5 – ئېيۇل ئۈرۈمچى قىرغىنچىلىقىنىڭ بىر يىللىقى مۇناسىۋىتى بىلەن شىۋېتسىيەدە نامايىش ئېلىپ بېرىلدى

ر ف ئا خەۋىرى
2010-يىلى 7-ئاينىڭ 6-كۈنى

بۈگۈن 7 – ئاينىڭ 5 – كۈنى شىۋېتسىيەدىكى ئۇيغۇرلار شۋېتسىيە مائارىپ ئۇيۇشمىسى ۋە شۋېتسىيە ئۇيغۇر كوممىتىتىنىڭ ئۇيۇشتۇرۇشى بىلەن شۋېتسىيە پارلامىتىنىڭ ئالدىدا ئۆتكەن يىلى ئۈرۈمچىدە يۈز بەرگەن 5 – ئېيۇل قىرغىنچىلىقىنىڭ بىر يىللىقىنى خاتىرىلەش يۈزىسىدىن نامايىش ئېلىپ باردى.

نامايىش سائەت 3تە باشلانغان  بولۇپ، بۇ يەردە بىر سائەت ئەتراپىدا 5 – ئېيۇل قىرغىنچىلىققىغا مۇناسىۋەتلىك نۇتۇقلار سۆزلەڭەندىن كىيىن ستوكھولىمنىڭ ئاساسلىق كوچىلىرىنى ئايلىنىپ يۈرۈش قىلىپ خىتاي ئەلچىىانىسىنىڭ ئالىدىغا بېرىپ نامايىشنى داۋاملاشتۇرماقچى.

ھازىر ئەزەربەيجان جەمئىيىتىنىڭ ۋەكىلى سۆزگە چىقىپ خىتاي ھۆكۈمىتىنىڭ ئۇيغۇرلار ئۈستىدىن ئېلىپ بېرىۋاتقان زوراۋانلىقلىىرىنى تەنقىد قىلماقتا. ھازىر سائەت 4 بولدى نامايىشچىلار توپى پارلامىت بىناسى ئالدىدىن قوزغىلىپ، سەپ بولۇپ خىتاي ئەلچىخانىسىغا قاراپ يول ئالدى. نامايىشچىلار شۇارلار بىلەن كوچا ئايلانماقتا. نامايىشچىلار سائەت 5 بىلەن خىتاي ئەلچىخانىسىنىڭ ئالدىغا يېتىپ كەلدى. دۇنيا ئۇيغۇر قۇرۇلتىيىنىڭ باياناتچىسى دىلشات رىشىت ئاۋاز ياڭراتقۇ بىلەن خىتاي ئەلچىخانىسىغا قاراپ خىتاب قىلماقتا. نامايىشچىلار خىتاي ئەلچىخانىسىنىڭ ئالدىغا قارا ماتەم چەمبىرىكى قويغاندىن سىرت خىتاي پابيرىقىنى يىرتىپ ماشىنىلار چاقىغا تاشلاپ بەردى.

تەپسىلاتى...

پارىژدىكى بىرلەشمە نامايىش ئىنتايىن مۇۋەپپەقىيەتلىك ئۆتكۈزۈلدى

د ئۇ ق تەشۋىقات مەركىزى
2010-يىلى 7-ئاينىڭ 5-كۈنى

مىللىي رەھبىرىمىز رابىيە قادىر خانىم ۋە ئۇنۇڭ رىياسەتچىلىكىدىكى  د ئۇ ق نىڭ چاقىرىقىغا ھەم بىر تۇتاش ئورۇنلاشتۇرۇشىغا ئاساسەن، 7 – ئاينىڭ 4 – كۈنى، گېرمانىيە، فرانسىيە، گوللاندىيە، بېلگىيە، شۋېتسارىيە، شۋېتسىيە، نورۋېگىيە، ئاۋسترالىيە قاتارلىق ئەللەردىن كەلگەن ئۇيغۇر ۋەكىللىرى فرانسىيىنىڭ پايتەختى پارىژدىكى دۇنياغا مەشھۇر ئېففىل تۆمۈر مۇنارىنىڭ ئالدىدىكى مەيدانغا  جەم بولۇپ، كوممۇنىست خىتاي ھاكىمىيىتىنىڭ 2009 – يىلى 7 – ئاينىڭ 5 – كۈنى ئۈرۈمچىدە ئۇيغۇرلارغا قارىتا ئېلىپ بارغان ئىرقىي قىرغىنچىلىقىغا قارشى كەڭ كۆلەملىك نارازىلىق نامايىشى ئۆتكۈزدى.

