2 – نۆۋەتلىك دۇنيا شەرقىي تۈركىستانلىق قېرىنداشلار ئۇچرىشىشى داۋاملىشىۋاتىدۇ

ر ف ئا خەۋىرى
2010-ئاينىڭ 07-ئاينىڭ 09-كۈنى

شەرقىي تۈركىستان مائارىپ ۋە ھەمكارلىق جەمىيىىتىنىڭ ئۇيۇشتۇرۇشى بىلەن 2010 – يىلى 7 – ئاينىڭ 7 – كۈنى ئىستانبۇلدىكى زەيتىنبۇرنۇ رايونلۇق ھۆكۈمەتكە قاراشلىق ئاقدېڭىز يىغىن زالىدا 2 – نۆۋەتلىك دۇنيا شەرقىي تۈركىستانلىق قېرىنداشلار ئۇچرىشىشى ناملىق يىغىننىڭ ئېچىلىش مۇراسىمى ئۆتكۈزۈلدى.

بۇ يىغىننىڭ كېيىنكى قىسمى تۈركىيىنىڭ يالوۋا شەھىرىدىكى ساياھەت رايونىدا داۋام قىلىۋاتىدۇ، ئىگىلىنىشىچە، بۇ يىغىن 7 – ئاينىڭ 12 – كۈنىگىچە 6 كۈن داۋام قىلىدىكەن.

بۇ يىغىنغا  گېرمانىيە، گوللاندىيە، نورۋېگىيە، شۋېتسىيە، شۋېتسارىيە، سەۇدىي ئەرەبىستان ۋە قازاقىستان قاتارلىق 16 دۆلەتتىن ئۇيغۇر ۋەكىللەر ۋە مۇھىم شەخسلەر تەكلىپ بىلەن قاتناشتى.

يىغىننىڭ ئېچلىش مۇراسىمى قۇرئان كەرىم تىلاۋەت قىلىش ۋە ئىستىقلال مارشى ئوقۇش بىلەن باشلاندى. يىغىندا شەرقىي تۈركىستان مائارىپ ۋە ھەمكارلىق جەمئىيىتىنىڭ رەىسى ھىدايەتۇللاھ ئوغۇزخان ئېچىلىش نوتىقى سۆزلىدى ۋە بۇ يىغىنىنى ئۇيۇشتۇرۇشتىكى ئاساسىي مەقسىتى شۇنداقلا بۇ يىغىننىڭ ئۇيغۇرلارغا بولغان ئەھمىيىتى ھەققىدە توختالدى.

تەپسىلاتى...

ميۇنخېندىكى مارىيا پلازا مەيدانىدا 5 – ئىيۇل ئۈرۈمچى ۋەقەسى رەسىم كۆرگەزمىسى ئېچىلماقتا

ر ف ئا خەۋىرى
2010-يىلى 07-ئاينىڭ 09-كۈنى

گېرمانىيە ئۇيغۇر ئاياللىرى كومىتېتى 7 – ئىيۇلدىن باشلاپ ميۇنخېن شەھىرىدىكى مارىيا پلازا مەركىزى ساياھەت رايونىدا 5 – ئىيۇل ۋە 7 – ئىيۇل ۋەقەلىرىنى ئەكس ئەتتۈرىدىغان 3 كۈنلۈك رەسىم كۆرگەزمىسى نامايىشى ئۆتكۈزمەكتە. ئۇلار بۇ ئارقىلىق گېرمان خەلقىنىڭ دىققىتىنى ئۈرۈمچى ۋەقەسى ۋە ئۇيغۇر مەسىلىسىگە تارتىشقا تىرىشماقتا.

تەپسىلاتى...

خەلقئارا ئۇيغۇر كىشىلىك ھوقۇق ۋە دېموكراتىيە فوندى جەمئىيىتى ئاقساراي ئالدىدا 5 – ئىيۇل ۋەقەسىنى خاتىرىلەش پاالىيىتى ئېلىپ بارماقتا

