىلىنغان. لېكىن داىرىلەر ئۇنىڭ مۇساپىرلىق سالاھىيىتى بىكار قىلىنغانلىقىنى ئەرشىدىننىڭ ئادۋوكاتىغا ئۇقتۇرۇش قىلمىغان.

تەپسىلاتى...

گوللاندىيىدىكى «مەدەنىيەتلەر بايرىمى» پاالىيىتىدە ئۇيغۇر يېمەكلىرى نامايان قىلىندى

ر ف ئا خەۋىرى
2011-يىلى 6-ئاينىڭ 6-كۈنى

كۆپلىگەن مىللەتلەرنىڭ تۈرلۈك مەدەنىيەت، سەنئەت، تارىخ ۋە ئۆرپ-ئادەتلىرىنى نامايان قىلىدىغان پائالىيەتلەر ياۋروپا تۇپراقلىرىدا ياشاۋاتقان ئىنسانلارنىڭ قىزغىن ئالقىشىغا ئېرىشىپ كەلمەكتە.

شۇ خىل خۇسۇسىيەتلەرنىڭ گەۋدىلەندۈرۈپ، ھەر كۈنى مىڭلىغان ئىنسانلارنىڭ زىيارىتى بىلەن داۋام قىلىۋاتقان، گوللاندىيىنىڭ دەنبوش شەھىرىدىكى «مەدەنىيەتلەر بايرىمى» پائالىيىتى مول مەزمۇنلۇق پروگراممىلار بىلەن ئۆز قىممىتىنى نامايان قىلماقتا.

ھەر كۈنى ئەتىگەن سائەت 7 دىن ئاخشام سائەت 10 غىچە داۋام قىلىۋاتقان بۇ پائالىيەتتە، مىللەتلەرنىڭ قول-ھۇنەرۋەنچىلىكى ۋە ئەقلىي تەپەككۇرىنى كۆرسىتىدىغان بۇيۇملار مىللەتلەرنىڭ تارىخ سەھىپىلىرىدىن تارتىپ ۋە بۈگۈنكى ئەھۋالىغا قەدەر مەلۇماتلاردىن ئۇچۇر بەرمەكتە. بولۇپمۇ، ئوسمان ئىمپېرىيىسىنىڭ ھەيۋىتىنى نامايان قىلىدىغان ئوردا قىياپەتلىرىدىكى ئەسكىرى يۈرۈش شەكلى تۈرك خەلقىنىڭ مىللىي روھىنى ئويغىتىپ، ئەجدادلىرىدىن ئىپتىخارلاندۇرسا؛ باشقا مىللەتلىرىنىڭ دىققىتىنى تارتىپ سەنئەت تۇيغۇسىغا چۆمدۈرمەكتە. ئارىلاپ ئېلىپ بېرىلىۋاتقان، سېرك ئويۇنى، چىلىشىش، سەنئەت ۋە ئۇسۇللار بىلەن ئالمىشىپ تۇرۇۋاتقان نومۇرلار مېھمانلارنى ھاياجانغا سالسا؛ داڭلىق سىياسىيونلار، ئارتىسلار ۋە جامائەت ئەربابلىرىنىڭ نۇتۇقلىرى ۋە زىيارەتلىرى تاماشىبىنلارغا پۇرسەت بولماقتا. ھەرخىل ئەدەبىيات-سەنەتنىڭ ئۇستىكارلىرى نەق مەيداندا ماھارەت كۆرسىتىپ، مىللىي خاسلىقلىرىنى نامايان قىلماقتا.

يەنە بىر تەرەپتە، ئۆزگىچە پۇراقلىرى ۋە شەكىللىرى بىلەن ئالاھىدە تەييارلانغان يېمەكلەر ئىستېمالچىلارنىڭ ئېھتىياجىنى قامدىماقتا. ئۆز يۇرتىدىكى مىللىي ئادەتلىرى ۋە ياۋروپا ئۇسلۇبىدىكى ئۆزگىچىلىكلەر بىلەن مۇلازىمەت قىلىۋاتقان ئۇستاملار بىر-بىرى بىلەن بەسلەشمەكتە. قاتار كەتكەن چېدىرلارنىڭ بىر تەرىپىدە ئاي-يۇلتۇزلۇق كۆك بايرىقى بىلەن ئالاھىدە پەرقلىنىپ تۇرۇۋاتقان ئۇيغۇرلار ئۆز تااملىرىنى ساتماقتا.

تەپسىلاتى...