نامايىش باشلىنىشتىن ئىككى سائەت بۇرۇن، د ئۇ ق نىڭ باش كاتىپى ۋە ياۋروپا شەرقىي تۈركىستان بىرلىكىنىڭ رەئىسى دولقۇن ئەيسا ئەپەندىمنىڭ رىياسەتچىلىكىدە پارىژدىكى بالتىمور مېھمانخانىسىدا، پارلامېنت ئەزاسى، يېشىلەر پارتىيىسى پارس شۆبىسىنىڭ رەئىسى سىلۋىيان گارەل ئەپەندى، فرانسىيىلىك ئاتاقلىق كىشىلىك ھوقۇق پائالىيەتچىسى ۋە خىتايشۇناس مارى ھولىزمان خانىم، فرانسىيە تىبەت جەمئىيىتىنىڭ رەئىسى مارسىللا روخ خانىم ۋە فرانسىيە ۋيېتنام كىشىلىك ھوقۇق فېدېراتسىيونىنىڭ مەسئۇلى تران خانىملارنىڭ قاتنىشىشى بىلەن 5 – ئىيۇل ئۈرۈمچى قىرغىنچىلىقىنىڭ 1 – يىللىقى مۇناسىۋىتى بىلەن مەخسۇس چەتئەل مۇخبىرلىرىنى كۈتۈۋېلىش ۋە ئاخبارات ئېلان قىلىش يىغىنى ئۆتكۈزۈلدى.

تەپسىلاتى...

گېرمانىيىدە 5 – ئىيۇل ئۈرۈمچى قىرغىنچىلىقىنىڭ بىرىنچى يىللىق مۇناسىۋىتى بىلەن ئاخبارات ئېلان قىلىش يىغىنى چاقىردى

د ئۇ ق تەشۋىقات مەركىزى
2010-يىلنىڭ 7-ئاينىڭ 5-كۈنى

د ئۇ ق مەركىزى ئورگىنى ۋە دۇنيا خەتەر ئاستىدىكى مىللەتلەرنى قوغداش تەشكىلاتىنىڭ ئورتاق ئۇيۇشتۇرۇشى بىلەن بۈگۈن گېرمانىيىنىڭ ميۇنخېن شەھەر مەركىزىدىكى “كارلىس مەيدان” دا 5 – ئىيۇل ئۈرۈمچى قىرغىنچىلىقىنىڭ 1 – يىللىقى مۇناسىۋىتى بىلەن ئاخبارات ئېلان قىلىش مۇراسىمى ئۆتكۈزۈلدى.

ميۇنخېن شەھىرىدىكى “كارلىس مەيدانى” بولسا شەھەر بويىچە چەتئەللىك ساياھەتچىلەر ۋە يەرلىك ئامما ئەڭ كۆپ توپلىنىدىغان مەركەزلەرنىڭ بىرى بولۇپ، بۈگۈنمۇ مەيداننىڭ ئۆپ – چۆرىسىگە 10 مىڭلىغان كىشى توپلانغان  ئىدى.

گېرمانىيە ۋاقتى چۈشتىن بۇرۇن سائەت 10:00 دا باشلانغان  ئاخبارات يىغىنىغا، د ئۇ ق نىڭ مەركەزدىكى ئاساسلىق رەھبەرلىرى، دۇنيا خەتەر ئاستىدىكى مىللەتلەرنى قوغداش تەشكىلاتى ئاسىيا بۆلۈمىنىڭ مۇئاۋىن مۇدىرى ھاننو ئەپەندى ۋە بۇ تەشكىلاتنىڭ بەزى ۋەكىللىرى , خەلقئارا ئىنسان ھەقلىرى تەشكىلاتى ميۇنخېن شۆبىسىنىڭ مۇدىرى يۈرگىن ئەپەندى ۋە بۇ تەشكىلاتنىڭ بىر قىسىم ئەزالىرى قاتناشتى.