ر ف ئا خەۋىرى
2010-يىلى 07-ئاينىڭ 08-كۈنى

5 – ئىيۇل ۋەقەسىنىڭ بىر يىللىقى مۇناسىۋىتى بىلەن خەلقئارا ئۇيغۇر كىشىلىك ھوقۇق ۋە دېموكراتىيە فوندى جەمئىيىتى ئامېرىكا پايتەختى ۋاشىڭتون شەھىرىدىكى پرېزىدېنت ئوبامانىڭ تۇرالغۇ جايى ۋە خىزمەت بىناسى ھېسابلىنىدىغان ئاقساراينىڭ ئالدىدىكى باغچىدا 5 – ئىيۇل ۋەقەسىنى خاتىرىلەش – تەشۋىقات پائالىيىتىنى باشلىدى. پائالىيەتنى ئۇيۇشتۇرغۇچىلاردىن بىرى زۇبەيدە خانىمنىڭ بىلدۈرۈشىچە، مەزكۇر پائالىيەتكە 5 – ئىيۇل ۋەقەسىگە ئاىت 400 پارچىدىن ئارتۇق سۈرەت قويۇلغان بولۇپ، سۈرەتلەرگە ئىڭلىز تىلىدا چۈشەندۈرۈش بېرىلگەن.

زىيارىتىمىزنى قوبۇل قىلغان مەزكۇر پائالىيەتكە قاتناشقان ئۇيغۇر يىگىت ئۆزىنىڭ بۇ پائالىيەتكە قاتنىشىشىدىكى سەۋەبنى چۈشەندۈرۈپ، بۇنىڭدا ئۆزىنىڭ 5 – ئىيۇل كۈنىدە ساقچىلارنىڭ ئۇيغۇر ياشلىرىنى قانداق باستۇرغانلىقىنى ئۆز كۆزى بىلەن كۆرگەنلىكى ۋە بۇنىڭدىن قاتتىق غەزەپلەڭەنلىكى مۇھىم رول ئوينىغانلىقىنى بىلدۈردى.

يەنە بىر نەپەر قىز بولسا، 7 – ئىيۇل كۈنى ساقچىلارنىڭ خىتاي پۇقرالىرىنىڭ ئۇيغۇرلارنى ئۇرۇپ ۋە ئۆلتۈرۈشىنى توسماستىن، ئۇلارغا يول قويغانلىقىنىڭ ئۆزىنى ئىنتايىن غەزەپلەندۈرگەنلىكىنى تەكىتلىدى.

تەپسىلاتى...

رابىيە قادىر خانىمنىڭ “5 – ئىيۇل”نى خاتىرىلەش نامايىشىدا مۇخبىرلارغا بەرگەن جاۋابلىرى

ر ف ئا خەۋىرى
2010-يىلى 07-ئاينىڭ 07-كۈنى

5 – ئىيۇل ۋەقەسىنىڭ مەيلى دۇنيا جامائىتى، مەيلى ئۇيغۇر جەمئىيىتىدە قالدۇرغان ئەڭ چوڭ ئۇنتۇلماس خاتىرىسى ۋەقەنىڭ توقۇنۇش قىسمىدۇر. ۋەقەدە قانچىلىك كىشى ئۆلدى؟ ئۆلگۈچىلەرنىڭ مىللەت تەركىبى قانداق؟ زوراۋانلىق قانداق كېلىپ چىقتى؟ مانا بۇ 5 – ئىيۇل ھەققىدە جاۋابى ئېنىقسىز قالغان ۋە دۇنيا بىلىشكە قىزىقىۋاتقان سواللاردۇر.

ئەمما خىتاي ھۆكۈمىتى مۇستەقىل تەكشۈرۈشنى رەت قىلىش ئارقىلىق، مەزكۇر مەلۇماتلارنى يوشۇرۇپ كەلمەكتە. خىتاي ۋەقەنىڭ ھەقىقىي ئەھۋالىنى يوشۇرۇش بىلەن بىللە نامايىشچىلارنى زوراۋانلىق بىلەن ئەيىبلىمەكتە ۋە ۋەقەنىڭ خاراكتېرىنى بۇرمىلاپ كۆرسەتمەكتە. ئۇيغۇر مىللىي ھەرىكىتىنىڭ رابىيە قادىر خانىم، نامايىش كۈنى مۇخبىرلارنىڭ بۇ ھەقتىكى سوالىغا جاۋاب بەردى.

