د ئۇ ق ئىجرائىيە كومىتېتى يىغىنىدا مۇھىم قارارلار قوبۇل قىلىندى

ئەركىن ئاسىيا خەۋىرى
2018 – يىلى  25-ئاپرېل

23-ئاپرېل بېلگىيەنىڭ ئانتىۋېرفېن شەھىرىدە داۋاملاشقان د ئۇ ق ئىجرائىيە كومىتېتىنىڭ كېڭەيتىلگەن يىغىنىدا ئىجرائىيە كومىتېتى تەركىبىدىكى ھەرقايسى بۆلۈملەرنىڭ 2018-يىلىنىڭ ئىككىنچى يېرىمىدا ئېلىپ بېرىشى پىلانلانغان خىزمەت لايىھىلىرى كۆزدىن كۆچۈرۈلۈپ، چوقۇم ئەمەلىيلەشتۈرۈش ۋە ئىجرا قىلىنىش كۈنتەرتىپكە قويۇلغان مەزمۇنلار ھەققىدە مۇھىم قارارلار قوبۇل قىلىندى.

تەپسىلاتى...

خىتاي ئۇيغۇرلارغا قارىتىلغان بېسىم سىياسىتىنى توختىتىشقا چاقىرىلغان

ئەركىن ئاسىيا خەۋىرى
2018 – يىلى  25-ئاپرېل

24-ئاپرېل ياۋروپا پارلامېنتىدا ئۆتكۈزۈلگەن يىغىندا ئۇيغۇرلارنىڭ نۆۋەتتىكى ئېغىر ۋەزىيىتى توغرىسىدا مەلۇمات بېرىلگەن. ياۋروپا پارلامېنتى ئۇيغۇرلارغا قارىتا يۈرگۈزۈلۈۋاتقان بېسىم سىياسىتىنى توختىتىش ئۈچۈن خىتايغا بېسىم ئىشلىتىشكە چاقىرىلغان.

«شى جىنپىڭ ھاكىمىيىتىدىكى خىتايدا دىنىي ئەركىنلىك ۋە كىشىلىك ھوقۇق» ماۋزۇلۇق يىغىننى ياۋروپا پارلامېنتى كونسېرۋاتىپ گۇرۇپپىسى تەرىپىدىن ئۇيۇشتۇرۇلغان.

تەپسىلاتى...

د ئۇ ق ئىجرائىيە كومىتېتىنىڭ يىغىنى باشلاندى

ئەركىن ئاسىيا خەۋىرى
2018 – يىلى  24-ئاپرېل

د ئۇ ق نىڭ ئۆتكەن يىلى چاقىرىلغان 6-نۆۋەتلىك پەۋقۇلئاددە قۇرۇلتىيىدىن كېيىنكى تۇنجى نۆۋەتلىك ئىجرائىيە كومىتېتى كېڭەيتىلگەن يىغىنى بېلگىيەنىڭ ئانتىۋېرفېن شەھىرىدە 22-ئاپرېل چۈشتىن كېيىن باشلاندى.

مەلۇم بولۇشىچە، يىلدا ئىككى قېتىم ئىجرائىيە كومىتېتى يىغىنى چاقىرىش ئىشى د ئۇ ق نىڭ نىزامنامىسىدە بەلگىلەنگەن بولۇپ، بۇ يىغىنلاردا ئالدىنقى يېرىم يىللىق خىزمەتلەر خۇلاسە قىلىنىش بىلەن بىرگە كەلگۈسى 6 ئايلىق خىزمەتلەرنىڭ پىلان-پروگراممىلىرى مۇزاكىرە قىلىنىدىكەن ھەمدە مۇھىم قارارلار ئېلىنىدىكەن.

تەپسىلاتى...

د ئۇ ق ئابدۇقادىر جالالىدىننىڭ تۇتقۇن قىلىنغانلىقى ھەققىدە بايانات ئېلان قىلىپ، خىتاينى ئەيىبلىدى

ئەركىن ئاسىيا خەۋىرى
2018 – يىلى  24-ئاپرېل

ئۆتكەن يىگىرمە نەچچە يىل مابەينىدە ئۆزىنىڭ يېقىشلىق يازمىلىرى بىلەن كەڭ ئۇيغۇر ئوقۇرمەنلىرىنىڭ چوڭقۇر ھۆرمىتىگە ئېرىشكەن غوللۇق زىيالىيلاردىن ئابدۇقادىر جالالىدىننىڭ بۇ يىل 29-يانۋاردا تۇتۇپ كېتىلگەنلىكى مەلۇم بولدى. بۇ مۇناسىۋەت بىلەن دۇنيا ئۇيغۇر قۇرۇلتىيى 23-ئاپرېل كۈنى رەسمىي بايانات ئېلان قىلدى ھەمدە خىتاي ھۆكۈمىتىنىڭ يولسىز قىلمىشىنى ئەيىبلىدى.