تەپسىلاتى...

ئەنقەرەدە 5 – ئىيۇل ئۈرۈمچى ۋەقەسىنىڭ بىرىنچى يىللىقى مۇناسىۋىتى بىلەن نامايىش ئۆتكۈزۈلدى

ر ف ئا خەۋىرى
2010-يىلى 7-ئاينىڭ 5-كۈنى

قىممەتلىك رادىئو ئاڭلىغۇچىلار، بۇ يەر خىتايلارنىنڭ ئەنقەرەدە تۇرۇشلۇق ئەلچىخانىسىنىڭ ئالدى. بۇ يەردە ئۇيغۇرلار، تۈركلەر، تۈرك پارلامېنت ئەزالىرى تۈركىيىنىڭ ئەڭ چوڭ ئاممىۋى تەشكىلاتلىرىدىن بىرى بولغان كادىرلار ئۇيۇشمىسىنىڭ مۇئاۋىن باشلىقى فاھرەتتىن يوقۇش، تۈركىيە ماارىپچىلار ئۇيۇشمىسى باشلىقى ئىسماىل قونجۇق، سالامەتلىك ساھاسىدا ئىشلەۋاتقان ئىشچىلار ئۇيۇشمىسىنىڭ باشلىقى مۇستافا باش ئەپەندى، ساادەت پارتىيىسى، بۈيۈك بىرلىك پارتىيىسى، مىللىيەتچى ھەرىكەت پارتىيىسى ۋە سىياسىي پارتىيىلەرنىڭ مەسۇللىرىدىن بولۇپ 500 ئەتراپىدا كىشى قاتناشماقتا.

تەپسىلاتى...

ئىستانبۇلنىڭ تاكسىم مەيدانىدا نامايىش

ر ف ئا خەۋىرى
2010-يىلى 7-ئاينىڭ 5-كۈنى

2010 – يىلى 7 – ئاينىڭ 4 – كۈنى تۈركىيىدە پائالىيەت قىلىۋاتقان ئاممىۋى تەشكىلاتلار شەرقىي تۈركىستان مۇنبىرى نام ئاستىدا بىرلىكتە ئۇيۇشتۇرۇشى بىلەن، ئۆتكەن يىلى يۈز بەرگەن ئۈرۈمچى ۋەقەسىنىڭ بىر يىللىقى مۇناسىۋىتى بىلەن خىتايغا قارشى ئىستانبۇلنىڭ تاكسىم مەيدانىدا نامايىش ئۆتكۈزۈلدى.

2010 – يىلى 7 – ئاينىڭ 4 – كۈنى تۈركىيىدە پائالىيەت قىلىۋاتقان ئاممىۋى تەشكىلاتلار شەرقىي تۈركىستان مۇنبىرى نام ئاستىدا بىرلىكتە ئۇيۇشتۇرۇشى بىلەن، ئۆتكەن يىلى يۈز بەرگەن ئۈرۈمچى ۋەقەسىنىڭ بىر يىللىقى مۇناسىۋىتى بىلەن خىتايغا قارشى ئىستانبۇلنىڭ تاكسىم مەيدانىدا نامايىش ئۆتكۈزۈلدى.

تەپسىلاتى...

كانادانىڭ تورونتو شەھىرىدە شېھىتلەرنىڭ روھىغا ئاتاپ خەتمە قۇرئان ئوقۇلدى

ر ف ئا خەۋىرى
2010-يىلى 7-ئاينىڭ 5-كۈنى

كانادانىڭ تورونتو شەھىرىدە 5 – ئىيۇل ئۈرۈمچى قىرغىنچىلىقىنىڭ بىر يىللىقىنى خاتىرىلەش يۈزىسىدىن بۇ قىرغىنچىلىقتا شېھىت بولغانلارنىڭ روھىغا ئاتاپ خەتمە قۇرئان ئوقۇلدى.

