ميۇنخېندىكى ئۇيغۇرلار قۇربان ھېيت نامىزىنى بىرگە ئوقۇدى

ر ف ئا خەۋىرى
2011-يىلى 11-ئاينىڭ 6-كۈنى

ھەر يىلقىغا ئوخشاش، ميۇنخېندىكى ئۇيغۇرلار بۇ يىلقى قۇربان ھېيت نامىزىنى 6-نويابىر كۈنى د ئۇ ق نىڭ پائالىيەت زالىدا بىرگە ئوقۇدى. نامازدىن كېيىن، قازا قىلغان ئۇيغۇرلارنىڭ قەبرىسىنى يوقلاش ۋە ئۆزئارا پەتە قىلىش پائالىيەتلىرى ئېلىپ باردى.

بۇ قېتىمقى نامازغا 200 ئەتراپىدا ئۇيغۇر جامائىتى قاتناشقان ئىدى. نامازدىن كېيىن ئۇيغۇر جامائىتى ئەتراپتىكى ئۇيغۇر رېستورانلىرىنى پەتە قىلىپ، ئۆزئارا ھېيت كەيپىياتلىرىنى ئىپادىلىدى. ئاندىن بىر قانچە توپلارغا بۆلۈنۈپ، ھازىدار ئاىلىلەردىن ھال سوراش، قەبرىستانلىقلارنى زىيارەت قىلىش، ئۆزئارا ئۆيمۇ ئۆي پەتىلەپ قېرىنداشلىق مېھرىنى ئىپادىلەش پائالىيەتلىرىنى ئېلىپ باردى.

تەپسىلاتى...

نورۋېگىيىنىڭ بېرگىن شەھىرىدە كىشىلىك ھوقۇق تېمىسى بويىچە ئىلمىي مۇھاكىمە يىغىنى ئۆتكۈزۈلدى

ر ف ئا خۋەىرى
2011-يىلى 11-ئاينىڭ 6-كۈنى

4-نويابىر كۈنى نورۋېگىيىنىڭ بېرگىن شەھىرىدە رافتو كىشىلىك ھوقۇق فوندى جەمئىيىتىنىڭ 25 يىللىق خاتىرىسى مۇناسىۋىتى بىلەن چوڭ تىپتىكى ئىلمىي مۇھاكىمە يىغىنى ئېچىلدى.

تەپسىلاتى...

فرانسىيىنىڭ پارىژ شەھىرىدە خىتايغا قارشى نامايىش بولدى

ر ف ئا خەۋىرى
2011-يىلى 11-ئاينىڭ 4-كۈنى

فرانسىيىنىڭ پايتەختى پارىژ شەھىرىدىكى تۆمۈر مۇنارى يېنىدىكى چوڭ مەيداندا خىتايغا قارشى نامايىش بولدى.

نامايىش ساناەتلەشكەن ۋە تەرەققىي قىلىۋاتقان 20 دۆلەت رەھبەرلىرى يىغىنىغا قاتنىشىش ئۈچۈن فرانسىيىنىڭ كان شەھىرىگە كەلگەن خىتاي دۆلەت رەئىسى خۇ جىنتاۋغا ۋە خىتاينىڭ تىبەت ھەم ئۇيغۇرلارغا ئېلىپ بېرىۋاتقان بېسىم سىياسىتىگە نارازىلىق بىلدۈرۈش ئۈچۈن ئۆتكۈزۈلگەن. 11-ئاينىڭ 2-كۈنى چۈشتىن كېيىن سائەت ئۈچتە ئېلىپ بېرىلغان بۇ نامايىشقا تىبەتلەر، ۋيېتناملىقلار، شەرقىي تۈركىستانلىق ئۇيغۇرلار ۋە فىرانسىيە يېشىللار پارتىيىسىنىڭ پارلامېنت ئەزالىرىدىن بولۇپ 200 ئەتراپىدا كىشى قاتناشقان.

تەپسىلاتى...

گېرمانىيەدە جۇمھۇرىيەت بايرىمى ۋە قۇربان ھېيت پائالىيىتى ئۆتكۈزۈلىدۇ

ياۋروپا شەرقىي تۈركىستان بىرلىكى
2011-يىلى 11-ئاينىڭ 3-كۈنى

قەدىردان ئەجدادلىرىمىز ئىسسىق قانلىرى بەدىلىگە 1933 ۋە 1944-يىلى ئارقا-ئارقىدىن ئىككى قېتىم مۇستەقىل جۇمھۇرىيەت قۇرۇپ، شەرقىي تۈركىستان خەلقىنىڭ ھۆر ئىرادىسىنى نامايان قىلغان ئىدى. جۇمھۇرىيەت بايرىمىمىز، بۇ يىل مۇبارەك قۇربان ھېيتىمىز بىلەن ئاساسەن ئوخشاش ۋاقىتقا توغرا كەلگەنلىكى ئۈچۈن، 2011-يىلى 11-ئاينىڭ 13-كۈنى، گېرمانىيەنىڭ ميۇنخېن شەھىرىدە ياۋروپا شەرقىي تۈركىستان بىرلىكىنىڭ ساھىبخانىلىقىدا جۇمھۇرىيەت بايرىمى بىلەن قۇربان ھەيئىتى بىرلىكتە تەبرىكلەش پائالىيىتى ئېلىپ بېرىلىدۇ.