رابىيە خانىمنىڭ قارىشىچە، 5 – ئىيۇل نامايىشى، ئۇيغۇرلارنىڭ شاۋگۇەن قانلىق ۋەقەسىنى سۈرۈشتە قىلىش، ۋە خىتاينىڭ 60 يىللىق تەڭسىز سىياسىتىگە نارازىلىق بىلدۈرۈشتىن ئىبارەت ھەققانىي ھەرىكەت. ئۇيغۇر ياشلىرى بۇ كۈنى قان تۆكۈلۈشتىن ساقلىنىش ئۈچۈن بارلىق تىرىشچانلىقنى كۆرسەتكەن؛ ھەتتا ئىرادىسىگە پۈتۈنلەي خىلاپ ھالدا 5 يۇلتۇزلۇق قىزىل بايراق كۆتۈرۈپ چىققان؛ نامايىش باشلانغاندا  نامايىشچىلارنىڭ قولىدا ھېچقانداق بىر زوراۋانلىق قورالى بولمىغان. بىراق خىتاي ھۆكۈمىتى تىنچلىق بىلەن بىر تەرەپ قىلىش تامامەن مۇمكىن بولغان بىر نامايىشنى زوراۋانلىق بىلەن توقۇنۇشقا ئايلاندۇرغان؛ شۇڭا 5 – ئىيۇل كۈنى ئۆلگەن ھەر ئىككى مىللەت پۇقرالىرىنىڭ جاۋابكارى خىتاي ھۆكۈمىتى.

تەپسىلاتى...

ئۇيغۇرلار ئىستانبۇلدىكى خىتاي كونسۇلخانىسى ئالدىدا نامايىش قىلدى

ر ف ئا خەۋىرى
2010-يىلى 07-ئاينىڭ 07-كۈنى

ئۈرۈمچى ۋەقەسىنىڭ بىر يىللىقى مۇناسىۋىتى بىلەن دۇنيانىڭ ھەر قايسى جايلىرىدا ياشاۋاتقان ئۇيغۇرلار نامايىش قىلماقتا. شۇ جۈملىدىن ئىستانبۇلدا ياشاۋاتقان ئۇيغۇرلارمۇ خىتاينىڭ ئىستانبۇلدىكى كونسۇلخانىسى ئالدىغا يىغىلىپ، نامايىش قىلدى.

7 – ئاينىڭ 4 – كۈنى ئىستانبۇلدا ياشاۋاتقان ئۇيغۇرلاردىن مىڭدىن ئارتۇق كىشى ئىستانبۇلنىڭ تاكسىم مەيدانىغا توپلىنىپ نامايىش قىلغان ئىدى. 2010 – يىلى 7 – ئاينىڭ 5 – كۈنى ئۈرۈمچى قىرغىنچىلىقىنىڭ بىر يىللىقى مۇناسىۋىتى بىلەن، شەرقىي تۈركىستان مۇنبىرى نام ئاستىدا پائالىيەت قىلىۋاتقان شەرقىي تۈركىستان ئاممىۋى تەشكىلاتلارنىڭ بىرلىكتە ئۇيۇشتۇرۇشى بىلەن ئىستانبۇلدىكى خىتاي كونسۇلخانىسى ئالدىدا نامايىش ئۆتكۈزۈلدى.

نامايىشقا ئىستانبۇلدا ياشاۋاتقان ئۇيغۇرلاردىن ئەر – ئايال بولۇپ كۆپ ساندا كىشى قاتناشتى. نامايىشقا يەنە “ئانادولۇ گەنچلىك جەمئىيىتى”، “ئالپەرەن ئوجاقلىرى” قاتارلىق كۆپلىگەن ئاممىۋى تەشكىلاتلار ئۇيغۇرلارنى قوللايدىغانلىقىنى ئىپادىلەپ نامايىشقا قاتناشتى، نامايىشقا كۆپلىگەن تۈركلەرمۇ ئىشتىراك قىلدى.

تەپسىلاتى...

گېرمانىيدىكى ئۇيغۇر ئاياللىرىنىڭ نامايىشى مۇۋەپپەقىيەتلىك باشلاندى

د ئۇ ق تەشۋىقات مەركىزى
2010-يىلى 7-ئاينىڭ 8-كۈنى

ھەممىگە مەلۇم بولغىنىدەك، 7 – ئىيۇل كۈنىمۇ شەرقىي تۈركىستان خەلقى ئۈچۈن زور تارىخىي ئەھمىيەتكە ئىگە ئۇنتۇلماس كۈنلەرنىڭ بىرىدۇر.