بۇنىڭدىن سىرت بۇ خاتىرىلەش پااليىتى تورونتودا ئېچىلغان ئانا تىل مەكتىپىنىڭ ئېچىلىش مۇراسىمى بىلەن بىرلىكتە ئېلىپ بېرىلدى. بۇ پااليەتنى كانادا ئۇيغۇر جەمئىيىتى تەشكىللىگەن بولۇپ، پااليەتكە تورونتو ئەتراپىدا ياشاۋاتقان كۆپ ساندا ئۇيغۇر قاتناشتى.

يۇقىرىدىكى ئۇلىنىشتىن بۇ پروگراممىنىڭ تەپسىلاتىنى ئاڭلىغايسىلەر.

تەپسىلاتى...

شىۋېتسىيىدە “ئۈمىد يۇلتۇزى”2 نامىدا چاتما پائالىيەت ئېلىپ بېرىلدى

ر ف ئا خەۋىرى
2010-يىلى 7-ئاينىڭ 5-كۈنى

7 – ئاينىڭ 3 – كۈنى ستوكھولىمدا “ئۇيغۇرىستان” پۇتبول كوماندىسى بىلەن نورۋېگىيە ئۇيغۇر ياشلىرى كوماندىسى ئوتتۇرىسىدا بىر مەيدان دوستلۇق مۇسابىقىسى بولۇپ ئۆتتى. بۇ ئىككى دۆلەتتىكى ئۇيغۇر پۇتبول كوماندىلىرىنىڭ يىلدا بىر قېتىم ئېلىپ بېرىلىدىغان دوستلۇق مۇسابىقىسى ئالدىنقى يىلى نورۈۋىگىيىدىكى ئۇيغۇر كوماندىسىنىڭ ساھىپخانلىقىدا باشلانغان  بولۇپ، بۇ يىل شىۋېتسىيىدىكى “ئۇيغۇرىستان” پۇتبول كوماندىسى ساھىپىخانلىقنى ئۈستىگە ئالغان.

ئاي يۇلتۇزلۇق كۆك بايراققا سىمۋول قىلىنغان  كىيىم كىيگەن قىزلارنىڭ باشلاش ئۇسۇلى بىلەن مەيدان ئېچىلدى. ئارقىدىن كۈرەش كۈسەن ئىجادىيىتىدىكى “شەرقى تۈركىستان مارشى”نىڭ سادالىرى ئىچىدە ئىككى دۆلەت كوماندىلىرى مەيدانغا  كىرىپ كەلدى.

مۇسابىقە داغدۇغا، ھاياجان ۋە قىزغىن كەيپىيات ئىچىدە باشلاندى. دوستانە، ئەمما جىددىي ۋە كەسكىن ھالەتتە توپ ئويناۋاتقان ئەزىمەتلەرنىڭ ماھارەتلىرى توپ كۆرەرمەنلىرىنى ھاياجانغا  سالغان ئىدى.

تەپسىلاتى...

ئاۋسترالىيىنىڭ سېدنىي شەھىرىدە 5-ئىيۇل قىرغىنچىلىقىنىڭ بىر يىللىقى خاتىرىلەندى

2010-يىلى 7-ئاينىڭ 5-كۈنى
د ئۇ ق تەشۋىقات مەركىزى

ئاۋسترالىيىنىڭ سېدنىي شەھىرىدە 2010-يىلى 5-ئىيۇل كۈنى دۇنيا ئۇيغۇر قۇرۇلتىيىنىڭ (د ئۇ ق) چاقىرىقىغا بىنائەن ئاۋسترالىيە ئۇيغۇر جەمئىيىتىنىڭ ئورۇنلاشتۇرۇشىدا نامايىش پائالىيىتى ئېلىپ بېرىلدى. 50 دەك ئادەم قاتناشقان مەزكۇر پائالىيەت سېدنىي شەھىرىدىكى ئەڭ ئاۋات كوچىغا جايلاشقان تاۋىن ھول مەيدانىدا ئېلىپ بېرىلدى.