باياناتتا كۆرسىتىلىشىچە، 2018-يىلى 29-يانۋاردا خىتاي دۆلەت ئامانلىقى ساقچىلىرى ئابدۇقادىر جالالىدىننىڭ ئۆيىنى ئاختۇرغان، ئاندىن ئۇنىڭ بېشىغا قارا خالتا كىيدۈرۈپ ئېلىپ كەتكەن. ئەمما خىتاي دائىرىلىرى ھازىرغا قەدەر ئابدۇقادىر جالالىدىننىڭ «جىنايىتى» ياكى ئۇنىڭ نەدىلىكى ۋە ھازىرقى ئەھۋالى ھەققىدە ھېچقانداق ئۇچۇر بەرمىگەن.

باياناتتا ئابدۇقادىر جالالىدىننىڭ قولغا ئېلىنىشى ئۆتكەن بىرنەچچە يىلدا بىر قاتار ئۇيغۇر زىيالىيلىرىنى ئارقىمۇ-ئارقىدىن قولغا ئېلىش ھەرىكىتىنىڭ بىر قىسمى ئىكەنلىكى ئالاھىدە تەكىتلەنگەن ھەمدە «خىتاي ھۆكۈمىتىنىڭ ئۇيغۇرلارنىڭ سەرخىللىرىنى قولغا ئىلىش قىلمىشلىرى شەرقىي تۈركىستاندا يىگىرمە-ئوتتۇز يىلدىن بۇيان توختاپ قالغان ئەمەس،» دەپ كۆرسىتىلگەن.

ئۆتكەن ھەپتە بۇ ھەقتىكى خەۋەرلەر توغرىلىق سۆز قىلغان د ئۇ ق نىڭ ئالىي رەھبىرى رابىيە قادىر خانىم، بۇنىڭ ھازىرقى ئېغىر سىياسىي ۋەزىيەتتە ھېچقانداق ھەيران قالارلىق ئىش ئەمەسلىكىنى، ئەمما ئابدۇقادىر جالالىدىندەك ئېھتىياتچان بىر ئالىمنىڭمۇ ساق قالمىغانلىقىدىن ئۆزىنىڭ بەكمۇ چۆچۈگەنلىكىنى بىلدۈرگەن ئىدى. ئۇ بۇ ھەقتىكى باياناتىدا «سىياسىيغا ئارىلاشماي تۇرۇپ ئىلىم ساھەسىدە ھەقنى سۆزلىگەنلىكى ھەمدە خەلقنىڭ كۆڭۈل تۆرىدىن ئورۇن ئالغانلىقى ئۈچۈن خەلق سۆيگەن بۇ زىيالىي قاماققا مەھكۇم بولغان،» دەپ كۆرسەتكەن ئىدى.

تەپسىلاتى...

5000 كىشىلىك نامايىشنىڭ تەييارلىقلىرى تاماملاندى

ئەركىن ئاسىيا خەۋىرى
2018 – يىلى  21-ئاپرېل

27-ئاپرېل ياۋروپا ئىتتىپاقى ئالدىدا ئۆتكۈزۈلىدىغان 5000 كىشىلىك نامايىشقا بىر ھەپتە ۋاقىت قالغان. د ئۇ ق بۇ نامايىشنىڭ غەلىبىلىك ئۆتكۈزۈلۈشى ئۈچۈن «5000 كىشىلىك نامايىش تەييارلىق كومىتېتى» ھەمدە «5000 كىشىلىك نامايىش تەشۋىقات گۇرۇپپىسى» نى قۇرۇپ چىققان بولۇپ، قانچە ئونلىغان ئۇيغۇر سىياسىي ئاكتىپلىرى ۋە ئۇيغۇر تەشكىلاتلىرى بۇ نامايىش ئۈچۈن بىرقانچە ئايدىن بۇيان تەييارلىق خىزمەتلىرى بىلەن شۇغۇللانغان. بۇ گۇرۇپپىدىكىلەر يەنە «10 مىڭ كىشىلىك نامسىز مەھبۇسلارنىڭ تىزىملىكىنى توپلاش» پائالىيىتىنىمۇ بىرلىكتە ئېلىپ بارغان.

تەپسىلاتى...

