«سەپداشلار ئۇچرىشىشى» پائالىيىتىدە 1988-يىلىدىكى ئۇيغۇر ئوقۇغۇچىلار نامايىشى ئەسلەپ ئۆتۈلدى

ئەركىن ئاسىيا خەۋىرى
2018 – يىلى  19-ئىيۇن

گېرمانىيەنىڭ ميۇنخېن شەھىرىدە ئۆتكۈزۈلگەن «سەپداشلار ئۇچرىشىشى» پائالىيىتى 17-ئىيۇن كۈنى نەتىجىلىك ئاخىرلاشتى.

دۇنيا ئۇيغۇر قۇرۇلتىيىنىڭ ئورۇنلاشتۇرۇشى بىلەن گېرمانىيەنىڭ ميۇنخېن شەھىرىدە 15-ئىيۇن باشلانغان «سەپداشلار ئۇچرىشىشى» پائالىيىتى 3 كۈن داۋام قىلىپ، 17-ئىيۇن كۈنى ئاخىرلاشتى. 1988-يىلى ئۈرۈمچىدە يۈز بەرگەن ئۇيغۇر ئالىي مەكتەپ ئوقۇغۇچىلىرىنىڭ خىتاينىڭ رايوندىكى مىللىي سىياسىتىگە قارشى نارازىلىق نامايىشىنىڭ 30 يىللىقىنى خاتىرىلەش ۋە خىتاينىڭ ئۇيغۇر ئېلىدىكى «يىغىۋېلىش لاگېرلىرى» ھەققىدە مەخسۇس مۇھاكىمە ئېلىپ بېرىشنى مەقسەت قىلغان بۇ پائالىيەتكە ياۋروپادىكى ھەرقايسى دۆلەتلەر، شىمالىي ئامېرىكا قىتئەسىدىكى ئەللەر ۋە ئاۋسترالىيەدىن كەلگەن بىر قىسىم ئۇيغۇر زىيالىيلىرى قاتناشتى.

تەپسىلاتى...

مايكىل كلارك: «خىتاي ھۆكۈمىتى تېررورلۇق باھانىسىدە ئۇيغۇرلارغا مەدەنىيەت قىرغىنچىلىقى يۈرگۈزمەكتە!»

ئەركىن ئاسىيا خەۋىرى
2018 – يىلى  19-ئىيۇن

يېقىندىن بۇيان غەرب دۇنياسىدىكى ھەرقايسى ئاخبارات ۋاسىتىلىرىدە بىر مىليوندىن ئارتۇق ئۇيغۇرنىڭ «تەربىيەلەش ئارقىلىق ئۆزگەرتىش» كە ئېلىپ كېتىلىشى ھەققىدە ئارقا-ئارقىدىن خەۋەرلەر بېرىلگەندىن كېيىن خەلقئارادا بىر زور غۇلغۇلا قوزغالدى. شۇنىڭ بىلەن بىرگە بۇنىڭغا ئائىت كۆپلىگەن «نېمە ئۈچۈن» دېگەن سوئاللار ئوتتۇرىغا چىقتى. ئاۋسترالىيە دۆلەتلىك ئۇنىۋېرسىتېتنىڭ پروفېسسورى، دوكتور مايكىل كلاركنىڭ ئىمزاسىدا 18-ئىيۇن كۈنى «شەرقىي ئاسىيا مۇنبىرى» دا ئېلان قىلىنغان بۇ ھەقتىكى ماقالىدا بۇ سوئاللارنىڭ بىرىگە جاۋاب بېرىلىدۇ ھەمدە بۇنىڭ تاسادىپىي ئوتتۇرىغا چىقىپ قالغان ھادىسە ئەمەسلىكى تەكىتلىنىدۇ.

تەپسىلاتى...