چۈنكى، 5 – ئىيۇلدىكى قىرغىنچىلىق جەريانىدا  مۇستەبىت خىتاي ھاكىمىيىتى تەرىپىدىن ۋەھشىيلەرچە ئۆلتۈرۈلگەن ۋە تۇتقۇن قىلىنغان  ئوغۇل – قىزلىرىنىڭ، دادىلىرىنىڭ، شۇنداقلا ئەرلىرىنىڭ ئاقىۋىتىنى ۋە ئىز – دېرىكىنى سۈرۈشتۈرۈش مەقسىتىدە بىر توپ ئۇيغۇر ئايال كۆزلىرى قان – ياش ھالدا ئۈرۈمچى كوچىلىرىغا چىقىپ نامايىش قىلغان ۋە ئۆزلىرىنى باستۇرۇشقا كەلگەن خىتاي ئەسكەرلىرىگە قارشى قەھرىمانلارچە تىركەشكەن ئىدى.

تەپسىلاتى...

گوللاندىيىدىكى نامايىش مۇۋەپپەقىيەتلىك ئۆتكۈزۈلدى

د ئۇ ق تەشۋىقات مەركىزى
2010-يىلى 7-ئاينىڭ 7-كۈنى

د ئۇ ق نىڭ چاقىرىقى ۋە بىر تۇتاش ئورۇنلاشتۇرۇشىغا ئاساسەن، گوللاندىيىدىكى ئۇيغۇر قېرىنداشلىرىمىز 5 – ئىيۇل ئۈرۈمچى قىرغىنچىلىقىنىڭ 1 – يىللىقى مۇناسىۋىتى بىلەن خىتايغا قارشى نارازىلىق نامايىشى ئۆتكۈزدى.

گوللاندىيىدىكى “شەرقىي تۈركىستان ئۇيغۇر بىرلىكى” تەرىپىدىن ئۇيۇشتۇرۇلغان ۋە دەنھاگ شەھىرىدىكى پارلامېنت مەيدانى ئالدىدا ئۆتكۈزۈلگەن بۇ قېتىمقى نامايىشقا، گوللاندىيىدە ياشاۋاتقان ئۇيغۇر قېرىنداشلىرىمىزدىن سىرت يەنە گوللاندىيە پارلامېنتىنىڭ بەزى ئەزالىرى، گوللاندىيە سوتسىيال پارتىيىنىڭ مەسئۇللىرى، دۇنيا ۋاكالەتسىز مىللەتلەر تەشكىلاتى ( ئۇنپو ) نىڭ مەسئۇللىرى ۋە گوللاندىيىدە پائالىيەت ئېلىپ بېرىۋاتقان خىتاي دېموكراتلىرىنىڭ ۋەكىللىرىمۇ قاتناشتى.

نامايىشتىن بىر كۈن بۇرۇن، يەنى، 7 – ئاينىڭ 4 – كۈنى گوللاندىيىدىكى قېرىنداشلار ئاپتوبۇس بىلەن كېچىچە 10 سائەتكە يېقىن يول يۈرۈپ فرانسىيىگە يېتىپ بېرىپ، د ئۇ ق تەرىپىدىن پارىژدا ئۆتكۈزۈلگەن بىرلەشمە نامايىشقا قاتناشقان ئىدى، ئۇلار پارىژدىكى نامايىشنى ئاخىرلاشتۇرۇپ يەنە كېچىچە يول يۈرۈپ 5 – ئىيۇل كۈنى گوللاندىيىگە يېتىپ كەلدى ۋە ھېرىپ – چارچىغىنىغا قارىماستىن گوللاندىيىدىكى نامايىشقا قاتناشتى.

تەپسىلاتى...

دانىيىدە 5 – ئىيۇل ئۈرۈمچى قىرغىنچىلىقى مۇناسىۋىتى بىلەن نامايىش ئۆتكۈزۈلدى

د ئۇ ق تەشۋىقات مەركىزى
2010-يىلى 7-ئاينىڭ 7-كۈنى

گەرچە دانىيىدە ياشاۋاتقان ئۇيغۇر قېرىنداشلىرىمىزنىڭ سانى ئىنتايىن ئاز بولسىمۇ، ئەمما ئۇلار مىللىي رەھبىرىمىز رابىيە قادىر خانىم باشچىلىقىدىكى د ئۇ ق نىڭ چاقىرىقى ۋە بىر تۇتاش ئورۇنلاشتۇرۇشىغا ئەمەل قىلىپ، 5 – ئىيۇل ئۈرۈمچى قىرغىنچىلىقىنىڭ 1 – يىللىقى مۇناسىۋىتى بىلەن دانىيىنىڭ پايتەختى كوپىنھاگىندىكى پارلامېنت بىناسى ئالدىدا خىتاي ھاكىمىيىتىنىڭ قىرغىنچىلىق سىياسىتىگە قارشى نامايىش ئۆتكۈزدى.