ئاۋسترالىيە ئاخباراتى رابىيە قادىر خانىمنىڭ خىتايغا نارازىلىق بىلدۈرۈپ ئاچلىق ئېلان قىلىدىغانلىقىنى خەۋەر قىلدى

ئەركىن ئاسىيا خەۋىرى
2018 – يىلى  21-ئاپرېل

ئاۋسترالىيە ئاخبارات شىركىتى‏- ئابچ پەيشەنبە كۈنى دۇنيا ئۇيغۇر قۇرۇلتىيى ئالىي رەھبىرى رابىيە قادىر خانىمنىڭ خىتايغا نارازىلىق بىلدۈرۈپ ئاچلىق ئېلان قىلىدىغانلىقىنى خەۋەر قىلدى.

خەۋەردە كۆرسىتىلىشىچە، رابىيە قادىر خانىم خىتاينىڭ ئۇيغۇرلارغا تۇتقان مۇئامىلىسىگە نارازىلىق بىلدۈرۈش ئۈچۈن ئاچلىق ئېلان قىلىشقا تەييارلىق قىلماقتا ئىكەن. ئابچ نىڭ خەۋىرىدە، ئۇنىڭ بۇ قىيىن يولنى تاللاش ئارقىلىق خەلقئارانىڭ دىققىتىنى ئۇيغۇرلارنىڭ تەقدىرىگە قاراتماقچى بولۇۋاتقانلىقىنى بىلدۈرگەن.

رابىيە قادىر خانىم ئابچ نىڭ مۇخبىرىغا بەرگەن باياناتىدا، خىتاي ھۆكۈمىتىنىڭ ئۇنىڭ 37 نەپەر ئائىلە ئەزاسىنى تۇتقۇن قىلغانلىقى، ئۇنى جىمىقتۇرۇش ئۈچۈن ھەممە ۋاسىتىلەرنى ئىشلىتىۋاتقانلىقىنى بىلدۈرۈپ، «يالغۇز مېنىڭ ئائىلە ئەزالىرىمنىلا ئەمەس، بەلكى بىر مىليوندىن ئارتۇق ئۇيغۇرنى ناتسىستلارنىڭ ئۇسۇلىدىكى يىغىۋېلىش لاگېرىدا تۇتۇپ تۇرماقتا» دېگەن. رابىيە قادىر خانىمنىڭ ئاچلىق ئېلان قىلىش پىكىرى ئامېرىكا دۆلەت ئىشلار مىنىستىرلىكىنىڭ دىققىتى خىتاينىڭ ئۇيغۇر رايونىدىكى «يېپىق تەربىيەلەش لاگېرلىر» ئىغا بۇرالغان مەزگىلدە ئېلان قىلىندى.

تەپسىلاتى...

ۋاشىنگتوندىكى خىتاي ئەلچىخانىسى ئالدىدا ياڭرىغان سادالار: «بىز ھەرگىز توختاپ قالمايمىز!»

ئەركىن ئاسىيا خەۋىرى
2018 – يىلى  21-ئاپرېل

ۈگۈن، يەنى پەيشەنبە كۈنى ئەتىگەندە ئامېرىكا پايتەختى ۋاشىنگتوندىكى خىتاي ئەلچىخانىسى ئالدىدا خىتاي ھۆكۈمىتىنىڭ ئۇيغۇر ئېلىدا يۈرگۈزۈۋاتقان ئېغىر بېسىم سىياسەتلىرىگە، «يېپىق تەربىيەلەش لاگېرلىرى» غا نارازىلىق بىلدۈرۈش ئۈچۈن داغدۇغىلىق نامايىش ئۆتكۈزۈلدى.

بۇ نامايىشنى ئامېرىكا ئۇيغۇر بىرلەشمىسى، ئۇيغۇر كىشىلىك ھوقۇق قۇرۇلۇشى، توم لەنتۇس كىشىلىك ھوقۇق ۋە ئادالەت فوندى، خەلقئارا كىشىلىك ھوقۇق ۋە دېموكراتىيە فوندى قاتارلىق ئورۇنلار بىرلىكتە تەشكىللىگەن. نامايىشقا ئامېرىكىدىكى توم لەنتۇس كىشىلىك ھوقۇق فوندىنىڭ رەئىسى كاترىنا توم لەنتۇس خانىم بىلەن دۇنيا ئۇيغۇر قۇرۇلتىيىنىڭ ئالىي رەھبىرى رابىيە قادىر خانىملار يېتەكچىلىك قىلدى. 

تەپسىلاتى...