بۇ قوش بايرىمىمىزغا گېرمانىيەدىكى ۋە قوشنا دۆلەتلەردىكى بارلىق شەرقىي تۈركىستانلىق قېرىنداشلىرىمىزنى تەكلىپ قىلىشتىن خۇشاللىق ھېس قىلىمىز.

تەپسىلاتى...

رابىيە قادىر خانىم نورۋېگىيىنىڭ يۇقىرى دەرىجىلىك ئەمەلدارلىرى بىلەن كۆرۈشتى

ر ف ئا خەۋىرى
2011-يىلى 11-ئاينىڭ 2-كۈنى

رابىيە قادىر خانىم بەرگىن شەھىرىدىكى ئىككىنچى كۈنىدە، نورۋېگىيىنىڭ چەتەللىكلەرنى باشقۇرۇش ئىدارىسى ۋە ھەر قايسى دۆلەتلەرنىڭ ئەھۋالىدىن مەلۇمات ئېلىش ئىدارىسىنىڭ مەسئۇللىرى بىلەن سۆھبەتلەشتى.

تەپسىلاتى...

ئاۋسترىيىدە خىتايغا قارشى نامايىش بولدى

ر ف ئا خەۋىرى
2011-يىلى 11-ئاينىڭ 1-كۈنى

د ئۇ ق رەھبەرلىكىدە ميۇنخېندىن كەلگەن ھەمدە ئاۋسترىيىدە ياشاۋاتقان ئۇيغۇرلار، تىبەتلىكلەر، فالۈڭۇڭچىلار بىلەن بىرلىكتە ئاۋسترىيىنىڭ ۋېنا ۋە سالزبۇرگ شەھەرلىرىدە نارازىلىق نامايىشى ئۇيۇشتۇرغان.

خىتاي رەئىسى خۇ جىنتاۋ ئاۋسترىيىدىكى ئۈچ كۈنلۈك زىيارىتىنى 30-ئۆكتەبىر باشلىغان بولۇپ. 31-ئۆكتەبىر كۈنى ئاۋسترىيىنىڭ ۋېنا شەھىرىدە ئۆتكۈزۈلگەن نامايىش مەيدانىدىن تېلېفون زىيارىتىمىزنى قوبۇل قىلغان د ئۇ ق مۇئاۋىن رەئىسى ئەسقەرجان ئەپەندى، بۇ قېتىم نامايىش توغرىسىدا مەلۇمات بەردى. نامايىشقا ئىشتىراك قىلغان ئاۋسترىيىنىڭ ۋېنا شەھىرىدە ياشاۋاتقان ماھىرە خانىممۇ بۇ قېتىمقى نامايىش توغرىسىدا ئۆز تەسىراتلىرىنى بىلدۈرۈپ ئۆتتى.

تەپسىلاتى...

ئاۋسترىيىدە ئۇيغۇر ۋە تىبەتلىك نامايىشچىلار بىلەن خىتاي نامايىشچىلار ئارىسىدا ماجىرا يۈز بەردى

ر ف ئا خەۋىرى
2011-يىلى 11-ئاينىڭ 1-كۈنى

فرانسىيىدە ئۆتكۈزۈلىدىغان ساناەتلەشكەن 20 دۆلەت يىغىنىغا قاتنىشىش ئۈچۈن ياۋروپاغا يېتىپ كەلگەن خىتاي دۆلەت باشلىقى خۇ جىنتاۋ تۈنۈگۈن ئاۋسترىيىدە زىيارەتتە بولدى.

فىرانسىيە ئاخبارات ئاگېنتلىقىنىڭ بىلدۈرۈشىچە، خۇ جىنتاۋنىڭ زىيارىتى داۋامىدا، خىتايغا قارشى ۋە خىتاينى قوللىغۇچى نامايىشچىلار ئارىسىدا ماجىرا كېلىپ چىققان. ئەمما خەۋەردە ماجىرانىڭ كونكرېت شەكلى ۋە ئاقىۋىتى ھەققىدە مەلۇمات بېرىلمىگەن.

دۇنيا ئۇيغۇر قۇرۇلتىيى مەسئۇللىرىنىڭ بىلدۈرۈشىچە، بۇ قېتىم خۇ جىنتاۋغا قارشى نامايىشچىلار ئاساسلىقى ياۋروپادىكى تىبەت ۋە ئۇيغۇر پاالىيەتچىلىرىدىن تەشكىللەڭەن. خۇ جىنتاۋنى قوللىغۇچىلار بولسا، خىتاي ئەلچىخانىسى تەرىپىدىن تەشكىللەڭەن ۋە بىر كۈنلۈك خىزمەت خىراجىتى بېرىلگەن خىتاي ئوقۇغۇچىلاردىن تەشكىللەڭەن.