نامايىش جەريانىدا نامايىشچىلارنىڭ ياڭراق شوئارلىرى سېدنىينىڭ بۇ ئاۋات كوچىسىنى لەرزىگە كەلتۈرۈپ، يولدىن ئۆتكەن-كەچكەنلەرنىڭ دىققىتىگە ئوتكەن يىلى ۋەتىنىمىز شەرقىي تۈركىستاندا 5-ئىيۇل يۈز بەرگەن قانلىق قىرغىنچىلىققا تارتتى.

نامايىش جەريانىدا نامايىشچىلار 2009-يىلى 5-ئىيۇل قىرغىنچىلىقىغا ئاتاپ ئىشلەپ چىققان ئۆزگىچە تارتتى كوچىدىكى ئۆتكەن-كەچكەنلەرگە تارقاتتى. كارتىغا ئوتكەن يىلى تانكا ۋە برونېۋىك ئاپتوموبىل بىلەن چىش-تىرنىقىغىچە قوراللانغان  خىتاي ئەسكەرلىرىنىڭ ئالدىغا دادىل يۈرۈش قىلىپ، ئۇيغۇرلارنىڭ مەڭگۈ سۇنماس روھىنى نامايان قىلغان ئۇيغۇر ئايالنىڭ سۈرىتى بېرىلگەن. ئۇيغۇرلارنىڭ خىتايغا بولغان قارشىلىقىنى جانلىق ئەكس ئەتتۈرىدىغان بۇ سۈرەت ئوز نۆۋىتىدە ئۇيغۇرلارنىڭ ھازىرقى سىياسىي قىسمىتىنى تولۇق ئىپادە قىلغان بولۇپ، ئاۋسترالىيە تاشقى ئىشلار مىنىستىرى سىتىفان شىمىت پوچتا ئارقىلىق بىۋاسىتە يوللىنىدىغان قىلىپ لايىھىلىگەن. ھەر بىر شەخس نامىدىن ئاۋسترالىيە تاشقى ئىشلار مىنىستىرلىكىگە يوللىنىدىغان مەزكۇر كارت ئاۋسترالىيە ھۆكۈمىتىدىن رايونلۇق ۋە خەلقئارالىق كۈچ سۈپىتىدە خىتايغا 5-ئىيۇل قىرغىنچىلىقى مەسىلىسىدە خەلقئارالىق تەكشۈرۈشىنى قوبۇل قىلىش ھەققىدە بېسىم ئىشلىتىشكە چاقىرىشنى ئوز ئىچىگە ئالغان.

تەپسىلاتى...

نورۋېگىيىدە “5-ئىيۇل ئۈرۈمچى قىرغىنچىلىقى”نى خاتىرىلەش نامايىشى ئۆتكۈزۈلدى

نورۋېگىيە ئۇيغۇر كومىتېتى تەشۋىقات بۆلۈمى
2010-يىلى 7-ئاينىڭ 5-كۈنى، ئوسلو شەھىرى

ئوتكەن يىلى ئۈرۈمچىدە يۈز بەرگەن 5-ئىيۇل قىرغىنچىلىقىغا دەل بىر يىلى توشقان كۈندە، دۇنيا ئۇيغۇر قۇرۇلتىيىنىڭ چاقىرىقى ھەمدە نورۋېگىيە ئۇيغۇر كومىتېتىنىڭ بىۋاسىتە ئورۇنلاشتۇرۇشى بىلەن، نورۋېگىيىنىڭ پايتەختى ئوسلو شەھىرىدە  خىتايغا قارشى داغدۇغىلىق نامايىشى ئۆتكۈزدى.

قوللىرىدا ئاي-يۇلتۇزلۇق كۆك بايراق، چوڭ كىچىك پلاكات ۋە لوزۇنكىلارنى كۆتۈرگەن نامايىشچىلار قوشۇنى داغدۇغا بىلەن ئوسلو مەركىزى پويىز ئىستانسىسى ئالدىدىن شەھەر مەركىزىدىكى كارل يوھان كوچىسىغا قاراپ يۈرۈش باشلىدى. نامايىشچىلار قوشۇنى يۈرۈش داۋامىدا جاراڭلىق ئاۋاز بىلەن، ئىنگلىزچە ۋە نورۋىكچە تىللاردا “خىتايلار تېررورىست!، خىتايلار دىكتاتور!، ..ئۇيغۇرلارغا ئەركىنلىك!” دېگەندەك شوئارلارنى توۋلاپ كوچا ئەتراپنى لەرزىگە سالدى.