خەلقئارا كىشىلىك ھوقۇق تەشكىلاتلىرى دولقۇن ئەيسانىڭ ب د ت يىغىنىغا قاتناشتۇرۇلمىغانلىقىنى ئەيىبلىدى

ئەركىن ئاسىيا خەۋىرى
2018 – يىلى  21-ئاپرېل

بەزى خەلقئارا كىشىلىك ھوقۇق تەشكىلاتلىرى ئارقا-ئارىقىدىن بايانات ئېلان قىلىپ، دۇنيا ئۇيغۇر قۇرۇلتىيىنىڭ رەئىسى دولقۇن ئەيسانىڭ نيۇ-يورك شەھىرىدە ب د ت نىڭ يەرلىك مىللەتلەر مەسىلىسى ھەققىدىكى يىغىنىغا قاتناشتۇرۇلمىغانلىقىنى ئەيىبلىدى.

ۋاكالەتسىز مىللەتلەر ۋە خەلقلەر تەشكىلاتىنىڭ باياناتىدا، ئەگەر ب د ت ئۆزىنىڭ كىشىلىك ھوقۇق ۋەدىسى ۋە ئاممىۋى تەشكىلاتلارنىڭ ئىشتىراكىغا جىددىي قارىسا، دولقۇن ئەيسانى يىغىنغا كىرگۈزمەسلىكتەك بۇ ئادالەتسىزلىكنى دەرھال تۈزىتىشى، ئۇنىڭ يىغىنغا قاتنىشىشىغا يول قويۇشى كېرەكلىكىنى تەكىتلىگەن. 

تەپسىلاتى...

دولقۇن ئەيسا: «خىتاي مېنى توسالىسىمۇ، ئەمما ئۇيغۇر داۋاسىنى توسۇپ قالالمايدۇ!»

ئەركىن ئاسىيا خەۋىرى
2018 – يىلى  19-ئاپرېل

«خىتاي ھۆكۈمىتىنىڭ ئۇزاقلارغا سوزۇلغان قولى» ھەققىدىكى خەۋەرلەر يىللاردىن بۇيان ھەرقايسى ئاخبارات ۋاسىتىلىرىدە كۆپلەپ خەۋەر قىلىنىپ كەلمەكتە.

شۇنىڭ بىلەن بىرگە بۇ «ئۇزۇن قول» نىڭ ھەر ۋاقىت مۇھاجىرەتتىكى ئۇيغۇر داۋاسىنىڭ يېتەكچىلىرىنى نىشان قىلىپ كېلىۋاتقانلىقىمۇ كىشىلەرگە پات-پات ئاڭلىنىپ تۇرىدىغان ھېكايىلەردىن بولۇپ كەلگەن ئىدى.

تەپسىلاتى...

دولقۇن ئەيسا ب د ت نىڭ يەرلىك مىللەتلەر يىغىنىغا كىرىشى چەكلىمىگە ئۇچرىدى

شەرقىي تۈركىستان تەشۋىقات مەركىزى خەۋىرى
2018 – يىلى  18-ئاپرېل

دولقۇن ئەيسا، ب د ت نىڭ يەرلىك مىللەتلەر يىغىنىغا كىرىشى چەكلىمىگە ئۇچرىدى

دۇنيا ئۇيغۇر قۇرۇلتىيىنىڭ رەئىسى ۋە ۋاكالەتسىز مىللەتلەر تەشكىلاتىنىڭ مۇئاۋىن رەئىسى دولقۇن ئەيسانىڭ، 16- ئاپرىل دۈشەنبە كۈنى ئامېرىكىدا ئېچىلغان ب د ت نىڭ يەرلىك مىللەتلەر يىغىنىنىڭ ئېچىلىش مۇراسىمىغا كىرىشى چەكلىمىگە ئۇچرىدى.

دۇنيا ئۇيغۇر قۇرۇلتىيىنىڭ رەئىسى ۋە ۋاكالەتسىز مىللەتلەر تەشكىلاتىنىڭ مۇئاۋىن رەئىسى دولقۇن ئەيسا ۋە قۇرۇلتاينىڭ ئىجرائىيە كومىتېتىنىڭ رەئىسى ئۆمەر قانات ب د ت نىڭ يەرلىك مىللەتلەر يىغىنىغا قاتنىشىش ئۈچۈن بارغىنىدا، دولقۇن ئەيسانىڭ يىغىن زالىغا كىرىشى چەكلىمىگە ئۇچرىغان. ئۇلار دولقۇن ئەيسانىڭ كىرىشىنىڭ نېمە ئۈچۈن چەكلەنگەنلىكىنىڭ سەۋەبىنى سورىغىنىدا، يىغىن باشقۇرغۇچىلىرى بىخەتەرلىك ئۈچۈن شۇنداق قىلغانلىقىنى بىلدۈرۈپ تەپسىلىي چۈشەنچە بېرىشتىن ئۆزىنى قاچۇرغان.

تەپسىلاتى...