بۇ قېتىمقى نامايىش، دانىيىدە ئۇيغۇرلار تەرىپىدىن ئۇيۇشتۇرۇلغان تۇنجى قېتىملىق نامايىش ھېسابلىنىدۇ.

دانىيە پارلامېنت بىناسى ئالدىغا توپلانغان  نامايىشچىلار، شەرقىي تۈركىستاننىڭ ئاي – يۇلتۇزلۇق كۆك بايرىقىنى ئېگىز كۆتۈرۈشۈپ، خىتاي ھاكىمىيىتىنىڭ ئۆتكەن يىلى ئۈرۈمچىدە ئېلىپ بارغان ۋەھشىي قىرغىنچىلىقى ۋە ئۇيغۇرلارغا سېلىۋاتقان زۇلۇملىرى گەۋدىلەندۈرۈلگەن رەسىملىك تاختىلارنى رەتلىك تىزىپ، ئۆزلىرىنىڭ 5 – ئىيۇل قۇربانلىرىغا بولغان چوڭقۇر ئەسلىشىنى ۋە سېغىنىشىنى، شۇنداقلا كوممۇنىست خىتاي ھاكىمىيىتىگە بولغان غەزەپ – نەپرىتىنى بىلدۈرۈشتى.

تەپسىلاتى...

گېرمانىيىدە 5 – ئىيۇل قىرغىنچىلىقىغا قارشى كەڭ كۆلەملىك نامايىش ئۆتكۈزۈلدى

د ئۇ ق تەشۋىقات مەركىزى
2010-يىلى 7-ئاينىڭ 7-كۈنى

مىللىي رەھبىرىمىز رابىيە قادىر خانىم رىياسەتچىلىكىدىكى د ئۇ ق نىڭ، 5 – ئىيۇل ئۈرۈمچى قىرغىنچىلىقىنىڭ 1 – يىللىقىنى پۈتۈن دۇنيا مىقياسىدا بىر تۇتاش ھالدا داغدۇغا بىلەن خاتىرىلەش چاقىرىقىغا ئاساسەن، 5 – ئىيۇل كۈنى چەتئەللەردىكى ئۇيغۇرلار ياشاۋاتقان كۆپلىگەن ئەللەردە خىتاي ھاكىمىيىتىگە قارشى كەڭ كۆلەملىك نامايىشلار ئۇيۇشتۇرۇلدى.

تەپسىلاتى...

قىرغىزىستان ئۇيغۇر ئىتتىپاقى “5 – ئىيۇل ۋەقەسى” نى خاتىرىلەش پاالىيىتى ئۆتكۈزدى

ر ف ئا خەۋىرى
2010-يىلى 7-ئاينىڭ 6-كۈنى

قىرغىزىستاندىكى ئۇيغۇرلار 5 – ئىيۇل كۈنى پايتەخت بېشكەكتىكى بىر رېستورانغا  يىغىلىپ، ئۆتكەن يىلى ئۈرۈمچىدە يۈز بەرگەن 5″ – ئىيۇل ۋەقەسى”دە ھاياتىدىن ئايرىلغان ئۇيغۇرلارغا ئاتاپ دۇئا – تىلاۋەت ئېلىپ باردى.

بۇ پائالىيەتنى قىرغىزىستان ئۇيغۇر ئىتتىپاقى ئۇيۇشتۇرغان. ۋەقەدىن خەۋەردار كىشىلەر قىرغىزىستان ۋەزىيىتىدىكى مۇقىمسىزلىقنىڭ 5″ – ئىيۇل ۋەقەسى”نى خاتىرىلەشكە تەسىر كۆرسەتكەنلىكىنى، ئۇيغۇر ئىتتىپاقىنىڭ ۋەزىيەتنى كۆزدە تۇتۇپ، خاتىرىلەش پائالىيىتىنى بۇ شەكىلدە ئېلىپ بارغانلىقىنى بىلدۈرمەكتە.

تەپسىلاتى...