تەپسىلاتى...

فىنلاندىيىدە 5 – ئىيۇل ئۈرۈمچى قىرغىنچىلىقىغا قارشى نامايىش

د ئۇ ق تەشۋىقات مەركىزى
2010-يىلى 7-ئاينىڭ 4-كۈنى

مىللىي رەھبىرىمىز رابىيە خانىم رىياسەتچىلىكىدىكى دۇنيا ئۇيغۇر قۇرۇلتىيىنىڭ چاقىرىقىغا ئاساسەن، دۇنيانىڭ ھەرقايسى ئەللىرىدىكى ئۇيغۇر تەشكىلاتلىرى ۋە ئۇيغۇر جامائەتلىرى، 5 – ئىيۇل ئۈرۈمچى قىرغىنچىلىقىنىڭ 1 – يىللىقىنى خاتىرىلەش ۋە خىتاي ھاكىمىيىتىگە قايتا نارازىلىق بىلدۈرۈش ھەرىكىتىنى ئومۇمىي يۈزلۈك باشلىۋەتتى.

شۇ قاتاردا تۈنۈگۈن، يەنى، 7 – ئاينىڭ 2 – كۈنى، فىنلاندىيىدە ياشاۋاتقان ئۇيغۇرلار تەشكىللىنىپ، 5 – ئىيۇل ئۈرۈمچى قىرغىنچىلىقىنىڭ 1 – يىللىقى مۇناسىۋىتى بىلەن خىتايغا قارشى نارازىلىق نامايىشى ئۆتكۈزدى.

فىنلاندىيىنىڭ پايتەختى ھېلسىنكىدىكى دۇنياغا مەشھۇر ماننەر ھەيكىلى ئالدىدا باشلانغان  نامايىشقا، فىنلاندىيىدە ياشاۋاتقان ئۇيغۇرلاردىن باشقا يەنە فىنلاندىيىلىك دوستلار، تۈركلەر، چېچەنلەر، ئەزەربەيجانلىقلار، ئەرەبلەر ۋە ئافرىقىلىق دوستلارمۇ ئۇيغۇر نامايىشچىلار سەپىدىن ئورۇن ئالدى.

ماننەر مەيدانىغا توپلانغان  نامايىشچىلار، ئەتراپتىكى ئاممىغا خىتاي ھاكىمىيىتىنىڭ ئۆتكەن يىلى 5 – ئىيۇل كۈنى ئۈرۈمچىدە ئۇيغۇرلارغا قارىتا ئېلىپ بارغان ئىرقىي قىرغىنچىلىقى ۋە خىتاي ھاكىمىيىتىنىڭ ئۇيغۇرلارغا قارىتا يۈرگۈزۈۋاتقان زۇلۇم ۋە بېسىم سىياسىتى تونۇشتۇرۇلغان تەشۋىقات ۋاراقلىرىنى تارقاتتى، شۇنداقلا بۇ ھەقتە قىسقا نۇتۇقلار سۆزلىدى.

” قاتىل خىتاي، قىرغىنچىلىقنى توختات ” دەپ شوئار توۋلاشقان نامايىشچىلار قوشۇنى، ئاي – يۇلتۇزلۇق كۆك بايراقنى ۋە لوزۇنكىلارنى ئېگىز كۆتۈرۈشۈپ، ھېلسىنكىدىكى ياۋروپا پارلامېنتى مەركىزى بىناسىغا يۈرۈش قىلدى، بۇ يەردە خىتايغا قارشى بىر پەس شوئار توۋلاشقان نامايىشچىلار، ياۋروپا پارلامېنتىنى ئۇيغۇرلارغا قارىتىلغان زۇلۇم ۋە قىرغىنچىلىق سىياسىتىنى توختىتىش ھەققىدە خىتايغا بېسىم ئىشلىتىشكە چاقىردى.

تەپسىلاتى...