ئۇيغۇر ۋە تىبەت نامايىشچىلار، خىتاينىڭ ئۆز رايونلىرىدىكى باستۇرۇش سىياسەتلىرىنى تەنقىد قىلىپ شوئار توۋلىغان، بايانات ئېلان قىلغان. خىتاي نامايىشچىلار بولسا خىتاي كومپارتىيىسىنىڭ ئىجرااتلىرىغا مەدھىيە ئوقۇغان.

تەپسىلاتى...

رابىيە قادىر خانىم خىزمەت زىيارىتى ئۈچۈن نورۋېگىيىگە يېتىپ كەلدى

ر ف ئا خەۋىرى
2011-يىلى 10-ئاينىڭ 31-كۈنى

بۈگۈن ئەتىگەن د ئۇ ق رەئىسى رابىيە قادىر خانىم بىلەن د ئۇ ق نىڭ ياۋروپا ئىتتىپاقىدا تۇرۇشلۇق ۋەكىلى مەمەت توختى ئەپەندى خىزمەت زىيارىتى ئۈچۈن نورۋېگىيىنىڭ بەرگىن شەھىرىگە يىتىپ كەلدى.

تەپسىلاتى...

رابىيە قادىر خانىم 2011-يىللىق رافتو مۇكاپاتى مۇراسىمىغا قاتنىشىش ئۈچۈن نورۋېگىيىگە يېتىپ باردى

ر ف ئا خەۋىرى
2011-يىلى 10-ئاينىڭ 31-كۈنى

ئۇيغۇر مىللىي ھەرىكىتىنىڭ يول باشچىسى رابىيە قادىر خانىم، 2011-يىللىق رافتو مۇكاپات مۇراسىمىغا قاتنىشىش ئۈچۈن، تۈنۈگۈن ۋاشىنگتوندىن يولغا چىقىپ، بۈگۈن يەنى دۈشەنبە كۈنى نورۋېگىيىگە يېتىپ باردى.

رافتونىڭ مۇكاپات مۇراسىمى 11-ئاينىڭ 6-كۈنى ئۆتكۈزۈلىدۇ. مۇراسىمنىڭ ئالدىدا يەنى 3 ‏-نويابىردىن 5-نويابىرغىچە، رافتو مۇكاپات كومىتېتىنىڭ ئۇيۇشتۇرۇشىدا مۇھاكىمە يىغىنلىرى ئېچىلىپ، دۇنيانىڭ نۆۋەتتىكى ئىنسان ھەقلىرى مەسىلىلىرى مۇزاكىرە قىلىنىدۇ.

بۇ يىللىق رافتو مۇكاپاتى ئۇگاندالىق ئىنسان ھەقلىرى پاالىيەتچىسى، جىنسىي ئاز سانلىقلار تەشكىلاتىنىڭ رەھبىرى فرانك مۇگىشاغا بېرىلگەن.

ئامېرىكا ئۇيغۇر بىرلەشمىسىنىڭ بىلدۈرۈشىچە، رابىيە خانىم بۇ قېتىمقى يىغىن جەريانىدا ئۇيغۇرلار نۆۋەتتە دۇچ كېلىۋاتقان سىياسىي، ئىجتىمائىي مەسىلىلەرنى ئوتتۇرىغا قويىدۇ؛ خىتاينىڭ ئۇيغۇرلار ئۈستىدىن يۈرگۈزۈۋاتقان باستۇرۇش سىياسەتلىرىنى پاش قىلىدۇ.

تەپسىلاتى...

ئاۋسترالىيىدە ئۇيغۇرلار ھەققىدە ئىلمىي مۇھاكىمە يىغىنى

ر ف ئا خەۋىرى
2011-يىلى 10-ئاينىڭ 30-كۈنى

ئاۋسترالىيەنىڭ كامبېرا شەھىرىگە جايلاشقان ئاۋسترالىيە دۆلەت ئۇنىۋېرسىتېتى 3-4-نويابىر كۈنلىرى ئۇيغۇر ئېلىنىڭ مەۋجۇت سىياسىي، ئىجتىماىي-ئىقتىسادىي ، مەدەنىيەت ۋە باشقا مەسىلىلىرى بويىچە بىر ئىلمىي مۇھاكىمە يىغىنى ئۆتكۈزۈشنى قارار قىلغان بولۇپ، مەزكۇر ئۇنىۋېرسىتېتنىڭ ئۇچۇرىدىن مەلۇم بولۇشىچە، بۇ مۇھاكىمە يىغىندا ئامېرىكا، ئاۋسترالىيە، ياپونىيە ۋە باشقا مەملىكەتلەرنىڭ ئۇيغۇرشۇناسلىرى ئۆزلىرىنىڭ ئىلمىي دوكلاتلىرىنى ئوقۇيدىكەن.

مەلۇم بولۇشىچە ئۇزۇندىن بۇيان ئۇيغۇرشۇناسلىق ساھەسىدە تەتقىقات قىلىپ كېلىۋاتقان 10 نەچچە نەپەر مۇتەخەسسىس يىغىندا ئۆز دوكلاتلىرىنى ئوقۇيدىكەن.

تەپسىلاتى...