لاگېرلاردىكى ناچار شارائىتنىڭ ئۆلۈم-يېتىمگە سەۋەب بولۇۋاتقانلىقى ئىلگىرى سۈرۈلمەكتە

ئەركىن ئاسىيا خەۋىرى
2018 – يىلى  19-ئىيۇن

گېرمانىيەدىكى مۇھاجىر ئوسمان تۇرسۇننىڭ خوتەندىكى «يىغىۋېلىش لاگېرى» دىن چەتئەلگە چىقىرىلغان ئوغلى مەمەتتۇرسۇندىن ئاڭلىغانلىرىغا قارىغاندا ۋە قاراقاش ناھىيەلىك چىنىباغ ساقچىخانىسى خادىمىنىڭ دەلىللىشىچە، نۆۋەتتە لاگېرلاردىكى ھاۋانىڭ تىنچىقلىقى ۋە ئوزۇقلۇق يېتىشمەسلىك ئەھۋالى «يىغىۋېلىش لاگېرلىرى» دا تۇتۇپ تۇرۇلۇۋاتقانلارنىڭ كۈندىن-كۈنگە زەئىپلىشىشىگە ۋە نۆۋەتتە لاگېرلاردا ئۆلۈم-يېتىم ۋەقەلىرىنىڭ بارغانسېرى كۆپىيىشىگە ئاساسلىق سەۋەب بولماقتىكەن. 

تەپسىلاتى...

خىتاي ئۇيغۇر ئېلىدە دارىلتاملارنى كۆپلەپ قۇرماقتا

ئەركىن ئاسىيا خەۋىرى
2018 – يىلى  19-ئىيۇن

ئىنكاسلاردىن ئۇيغۇر ئېلىدىكى «يېپىق تەربىيەلەش مەركەزلىرى» دە ئائىلە بويىچە تۇتقۇن قىلىنىپ قاماپ قويۇلغان ئۇيغۇرلارنىڭمۇ بارلىقى كۆپلەپ مەلۇم قىلىنماقتا.

يېقىندىن بۇيان چەتئەللەردىكى بىر قىسىم ئۇيغۇرلار، ئۆزىنىڭ يۇرتتىكى ئاتا-ئانىسى ۋە قېرىنداشلىرىدىن تارتىپ «تەربىيەلەش» كە ئېلىپ كېتىلگەنلىكىنى، ئۇلارنىڭ ئىگە-چاقىسىز قالغان نارەسىدە بالىلىرىنىڭ بولسا خەۋىرىنى ئالالمىغانلىقىنى شۇنداقلا بۇ بالىلارنىڭ ئاقىۋىتىدىن ئەندىشىلىنىۋاتقانلىقىنى ئىنكاس قىلماقتا ئىدى. بۇ ھەقتىكى ئېنىقلاشلىرىمىز داۋامىدا، لاگېرغا ئېلىپ كېتىلگەنلەر ئايلاپ قويۇپ بېرىلمەيۋاتقان بۇ ئەھۋالدا قارانچۇقسىز ۋە ھىمايىسىز قالغان بالىلارنىڭ كۆپىيىۋاتقانلىقى، بۇ قارانچۇقسىز قالغان بالىلارنىڭ نۆۋەتتە مەھەللە كومىتېتلىرى تەرىپىدىن جايلاردىكى يېتىم-يېسىرلار پاراۋانلىق ئورنىغا، يەنى دارىلئېتاملارغا ئاپىرىپ بېرىلىۋاتقانلىقى دەلىللەنگەن ئىدى.

تەپسىلاتى...

ئامېرىكا دىپلوماتلىرى د ئۇ ق رەئىسى دولقۇن ئەيسانىڭ ئانىسىنىڭ ۋاپاتىغا تەزىيە بىلدۈردى

ئەركىن ئاسىيا خەۋىرى
2018 – يىلى  19-ئىيۇن

ئامېرىكا دۆلەت ئىشلىرى مىنىستىرلىقى دېموكراتىيە ئىشلىرىغا مەسئۇل باش ئەلچىسى مايكېل كوزاك بىلەن دىنىي ئەركىنلىك ئىشلىرىغا مەسئۇل باش ئەلچىسى سام بروۋنبەك ئۆتكەن جۈمە كۈنى دولقۇن ئەيساغا مەكتۇپ يوللاپ، ئۇنىڭ ئانىسى ئايخان مەمەتتىن ئايرىلىپ قالغانلىقىغا «سەمىمىي تەزىيەلىرى» نى بىلدۈرگەن.

تەپسىلاتى...

ئامېرىكىدىكى ئۇيغۇر تەشكىلاتى ئاق ساراينىڭ ئالدىدا يىغىلىش ئۆتكۈزۈپ، لاگېردىكى ئۇيغۇرلارنى قويۇپ بېرىشنى تەلەپ قىلىدۇ

ئەركىن ئاسىيا خەۋىرى
2018 – يىلى  19-ئىيۇن

ئامېرىكا ئۇيغۇر بىرلەشمىسى ۋە ئۇيغۇر كىشىلىك ھوقۇق قۇرۇلۇشى ئاق ساراينىڭ ئالدىدا شام يېقىپ، يىغىۋېلىش لاگېرلىرىدىكى ئۇيغۇرلارنى قويۇپ بېرىشنى تەلەپ قىلىدىغانلىقىنى ئېلان قىلدى.

ئامېرىكىدىكى مەزكۇر ئىككى ئۇيغۇر تەشكىلاتى دۈشەنبە كۈنى ئېلان قىلغان باياناتىدا، ئامېرىكىدىكى ئۇيغۇرلارنى 22-ئىيۇن جۈمە كۈنى كەچ سائەت 7:30 دە ئاق ساراينىڭ ئالدىدىكى لافايېت باغچىسىدا ئۆتكۈزۈلىدىغان مەزكۇر پائالىيەتكە قاتنىشىشقا چاقىردى.

تەپسىلاتى...

گېرمانىيەدە «سەپداشلار ئۇچرىشىشى» پائالىيىتى باشلاندى

ئەركىن ئاسىيا خەۋىرى
2018 – يىلى  16-ئىيۇن

15-ئىيۇن كۈنى، يەنى مۇبارەك روزا ھېيتنىڭ بىرىنچى كۈنى ياۋروپا، شىمالىي ئامېرىكا، ئاۋسترالىيە قاتارلىق قىتئەلەردىن گېرمانىيەنىڭ ميۇنخېن شەھىرىگە يېتىپ كەلگەن بىرقىسىم ئۇيغۇر زىيالىيلىرىنىڭ د ئۇ ق تەرىپىدىن ئۇيۇشتۇرۇلغان «سەپداشلار ئۇچرىشىشى» پائالىيىتى مول مەزمۇنلۇق تېمىلار ئاستىدا باشلاندى.

مەلۇم بولۇشىچە، «سەپداشلار ئۇچرىشىشى» پائالىيىتى 1988-يىلى ئۈرۈمچىدە يۈز بەرگەن ئالىي مەكتەپ ئوقۇغۇچىلىرىنىڭ مىللىي كەمسىتىشكە قارشى ئېلىپ بارغان نامايىشىنىڭ 30 يىللىقىنى خاتىرىلەش مۇناسىۋىتى بىلەن د ئۇ ق تەرىپىدىن تەشكىللەنگەن بولۇپ، بۇ پائالىيەتكە ئەينى زاماندىكى ئوقۇغۇچىلار ھەرىكىتىگە شاھىت بولغان ھەرقايسى دۆلەتلەردىكى بىرقىسىم ئۇيغۇر زىيالىيلىرى تەكلىپ قىلىنغان. 14-ئىيۇن كۈنى ئامېرىكا، كانادا، ئاۋسترالىيەدە ۋە ياۋروپانىڭ ھەرقايسى جايلىرىدىكى دۆلەتلەردە ياشاۋاتقان بىر بۆلۈك ئۇيغۇر زىيالىيلىرى ميۇنخېن شەھىرىگە جەم بولغان.

تەپسىلاتى...

دۇنيا ئۇيغۇر قۇرۇلتىيى 15-ئىيۇن كۈنى ئۈچ مۇھىم بايانات ئېلان قىلدى

ئەركىن ئاسىيا خەۋىرى
2018 – يىلى  16-ئىيۇن

بۈگۈن، يەنى 15-ئىيۇن كۈنى باش شتابى ميۇخېندىكى دۇنيا ئۇيغۇر قۇرۇلتىيى ئارقا-ئارقىدىن ئۈچ پارچە مۇھىم بايانات ئېلان قىلدى.

د ئۇ ق نىڭ بۈگۈن، يەنى بۇ يىللىق روزى ھېيت كۈنىدە ئېلان قىلغان ئۈچ پارچە باياناتىنىڭ بىرى «15-ئىيۇن خەلقئارا ئۇيغۇر ئانا تىلى كۈنى» گە؛ ئىككىنچىسى بۇنىڭدىن 30 يىل ئىلگىرى، يەنى 1988-يىلى ئۇيغۇر ئالىي مەكتەپ ئوقۇغۇچىلىرىنىڭ ئۈرۈمچىدە ئېلىپ بارغان مىللىي كەمسىتىلىشكە قارشى نامايىشىغا؛ ئۈچىنچىسى ئۇيغۇر دىيارىدىكى دىنىي ئەركىنلىك مەسىلىسىگە بېغىشلاندى. 

تەپسىلاتى...

نورۋېگىيەدىكى سامىلار پارلامېنتىنىڭ رەئىسى ئۇيغۇر ۋەكىللىرىنى قوبۇل قىلدى

ئەركىن ئاسىيا خەۋىرى
2018 – يىلى  16-ئىيۇن

ورۋېگىيەدىكى سامىلار پارلامېنتىنىڭ رەئىسى ئۇيغۇر ۋەكىللىرىنى قوبۇل قىلدى ۋە ئۇلارنىڭ شەرىپىگە زىياپەت بەردى.

نورۋېگىيە ئۇيغۇر كومىتېتىنىڭ تەشكىللىشى بىلەن 4 كىشىلىك بىر ھەيئەت 12-ئىيۇندىن باشلاپ نورۋېگىيەنىڭ شىمالىدىكى يەرلىك مىللەت سامىلار رايونىدا ۋە ئۇلارنىڭ پارلامېنتىدا 3 كۈنلۈك زىيارىتىنى باشلىغان ئىدى. 13-ئىيۇن كۈنى سامىلار پارلامېنتىنىڭ رەئىسى ئائىلى كېسكىتالو خانىم ئۇيغۇر ۋەكىللىرىنى قوبۇل قىلىپ سۆھبەت ئۆتكۈزگەن ۋە ئۇيغۇر ۋەكىللىرىنىڭ شەرىپىگە زىياپەت بەرگەن. 

تەپسىلاتى...

«يېپىق تەربىيە» باشلانغاندىن بۇيان قاراقاشتا ئىككى كەنتتىن 26 ئادەم لاگېردا جان ئۈزگەن

ئەركىن ئاسىيا خەۋىرى
2018 – يىلى  16-ئىيۇن

مۇخبىرىمىزنىڭ خوتەن قاراقاشتىكى «يىغىۋېلىش لاگېرلىرى» ھەققىدە ئەھۋال ئىگىلەشلىرى داۋامىدا ئۇيغۇر دىيارىدا «يېپىق تەربىيە» دولقۇنى قوزغالغاندىن بۇيان قاراقاش بازىرىنىڭ چىنىباغ ساقچىخانىسىغا تەۋە ئىككى كەنتتىنلا 26 كىشىنىڭ لاگېردا جان ئۈزگەنلىكى ئاشكارىلاندى.

بەيدۇ ئۇچۇر ئامبىرىدا كۆرسىتىلىشىچە، قاراقاش ناھىيەسىنىڭ ئومۇمىي نوپۇسى 530110 ئىكەن. قاراقاش بازىرىنىڭ ئومۇمىي نوپۇسى بولسا 34446 ئىكەن. قاراقاش چىنىباغ ساقچىخانىسىنىڭ بىر خادىمىنىڭ بايان قىلىشىچە، مەزكۇر ساقچىخانىغا قاراقاش بازىرىدىكى 24 كەنتتىن 11 كەنت ۋە ئىككى ئاھالىلەر كومېتىتىتى قاراشلىق ئىكەن. بۇنىڭ ئىچىدە يېڭىشەھەر كەنتىنىڭ ئومۇمى نوپۇسى 1700 نەچچە بولۇپ، بۇنىڭ 40 پىرسەنتى نۆۋەتتە «يىغىۋېلىش لاگېرى» دا ئىكەن.

تەپسىلاتى...